Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - четвергъ, 29 iюня 2017 г. Сейчасъ на порталѣ посѣтителей - 23.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

СВЯЩЕННО-БОГОСЛУЖЕБНЫЯ КНИГИ

ПСАЛТИРЬ СЪ ВОЗСЛѢДОВАНІЕМЪ.

Уста́въ святы́хъ Оте́цъ,
Бо́гомъ́ пре́данный, всѣ́мъ хотя́щимъ пѣ́ти Псалти́рь, въ молча́ніи живу́щимъ мона́хомъ и всѣ́мъ богобоя́знивымъ правосла́внымъ христіа́номъ.

Богоно́сніи, и преподо́бніи, и преблаже́нніи отцы́ на́ши, всему́ мíру свѣти́ла, земленíи а́нгели, небе́сніи человѣ́цы, испе́рва отъ Свята́го Ду́ха преда́нія мона́шествовати навы́кше, и благода́тію Бо́жіею отню́дъ просвѣще́ни бы́ша, Христа́ всели́вше въ прекра́сныя своя́ ду́ши, чи́стаго ра́ди житія́ ихъ, и побѣ́ду показа́ша на діа́вола, а́ще и мно́гими отъ него́ искуше́ніи разжиза́еми, но одолѣ́вше его́, яснѣ́е зла́та искуше́на сія́ютъ, и па́че снѣ́га убѣли́шася, и невеще́ственна зла́та кри́ла впери́вше мы́сленная, на небеса́ возлетѣ́ша, я́ко небопа́рніи орли́, на́мъ оста́виша уста́въ, Бо́гомъ пре́даннаго пѣ́нія и́хъ, и умиле́нныя моли́твы, и́миже Бо́га ми́лостива себѣ́ сотвори́ша. О́ви бо и́хъ часы́ съ междоча́сіемъ поя́ху, соста́вивше избра́нныя псалмы́ съ тропари́ и съ моли́твами и нареко́ша сія́ Часосло́вецъ; друзíи еди́нъ Псалти́рь поя́ху; инíи же, подви́жнѣйшіи су́ще, по вся́кой каѳи́смѣ, трисвято́е съ покло́ны, и съ тропари́ покая́нны, и съ моли́твами Псалти́рь поя́ху.




Уста́въ о Псалти́ри, ка́ко до́лжно е́сть глаго́лати во все́ лѣ́то.

Отъ недѣ́ли Антипа́схи, я́же е́сть Ѳомина́, и до отда́нія Воздви́женія Честна́го и Животворя́щаго Креста́ Госпо́дня, начина́емъ стихосло́вити Псалти́рь си́це:

Въ суббо́ту Свѣ́тлыя недѣ́ли ве́чера, глаго́лемъ 1-ю каѳи́сму: Блаже́нъ му́жъ...

Въ недѣ́лю на у́трени, каѳи́сма 2-я, 3-я, а 17-ю каѳи́сму въ сію́ недѣ́лю не глаго́лемъ, зане́же пое́тся поліеле́й. Въ про́чія же воскре́сныя дни́, егда́ не пое́тся поліеле́й, на у́трени глаго́лемъ каѳи́сму 17-ю, съ тропари́ ея́. [Зри́:] Аще же прилучи́тся въ недѣ́лю пра́здникъ Госпо́дскій, или́ Богоро́дицы, или́ пра́зднуемаго свята́го, по дву́ каѳи́смахъ поліеле́й, и по велича́ніи не пѣ́вше Сла́ва, и ны́нѣ, и Аллилу́ія, пое́мъ тропари́: Ангельскій собо́ръ... и по ектеніи́ сѣда́льны пра́здника, или́ свята́го. Въ недѣ́лю ве́чера, во ве́сь го́дъ никогда́же глаго́лется Псалти́рь. Аще ли же прилучи́тся пра́зднество, тогда́ пое́мъ: Блаже́нъ му́жъ.., 1-й антифо́нъ.

Въ понедѣ́льникъ на у́трени, каѳи́сма 4-я, 5-я. На вече́рни, каѳи́сма 6-я.

Во вто́рникъ на у́трени, каѳи́сма 7-я, 8-я. На вече́рни, каѳи́сма 9-я.

Въ сре́ду на у́трени, каѳи́сма 10-я, 11-я. На вече́рни, каѳи́сма 12-я.

Въ четверто́къ на у́трени, каѳи́сма 13-я, 14-я. На вече́рни, каѳи́сма 15-я.

Въ пято́къ на у́трени, каѳи́сма 19-я, 20-я. На вече́рни, каѳи́сма 18-я.

Въ суббо́ту на у́трени, каѳи́сма 16-я, 17-я.

На полу́нощницѣ же въ понедѣ́льникъ, во вто́рникъ, въ сре́ду, въ четверто́къ, въ пято́къ, во ве́сь го́дъ глаго́лемъ каѳи́сму 17-ю: Блаже́ни непоро́чніи... Въ суббо́ту же на полу́нощницѣ всегда́ глаго́лемъ каѳи́сму 9-ю: Тебѣ́ подоба́етъ пѣ́снь, Бо́же, въ Сіо́нѣ...

По отда́ніи же Воздви́женія Честна́го Креста́, отъ 22-го дне́ мѣ́сяца Септе́мврія, до 20-го дне́ мѣ́сяца Деке́мврія, начина́емъ Псалти́рь глаго́лати си́це:

Въ суббо́ту на вече́рни, каѳи́сма 1-я: Блаже́нъ му́жъ...

Въ недѣ́лю на у́трени, каѳи́сма 2-я, 3-я; прилага́емъ же и поліеле́й, си́рѣчь многоми́лостиво: Псало́мъ 134-й: Хвали́те и́мя Госпо́дне... и 135-й: Исповѣ́дайтеся Го́сподеви.., и а́біе тропари́: Ангельскій собо́ръ... и ипакои́ гла́са. [Зри́:] Аще же бу́детъ Госпо́дскій пра́здникъ, или́ Богоро́дицы, или́ нѣ́кій святы́й пра́зднуемый въ недѣ́лю, тогда́ по псалмѣ́хъ: Хвали́те и́мя Госпо́дне... и Исповѣ́дайтеся Го́сподеви..., пра́зднику велича́ніе, и псало́мъ избра́нный, и тропари́: Ангельскій собо́ръ... и сѣда́льны пра́здника.

Въ понедѣ́льникъ по Воздви́женіи, на у́трени, каѳи́сма 4-я, 5-я, 6-я. А на вече́рни во всю́ седми́цу глаго́лемъ каѳи́сму 18-ю.

Во вто́рникъ, на у́трени, каѳи́сма 7-я, 8-я, 9-я.

Въ сре́ду, на у́трени, каѳи́сма 10-я, 11-я, 12-я.

Въ четверто́къ, на у́трени, каѳи́сма 13-я, 14-я, 15-я.

Въ пято́къ, на у́трени, каѳи́сма 19-я, 20-я.

Въ суббо́ту, на у́трени, каѳи́сма 16-я, 17-я.

[Зри́:] Егда́ же прилучи́тся въ тѣ́ дни́ пра́зднество, въ ни́хже глаго́лется на у́трени по три́ каѳи́смы, и тогда́ глаго́лемъ на у́трени двѣ́ каѳи́смы, а 3-ю, рядову́ю, на вече́рни. [Зри́:] Яко во все́мъ о́бщемъ уста́вѣ, отъ 22-го дне́ Септе́мврія мѣ́сяца, повелѣва́етъ начина́ти на у́трени каѳи́смы три́. Аще ли у́бо пре́жде 20-го или́ по 20-мъ дни́ бу́детъ недѣ́ля: вся́ко и всегда́ отъ понедѣ́льника начина́емъ три́ каѳи́смы.

Отъ 20-го же дне́ Деке́мврія мѣ́сяца, до 14-го Іаннуа́рія мѣ́сяца, до́ндеже отда́стся пра́здникъ свята́го Богоявле́нія.

Стихологису́емъ па́ки Псалти́рь, я́коже и въ недѣ́лю Антипа́схи, я́же е́сть Ѳомина́: по двѣ́ каѳи́смы на у́трени, а на вече́рни 3-ю рядову́ю.

Отъ пя́таго же на́десять дне́ Іаннуа́рія мѣ́сяца, до суббо́ты, я́же е́сть предъ недѣ́лею о блу́дномъ сы́нѣ.

Стихологису́емъ па́ки: на у́трени по три́ каѳи́смы, а на вече́рни 18-ю каѳи́сму: Ко Го́споду внегда́ скорбѣ́ти ми́...

Въ двѣ́ же недѣ́ли: въ мясопу́стную и сы́рную,

Стихосло́вимъ на у́трени по двѣ́ каѳи́смы, а на вече́рни 3-ю рядову́ю, ма́лаго ра́ди поко́я бра́тіи.

[Уста́въ о поліеле́и:]

Въ недѣ́лю же блу́днаго, и въ мясопу́стную, и въ сы́рную, на у́трени, по псалмѣ́хъ: Хвали́те и́мя Госпо́дне... и Исповѣ́дайтеся Го́сподеви.., припѣва́емъ и тре́тій псало́мъ 136-й: На река́хъ Вавило́нскихъ.., со аллилу́іею кра́сною; та́же тропари́: Ангельскій собо́ръ... и ипакои́ гла́са.

Подоба́етъ вѣ́дати, я́ко отъ сея́ сы́рныя недѣ́ли да́же до Воздви́женія Честна́го Креста́ упраждня́ется поліеле́й, пое́тся же то́кмо во бдѣ́ніихъ Влады́чнихъ пра́здниковъ.

По отда́ніи же Воздви́женія Честна́го и Животворя́щаго Креста́ Госпо́дня, и до недѣ́ли сыропу́стныя, кромѣ́ предпра́зднства, и попра́зднства Рождества́ Христо́ва и Богоявле́нія, въ собо́рнѣй вели́цѣй Це́ркви, и въ про́чихъ собо́рныхъ Це́рквахъ, въ воскре́сныя дни́ на у́трени пое́тся поліеле́й, я́коже и въ вели́кихъ пречестны́хъ оби́телѣхъ.

Уста́въ о Псалти́ри, ка́ко до́лжно е́сть глаго́лати во святы́й Вели́кій по́стъ:

Въ недѣ́лю 1-ю, 2-ю, 3-ю, 4-ю, 6-ю, я́ко да прочту́тся вся́ каѳи́смы по своему́ вре́мени, а не оста́нется ни еди́на каѳи́сма.

Въ суббо́ту на вече́рни, каѳи́сма 1-я: Блаже́нъ му́жъ...

Въ недѣ́лю на у́трени, каѳи́сма 2-я, 3-я, 17-я.

Въ понедѣ́льникъ на у́трени, каѳи́сма 4-я, 5-я, 6-я. На 1-мъ часѣ́ каѳи́смы нѣ́сть. На часѣ́хъ каѳи́сма 7-я, 8-я, 9-я. На вече́рни по вся́ дни́ въ си́хъ пяти́ дне́хъ глаго́лется каѳи́сма 18-я: Ко Го́споду внегда́ скорбѣ́ти ми́...

Во вто́рникъ на у́трени, каѳи́сма 10-я, 11-я, 12-я. На 1-мъ часѣ́ каѳи́сма 13-я. На часѣ́хъ каѳи́сма 14-я, 15-я, 16-я.

Въ сре́ду на у́трени, каѳи́сма 19-я, 20-я, 1-я. На 1-мъ часѣ́, каѳи́сма 2-я. На часѣ́хъ, каѳи́сма 3-я, 4-я, 5-я.

Въ четверто́къ на у́трени, каѳи́сма 6-я, 7-я, 8-я. На 1-мъ часѣ́ каѳи́сма 9-я. На часѣ́хъ, каѳи́сма 10-я, 11-я, 12-я.

Въ пято́къ на у́трени, каѳи́сма 13-я, 14-я, 15-я. На 1-мъ часѣ́ нѣ́сть каѳи́смы. На часѣ́хъ, каѳи́сма 19-я, 20-я. На 9-мъ часѣ́ нѣ́сть каѳи́смы.

Въ суббо́ту на у́трени, каѳи́сма 16-я, 17-я.

И та́ко испо́лнится уста́въ Псалти́ри.

Ука́зъ о каѳи́смахъ пя́тыя недѣ́ли свята́го Вели́каго поста́, ка́ко глаго́лати.

Въ суббо́ту на ве́черни, каѳи́сма 1-я.

Въ недѣ́лю на у́трени, каѳи́сма 2-я, 3-я, 17-я, а на вече́рни каѳи́смы нѣ́сть.

Въ понедѣ́льникъ на у́трени, каѳи́сма 4-я, 5-я, 6-я. На 1-мъ часѣ́ каѳи́смы нѣ́сть. На часѣ́хъ, каѳи́сма 7-я, 8-я, 9-я. На вече́рни каѳи́сма 10-я.

Во вто́рникъ на у́трени, каѳи́сма 11-я, 12-я, 13-я. На пе́рвомъ часѣ́ каѳи́сма 14-я. На часѣ́хъ, каѳи́сма 15-я, 16-я, 18-я. На вече́рни, каѳи́сма 19-я.

Въ сре́ду на у́трени, каѳи́сма 20-я, 1-я, 2-я. На 1-мъ часѣ́ каѳи́сма 3-я. На часѣ́хъ, каѳи́сма 4-я, 5-я, 6-я. На вече́рни каѳи́сма 7-я.

Въ четверто́къ на у́трени, каѳи́сма 8-я. На 1-мъ часѣ́ каѳи́смы нѣ́сть. На часѣ́хъ, каѳи́сма 9-я, 10-я, 11-я. На вече́рни каѳи́сма 12-я.

Въ пято́къ на у́трени, каѳи́сма 13-я, 14-я, 15-я. На пе́рвомъ часѣ́ каѳи́смы нѣ́сть. На часѣ́хъ, каѳи́сма 19-я, 20-я. На 9-мъ часѣ́ каѳи́смы нѣ́сть. На вече́рни каѳи́сма 18-я.

И та́ко испо́лнится уста́въ Псалти́ри.

Подоба́етъ вѣ́дати, ка́ко глаго́лати Псалти́рь во святу́ю Вели́кую седми́цу Страстны́я недѣ́ли.

Извѣ́стно же да бу́детъ, я́ко во святу́ю Вели́кую седми́цу сію́, еди́ною соверша́емъ Псалти́рь въ це́ркви. Стихосло́вится же си́це:

Въ суббо́ту Ла́зареву на вече́рни, каѳи́сма 1-я.

Въ недѣ́лю Цвѣтну́ю на у́трени, каѳи́сма 2-я, 3-я.

Въ понедѣ́льникъ на у́трени, каѳи́сма 4-я, 5-я, 6-я. На пе́рвомъ часѣ́ каѳи́смы нѣ́сть. На часѣ́хъ, каѳи́сма 7-я, 8-я. На 9-мъ часѣ́ каѳи́смы нѣ́сть. На вече́рни каѳи́сма 18-я.

Во вто́рникъ на у́трени, каѳи́сма 9-я, 10-я, 11-я. На пе́рвомъ часѣ́ каѳи́смы нѣ́сть. На часѣ́хъ, каѳи́сма 12-я, 13-я. На 9-мъ часѣ́ каѳи́смы нѣ́сть. На вече́рни каѳи́сма 18-я.

Въ сре́ду Вели́кую на у́трени каѳи́сма 14-я, 15-я, 16-я. На пе́рвомъ часѣ́ каѳи́смы нѣ́сть. На часѣ́хъ, каѳи́сма 19-я, 20-я. Въ ту́же сре́ду на вече́рни каѳи́сма 18-я, безъ покло́новъ.

И та́ко отлага́ется Псалти́рь и до суббо́ты Ѳомины́. То́кмо пое́мъ въ суббо́ту Вели́кую на у́трени каѳи́сму 17-ю, съ припѣ́вы, на три́ статіи́.

Источникъ: Псалти́ръ съ возслѣ́дованіемъ. — Черни́говъ: Въ Тѵпогра́фіи оби́тели Свя́то-Тро́ицкой Иліи́нской, 1763. — Л. 6 об. – 8 об.

/ Къ оглавленію раздѣла /


Наверхъ / Къ титульной страницѣ

0