Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - среда, 24 мая 2017 г. Сейчасъ на порталѣ посѣтителей - 14.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

МИНЕИ БОГОСЛУЖЕБНЫЯ (СЕНТЯБРЬ-АВГУСТЪ).

Мѣ́сяца Септе́мврія въ 12-й де́нь.
Свята́го священному́ченика Автоно́ма.

Зри́: Въ сíй де́нь отдае́тся пра́здникъ Рождества́ Пресвяты́я Богоро́дицы.

И пое́тся все́ пра́здника.

Ве́черъ, обы́чное стихосло́віе. На Го́споди воззва́хъ: стихи́ры пра́здника на 6. Сла́ва, и ны́нѣ, пра́здника. Аще же въ пято́къ ве́чера: Сла́ва, пра́здника. И ны́нѣ, догма́тикъ настоя́щаго гла́са. Проки́менъ дне́, кромѣ́ вхо́да и паремíй. Та́же, Сподо́би Го́споди... и ектенія́: Испо́лнимъ вече́рнюю... На стихо́внѣ: стихи́ры, и Сла́ва, и ны́нѣ, пра́здника. по Отче на́шъ: тропа́рь пра́здника. Та́же, ектенія́, и отпу́стъ.

На повече́ріи конда́къ пра́здника.

Полу́нощницу же пое́мъ по обы́чаю, съ каѳи́смою и тропари́ обы́чными, а не пра́здника. Глаго́лемъ же и моли́тву: Помяни́, Го́споди, въ наде́жди...

На у́трени, на Бо́гъ Госпо́дь: тропа́рь пра́здника, два́жды. Сла́ва, и ны́нѣ, то́йже. По каѳи́смахъ сѣда́льны пра́здника и чте́ніе. Псало́мъ 50-й. Кано́нъ пра́здника: пе́рвый со ирмосо́мъ на 8, и другíй со ирмосо́мъ на 6. Ирмосы́ же пое́мъ обою́ кано́новъ, по два́жды. Катава́сія: Кре́стъ начерта́въ... По 3-й пѣ́сни: сѣда́ленъ пра́здника, два́жды. По 6-й пѣ́сни: конда́къ и и́косъ пра́здника. На 9-й пѣ́сни: Честнѣ́йшую... не пое́мъ, но пое́мъ припѣ́вы пра́здника. На схо́дѣ катава́сія: Та́инъ еси́... И другíй: Снѣ́дію дре́ва.., съ припѣ́вы пра́здника. Свѣти́ленъ пра́здника, два́жды. На хвали́техъ стихи́ры пра́здника на 4. Сла́ва, и ны́нѣ, пра́здника. Славосло́віе вели́кое. По трисвято́мъ: тропа́рь пра́здника, еди́ножды. И ектеніи́, и отпу́стъ, и исхожде́ніе въ притво́ръ и ча́съ 1-й.

На часѣ́хъ: тропа́рь и конда́къ пра́здника.

На литургíи: блаже́нна обои́хъ кано́новъ, пѣ́снь 9-я, на 8. По вхо́дѣ: тропа́рь пра́здника. Сла́ва, и ны́нѣ, конда́къ пра́здника. Проки́менъ, аллилу́ія и прича́стенъ пра́здника. Апо́столъ и Ева́нгеліе дне́, и пра́здника.


(Мрк.) Подоба́етъ вѣ́дати, а́ще случи́тся отда́ніе Рождества́ Богоро́дицы въ недѣ́лю.

Въ суббо́ту на ма́лѣй вече́рни, стихи́ры воскре́сны по обы́чаю. На стихо́внѣ: стихи́ра воскре́сна еди́на, и пра́здника стихо́вна съ припѣ́вы свои́ми вели́кія вече́рни. Сла́ва, и ны́нѣ, пра́здника. Тропа́рь воскре́сенъ. Сла́ва, и ны́нѣ, пра́здника.

На вели́цѣй вече́рни, по обы́чной каѳи́смѣ, на Го́споди воззва́хъ: стихи́ры воскре́сны 3, и восто́ченъ [Анато́ліевъ] еди́нъ, и пра́здника 6, пое́мыя на са́мый пра́здникъ. Сла́ва, пра́здника. И ны́нѣ, богоро́диченъ пе́рвый гла́са. На литíи: стихи́ры и Сла́ва, и ны́нѣ, пра́здника. На стихо́внѣ: стихи́ры воскре́сны. Сла́ва, и ны́нѣ, пра́здника. На благослове́ніи хлѣ́бовъ: тропа́рь Богоро́дице Дѣ́во.., два́жды, и пра́здника, еди́ножды. И чте́ніе въ посла́ніихъ апо́стольскихъ.

На у́трени, на Бо́гъ Госпо́дь: тропа́рь воскре́сенъ, два́жды. Сла́ва, и ны́нѣ, пра́здника. По каѳи́смахъ: сѣда́льны воскре́сны съ богоро́дичны и́хъ. И чте́ніе во Ева́нгеліи толково́мъ, недѣ́ля предъ Воздви́женіемъ. Посе́мъ непоро́чны и ипакои́ гла́са. И чте́ніе, недѣ́ля ря́дъ. Степе́нна и проки́менъ гла́са. Вся́кое дыха́ніе... Ева́нгеліе воскре́сное. Воскресе́ніе Христо́во... Псало́мъ 50-й. Стихи́ра воскре́сна, и про́чая по обы́чаю. Кано́нъ воскре́сенъ со ирмосо́мъ на 4, и богоро́дицы на два, и пра́здника о́ба кано́на на 8. Катава́сія: Кре́стъ начерта́въ... По 3-й пѣ́сни: конда́къ и и́косъ пра́здника, и сѣда́ленъ пра́здника, два́жды. По 6-й пѣ́сни: конда́къ, и и́косъ воскре́сенъ, и про́логъ. На 9-й пѣ́сни пое́мъ: Честнѣ́йшую... Свѣти́ленъ воскре́сенъ. Сла́ва, и ны́нѣ, пра́здника. На хвали́техъ: стихи́ры воскре́сны на 4, и пра́здника со сла́внымъ на 4, съ припѣ́вы пра́здника. Сла́ва, стихи́ра ева́нгельская. И ны́нѣ, Преблагослове́нна еси́... Славосло́віе вели́кое. По трисвято́мъ тропа́рь воскре́сенъ то́чію. Ектеніи́, и отпу́стъ, и оглаше́ніе Студи́тово, и исхожде́ніе обы́чное въ притво́ръ, и ча́съ 1-й, и коне́чный отпу́стъ.

На часѣ́хъ: тропа́рь воскре́сенъ. Сла́ва, пра́здника. И ны́нѣ, богоро́диченъ часо́въ. По Отче на́шъ: конда́къ пра́здника и воскре́сенъ, премѣня́юще глаго́лемъ.

На литургíи: блаже́нна гла́са на 6 и пра́здника пѣ́снь 9-я на 4. По вхо́дѣ: тропа́рь воскре́сенъ и пра́здника. Сла́ва, конда́къ воскре́сенъ. И ны́нѣ, пра́здника. Проки́менъ, Апо́столъ, аллилу́ія, и Ева́нгеліе, недѣ́ли предъ Воздви́женіемъ и ря́дъ подъ зача́ло, та́же, Богоро́дицы. Прича́стенъ: Хвали́те Го́спода съ небе́съ... Другíй, пра́здника: Ча́шу спасе́нія...

Источникъ: Минíа, мѣ́сяцъ Септе́мврій. — Кíевъ: Въ тѵпогра́фіи Кíево-Пече́рской Ла́ѵры, 1893. — Л. 124 – 125.

/ Къ оглавленію раздѣла /


Наверхъ / Къ титульной страницѣ

0