Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - четвергъ, 14 декабря 2017 г. Сейчасъ на порталѣ посѣтителей - 12.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

КНИГА МОЛЕБНЫХЪ ПѢНІЙ.

Моле́бное пѣ́ніе на Но́вый го́дъ.

По оконча́ніи литургíи глаго́летъ діа́конъ: Благослови́, Влады́ко!

Свяще́нникъ: Благослове́нно ца́рство Отца́ и Сы́на и Свята́го Ду́ха, ны́нѣ и при́сно и во вѣ́ки вѣко́въ.

Ли́къ: Ами́нь.

И чту́тся: Пріиди́те, поклони́мся... [Три́жды.]

И псало́мъ 64:

Тебѣ́ подоба́етъ пѣ́снь, Бо́же, въ Сіо́нѣ, и Тебѣ́ возда́стся моли́тва во Іерусали́мѣ. Услы́ши моли́тву мою́, къ Тебѣ́ вся́ка пло́ть пріи́детъ. Словеса́ беззако́нникъ премого́ша на́съ, и нече́стія на́ша Ты́ очи́стиши. Блаже́нъ, eго́же избра́лъ еси́ и прія́лъ, всели́тся во дво́рѣхъ Твои́хъ. Испо́лнимся во благи́хъ до́му Твоего́, свя́тъ хра́мъ Тво́й, ди́венъ въ пра́вдѣ. Услы́ши ны́, Бо́же, Спаси́телю на́шъ, упова́ніе всѣ́хъ конце́й земли́, и су́щихъ въ мо́ри дале́че, уготовля́яй го́ры крѣ́постію Свое́ю, препоя́санъ си́лою, смуща́яй глубину́ морску́ю, шу́му во́лнъ eго́ кто́ постои́тъ? Смяту́тся язы́цы, и убоя́тся живу́щіи въ конца́хъ отъ зна́меній Твои́хъ, исхо́ды у́тра и ве́чера украси́ши. Посѣти́лъ еси́ зе́млю и упои́лъ еси́ ю́, умно́жилъ еси́ обогати́ти ю́. Рѣка́ Бо́жія напо́лнися во́дъ; угото́валъ еси́ пи́щу и́мъ, я́ко та́ко [е́сть] угото́ваніе. Бразды́ ея́ упо́й, умно́жи жи́та ея́, въ ка́пляхъ ея́ возвесели́тся возсія́ющи. Благослови́ши вѣне́цъ лѣ́та бла́гости Твоея́, и поля́ Твоя́ испо́лнятся ту́ка, разботѣ́ютъ кра́сная пусты́ни, и ра́достію хо́лми препоя́шутся. Одѣ́яшася о́вни о́вчіи, и удо́лія умно́жатъ пшени́цу, воззову́тъ, и́бо воспою́тъ.

Сла́ва, и ны́нѣ. Аллилу́ія. [Три́жды.]

Посе́мъ діа́конъ глаго́летъ слѣ́дующую ектенію́:

Ми́ромъ Го́споду помо́лимся.

О свы́шнемъ ми́рѣ, и спасе́ніи ду́шъ на́шихъ, Го́споду помо́лимся.

О ми́рѣ всего́ мíра, благостоя́ніи святы́хъ Бо́жіихъ церкве́й, и соедине́ніи всѣ́хъ, Го́споду помо́лимся.

О святѣ́мъ хра́мѣ се́мъ, и съ вѣ́рою, благоговѣ́ніемъ и стра́хомъ Бо́жіимъ входя́щихъ въ о́нь, Го́споду помо́лимся.

О Святѣ́йшемъ Прави́тельствующемъ Сѵно́дѣ [и о преосвяще́нномъ [и́мярекъ]], честнѣ́мъ пресви́терствѣ, во Христѣ́ діа́конствѣ, о все́мъ при́чтѣ и лю́дѣхъ, Го́споду помо́лимся.

О Благочести́вѣйшемъ, Самодержа́внѣйшемъ, Вели́комъ Госуда́рѣ на́шемъ Импера́торѣ [и́мярекъ] всея́ Россíи, и о супру́гѣ Его́ Благочести́вѣйшей Госуда́рынѣ Императри́цѣ [и́мярекъ], о ма́тери Его́ Благочести́вѣйшей Госуда́рынѣ Императри́цѣ [и́мярекъ], о Наслѣ́дникѣ Его́ Благовѣ́рномъ Госуда́рѣ Цесаре́вичѣ и Вели́комъ Кня́зѣ [и́мярекъ] и о все́мъ Ца́рствующемъ До́мѣ, о все́й пала́тѣ, и во́ехъ Ихъ, Го́споду помо́лимся.

О е́же благопоспѣши́ти Имъ во все́мъ, и покори́ти подъ но́зѣ Ихъ вся́ христоненави́стныя язы́ки и вся́каго врага́ и супоста́та, Го́споду помо́лимся.

О гра́дѣ се́мъ, и вся́комъ гра́дѣ и странѣ́, и вѣ́рою живу́щихъ въ ни́хъ, Го́споду помо́лимся.

О е́же ми́лостивно ны́нѣшнее благодаре́ніе, и мольбу́ на́съ недосто́йныхъ рабо́въ Свои́хъ въ въ пренебе́сный Сво́й же́ртвенникъ прія́ти, и благоутро́бно поми́ловати на́съ, Го́споду помо́лимся.

О е́же благопрія́тнымъ бы́ти моле́ніямъ на́шимъ, и прости́ти на́мъ и всѣ́мъ лю́демъ Свои́мъ вся́ согрѣше́нія во́льная и нево́льная, въ мимоше́дшемъ лѣ́тѣ злѣ́ на́ми содѣ́янная, Го́споду помо́лимся.

О е́же благослови́ти нача́токъ и провожде́ніе лѣ́та сего́, благода́тію человѣколю́бія Своего́; времена́ же ми́рна, благорастворе́нны возду́хи, и безгрѣ́шенъ на́мъ въ здра́віи съ дово́льствомъ живо́тъ дарова́ти, Го́споду помо́лимся.

О е́же отврати́ти отъ на́съ ве́сь гнѣ́въ Сво́й, пра́ведно на ны́ грѣ́хъ ра́ди на́шихъ дви́жимый, Го́споду помо́лимся.

О е́же отгна́ти отъ на́съ вся душетлѣ́нныя стра́сти и растлѣ́нныя обы́чаи; стра́хъ же Сво́й Боже́ственный всади́ти въ сердца́ на́ша ко исполне́нію за́повѣдей Его́, Го́споду помо́лимся.

О е́же обнови́ти ду́хъ пра́вый во утро́бахъ на́шихъ, и укрѣпи́ти на́съ въ правосла́вной вѣ́рѣ, и спѣ́шныхъ къ дѣ́ланію до́брыхъ дѣ́лъ, и исполне́нію всѣ́хъ за́повѣдей Его́ сотвори́ти, Го́споду помо́лимся.

О е́же низложи́ти вся́ е́реси и отсту́пства, и насади́ти всю́ду правовѣ́ріе и благоче́стіе, и отврати́ти всѣ́хъ отсту́пльшихъ отъ пра́выя вѣ́ры къ позна́нію Своея́ и́стины, и соедини́ти и́хъ святѣ́й Свое́й правосла́вной Це́ркви, Го́споду помо́лимся.

О е́же изба́вити Це́рковь святу́ю Свою́ и всѣ́хъ на́съ отъ вся́кія ско́рби, бѣды́, гнѣ́ва и ну́жды, и отъ всѣ́хъ враго́въ ви́димыхъ и неви́димихъ; здра́віемъ же, долгоде́нствіемъ, и ми́ромъ, и а́нгелъ Свои́хъ ополче́ніемъ вѣ́рныхъ Свои́хъ всегда́ огради́ти, Го́споду помо́лимся.

Заступи́, спаси́, поми́луй и сохрани́ на́съ, Бо́же, Твое́ю благода́тію.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Приснодѣ́ву Марíю, со всѣ́ми святы́ми помяну́вше, са́ми себе́ и дру́гъ дру́га, и ве́сь живо́тъ на́шъ Христу́ Бо́гу предади́мъ.

Ли́къ: Тебѣ́, Го́споди.

Свяще́нникъ возглаша́етъ:

Яко подоба́етъ Тебѣ́ вся́кая сла́ва, че́сть и поклоне́ніе, Отцу́ и Сы́ну и Свято́му Ду́ху, ны́нѣ и при́сно и во вѣ́ки вѣко́въ.

Ли́къ: Ами́нь.

Посе́мъ: Бо́гъ Госпо́дь, и яви́ся на́мъ...
И тропари́ сія́, гла́съ 4:

Благода́рни су́ще недосто́йніи раби́ Твои́ Го́споди, о Твои́хъ вели́кихъ благодѣя́ніяхъ на на́съ бы́вшихъ, сла́вяще Тя́ хва́лимъ, благослови́мъ, благодари́мъ, пое́мъ и велича́емъ Твое́ благоутро́біе, и ра́бски любо́вію вопіе́мъ Ти́: Благодѣ́телю Спа́се на́шъ, сла́ва Тебѣ́.

Сла́ва, гла́съ 3:

Твои́хъ благодѣя́ній, и даро́въ ту́не, я́ко раби́ непотре́бніи сподо́бльшеся Влады́ко, къ Тебѣ́, усе́рдно притека́юще, благодаре́ніе по си́лѣ прино́симъ, и Тебе́, я́ко Благодѣ́теля и Творца́ сла́вяще, вопіе́мъ: сла́ва Тебѣ́, Бо́же преще́дрый.

И ны́нѣ, гла́съ 2:

Всея́ тва́ри Содѣ́телю, времена́ и лѣ́та во Свое́й вла́сти положи́вый, благослови́ вѣне́цъ лѣ́та бла́гости Твоея́, Го́споди, сохраня́я въ ми́рѣ Импера́тора и гра́дъ Тво́й, моли́твами Богоро́дицы, и спаси́ ны.

Діа́конъ: Во́нмемъ. Іере́й: Ми́ръ всѣ́мъ. Чте́цъ: И ду́хови твоему́. Діа́конъ: Прему́дрость, во́нмемъ.

Чте́цъ: Проки́менъ, гла́съ 4: Воспою́ Го́сподеви благодѣ́явшему мнѣ́,* и пою́ и́мени Го́спода вы́шняго.

Сти́хъ: Возра́дуется се́рдце мое́ о спасе́ніи Твое́мъ.

Посе́мъ чте́тъ апо́столъ къ Тимоѳе́ю, зача́ло 282:

Ча́до Тимоѳе́е, молю́ пре́жде всѣ́хъ твори́ти моли́твы, моле́нія, проше́нія, благодаре́нія за вся́ человѣ́ки: за Царя́, и за вся́ и́же во вла́сти су́ть; да ти́хое и безмо́лвное житіе́ поживе́мъ во вся́комъ благоче́стіи и чистотѣ́. Сіе́ бо добро́ и прія́тно предъ Спаси́телемъ на́шимъ Бо́гомъ, Иже всѣ́мъ человѣ́комъ хо́щетъ спасти́ся и въ ра́зумъ и́стины пріити́. Еди́нъ бо е́сть Бо́гъ, и еди́нъ хода́тай Бо́га и человѣ́ковъ, Человѣ́къ Христо́съ Іису́съ, да́вый Себе́ избавле́ніе за всѣ́хъ: Ему́же че́сть и сла́ва во вѣ́ки вѣко́въ, ами́нь.

Іере́й: Ми́ръ ти́. Чте́цъ: И ду́хови твоему́. Діа́конъ: Прему́дрость.

Чте́цъ: Аллилу́ія, гла́съ 4: [Тебѣ́ подоба́етъ пѣ́снь, Бо́же, въ Сіо́нѣ, и Тебѣ́ возда́стся моли́тва во Іерусали́мѣ.

Сти́хъ: Благослови́ши вѣне́цъ лѣ́та бла́гости Твоея́, Го́споди.]

Та́же діа́конъ: И о сподо́битися на́мъ слы́шанію Свята́го Ева́нгелія, Го́спода Бо́га мо́лимъ. Ли́къ: Го́споди, поми́луй. [Трижды.]

Діа́конъ: Прему́дрость, про́сти, услы́шимъ Свята́го Ева́нгелія.

Іере́й: Ми́ръ всѣ́мъ. Ли́къ: И ду́хови твоему́.

Іере́й: Отъ Луки́ Свята́го Ева́нгелія чте́ніе.

Ли́къ: Сла́ва Тебѣ́, Го́споди, сла́ва Тебѣ́!

Діа́конъ: Во́нмемъ.

И а́біе іере́й чте́тъ Ева́нгеліе отъ Луки́, зача́ло 13:

Во вре́мя о́но, пріи́де Іису́съ въ Назаре́тъ, идѣ́же бѣ́ воспита́нъ: и вни́де по обы́чаю Своему́ въ де́нь суббо́тный въ со́нмище, и воста́ чести́. И да́ша Ему́ кни́гу Иса́іи проро́ка, и разгну́въ кни́гу, обрѣ́те мѣ́сто, идѣ́же бѣ́ напи́сано: Ду́хъ Госпо́день на Мнѣ́, его́же ра́ди пома́за Мя́, благовѣсти́ти ни́щимъ посла́ Мя, исцѣли́ти сокруше́нныя се́рдцемъ, проповѣ́дати плѣне́ннымъ отпуще́ніе, и слѣпы́мъ прозрѣ́ніе, отпусти́ти сокруше́нныя во отра́ду, проповѣ́дати лѣ́то Госпо́дне прія́тно. И согну́въ кни́гу, отда́въ слузѣ́, сѣ́де: и всѣ́мъ въ со́нмищи о́чи бѣ́ху зря́ще на́нь. И нача́тъ глаго́лати къ ни́мъ: я́ко дне́сь сбы́сться писа́ніе сіе́ во у́шію ва́шею. И вси́ свидѣ́тельствоваху Ему́, и дивля́хуся о словесѣ́хъ благода́ти, исходя́щихъ изъ у́стъ Его́.

Ли́къ: Сла́ва Тебѣ́, Го́споди, сла́ва Тебѣ́!

Абіе діа́конъ глаго́летъ ектенію́ сію́:

Рце́мъ вси́ отъ всея́ души́, и отъ всего́ помышле́нія на́шего рце́мъ.

Ли́къ: Го́споди поми́луй. [По три́жды.]

Го́споди Вседержи́телю, Бо́же оте́цъ на́шихъ, мо́лимъ Ти ся, услы́ши и поми́луй.

Поми́луй на́съ, Бо́же, по вели́цѣй ми́лости Твое́й, мо́лимся Ти, услы́ши и поми́луй. Еще́ мо́лимся о Благочести́вѣйшемъ, Самодержа́внѣйшемъ Вели́комъ Госуда́рѣ на́шемъ, Импера́торѣ [и́мярекъ] всея́ Россíи: о держа́вѣ, побѣ́дѣ, пребыва́ніи, ми́рѣ, здра́віи, спасе́ніи Его́, и Го́споду Бо́гу на́шему наипа́че поспѣши́ти и пособи́ти Ему́ во всѣ́хъ, и покори́ти подъ но́зѣ Его́ вся́каго врага́ и супоста́та.

Еще́ мо́лимся о Супру́гѣ Его́, Благочести́вѣйшей Госуда́рынѣ Императри́цѣ [и́мярекъ], о ма́тери Его́, Благочести́вѣйшей Госуда́рынѣ Императри́цѣ [и́мярекъ], о Наслѣ́дникѣ Его́, Благовѣ́рномъ Госуда́рѣ, Цесаре́вичѣ и Вели́комъ Кня́зѣ [и́мярекъ] и о все́мъ Ца́рствующемъ До́мѣ.

Еще́ мо́лимся о Святѣ́йшемъ Прави́тельствующемъ Сѵно́дѣ [и о преосвяще́нномъ [и́мярекъ]] и все́й во Христѣ́ бра́тіи на́шей.

Благодаря́ще со стра́хомъ и тре́петомъ, я́ко раби́ непотре́бніи Твоему́ благоутро́бію, Спа́се и Влады́ко на́шъ Го́споди, о Твои́хъ благодѣя́ніяхъ, я́же излія́лъ еси́ изоби́льно на рабѣ́хъ Твои́хъ, и припа́даемъ, и славосло́віе Тебѣ́, я́ко Бо́гу прино́симъ, и умиле́нно вопіе́мъ: изба́ви отъ всѣ́хъ бѣ́дъ рабы́ Твоя́, и всегда́, я́ко ми́лостивъ, испо́лни во благи́хъ жела́ніе всѣ́хъ на́съ, прилѣ́жно мо́лимся Ти, услы́ши и поми́луй.

О е́же благослови́ти вѣне́цъ наступа́емаго лѣ́та бла́гостію Свое́ю, и утоли́ти въ на́съ вся́ вражды́, нестрое́нія и междоусо́бныя бра́ни; пода́ти же ми́ръ, тве́рдую и нелицемѣ́рную любо́вь, благочи́нное же строе́ніе и добродѣ́тельное житіе́, мо́лимъ Ти ся, всеблагíй Го́споди, услы́ши и поми́луй.

О е́же не помяну́ти безчи́сленная беззако́нія и лука́вая на́ша дѣя́нія, въ мимоше́дшемъ лѣ́тѣ бы́вшая, и не возда́ти на́мъ по дѣло́мъ на́шимъ, но въ ми́лости и щедро́тахъ помяну́ти на́съ, мо́лимъ Ти ся, милосе́рдый Го́споди, услы́ши и поми́луй.

О е́же пода́ти дожди́ благовре́менны, ра́нни же и по́здни, ро́су плодоно́сну, вѣ́тры мѣ́рны и благорастворе́нны, и теплоту́ со́лнечную возсія́ти, мо́лимъ Ти ся, всеще́дрый Го́споди, услы́ши и поми́луй!

О е́же помяну́ти Це́рковь святу́ю Свою́, и укрѣпи́ти, утверди́ти же, разшири́ти, и умири́ти ю́, и невреди́му а́довыми враты́, и всѣ́ми навѣ́ты ви́димыхъ и неви́димыхъ враго́въ непребори́му во вѣ́ки соблюсти́, мо́лимъ Ти ся, вседержа́вный Влады́ко, услы́ши и поми́луй.

О е́же искорени́ти и угаси́ти все́ богоху́льное ага́рянское нече́стіе, и ца́рство и́хъ ско́ро разруши́ти, и правовѣ́рнымъ преда́ти, мо́лимъ Ти ся, всеси́льный Го́споди, услы́ши и поми́луй.

О е́же изба́витися на́мъ въ сіе́ гряду́щее лѣ́то, и во вся́ дни́ живота́ на́шего отъ гла́да, губи́тельства, тру́са, пото́па, гра́да, огня́, меча́, наше́ствія иноплеме́нныхъ, и междоусо́бныя ра́ти, и вся́кія смертоно́сныя ра́ны, ско́рби же и ну́жды, мо́лимъ Ти ся, милосе́рде Го́споди, услы́ши и поми́луй.

Іере́й возгла́съ:

Услы́ши ны́, Бо́же Спаси́телю на́шъ, упова́ніе всѣ́хъ конце́въ земли́ и су́щихъ въ мо́ри дале́че, и ми́лостивъ, ми́лостивъ бу́ди, Влады́ко, о грѣсѣ́хъ на́шихъ, и поми́луй ны́. Ми́лостивъ бо и человѣколю́бецъ Бо́гъ еси́, и Тебѣ́ сла́ву возсыла́емъ, Отцу́ и Сы́ну и Свято́му Ду́ху, ны́нѣ и при́сно и во вѣ́ки вѣко́въ. Ликъ: Аминь.

Діа́конъ: Па́ки и па́ки, прекло́нше колѣ́на, Го́споду помо́лимся. Ли́къ: Го́споди поми́луй. [Три́жды.]

Свяще́нникъ же чте́тъ слѣ́дующую моли́тву:

Влады́ко Го́споди Бо́же на́шъ, Исто́чниче жи́зни и безсме́ртія, всея́ тва́ри ви́димыя и неви́димыя Содѣ́телю, времена́ и лѣ́та во Свое́й вла́сти положи́вый, и управля́яй вся́ческая прему́дрымъ и всеблаги́мъ Твои́мъ про́мысломъ. Благодари́мъ о щедро́тахъ Твои́хъ, я́же удиви́лъ еси́ на на́съ въ мимоше́дшее вре́мя живота́ на́шего, мо́лимъ Тя́, всеще́дрый Го́споди, благослови́ вѣне́цъ наступа́ющаго лѣ́та, Твое́ю бла́гостію! Сохрани́ возлю́бленнаго раба́ Твоего́, Благочести́вѣйшаго, Самодержа́внѣйшаго, Вели́каго Госуда́ря на́шего Импера́тора [и́мярекъ] всея́ Россíи, и супру́гу Его́ Благочести́вѣйшую Госуда́рыню Императри́цу [и́мярекъ]; ма́терь Его́, Благочести́вѣйшую Госуда́рыню Императри́цу [и́мярекъ], Наслѣ́дника Его́, благовѣ́рнаго Госуда́ря Цесаре́вича и Вели́каго Кня́зя [и́мярекъ], и ве́сь Ца́рствующій До́мъ! Умно́жи дни́ живота́ Ихъ въ непоколеби́момъ здра́віи, и во всѣ́хъ добродѣ́телехъ преуспѣ́яніе Имъ да́руй! Пода́ждь свы́ше блага́я Твоя́ и всѣ́мъ лю́демъ Твои́мъ, здра́віе же, спасе́ніе и во все́мъ благо́е поспѣше́ніе; Це́рковь Твою́ святу́ю, [держа́ву Россíйскую], гра́дъ се́й и вся́ гра́ды и страны́ отъ вся́каго зла́го обстоя́нія изба́ви, ми́ръ и безмяте́жіе тѣ́мъ да́руй! Тебѣ́ безнача́льному Отцу́ со единоро́днымъ Твои́мъ Сы́номъ, всесвяты́мъ и животворя́щимъ Твои́мъ Ду́хомъ во еди́номъ существѣ́ сла́вимому Бо́гу, всегда́ благодаре́ніе приноси́ти, и пресвято́е и́мя Твое́ воспѣва́ти да сподо́биши.

Та́же возглаша́етъ:

Сла́ва Тебѣ́ Бо́гу, благода́телю на́шему во вѣ́ки вѣко́въ.

Ли́къ: Ами́нь.

И а́біе пое́тъ Славосло́віе вели́кое, сíесть: Сла́ва въ вы́шнихъ Бо́гу..., или́ вмѣ́сто того́, пѣ́снь свята́го Амвро́сія, епи́скопа Медіола́нскаго: Тебе́ Бо́га хва́лимъ...

По сконча́ніи же сего́, діа́конъ: Премудрость.

Іере́й: Пресвята́я Богоро́дице, спаси́ на́съ.

Ли́къ: Честнѣ́йшую херуви́мъ...

Іере́й: Сла́ва Тебѣ́, Христе́ Бо́же, упова́ніе на́ше, сла́ва Тебѣ́.

Ли́къ: Сла́ва и ны́нѣ. Го́споди поми́луй. [Три́жды.] Благослови́!

Іере́й: Иже пло́тію обрѣ́затися изво́ливый на́шего ра́ди спасе́нія, Христо́съ и́стинный Бо́гъ на́шъ, моли́твами пречи́стыя Своея́ Ма́тере и всѣ́хъ Святы́хъ, поми́луетъ и спасе́тъ на́съ, я́ко Бла́гъ и Человѣколю́бецъ!

Діа́конъ же возглаша́етъ:

Благочести́вѣйшему, Самодержа́внѣйшему, Вели́кому Госуда́рю на́шему Импера́тору [и́мярекъ] всея́ Россíи, и Супру́гѣ Его́, Благочести́вѣйшей Госуда́рынѣ Императри́цѣ [и́мярекъ], ма́тери Его́, Благочести́вѣйшей Госуда́рынѣ Императри́цѣ [и́мярекъ], Наслѣ́днику Его́, Благовѣ́рному Госуда́рю, Цесаре́вичу и Вели́кому Кня́зю [и́мярекъ] и всему́ Ца́рствующему До́му, пода́ждь Го́споди, благоде́нственное и ми́рное житіе́, здра́віе же и спасе́ніе и во все́мъ благо́е поспѣше́ніе, на враги́ же побѣ́ду и одолѣ́ніе, и сохрани́ Ихъ на мно́гая лѣ́та.

И пое́тъ ли́къ: Мно́гая лѣ́та! [Три́жды.]

Источникъ: Послѣ́дованіе моле́бныхъ пѣ́ній. — М.: Сѵнодальная тѵпографія, 1896. — Л. 1 – 9.

/ Къ оглавленію раздѣла /


Наверхъ / Къ титульной страницѣ

0