Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - вторникъ, 17 октября 2017 г. Сейчасъ на порталѣ посѣтителей - 9.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

КНИГА МОЛЕБНЫХЪ ПѢНІЙ.

Благодарственное ко Господу моленіе,
совершаемое во дни Восшествія на Престолъ и Священнаго Коронованія, равно какъ и во дни воспоминанія о нихъ.

Діаконъ: Благослови, Владыко.

Архіерей или іерей: Благословенно царство Отца и Сына и Святаго Духа, нынѣ и присно и во вѣки вѣковъ.

Ликъ: Аминь. Царю небесный, Утѣшителю, Душе истины, Иже вездѣ сый и вся исполняяй, Сокровище благихъ и жизни Подателю, пріиди и вселися въ ны, и очисти ны отъ всякія скверны, и спаси, Блаже, души наша.

Чтецъ: Святый Боже, Святый Крѣпкій, Святый Безсмертный, помилуй насъ. [Трижды.]

Слава Отцу и Сыну и Святому Духу, и нынѣ и присно и во вѣки вѣковъ, аминь.

Пресвятая Троице, помилуй насъ; Господи, очисти грѣхи наша; Владыко, прости беззаконія наша; Святый, посѣти и исцѣли немощи наша, имене Твоего ради.

Господи помилуй! [Трижды.] Слава, и нынѣ.

Отче нашъ, Иже еси на небесѣхъ! Да святится имя Твое, да пріидетъ Царствіе Твое, да будетъ воля Твоя, яко на небеси и на земли. Хлѣбъ нашъ насущный даждь намъ днесь; и остави намъ долги наша, якоже и мы оставляемъ должникомъ нашимъ; и не введи насъ во искушеніе, но избави насъ отъ лукаваго.

Возгласъ: Яко Твое есть царство, и сила, и слава, Отца и Сына и Святаго Духа, нынѣ и присно и во вѣки вѣковъ.

Чтецъ: Аминь. Господи помилуй. [12 разъ.] Слава, и нынѣ.

Пріидите, поклонимся Цареви нашему Богу.

Пріидите, поклонимся и припадемъ Христу, Цареви нашему Богу.

Пріидите, поклонимся и припадемъ Самому Христу, Цареви и Богу нашему.

Посемъ ликъ поетъ царскій псаломъ [20-й]:

Господи, силою Твоею возвеселится царь и о спасеніи Твоемъ возрадуется зѣло. Желаніе сердца его далъ еси ему, и хотѣнія устну его неси лишилъ его. Яко предварилъ еси его благословеніемъ благостыннымъ, положилъ еси на главѣ его вѣнецъ отъ камене честна. Живота просилъ есть у Тебе, и далъ еси ему долготу дній во вѣкъ вѣка. Велія слава его спасеніемъ Твоимъ, славу и велелѣпіе возложиши на него. Яко даси ему благословеніе во вѣкъ вѣка, возвеселиши его радостію съ лицемъ Твоимъ. Яко царь уповаетъ на Господа, и милостію Вышняго не подвижится. Да обрящется рука Твоя всѣмъ врагомъ Твоимъ, десница Твоя да обрящетъ вся ненавидящія Тебе. Яко положиши ихъ яко пещь огненную во время лица Твоего, Господь гнѣвомъ Своимъ смятетъ я, и снѣсть ихъ огнь. Плодъ ихъ отъ земли погубиши, и сѣмя ихъ отъ сыновъ человѣческихъ. Яко уклониша на Тя злая, помыслиша совѣты, ихже не возмогутъ составити. Яко положиши я хребетъ, во избытцѣхъ Твоихъ уготовиши лице ихъ. Вознесися, Господи, силою Твоею, воспоемъ и поемъ силы Твоя.

Слава Отцу и Сыну и Святому Духу, и нынѣ и присно и во вѣки вѣковъ, аминь.

Аллилуія, аллилуія, аллилуія, слава Тебѣ, Боже! [Трижды.]

Діаконъ: Миромъ Господу помолимся.

Ликъ: Господи помилуй. [Тоже поется по каждомъ прошеніи.]

Діаконъ: О свышнемъ мирѣ, и спасеніи душъ нашихъ, Господу помолимся.

О мирѣ всего міра, благостояніи святыхъ Божіихъ церквей, и соединеніи всѣхъ, Господу помолимся.

О святѣмъ храмѣ семъ, и съ вѣрою, благоговѣніемъ и страхомъ Божіимъ входящихъ въ онь, Господу помолимся.

О Святѣйшемъ Правительствующемъ Сѵнодѣ, честнѣмъ пресвитерствѣ, во Христѣ діаконствѣ, о всемъ причтѣ и людѣхъ, Господу помолимся.

О Благочестивѣйшемъ, Самодержавнѣйшемъ, Великомъ Государѣ нашемъ Императорѣ [имярекъ] всея Россіи, о всей палатѣ, и воинствѣ Его, Господу помолимся.

О еже благословитися Царскому Его вѣнчанію благословеніемъ Царя царствующихъ и Господа господствующихъ, Господу помолимся.

О еже укрѣплену быти скипетру Его десницею Вышняго, Господу помолимся.

О еже помазаніемъ всесвятаго Мѵра пріяти Ему съ небесе, къ правленію и правосудію, силу и премудрость, Господу помолимся.

О еже получити Ему благопоспѣшное во всемъ и долгоденственное царствованіе, Господу помолимся.

Яко да услышитъ Его Господь въ день печали, и защититъ Его имя Бога Іаковля, Господу помолимся.

Яко да послетъ Ему помощь отъ Святаго, и отъ Сіона заступитъ Его, Господу помолимся.

Яко да подастъ Ему Господь по сердцу Его, и весь совѣтъ Его исполнитъ, Господу помолимся.

Яко да подчиненныя суды Его немздоимны и нелицепріятны сохранитъ, Господу помолимся.

Яко да Господь силъ всегда укрѣпляетъ оружіе Его, Господу помолимся.

О покорити подъ нозѣ Его всякаго врага и супостата, Господу помолимся.

О еже благословитися Царскому Его вѣнчанію и Супруги Его Благочестивѣйшей Государыни Императрицы [имярекъ] благословеніемъ Его же, Царя царствующихъ и Господа господствующихъ, Господу помолимся.

О матери Его Благочестивѣйшей Государынѣ Императрицѣ [имярекъ], о Наслѣдникѣ Его Благовѣрномъ Государѣ Цесаревичѣ и Великомъ Князѣ [имярекъ] и о всемъ Царствующемъ Домѣ, Господу помолимся.

О еже укрѣплену быти скипетру Его десницею Вышняго, Господу помолимся.

О еже пріяти Ему съ небесе къ прявленію и правосудію силу и премудрость, Господу помолимся.

О еже получити Ему благопоспѣшное во всемъ, и долгоденственное царствованіе, Господу помолимся.

Яко да услышитъ Его Господь въ день печали, и защититъ Его имя Бога Іаковля, Господу помолимся.

Яко да послетъ Ему помощь отъ святаго, и отъ Сіона заступитъ Его, Господу помолимся.

Яко да подастъ Ему Господь по сердцу Его, и весь совѣтъ Его исполнитъ, Господу помолимся.

Яко да подчиненныя суды Его немздоимны и не лицепріятны сохранитъ, Господу помолимся.

Яко да Господь силъ всегда укрѣпляетъ оружіе Его, Господу помолимся.

О пособити и покорити подъ нозѣ Его всякаго врага и судостата, Господу помолимся.

О [Богоспасаемѣй державѣ Россійстѣй], царствующемъ градѣ нашемъ, всякомъ градѣ и странѣ, и вѣрою живущихъ въ нихъ, Господу помолимся.

О благораствореніи воздуховъ, о изобиліи плодовъ земныхъ, и временѣхъ мирныхъ, Господу помолимся.

О плавающихъ, путешествующихъ, недугующихъ, страждущихъ, плѣненныхъ, и о спасеніи ихъ, Господу помолимся.

О избавитися намъ отъ всякія скорби, гнѣва, опасности и нужды, Господу помолимся.

Заступи, спаси, помилуй и сохрани насъ, Боже, Твоею благодатію.

Пресвятую, Пречистую, Преблагословенную, Славную Владычицу нашу Богородицу и Приснодѣву Марію, со всѣми святыми помянувше, сами себе и другъ друга, и весь животъ нашъ Христу Богу предадимъ.

Ликъ: Тебѣ, Господи.

Іерей: Яко подобаетъ Тебѣ всякая слава, честь и поклоненіе, Отцу и Сыну и Святому Духу, нынѣ и присно и во вѣки вѣковъ.

Ликъ: Аминь.

Діаконъ: Богъ Господь, и явися намъ, благословенъ грядый во имя Господне.

Ликъ: Богъ Господь, и явися намъ, благословенъ грядый во имя Господне. [И повторяетъ тоже послѣ этого и каждаго послѣдующаго стиха, произнесеннаго діакономъ.]

Діаконъ: Исповѣдайтеся Господеви, яко Благъ, яко въ вѣкъ милость Его.

Обышедше обыдоша мя, и именемъ Господнимъ противляхся имъ.

Не умру, но живъ буду, и повѣмъ дѣла Господня.

Камень, егоже небрегоша зиждущіи, сей бысть во главу угла: отъ Господа бысть сей, и есть дивенъ во очесѣхъ нашихъ.

Ликъ, тропарь, гласъ 4-й: Благодарни суще недостойніи раби Твои, Господи, о Твоихъ великихъ благодѣяніяхъ на насъ бывшихъ, славяще Тя хвалимъ, благословимъ, благодаримъ, поемъ и величаемъ Твое благоутробіе, и рабски любовію вопіемъ Ти: Благодѣтелю Спасе нашъ, слава Тебѣ.

Слава, тропарь, гласъ 1-й: Спаси, Господи, люди Твоя и благослови достояніе Твое, побѣды Благовѣрному Императору нашему [имярекъ] на сопротивныя даруя, и Твое сохраняя крестомъ Твоимъ жительство.

И нынѣ, кондакъ, гласъ 4: Вознесыйся на крестъ волею, тезоименитому Твоему новому жительству щедроты Твоя даруй, Христе Боже, возвесели силою Твоею Благовѣрнаго Императора нашего [имярекъ], побѣды дая ему на супостаты, пособіе имущу Твое оружіе мира, непобѣдимую побѣду.

Діаконъ: Вонмемъ.

Іерей: Миръ всѣмъ.

Чтецъ, прокименъ, гласъ 4: Господи, силою Твоею возвеселится Царь, и о спасеніи Твоемъ возрадуется зѣло.

Ликъ повторяетъ тоже самое послѣ этого и каждаго послѣдущаго стиха.

Стихъ: Желаніе сердца его далъ ему, и хотѣнія устну его нѣси лишилъ его.

Стихъ: Яко предварилъ еси его благословеніемъ благостыннымъ, положилъ еси на главѣ его вѣнецъ отъ камене честна.

Чтецъ: Господи, силою Твоею возвеселится Царь.

Ликъ: И о спасеніи Твоемъ возрадуется зѣло.

Діаконъ: Премудрость.

Чтецъ: Къ Римляномъ посланія Святаго Апостола Павла чтеніе. [Рим. 13, 1-7.]

Діаконъ: Вонмемъ.

Чтецъ: Братіе, всяка душа властемъ предержащимъ да повинуется. Нѣсть бо власть аще не отъ Бога: сущія же власти, отъ Бога учинены суть. Тѣмже противляяйся власти, Божію повелѣнію противляется: противляющіися же, себѣ грѣхъ пріемлютъ. Князи бо не суть боязнь добрымъ дѣломъ, но злымъ. Хощеши же ли не боятися власти? благое твори: и имѣти будеши похвалу отъ него. Божій бо слуга есть, тебѣ во благое. Аще ли злое твориши, бойся: не бо безъ ума мечь носитъ. Божій бо слуга есть, отмститель въ гнѣвъ злое творящему. Тѣмже потреба повиноватися не токмо за гнѣвъ, но и за совѣсть. Сего бо ради и дани даете: служители бо Божіи суть во истое сіе пребывающе. Воздадите убо всѣмъ должная: ему же убо урокъ, урокъ; а ему же дань, дань; а ему же страхъ, страхъ; и ему же честь, честь.

Ликъ: Аллилуія, [трижды].

Діаконъ: Премудрость, прости, услышимъ Святаго Евангелія.

Іерей: Миръ всѣмъ.

Ликъ: И духови твоему.

Іерей: Отъ Матѳея Святаго Евангелія чтеніе. [Матѳ. 22, 15-22.]

Ликъ: СлаваТебѣ, Господи, славаТебѣ!

Діаконъ: Вонмемъ.

Іерей: Во время оно, совѣтъ пріемше вси фарисее на Іисуса, яко да обольстятъ Его словомъ, и посылаютъ къ Нему ученики своя со иродіаны, глаголюще: учителю, вѣмы, яко истиненъ еси, и пути Божію воистинну учиши, и нерадиши ни о комъ же: не зриши бо на лице человѣкомъ. Рцы убо намъ, чтотися мнитъ? достойно ли есть дати кинсонъ Кесареви, или ни? Разумѣвъ же Іисусъ лукавство ихъ, рече: что мя искушаете лицемѣри? Покажите ми златицу кинсонную: они же принесоша Ему пѣнязь. И глагола имъ: чій образъ сей и написаніе? И глаголаша Ему: Кесаревъ. Тогда глагола имъ: воздадите убо Кесарева, Кесареви: и Божія, Богови. И, слышавше, дивишася, и оставльше Его отыдоша.

Ликъ: Слава Тебѣ, Господи, слава Тебѣ!

Діаконъ: Помилуй насъ, Боже, по велицѣй милости Твоей, молимтися, услыши и помилуй.

Ликъ: Господи помилуй. [Трижды.] [Тоже повторяется послѣ каждаго прошенія.]

Діаконъ: Еще молимся о Благочестивѣйшемъ, Самодержавнѣйшемъ Великомъ Государѣ нашемъ, Императорѣ [имярекъ] всея Россіи: о державѣ, побѣдѣ, пребываніи, мирѣ, здравіи, спасеніи Его, и Господу Богу нашему наипаче поспѣшити и пособити Ему во всѣхъ, и покорити подъ нозѣ Его всякаго врага и супостата.

Еще молимся о Супругѣ Его, Благочестивѣйшей Государынѣ Императрицѣ [имярекъ], о матери Его, Благочестивѣйшей Государынѣ Императрицѣ [имярекъ], о Наслѣдникѣ Его, Благовѣрномъ Государѣ, Цесаревичѣ и Великомъ Князѣ [имярекъ] и о всемъ Царствующемъ Домѣ.

Еще молимся о Святѣйшемъ Правительствующемъ Сѵнодѣ и о высокопреосвященнѣйшемъ Митрополитѣ нашемъ [или Архіепископѣ или Епископѣ нашемъ, его же область] [имярекъ] и всей во Христѣ братіи нашей.

Еще молимся о всемъ Ихъ Христолюбивомъ воинствѣ.

Благодаряще со страхомъ и трепетомъ, яко раби непотребніи Твоему благоутробію, Спасе и Владыко нашъ Господи, о Твоихъ благодѣяніяхъ, яже изобильно изліялъ еси на рабѣхъ Твоихъ, и припадаемъ, и славословіе Тебѣ, яко Богу приносимъ, и умиленно вопіемъ: избави отъ всѣхъ бѣдъ рабы Твоя, и всегда, яко милостивъ, исполни во благихъ желаніе всѣхъ насъ, прилежно молимтися, услыши и помилуй.

Неисчетный въ милости, Боже нашъ, подаждь рабу Твоему Благочестивѣйшему Государю нашему, Егоже царствовати въ насъ оправдалъ еси, благопоспѣшество Моисеево, мужество Давидово, и мудрость Соломонову, къ славѣ имени Твоего, молимтися, всесвятый Царю, услыши и помилуй.

Вся премудростію сотворивый, и сотворенная управляяй, Владыко, самодержавіе раба Твоего, Великаго Государя нашего Императора [имярекъ], утверди, желаніе сердца Его и прошенія исполни, и вознеси рогъ помазанника Твоего, молимтися, услыши и помилуй.

Іерей: Услыши ны, Боже Спасителю нашъ, упованіе всѣхъ концевъ земли и сущихъ въ мори далече, и милостивъ, милостивъ буди, Владыко, о грѣсѣхъ нашихъ, и помилуй насъ. Милостивъ бо и человѣколюбецъ Богъ еси, и Тебѣ славу возсылаемъ, Отцу и Сыну и Святому Духу, нынѣ и присно и во вѣки вѣковъ.

Ликъ: Аминь.

Іерей: Миръ всѣмъ.

Ликъ: И духови твоему.

Діаконъ: Паки и паки, преклоньше колѣна, Господу помолимся!

Ликъ: Господи помилуй. [Трижды.]

Архіерей, или іерей преклонивъ колѣна, чтетъ молитву сію:

Боже великій и дивный! неисповѣдимою благостію и богатымъ промысломъ управля всяческая, Его же премудрыми, но неиспытанными судьбами, разнообразные предѣлы жизнь и сожительство человѣческое пріемлетъ, благодарнѣ исповѣдуемъ: яко не по беззаконіямъ нашимъ сотворилъ еси намъ, ниже по грѣхомъ нашимъ воздалъ еси намъ. Согрѣшихомъ, Господи, и беззаконновахомъ, и крайняго Твоего отвращенія достойны сотворихомся. Ты же, о неисчетная Благостыня, милостивый и долготерпѣливый, и каяйся о злобахъ человѣческихъ, Владыко, наказавъ насъ краткимъ бывшія печали посѣщеніемъ, се изобильно исполнилъ еси веселія и радости сердца наша, оправдавъ надъ нами царствовати возлюбленнаго Тобою Раба Твоего, Благочестивѣйшаго Самодержавнѣйшаго Великаго Государя нашего Императора [имярекъ] всея Россіи: умудри убо и настави Его непоползновенно проходити великое сіе къ Тебѣ служеніе, даруй Ему разумъ и премудрость, во еже судити людемъ Твоимъ въ правду, и Твое сіе достояніе въ тишинѣ и безъ печали сохранити, покажи Его врагомъ побѣдительна, злодѣемъ страшна, добрымъ милостива и благонадежна; согрѣй сердце Его къ призрѣнію нищихъ, ко пріятію странныхъ, къ заступленію напаствуемыхъ. Подчиненныя же Ему правительства управляя на путь истины и правды, и отъ лицепріятія и мздопріимства отражая, и вся отъ Тебе державѣ Его врученныя люди въ нелицемѣрной содержа вѣрности; сотвори Его отца о чадѣхъ веселящагося, и да удивиши милости Твоя на насъ. Умножи дни живота Его въ нерушимомъ здравіи, и непремѣняемомъ благополучіи; даруй же во дни Его и всѣмъ намъ миръ, безмолвіе и благопоспѣшество, благораствореніе воздуха, земли плодоносія, и вся къ временной и вѣчной жизни потребная. О, премилосердый Господи нашъ, Боже щедротъ и Отче всякія утѣхи, не отврати лица Твоего отъ насъ, и не посрами насъ отъ чаянія нашего; уповающе на Тя, молимся Тебѣ, и молящеся на щедроты Твоя уповаемъ: Ты бо единъ вѣси, еже требуемъ, и прежде прошенія подаеши, и дарованія утверждаеши, и всякое даяніе благо и всякъ даръ совершенъ свыше есть сходяй отъ Тебе, Отца свѣтовъ. Тебѣ слава и держава со Единороднымъ Твоимъ Сыномъ, и Всесвятымъ и благимъ и животворящимъ Твоимъ Духомъ, нынѣ и присно, и во вѣки вѣковъ.

Ликъ: Аминь.

И абіе славословіе великое:

Слава въ вышнихъ Богу, и на земли миръ, въ человѣцѣхъ благоволеніе. Хвалимъ Тя, благословимъ Тя, кланяемъ Ти ся, славословимъ Тя, благодаримъ Тя великія ради славы Твоея. Господи, Царю небесный, Боже Отче Вседержителю. Господи, Сыне Единородный, Іисусе Христе, и Святый Душе. Господи Боже, Агнче Божій, Сыне Отечь, вземляй грѣхъ міра, помилуй насъ. Вземляй грѣхи міра, пріими молитву нашу. Сѣдяй одесную Отца, помилуй насъ. Яко Ты еси Единъ Святъ, Ты еси Единъ Господь, Іисусъ Христосъ, въ славу Бога Отца, аминь.

На всякъ день благословлю Тя и восхвалю имя Твое во вѣки и въ вѣкъ вѣка.

Сподоби, Господи, въ день сей безъ грѣха сохранитися намъ. Благословенъ еси, Господи, Боже отецъ нашихъ, и хвально, и прославлено имя Твое во вѣки, аминь. Буди, Господи, милость Твоя на насъ, якоже уповахомъ на Тя.

Благословенъ еси, Господи, научи мя оправданіемъ Твоимъ. [Трижды.]

Господи, прибѣжище былъ еси намъ въ родъ и родъ. Азъ рѣхъ: Господи, помилуй мя, исцѣли душу мою, яко согрѣшихъ Тебѣ. Господи, къ Тебѣ прибѣгохъ, научи мя творити волю Твою, яко Ты еси Богъ мой, яко у Тебе источникъ живота, во Свѣтѣ Твоемъ узримъ Свѣтъ. Пробави милость Твою вѣдущимъ Тя.

Святый Боже, Святый Крѣпкій, Святый Безсмертный, помилуй насъ. [Трижды.]

Слава Отцу и Сыну и Святому Духу, и нынѣ и присно и во вѣки вѣковъ, аминь. Святый Безсмертный, помилуй насъ.

Святый Боже, Святый Крѣпкій, Святый Безсмертный помилуй насъ.

Или, вмѣсто того, пѣснь Святаго Амвросія, Епископа Медіоланскаго, сіе есть:

Тебе Бога хвалимъ, Тебе Господа исповѣдуемъ, Тебе превѣчнаго Отца вся земля величаетъ. Тебѣ вси ангели, Тебѣ небеса и вся силы, Тебѣ херувими и серафими непрестанными гласы взываютъ: Святъ, Святъ, Святъ Господь Богъ Саваоѳъ, полны суть небеса и земля величества славы Твоея. Тебе преславный апостольскій ликъ, Тебе пророческое хвалебное число, Тебе хвалитъ пресвѣтлое мученическое воинство. Тебе по всей вселеннѣй исповѣдаетъ святая Церковь, Отца непостижимаго величества, покланяемаго Твоего истиннаго и Единороднаго Сына, и Святаго Утѣшителя Духа. Ты, Царю славы Христе, Ты, Отца присносущный Сынъ еси: Ты ко избавленію пріемляй человѣка, не возгнушался еси дѣвическаго чрева; Ты, одолѣвъ смерти жало, отверзлъ еси вѣрующимъ Царство небесное; Ты одесную Бога сѣдиши во славѣ Отчей, Судія пріити вѣришися. Тебе убо просимъ: помози рабомъ Твоимъ, ихже честною Твоею кровію откупилъ еси. Сподоби со святыми Твоими въ вѣчной славѣ Твоей царствовати. Спаси люди Твоя, Господи, и благослови достояніе Твое, исправи я и вознеси ихъ во вѣки: во вся дни благословимъ Тебе и восхвалимъ имя Твое во вѣкъ и во вѣкъ вѣка. Сподоби, Господи, въ день сей безъ грѣха сохранитися намъ. Помилуй насъ, Господи, помилуй насъ: буди милость Твоя, Господи, на насъ, якоже уповахомъ на Тя; на Тя, Господи, уповахомъ, да не постыдимся во вѣки, аминь.

По окончаніи сего, іерей творитъ обычный отпустъ.

По отпустѣ же діаконъ возглашаетъ Его Императорскому Величеству многолѣтствіе тако:

Благочестивѣйшему, Самодержавнѣйшему, Великому Государю нашему Императору [имярекъ] всея Россіи, подаждь Господи, благоденственное и мирное житіе, здравіе же и спасеніе и во всемъ благое поспѣшеніе, на враги же побѣду и одолѣніе: и сохрани Его на многа лѣта. [1]

Ликъ поетъ: Многая лѣта, на оба лика по трижды. [2]

Примѣчанія:
[1] Со времени участія въ Священномъ Коронованіи Августѣйшей супруги Государя Императора (съ 1724 года), на многолѣтіи обыкновенно возглашается и имя Ея Величества, а также Наслѣдника Цесаровича, какъ и при многолѣтіи на обычныхъ благодарственныхъ молебствіяхъ во дни рожденія и тезоименитства ихъ Величествъ и Высочествъ.
[2] Въ виду того, что восшествіе на Императорскій престолъ соединяется съ вѣрноподданнѣйшею присягою со стороны подданныхъ, мы приводимъ здѣсь формулу оной.

Форма всенародной присяги на вѣрность подданства:

Я нижепоименованный, обѣщаюсь и клянусь Всемогущимъ Богомъ, предъ святымъ Евангеліемъ, въ томъ, что хочу и долженъ Его Императорскому Величеству, своему истинному и природному Всемилостивѣйшему Великому Государю Императору [имярекъ] Самодержцу Всероссійскому, и законному Его Императорскаго Величества Всероссійскаго Престола Наслѣднику Его Императорскому Высочеству Государю Цесаревичу и Великому Князю [имярекъ], вѣрно и нелицемѣрно служить, и во всемъ повиноваться, не щадя живота своего до послѣдней капли крови, и всѣ къ высокому Его Величества самодержавству, силѣ и власти принадлежащія права и преимущества, узаконенныя и впредь узаконяемыя, по крайнему разумѣнію, силѣ и возможности предостерегать и оборонять, и притомъ по крайней мѣрѣ стараться споспѣшествовать все, что къ Его Императорскаго Величества вѣрной службѣ и пользѣ государственной во всякихъ случаяхъ касаться можетъ, о ущербѣ же Его Величества интереса, вредѣ и убыткѣ, какъ скоро о томъ увѣдаю, не токмо благовременно объявлять, но и всякими мѣрами отвращать и не допущать тщатися и всякую ввѣренную тайность крѣпко хранить буду, и повѣренный и положенный на мнѣ чинъ, какъ по сей [генеральной], такъ и по особливой, опредѣленной и отъ времени до времени Его Императорскаго Величества именемъ отъ предуставленныхъ надо мною начальниковъ опредѣляемымъ инструкціямъ и регламентамъ и указамъ, надлежащимъ образомъ по совѣсти своей исправлять, и для своей корысти, свойства, дружбы и вражды, противно должности своей и присяги не поступать, и такимъ образомъ себя весть и поступать, какъ вѣрному Его Императорскаго Величества подданному благопристойно есть и надлежитъ, и какъ я предъ Богомъ и судомъ Его страшнымъ въ томъ всегда отвѣтъ дать могу, какъ суще мнѣ Господь Богъ душевно и тѣлесно да поможетъ.

[Для христіанъ:] Въ заключеніе же сей моей клятвы цѣлую слова и Крестъ Спасителя моего. Аминь.

Источникъ: Книга молебныхъ пѣній Православной Каѳолической Восточной Церкви. Нѣмецкій переводъ съ параллельнымъ славянскимъ текстомъ, провѣреннымъ по греческимъ оригиналамъ, протоіерея Алексѣя Мальцева, mag. theol., Наcтоятеля церкви при   И м п е р а т о р с к о м ъ   Россійскомъ Посольствѣ въ Берлинѣ. — Берлинъ: «Карлъ Сигизмундъ», 1897. — С. 61-83.

/ Къ оглавленію раздѣла /


Наверхъ / Къ титульной страницѣ

0