Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - суббота, 18 ноября 2017 г. Сейчасъ на порталѣ посѣтителей - 16.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

Тре́бникъ дополни́тельный.
Моли́тва на благослове́ніе а́ртоса во святу́ю недѣ́лю Па́схи.

Чте́тъ надъ ни́мъ іере́й моли́тву сію́:

Бо́же Всеси́льный и Го́споди Вседержи́телю, Иже рабо́мъ Твои́мъ Моисе́омъ во исхо́дѣ Изра́илевѣ отъ Еги́пта, и въ освобожде́ніи люде́й Твои́хъ отъ го́рькія рабо́ты фарао́новы, а́гнца закла́ти повелѣ́лъ еси́, прообразу́я на крестѣ́ закла́ннаго во́лею на́съ ра́ди Агнца, взе́млющаго всего́ мíра грѣхи́, Возлю́бленнаго Сы́на Твоего́, Го́спода на́шего Іису́са Христа́. Ты́ и ны́нѣ, смире́нно мо́лимъ Тя́, при́зри на хлѣ́бъ се́й, и благослови́ и освяти́ его́, и́бо и мы́, раби́ Твои́, въ че́сть и сла́ву, и въ воспомина́ніе сла́внаго Воскресе́нія Того́жде Сы́на Твоего́, Го́спода же на́шего Іису́са Христа́, Имже отъ вѣ́чныя рабо́ты вра́жія, и отъ а́довыхъ нерѣши́мыхъ у́зъ разрѣше́ніе, свобо́ду и преведе́ніе улучи́хомъ, предъ Твои́мъ вели́чествомъ, ны́нѣ во свѣ́тлый се́й пресла́вный и спаси́тельный де́нь Па́схи, се́й прино́симъ. На́съ же, сего́ принося́щихъ, и того́ лобза́ющихъ, и отъ него́ вкуша́ющихъ, Твоему́ небе́сному благослове́нію прича́стники бы́ти сотвори́, и вся́кую болѣ́знь и неду́гъ отъ на́съ Твое́ю си́лою отжени́, здра́віе всѣ́мъ подава́я. Ты́ бо еси́ Исто́чникъ благослове́нія и цѣльба́мъ Пода́тель, и Тебѣ́ сла́ву возсыла́емъ, Безнача́льному Отцу́, со Единоро́днымъ Твои́мъ Сы́номъ, и Пресвяты́мъ, и Благи́мъ, и Животворя́щимъ Твои́мъ Ду́хомъ, ны́нѣ и при́сно, и во вѣ́ки вѣко́въ. [Ли́къ: Ами́нь.]

Абіе же кропи́тъ а́ртосъ свяще́нною водо́ю [богоявле́нскою], глаго́ля:

Благословля́ется и освяща́ется а́ртосъ се́й окропле́ніемъ воды́ сея́ свяще́нныя, во и́мя Отца́ и Сы́на и Свята́го Ду́ха, ами́нь. [Три́жды.]

И посе́мъ исхо́дитъ и полага́етъ его́ на анало́гіи, лю́діе же, пріе́млюще анти́доръ, лобза́ютъ а́ртосъ.

Источникъ: Дополни́тельный Тре́бникъ. — Кíевъ: Въ Тѵпогра́фіи Кíево-Пече́рской Успе́нской Ла́вры, 1880. — Л. 81 – 81 об.

/ Къ оглавленію раздѣла /


Наверхъ / Къ титульной страницѣ

0