Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - суббота, 18 ноября 2017 г. Сейчасъ на порталѣ посѣтителей - 28.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

ТРІОДІОНЪ, СІЕСТЬ ТРИПѢСНЕЦЪ,
Съ Бо́гомъ Святы́мъ, обдержа́й подоба́ющее ему́ послѣ́дованіе.

Слу́жба въ четверто́къ сы́рныя седми́цы.

ВЪ СРЕДУ ВЕЧЕРА,
На Го́споди воззва́хъ.., стихи́ры, я́ко обы́чно. Сла́ва, и ны́нѣ, богоро́диченъ.

Проро́чества Іо́илева чте́ніе. [Глава́ 3.]

Та́ко глаго́летъ Госпо́дь: да воста́нутъ и взы́дутъ вси́ язы́цы на юдо́ль Іосафа́тову, я́ко та́мо ся́ду разсуди́ти вся́ язы́ки я́же о́крестъ. Испусти́те серпы́, я́ко предстои́тъ обыма́ніе виногра́да; вни́дите, топчи́те, я́ко испо́лнь точи́ло, излива́ются подточи́лія, я́ко умно́жишася зло́бы и́хъ. Гла́си прогласи́шася на по́ли суде́бнѣмъ, я́ко бли́зъ де́нь Госпо́день на юдо́ли суде́бнѣй. Со́лнце и луна́ поме́ркнутъ и звѣ́зды скры́ютъ свѣ́тъ сво́й. Госпо́дь же отъ Сіо́на воззове́тъ и отъ Іерусали́ма да́стъ гла́съ Сво́й, и потрясе́тся не́бо и земля́, Госпо́дь же пощади́тъ лю́ди Своя́ и укрѣпи́тъ (Госпо́дь) сы́ны Изра́илевы. И увѣ́сте, я́ко Азъ — Госпо́дь Бо́гъ ва́шъ, вселя́яся въ Сіо́нѣ, въ горѣ́ Мое́й святѣ́й, и бу́детъ Іерусали́мъ свя́тъ, и иноплеме́нницы не про́йдутъ сквозѣ́ его́ ктому́. И бу́детъ въ то́й де́нь: иска́плютъ го́ры сла́дость, и хо́лми источа́тъ млеко́, и вси́ исто́чницы Іу́дины источа́тъ во́ды, и исто́чникъ отъ до́му Госпо́дня изы́детъ, и напои́тъ водоте́чь си́тія [1]. Еги́петъ въ поги́бель бу́детъ и Идуме́я въ по́ле поги́бели бу́детъ, за озлобле́ніе сыно́въ Іу́диныхъ, поне́же пролія́ша кро́вь пра́ведную на земли́ свое́й. Іуде́я же во вѣ́ки насели́тся и Іерусали́мъ въ ро́ды родо́въ. И взыщу́ кро́ви и́хъ и не обезвиню́, и Госпо́дь всели́тся въ Сіо́нѣ.

Проки́менъ, гла́съ 6: Да упова́етъ Изра́иль на Го́спода* отъ ны́нѣ и до вѣ́ка. Сти́хъ: Го́споди, не вознесе́ся се́рдце мое́, ниже́ вознесо́стѣся о́чи мои́.

И Сподо́би, Го́споди...

На стихо́внѣ самогла́сенъ дне́, гла́съ 3:

Возсія́ весна́ по́стная, цвѣ́тъ покая́нія, очи́стимъ у́бо себе́, бра́тіе, отъ вся́кія скве́рны, Свѣтода́вцу пою́ще, рце́мъ: сла́ва Тебѣ́, еди́не Человѣколю́бче.

Сти́хъ же глаго́лемъ: Къ Тебѣ́ возведо́хъ...

И повторя́емъ самогла́сенъ.

Та́же сти́хъ: Поми́луй на́съ, Го́споди...

И му́чениченъ: Му́ченицы Твои́, Го́споди, вѣ́рою утве́рждшеся, упова́ніемъ извѣсти́вшеся, любо́вію Креста́ Твоего́ душе́вно соедини́вшеся, вра́жіе мучи́тельство разруши́ша и улучи́вше вѣнцы́, со безпло́тными мо́лятся о душа́хъ на́шихъ.

Сла́ва, и ны́нѣ, богоро́диченъ:

Первосвята́я Чи́стая, похвала́ су́щи небе́сныхъ чино́въ, апо́столовъ пѣ́ніе, проро́ковъ сбытіе́, Влады́чице, пріими́ моли́твы на́ша.

Ны́нѣ отпуща́еши... По трисвято́мъ: Тропа́рь свято́му. Сла́ва, и ны́нѣ, богоро́диченъ его́. Аще нѣ́сть, тогда́ тропа́рь дне́. Сла́ва, и ны́нѣ, богоро́диченъ, по гла́су тропаря́. Ектенія́: Поми́луй на́съ, Бо́же... Покло́ны 3 вели́кія. Бу́ди и́мя Госпо́дне... Благословлю́ Го́спода... Досто́йно е́сть... И отпу́стъ. И исхожде́ніе въ притво́ръ. И быва́етъ обы́чная литíя о усо́пшихъ.

[Зри́:] Разу́мно же да бу́детъ, я́ко въ Палести́нѣ, е́же е́сть во Іерусали́мской странѣ́, не прія́хомъ отъ святы́хъ оте́цъ сотворя́ти соверше́нныя Литургíи въ сре́ду и въ пято́къ сы́рныя недѣ́ли, ниже́ Преждесвяще́нныя. Въ та́ бо два́ дни́ пое́мъ Аллилу́ія... съ покло́ны ве́черъ и у́тро, я́коже вы́ше рече́ся.

По вече́рни же, въ си́хъ дву́ дне́хъ, яди́мъ сы́ръ и я́ица, соблюда́юще и пра́вило во святы́хъ отца́ на́шего Ники́фора, патріа́рха Константинопо́льскаго, Исповѣ́дника, глаго́люща: Подоба́етъ пости́тися мона́хомъ въ сре́ду и пято́къ сыроя́стный. Отвраща́етъ же сіе́ пра́вило преда́ніе Іакови́тское и тетради́тскую е́ресь.

[Зри́:] Въ сре́ду сы́рную ве́черъ. Повече́ріе пое́мъ ма́лое. И пое́мъ кано́нъ, и́же въ мине́и на ряду́, въ суббо́ту хотя́щаго прилучи́тися свята́го.


ВЪ ЧЕТВЕРТОКЪ НА УТРЕНИ,
По 1-мъ стихосло́віи сѣда́льны осмогла́сника, апо́стольскія.

По 2-мъ стихосло́віи сѣда́ленъ тріо́ди, гла́съ 5. Подо́бенъ: Собезнача́льное Сло́во.

Четыредеся́тницу и предочисти́тельницу апо́столи вси́ дне́сь вѣнча́ютъ, и по́стное вре́мя освяща́ютъ у Христа́ Изба́вителя, и Воскресе́ніе Его́ предвозвѣща́ютъ всѣ́мъ, и мо́лятся Го́сподеви, поми́ловатися душа́мъ на́шимъ.

Сла́ва, то́йже. И ны́нѣ, богоро́диченъ, подо́бенъ:

Въ Тебѣ́ наде́жды, Дѣ́во Чи́стая, несумнѣ́нно иму́щимъ, покро́въ су́щи, отъ разли́чныхъ искуше́ній, и обстоя́ній, и бѣ́дъ лю́тыхъ свободи́ я́, моля́щи Сы́на Твоего́ со апо́столы Его́, и спаси́ вся́, воспѣва́ющія Тя́.

Та́же чте́мъ сло́во свята́го Анаста́сія, игу́мена Сина́йскія горы́, и псало́мъ 50-й.

Кано́ны же пое́мъ осмогла́сника и мине́и. А въ ни́хже пѣ́снехъ пое́мъ трипѣ́снцы, оставля́емъ таковы́я пѣ́сни осмогла́сника.

Трипѣ́снецъ. Творе́ніе господи́на Іо́сифа, гла́съ 4.

Пѣ́снь 4.

Ирмо́съ: Услы́ша проро́къ [прише́ствіе Твое́, Го́споди, и убоя́хся, разумѣ́въ дѣла́ Твоя́ и ужасо́хся: сла́ва си́лѣ Твое́й, сла́ва, Христе́, снизхожде́нію Твоему́]. [2]

Просія́ша въ мíрѣ зарю́ богоразу́мія ученицы́ Твои́, Го́споди, и пре́лесть помрачи́ша прельще́нія, разо́рше омраче́ніе. Тѣ́хъ моли́твами, Ще́дре, спаси́ пою́щія Тя́.

Преддве́рія поста́, подвиго́въ благопло́діи вѣнча́нная пріе́млютъ притека́ющихъ тре́звенно пѣ́сньми и пѣ́ніи та́инственными, тща́тельно, вѣ́рніи, вси́ стеце́мся.

Умерщвле́нія ри́зы пріе́мъ, въ де́рзость невоздержа́нія облеко́хся окая́нный, но Ты́ мя́ облецы́, Сы́не Бо́жій, оде́ждею свѣ́тлою отрожде́нія.

Житіе́ мое́ лука́вствомъ и вся́кою нечистото́ю сконча́ся, но къ Тебѣ́, Всеще́дрому, прибѣга́ю, предвари́въ у́бо, спаси́ мя́, Христе́ Бо́же, Твое́ю бла́гостію.

Богоро́диченъ: Зачала́ еси́ па́че сло́ва, и родила́ еси́ па́че естества́, Богороди́тельнице, Влады́чествующаго тва́рію. Его́же непреста́нно моли́ изба́витися на́мъ отъ вся́каго гнѣ́ва, Тебе́ ублажа́ющимъ.

Иный. Гла́съ 2.

Ирмо́съ: Прише́лъ еси́ отъ Дѣ́вы [не хода́тай, ни а́нгелъ, но Са́мъ Го́споди вопло́щся, и спа́слъ еси́ всего́ мя человѣ́ка; тѣ́мъ зову́ ти́: сла́ва си́лѣ Твое́й, Го́споди].

Расточи́вше невоздержа́нія мглу́, апо́столи, уче́ній ва́шихъ сія́ньми, просвѣти́сте воздержа́ніемъ вся́ грѣ́шныя и пра́ведныя, я́ко всехва́льніи.

Якоже я́сніи би́серіе Сло́ва, апо́столи, вся́ украси́сте воздержа́ніемъ концы́, и удоботвори́вше ду́шъ на́шихъ вои́стинну ны́нѣ благоро́діе.

Пе́щь страсте́й росо́ю поста́, апо́столи, увяди́вше, вся́ человѣ́ки научи́сте гра́дъ се́й некра́домый и жили́ще имѣ́ти освяще́нія.

Сла́ва: Согрѣши́хъ па́че всѣ́хъ человѣ́ковъ, окая́нный, и не пока́яхся, я́ко Манассíя согрѣши́хъ. Нра́вы покая́нія ми́ сотвори́, Го́споди, пре́жде да́же не разрѣши́тъ мя́ сме́рть.

Богоро́диченъ: Тебе́ приста́нище спасе́нія и стѣ́ну неруши́мую, Богоро́дице Влады́чице, вси́ вѣ́рніи вѣ́мы. Ты́ бо моли́твами Твои́ми отъ бѣ́дъ свобожда́еши ду́ши на́ша.

Та́же, ирмо́съ: Прише́лъ еси́ отъ Дѣ́вы не хода́тай, ни а́нгелъ, но Са́мъ Го́споди вопло́щся, и спа́слъ еси́ всего́ мя человѣ́ка; тѣ́мъ зову́ ти́: сла́ва си́лѣ Твое́й, Го́споди.

Пѣ́снь 8.

Ирмо́съ: Вся́ческая, Влады́ко, [прему́дростію Твое́ю соста́вилъ еси́, земли́ же па́ки утверди́лъ еси́, я́коже вѣ́си, дно́, основа́ніемъ водрузи́вый на вода́хъ безмѣ́рныхъ. Тѣ́мъ вси́ вопіе́мъ, воспѣва́юще: благослови́те, дѣла́ Госпо́дня, непреста́нно Го́спода].

Земля́ вся́, Го́споди, Твоего́ хвале́нія испо́лнися: всю́ бо обтече́ боже́ственныхъ учени́къ Твои́хъ вѣща́ніе боже́ственное, изъ глубины́ невѣ́дѣнія обраща́ющее къ ра́зуму, пою́щую: благослови́те, дѣла́ Госпо́дня, Го́спода.

Благода́ть Боже́ственная покая́нія яви́ся, спасе́ніе нося́щи, сея́ наслажда́ющимся, побѣ́дъ и по́двиговъ, по́товъ и болѣ́зней. Тѣ́мже тецы́, душе́ моя́, ко Влады́цѣ твоему́, мно́гихъ твои́хъ прегрѣше́ній и́щущи прія́ти проще́ніе.

По́прище отве́рзеся богода́ннаго воздержа́нія, свѣ́тло усря́щемъ, тре́бующіи, ми́лости: жа́ждетъ бо Благоутро́бный на́шего спасе́нія, и е́же да́ти проще́ніе простира́ется, и́щущимъ Его́ усе́рдно и любо́вію рабо́тающимъ.

Посто́мъ заусти́ся, ми́рствующею мы́слію, напита́й же, душе́, Го́спода благодѣя́ніемъ добродѣ́тели, бра́шна, я́ко благово́нныя же́ртвы, принося́щи Сему́, и взыва́ющи: дѣла́, благослови́те непреста́нно Го́спода.

Богоро́диченъ: Всѣ́ми Влады́чествующая, мольбы́ пріе́млющи, Влады́чице, рабо́въ Твои́хъ, Свята́я Богоро́дице, тмы́ мя́ изба́ви и огня́ негаси́маго, зо́лъ мои́хъ мно́жества очища́ющи Твои́мъ хода́тайствомъ и еди́ною боже́ственною Твое́ю моли́твою.

Иный.

Ирмо́съ: Устраши́ся отроко́въ [бла́гочести́выхъ сообра́знаго души́ нескве́рнаго тѣ́ла и устрани́ся воспита́нный въ безмѣ́рномъ веществѣ́ неутружде́нъ о́гнь: присноживу́щу же изувя́дшу пла́меню вѣ́чнующая пѣ́снь воспѣва́шеся: Го́спода вся дѣла́ по́йте, и превозноси́те во вся́ вѣ́ки].

Ва́съ, я́коже свѣ́тъ, Христо́съ въ концы́ всея́ вселе́нныя апо́столы да́вый, — ше́дше, — рече́, — научи́те во язы́цѣхъ, да въ пло́ти Мя́ су́ща уви́дите воздержа́ніемъ живу́ща, и вра́жію всю́ си́лу попира́юща, и пу́ть человѣ́комъ явля́юща пра́вый.

Яви́лъ еси́ гряду́щее, Христе́, воздержа́ніе, во очище́ніе человѣ́комъ, страсте́й же отлуче́ніе. Си́мъ бо Твои́ апо́столи благоугоди́ша и свѣ́тліи свѣти́льницы на земли́ яви́шася, проповѣ́дающе Го́спода въ Тре́хъ Ли́цѣхъ, во Еди́номъ же Существѣ́, всѣ́мъ воспѣва́ющимъ Его́.

Язы́комъ проповѣ́дницы вы́ по́слани бы́сте отъ Учи́теля Христа́, о ученицы́, уче́ньми боже́ственными просвѣща́ти и́хъ помышле́нія, страсте́й же и бра́шенъ удержава́тися, жела́ти же воздержа́нія, и Го́спода зна́ти Сего́, и Созда́теля, и Творца́ всѣ́хъ и Благодѣ́теля.

Благослови́мъ Отца́, и Сы́на, и Свята́го Ду́ха, Го́спода.

Якоже иногда́ Ка́инъ убíйца, не принесо́хъ души́ моея́ же́ртву непоро́чную, Христе́, нечи́стымъ ра́зумомъ содержи́мь. Не возгнуша́йся мене́, приходя́ща къ Тебѣ́ посто́мъ, Спа́се Преблагíй, но при́зри на да́ры, я́же любо́вію несу́ Тебѣ́, Бо́же мо́й, во вре́мя поще́нія.

Богоро́диченъ: Блаже́нное бы́сть чре́во Богома́тере, я́ко пріи́мшее Сло́во, дебельство́мъ пло́ти отъ Нея́ смѣси́вшееся человѣ́ческому зра́ку, по ѵпоста́си, и яви́ся гра́дъ Бо́жій, въ не́мже жи́ти Вы́шній благоволи́ и Госпо́дь Бо́гъ. Тѣ́мже вопіе́мъ Ти́: ра́дуйся, Благода́тная, Чи́стая Богоро́дице.

Хва́лимъ, благослови́мъ, покланя́емся Го́сподеви...

Ирмо́съ: Устраши́ся отроко́въ бла́гочести́выхъ сообра́знаго души́ нескве́рнаго тѣ́ла и устрани́ся воспита́нный въ безмѣ́рномъ веществѣ́ неутружде́нъ о́гнь: присноживу́щу же изувя́дшу пла́меню вѣ́чнующая пѣ́снь воспѣва́шеся: Го́спода вся дѣла́ по́йте, и превозноси́те во вся́ вѣ́ки.

И стихосло́вится Честнѣ́йшая...

Пѣ́снь 9.

Ирмо́съ: Яко сотвори́ Мнѣ́ [вели́чія Си́льный и свя́то и́мя Его́, и ми́лость Его́ въ ро́дъ и ро́дъ боя́щимся Его́].

Яко пла́мень мíру, по́слани бы́сте неле́стный, избавля́юще глубины́ грѣхо́въ, воспѣва́емъ ра́достію Укрѣпи́вшаго ва́съ, я́ко апо́столы Своя́.

Яко ва́съ мíру объюродѣ́вшу, дре́вле Христо́съ, я́ко со́ль, посла́, му́дріи, вразумля́ющія его́ къ позна́нію Своему́, восхваля́емъ вѣ́рно.

Яко мно́жество прегрѣше́ній обдержи́тъ мя́ лю́тыхъ, со слеза́ми припа́даю Ти́, Христе́, проще́нія прося́, благовре́меніе ми́ пода́ти во вре́мя поста́.

Яко вери́гами нерѣши́мыми свя́занъ мои́хъ страсте́й, стеню́ и взыва́ю Ти́, Спа́се: свободи́ мя́, я́ко да пою́ прера́дованно благоутро́біе Твое́.

Богоро́диченъ: Яко показа́ Тя́ Бо́гъ, Дѣ́во Чи́стая, по́мощь ро́ду человѣ́ческому, не преста́й прилѣ́жно моля́щи Его́ о на́съ вѣ́рныхъ.

Иный.

Ирмо́съ: Невмѣсти́маго Бо́га [во чре́вѣ вмѣсти́вшая и ра́дость мíру роди́вшая, Тя́ пое́мъ, Богоро́дице Дѣ́во].

Апо́столовъ ли́къ по́стъ показа́, вселе́ннѣй все́й возсія́ющій и свѣ́тлостію Боже́ственною просвѣща́ющій мíръ.

Учени́къ Твои́хъ ли́къ, Іису́се Человѣколю́бче, язы́ческія ро́ды научи́ воздержа́нія сокро́виществовати бога́тство.

Дванадесятостру́нное вѣща́ніе учени́къ Твои́хъ состоя́ніе, воздержа́нія бога́тство да́рствуетъ человѣ́комъ и исто́чникъ спасе́нія.

Сла́ва: Блу́днаго Ти́ гла́сомъ взыва́ю, Го́споди: Отче, согрѣши́хъ, спаси́, Ще́дре, да не сла́вы Твоея́ отлучи́ши мя́.

Богоро́диченъ: Во чре́вѣ Твое́мъ Бо́га, я́ко Человѣ́ка, поноси́вшая и живо́тъ мíру источи́вшая, Тя́ воспѣва́емъ, Всесвята́я Дѣ́во.

Ирмо́съ: Невмѣсти́маго Бо́га во чре́вѣ вмѣсти́вшая и ра́дость мíру роди́вшая, Тя́ пое́мъ, Богоро́дице Дѣ́во.

Свѣти́ленъ гла́са.

На стихо́внѣ же пое́мъ самогла́сенъ дне́, гла́съ 3:

Возсія́ воздержа́нія благолѣ́піе, бѣсо́вскую мглу́ отгоня́щее; пріи́де по́стная лѣ́пота, душе́вныхъ страсте́й исцѣле́ніе нося́щая. Се́ю иногда́ Даніи́лъ и въ Вавило́нѣ о́троцы огражде́ни: о́въ у́бо уста́ льво́въ обузда́, о́віи же пла́мень пе́щный угаси́ша. Съ ни́миже и на́съ то́южде спаси́, Христе́ Бо́же, я́ко Человѣколю́бецъ.

И повторя́емъ се́й, со стихо́мъ: Испо́лнихомся...

Та́же, сти́хъ: И бу́ди свѣ́тлость...

И му́чениченъ: Яко свѣти́ла въ мíрѣ сія́ете и по сме́рти, святíи му́ченицы, по́двигомъ до́брымъ подви́гшеся. Иму́ще дерзнове́ніе, Христа́ умоли́те поми́ловатися душа́мъ на́шимъ.

Сла́ва, и ны́нѣ, богоро́диченъ:

Въ жена́хъ Свята́я Богоро́дице, Ма́ти Безневѣ́стная, моли́ Его́же родила́ еси́, Царя́ и Бо́га, да спасе́тъ ны́, я́ко Человѣколю́бецъ.

Та́же: Бла́го е́сть... Совокупля́емъ же и ча́съ 1-й, я́ко обы́чно. И отпу́стъ.

Примѣчаніе:
[1] На полѣ: «Евр.: ситтимъ»
[2] Съ греч. «Ἀκήκοεν ὁ Προφήτης, τὴν ἔλευσίν σου Κύριε καὶ ἐφοβήθη, κατενόησε τὰ ἔργα σου, καὶ ἐξέστη· Δόξα τῇ δυνάμει σου, δόξα Χριστέ, τῇ συγκαταβάσει σου». Въ славянскомъ Ирмологіи этого ирмоса нѣтъ. (Прим. — А. К.)

Источникъ: Тріо́діонъ, сíесть трипѣ́снецъ. — Кíевъ: Въ тѵпогра́фіи Кíево-Пече́рской Успе́нской Ла́вры, 1864. — Л. 39 об. – 43.

/ Къ оглавленію раздѣла /


Наверхъ / Къ титульной страницѣ

0