Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - суббота, 16 декабря 2017 г. Сейчасъ на порталѣ посѣтителей - 4.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

ТРЕБНИКЪ.
Моли́твы въ пе́рвый де́нь, повнегда́ роди́ти женѣ́ отроча́.

Го́споду помо́лимся.

Влады́ко Го́споди Вседержи́телю, исцѣля́яй вся́кій неду́гъ, и вся́кую я́зю, Са́мъ и сію́ дне́сь роди́вшую рабу́ Твою́, и́мя ре́къ, исцѣли́ и возста́ви ю́ отъ одра́, на не́мже лежи́тъ; зане́, по проро́ка Дави́да словеси́, въ беззако́ніихъ зача́хомся, и скверна́ви вси́ есмы́ предъ Тобо́ю. Сохрани́ сію́, и сего́ младе́нца, его́же роди́, покры́й ю́ подъ кро́вомъ кри́лъ Твои́хъ отъ дне́шняго дне́, да́же до послѣ́дняго ея́ сконча́нія, моли́твами Пречи́стыя Богоро́дицы, и всѣ́хъ святы́хъ, я́ко благослове́нъ еси́ во вѣ́ки вѣко́въ, ами́нь.

Го́споду помо́лимся.

Влады́ко Го́споди Бо́же на́шъ, роди́выйся отъ Пречи́стыя Влады́чицы на́шея Богоро́дицы, и Приснодѣ́вы Марíи, и я́ко младе́нецъ во я́слѣхъ возлегíй, и я́ко дѣ́тищь воспріе́млемь бы́вый, Са́мъ и сію́ рабу́ Твою́, дне́сь роди́вшую сіе́ отроча́, поми́луй, и прости́ во́льная и нево́льная ея́ прегрѣше́нія; и сохрани́ ю́ отъ вся́каго діа́вольскаго мучи́тельства, и и́зъ нея́ рожде́ннаго младе́нца соблюди́ отъ вся́каго я́да, отъ вся́кія лю́тости, отъ вся́кія бу́ри сопроти́внаго, отъ духо́въ лука́выхъ, дневны́хъ же и нощны́хъ. Сію́ же соблюди́ подъ держа́вною руко́ю Твое́ю, и да́ждь е́й ско́рое воста́ніе, и отъ скве́рны очи́сти, и болѣ́зни исцѣли́, и здра́віе и благомо́щіе души́ же и тѣ́лу да́руй, и Ангелы свѣ́тлыми и сія́ющими сію́ огради́. И соблюди́ отъ вся́каго наи́тія неви́димыхъ духо́въ, е́й Го́споди, отъ неду́га и сла́бости, отъ ре́вности и за́висти, и отъ оче́съ призо́ра, и поми́луй ю́, и младе́нца, по вели́цѣй ми́лости Твое́й, и очи́сти ю́ отъ тѣле́сныя скве́рны, и разли́чныхъ е́й находя́щихъ утро́бныхъ стуже́ній; и изведи́ ю́ ско́рою ми́лостію Твое́ю, во смире́нномъ ея́ тѣ́лѣ во исправле́ніе; и изъ нея́ рожде́ннаго младе́нца сподо́би поклони́тися земно́му хра́му, его́же угото́валъ еси́ славосло́витися и́мени Твоему́ свято́му. Яко подоба́етъ Тебѣ́ вся́кая сла́ва, че́сть и поклоне́ніе, Отцу́, и Сы́ну, и Свято́му Ду́ху, ны́нѣ и при́сно, и во вѣ́ки вѣко́въ, ами́нь.

Го́споду помо́лимся.

Го́споди Бо́же на́шъ, благоволи́вый сни́ти съ небе́съ, и роди́тися отъ Святы́я Богоро́дицы и Приснодѣ́вы Марíи, спасе́нія ра́ди на́съ грѣ́шныхъ; вѣ́дый немощно́е человѣ́ческаго естества́, прости́ рабѣ́ Твое́й, и́мя ре́къ, дне́сь роди́вшей, по мно́жеству щедро́тъ Твои́хъ. Ты́ бо ре́клъ еси́, Го́споди: расти́теся и умно́житеся, и испо́лните зе́млю, и облада́йте е́ю. Сего́ ра́ди мы́, раби́ Твои́, мо́лимся, и дерза́юще незло́бивымъ Твои́мъ человѣколю́біемъ, со стра́хомъ вопіе́мъ къ ца́рствія Твоего́ свято́му и́мени: при́зри съ небесе́, и ви́ждь не́мощь на́съ осужде́нныхъ, и прости́ рабѣ́ Твое́й се́й, и́мя ре́къ, и всему́ до́му, въ не́мже роди́ся отроча́, и прикосну́вшимся е́й, и здѣ́ обрѣта́ющимся всѣ́мъ, я́ко бла́гъ и человѣколю́бецъ Бо́гъ прости́; я́ко Еди́нъ и́маши вла́сть оставля́ти грѣхи́, моли́твами Пресвяты́я Богоро́дицы и всѣ́хъ Святы́хъ Твои́хъ, ами́нь.

Источникъ: Требникъ. — М.: Въ Сѵнодальной Типографіи, 1882. — С. 1-4.

/ Къ оглавленію раздѣла /


Наверхъ / Къ титульной страницѣ

0