Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - среда, 24 мая 2017 г. Сейчасъ на порталѣ посѣтителей - 10.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

СВЯЩЕННО-БОГОСЛУЖЕБНЫЯ КНИГИ

ПСАЛТИРЬ СЪ ВОЗСЛѢДОВАНІЕМЪ.

Свята́го Макси́ма [Исповѣдника],
Изложе́ніе о вѣ́рѣ, вкра́тцѣ вопроша́ти и отвѣща́ти вся́кому христіа́нину правосла́вному.

Вопро́съ: Коли́ко есте́ствъ исповѣ́дуеши о Святѣ́й и единосу́щнѣй и нераздѣли́мѣй Тро́ицѣ? Отвѣ́тъ: Еди́но естество́ исповѣ́дую.

Вопро́съ: Коли́ка существа́? Отвѣ́тъ: Еди́но существо́.

Вопро́съ: Коли́ко о́бразовъ? Отвѣ́тъ: Еди́нъ о́бразъ.

Вопро́съ: Коли́ко во́ль, ре́кше хотѣ́ній? Отвѣ́тъ: Еди́ну во́лю.

Вопро́съ: Коли́ко ѵпоста́сей, ре́кше ли́цъ? Отвѣ́тъ: Три́ ѵпоста́си исповѣ́дую: Отца́ и Сы́на и Свята́го Ду́ха.

Вопро́съ: Кто́ отъ Святы́я Тро́ицы воплоти́ся? Отвѣ́тъ: Сы́нъ Сло́во.

Вопро́съ: Коли́ко есте́ствъ исповѣ́дуеши о Сы́нѣ Бо́жіи вочеловѣ́чшемся на́съ ра́ди? Отвѣ́тъ: Два́ естества́ исповѣ́дую: Божество́ и человѣ́чество.

Вопро́съ: Коли́ко суще́ствъ? Отвѣ́тъ: Два́ существа́ исповѣ́дую: еди́но — единосу́щно Отцу́ по Божеству́, и второ́е — единосу́щно ма́тери по человѣ́честву.

Вопро́съ: Коли́ко во́ль, ре́кше хотѣ́ній? Отвѣ́тъ: Двѣ́ во́ли исповѣ́дую: Божества́ и человѣ́чества.

Вопро́съ: Коли́ко дѣ́йствъ? Отвѣ́тъ: Два́ дѣ́йства исповѣ́дую.

Вопро́съ: Коли́ко ѵпоста́сей? Отвѣ́тъ: Еди́ну ѵпоста́сь Бо́га Сло́ва.

Вопро́съ: Коли́ко рожде́ствъ? Отвѣ́тъ: Два́ рожества́ исповѣ́дую: пе́рвое — превѣ́чное, безлѣ́тное, безпло́тное, возсія́ бо отъ Отца́, я́ко отъ со́лнца свѣ́тъ; второ́е — напослѣ́докъ отъ Святы́я Дѣ́вы Богоро́дицы Марíи роди́ся Бо́гъ вели́кій, превѣ́чный, собезнача́лный, неви́димый, непостижи́мый, неопи́санный по Божеству́, необыме́нный, свѣ́дый сердца́ всѣ́хъ человѣ́ковъ. [Зри́:] Свята́я Богоро́дица роди́ еди́ну ѵпоста́сь, во двою́ познава́ему естеству́: по Божеству́ бо отъ Отца́ рожество́ безлѣ́тно; напослѣ́докъ же въ лѣ́то отъ Нея́ вопло́щся, пло́тію ражда́емь. Аще же и вопроша́ющіи назна́менуютъ на́мъ: я́ко рожде́йся отъ Святы́я Богоро́дицы, во двою́ ли естеству́ сы́й? Рече́мъ и́мъ: е́й, во дву́ естеству́ е́сть, Бо́гъ бо е́сть, То́й же и человѣ́къ. Та́коже и о распя́тіи, и воскресе́ніи и о вознесе́ніи — не естества́ бо сія́ су́ть, но ѵпоста́си. [Іоа́ннъ Дамаски́нъ, кн. 4, гл. 7:] Пострада́ у́бо Христо́съ во двою́ естеству́ сы́й, стра́ннымъ естество́мъ распя́тся, пло́тію бо на крестѣ́ ви́ся, а не Божество́мъ. Аще же па́ки реку́тъ на́мъ вопроша́ющіи: два́ ли естества́ умро́ста? Рече́мъ и́мъ: ни́, не бу́ди то́; и́бо ни два́ естества́ ра́спята бы́ста, но роди́ся Христо́съ, Иже е́сть Бо́гъ Сло́во, вочеловѣ́чися и роди́ся, пло́тію распя́тся, пло́тію пострада́, пло́тію у́мре. Безъ стра́сти у́бо пребы́вшу Божеству́ Его́.

Вопро́съ: Коли́ко есте́ствъ ви́сѣ на крестѣ́? Отвѣ́тъ: Іису́съ во двою́ естеству́ сы́й, стра́снымъ естество́мъ ви́сяше на крестѣ́, пло́тію, а не Божество́мъ. Сіе́ изложе́ніе свѣ́дый — и́стинный изра́ильтянинъ е́сть, въ не́мже льсти́ нѣ́сть.

Аще же па́ки хо́щеши позна́ти, что́ е́сть Бо́гъ, и ка́ко покланя́тися Ему́? — Слы́ши и внима́й, и разумѣ́й, и увѣ́си и́стинно Отца́ и Сы́на и Свята́го Ду́ха. Еди́нъ свя́тъ, еди́но хотѣ́ніе, и еди́на во́ля, и еди́на прему́дрость, и еди́на си́ла. Не у́бо Овъ пре́жде вѣ́къ, Овъ же по вѣ́цѣхъ, но ку́пно Оте́цъ и Сы́нъ и Святы́й Ду́хъ. Сы́нъ во Отцѣ́, и Ду́хъ въ Сы́нѣ. Совоку́плено бы́сть естество́, и еди́но Божество́. Раздѣля́ется же по ѵпоста́сехъ на тро́е, во еди́нствѣ же па́ки е́сть, по суще́ственному Сло́ву. Сего́ ра́ди и Отца́ глаго́люще, и Сы́на сла́вяще, и Ду́ха исповѣ́дующе, Бо́га имену́емъ. Имже Бо́жіе естество́ о́бще е́сть Отцу́ и Сы́ну и Свято́му Ду́ху. А е́же рещи́: Оте́цъ и Сы́нъ и Святы́й Ду́хъ, не су́ть о́бщая имена́, но осо́бно ко́ейждо ѵпоста́си: Оте́цъ бо не нарица́ется Сы́нъ, и Сы́нъ не нарица́ется Оте́цъ, и Ду́хъ Святы́й ни Оте́цъ ни Сы́нъ нарица́ется; Тро́ица при́сно Бо́гъ имену́ется. Глаго́лю же три́ ѵпоста́си, си́рѣчь три́ лица́, еди́нъ о́бразъ. Не глаго́лемъ въ тре́хъ ли́цѣхъ, три́ существа́, или́ три́ естества́, или́ три́ Бо́ги, я́коже трекля́таго Арія ученицы́, но — еди́наго Бо́га, и еди́но существо́, и еди́но естество́ въ тре́хъ ѵпоста́сехъ исповѣ́дуемъ. Не глаго́лемъ же еди́ну ѵпоста́сь, я́коже прокля́тіи савелліа́не, но — три́ ѵпоста́си, и три́ ли́ца во еди́номъ о́бразѣ, и во еди́номъ Божествѣ́, исповѣ́дуемъ, и мо́лимъ и почита́емъ.

Источникъ: Псалти́ръ. — М.: Въ Сѵнода́льной Тѵпогра́фіи, 1782. — Л. 2 – 2 об.

/ Къ оглавленію раздѣла /


Наверхъ / Къ титульной страницѣ

0