Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - понедѣльникъ, 21 августа 2017 г. Сейчасъ на порталѣ посѣтителей - 15.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-УЧИТЕЛЬНАЯ ЛИТЕРАТУРА

КНИГА, ГЛАГОЛЕМАЯ «ЗЛАТОУСТЪ»,
Въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́.

Сло́во 12.
Въ четверто́къ 1-я недѣ́ли поста́, на слова́ изъ кни́ги проро́ка Агге́я: «Мое́ зла́то, и Мое́ е́сть сребро́».

Глаго́лютъ, е́сть напи́сано: ему́же хощу́ да́мъ. Се́ е́сть безу́мныхъ и златолюби́выхъ сло́во. Аще кто́ отъ ра́ти, или́ отъ разбо́я, и отъ татьбы́ и отъ непра́вды и грабле́нія, мзды́, и рѣзоима́нія, и отъ наси́лія собра́ бога́тство, ка́ко мо́жетъ рещи́, я́ко о́тъ Бога прія́хъ? Но то́ лука́вое собра́ніе е́сть на па́губу души́. Но а́ще кто́ отъ пра́выя жи́зни обогатѣ́лъ е́сть, я́коже Іовъ, и Авра́амъ, и про́чіи отъ своего́ труда́, мо́гутъ со Іовомъ рещи́: Госпо́дь да́лъ е́сть. Все́ бо имѣ́ніе непра́вое извѣ́ется, собира́яй бо о́ное, ины́мъ собира́етъ, а не себѣ́. Добро́ е́сть бога́тство, въ не́мъ же грѣха́ нѣ́сть. Рече́ Госпо́дь: Азъ е́смь любя́й пра́вду, и ненави́дяй грабле́нія и непра́вды. Аще ли Бо́гъ пра́вда, то не имѣ́йте непра́вды, и да не бу́детъ ти́ отъ чужди́хъ имѣ́ніе. Аще ти́ нѣ́сть отъ сле́зъ бога́тство, и а́ще нѣ́сть никто́ при твое́й сы́тости взалка́лъ, а́ще нѣ́сть никто́ при твое́мъ оби́ліи постона́лъ, то́ Бо́жій е́сть хлѣ́бъ, таковы́й пра́веденъ е́сть пло́дъ и ми́ренъ кла́съ. Аще кто́ пра́вое раздае́тъ имѣ́ніе не иму́щимъ, то́й пріи́метъ стокра́тное воздая́ніе о́тъ Бога. Аще же оста́витъ за собо́ю, то́ въ му́ку осу́дится. Ему́ же отъ того́ нѣ́сть ничто́ же бла́га, я́вѣ о нѣ́мъ спасе́нію вину́, своя́ труды́ оста́вивъ, а са́мъ себѣ́ окая́нный ничто́ же помо́же. До́брѣ Соломо́нъ рече́: я́ко непра́вдою имѣ́ніе собира́яй, и не ми́лующій убо́гія, себѣ́ му́ку вѣ́чную наси́лія ра́ди собира́етъ. Не ми́луя убо́гія, себѣ́ му́ку, а ино́му отда́ніе. Да что́ рече́: мно́зи наси́луютъ и не пріе́млютъ та́ко? Аще же гра́бя о́нъ гра́билъ е́сть, а ты́ держи́ши? Онъ непра́вдою собра́, а ты́ пита́ешися? Онъ грѣхи́ собра́лъ е́сть, гнѣ́въ и я́рость, а ты́ грѣху́ его́ и гнѣ́ву причасти́вся, злѣ́ осу́дишися. Да а́ще вѣ́си оби́дѣнное что́, то́ отда́й, и сотвори́ е́же Закхе́й сотвори́лъ, съ приложе́ніемъ своего́ имѣ́нія, да ты́ мзду́ пріи́меши, а о́нъ муче́ніе. Не смѣша́й своего́ бога́тства съ чужи́ми слеза́ми, отъ ни́хъ же я́ко отъ ржи́ и мо́ли изъя́стся. Рыда́йте у́бо, рече́, оби́диміи, не себе́, но оби́дѣвшихъ ва́съ: не ва́съ бо вреди́ша, но себе́ погуби́ша. Да вы́ у́бо и́мате въ оби́ды мѣ́сто Ца́рство небе́сное, а они́ въ коры́сти мѣ́сто родство́ о́гненное. Якоже проро́цы пла́каша, реку́ще: го́ре приближа́ющимъ село́ къ селу́, и до́мъ къ до́му прилага́ющимъ, и до́мы своя́ зи́ждущимъ безъ пра́вды. Да ка́ко рече́те: бога́тство и нищета́ отъ Бо́га е́сть? Ви́димъ бо нѣ́кія обогати́вшіяся отъ грабле́нія, и отъ чаро́въ, и отъ оби́дъ, и татьбы́ и покле́па, и запрѣ́нія чужа́го имѣ́нія. Да ка́ко у́бо рече́тъ: се́ отъ Бо́га е́сть бога́тство, а не отъ грѣха́? И блудни́ца бо тѣ́ло си́ обруга́вши обогатѣ́етъ, и кра́сный ю́ноша мно́гажды блудя́ обогатѣ́етъ: еда́ се́ отъ Бо́га е́сть бога́тство, я́коже Авраа́мле, и Исаа́ково, и Іа́ковле, и Іовле? Тѣ́мъ же и глаго́лаше: а́ще блага́я отъ руки́ Госпо́дни прія́хомъ, то злы́хъ ли не терпи́мъ? И нищета́ па́ки я́же отъ Бо́га, я́коже бога́тому глаго́ля: а́ще хо́щеши бы́ти соверше́нъ, разда́й имѣ́ніе свое́ ни́щимъ. Еже пра́ведніи а́ки о́тъ Бога пріе́мше, то́ на Бо́жія за́повѣди раздаю́тъ, а е́же бога́тіи съ блудники́ и пія́ницами теря́ютъ, или́ храня́тъ, а убо́гимъ ничто́ же подаю́ще, тѣ́хъ собра́ніе въ ме́рзость Бо́гови, та́ко же и теря́ніе. Разумѣ́йте у́бо нищету́, не отъ Бо́га су́щую: а́ще кто́ на питіе́, или́ на разли́чныя я́ди, и въ блудѣ́, и въ безу́міи, и во игра́хъ теря́я, бу́детъ ни́щъ, то́ не я́вѣ ли, я́ко са́мъ пови́ненъ е́сть своея́ нищеты́? Никто́ не глаго́ли, я́ко вся́ку нищету́, и вся́ко бога́тство Бо́гъ дае́тъ.

Вопро́съ: Ка́мо е́сть поле́знѣе приноси́ти имѣ́нія: къ Це́ркви, или́ ни́щимъ?

Отвѣ́тъ: Госпо́дь хва́литъ одесну́ю себе́ стоя́щія, глаго́ля: пріиди́те, благослове́нніи Отца́ Моего́. И ничто́ же ино́го не помяну́въ, но то́кмо е́же ни́щимъ, и стра́ннымъ и наги́мъ, и темни́чникомъ дая́ніе. Но оба́че а́ще су́ть нѣ́кія Це́ркви ску́дны, то́ поле́зно е́сть и о́нѣмъ дая́ти. А е́же въ бога́тыя Це́ркви приноси́ти, ка́я по́льза е́сть? Во мно́гихъ бо Це́рквахъ со́бранное, или́ отъ та́тей укра́дено, или́ отъ ра́тникъ, или́ огне́мъ сгорѣ́. Еже Це́ркви утворя́ти, никому́ же запрещено́, а е́же убо́гихъ не ми́ловати, родство́ о́гненное обѣща́но и о́гнь негаси́мый, и съ бѣсы́ му́ка. Утворя́й Це́ркви, ску́дныхъ не презря́, и убо́гихъ ми́луя: се́ бо е́сть о́наго хра́ма и́стовѣе. Въ Це́рквахъ бо и невѣ́рніи, и убíйцы возмо́гутъ взя́ти, а е́же а́лчному и наго́му сотвори́ти ми́лостыни, ни діа́волъ сего́ мо́жетъ укра́сти, но въ некра́домѣ мѣ́стѣ сіе́ бога́тство полага́ется. Вели́кій Васи́лій рече́: си́ленъ е́сть Бо́гъ пита́ти рабы́ Своя́, но на́мъ на спасе́ніе да́лъ е́сть. По дая́нію ва́шему, рече́, возда́мъ ва́мъ. Почти́лъ ли еси́ святи́теля, или́ убо́гаго накорми́лъ еси́, то́ Бо́га почти́лъ еси́, ре́кшаго: сотвори́те себѣ́ дру́ги отъ мамо́на непра́веднаго. И ели́ка, рече́: сотвори́сте отъ си́хъ ме́ньшихъ бра́тій Мои́хъ, то́ Мнѣ́ сотвори́сте. Бо́гу на́шему сла́ва, ны́нѣ и при́сно и во́ вѣки вѣко́мъ, ами́нь.

Источникъ: Кни́га, глаго́лемая «Златоу́стъ», въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́. — М.: При Свя́то-Тро́ицко-Введе́нской це́ркви, въ тѵпогра́фіи единовѣ́рцевъ, 1910. — Л. 27 об. – 29 об.

/ Къ оглавленію раздѣла /


Наверхъ / Къ титульной страницѣ

0