Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - воскресенiе, 20 августа 2017 г. Сейчасъ на порталѣ посѣтителей - 9.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

МИНЕИ БОГОСЛУЖЕБНЫЯ (СЕНТЯБРЬ-АВГУСТЪ).

Мѣ́сяца Ма́рта въ 13-й де́нь.
Пренесе́ніе моще́й и́же во святы́хъ отца́ на́шего Ники́фора, патріа́рха Царягра́да.

[ВЕЧЕРЪ,]
На Го́споди воззва́хъ: стихи́ры, гласъ 1. Подо́бенъ: Небе́сныхъ чино́въ.

Твое́ чистѣ́йшее тѣ́ло,* во гро́бѣ лежа́, не растлѣ́ отню́дъ,* но цѣ́ло обрѣ́теся, всеблаже́нне Ники́форе,* е́же со тща́ніемъ прине́сше,* ра́довахуся правосла́вія пито́мцы,* благосла́внѣ тя́, богому́дре, блажа́ще.

Хра́мъ Бо́жій бы́вша тя́* боже́ственными дѣя́ньми,* хра́мъ апо́стольскій зва́ніемъ почте́нный,* пріе́млетъ, всеблаже́нне,* по погребе́ніи свяще́нно погреба́емаго* и спогре́бша вся́ ерети́ческая злосмра́дная буесло́вія.

Сла́ва, и ны́нѣ, богоро́диченъ:

Прегрѣше́ній пучи́ною обурева́емь,* къ ти́хому приста́нищу прибѣ́гъ —* пречи́стѣй моли́твѣ Твое́й,* Богороди́тельнице, взыва́ю Ти́:* спаси́ мя,* крѣ́пкую Твою́ десни́цу просте́рши рабу́ Твоему́,* Всенепоро́чная.

Крестобогоро́диченъ:

Воздви́жена я́ко ви́дѣ на Крестѣ́ Агнца,* непоро́чная Дѣ́ва,* пла́чущи, вопія́ше:* сла́дкое Мое́ Ча́до,* что́ но́вое и пресла́вное видѣ́ніе?* ка́ко содержа́й вся́ческая го́рстію,* на дре́вѣ пригвожда́ешися пло́тію?


[НА УТРЕНИ,]
Кано́нъ, гла́съ 2. Игна́тія.

Пѣ́снь 1.

Ирмо́съ: Гряди́те, лю́діе, пои́мъ пѣ́снь Христу́ Бо́гу, раздѣ́льшему мо́ре и наста́вльшему лю́ди, я́же изведе́ изъ рабо́ты Еги́петскія, я́ко просла́вися.

Грѣхо́въ гро́бомъ лю́тѣ содержи́ма мя́ безсме́ртнымъ манове́ніемъ Твои́мъ и благоутро́бною Твое́ю возста́ви дла́нію и оживи́, Ще́дре, я́ко всеси́ленъ.

Ро́дная добродѣ́телей соверше́нства четвероча́стно стяжа́въ и, я́ко на колесни́цу, вше́дъ, богоно́се, въ коне́цъ боговидѣ́нія взя́лся еси́ отъ дѣя́нія.

Ты́, жи́зни нетлѣ́нныя вкуси́въ, отъ ча́ши, преподо́бне, боже́ственныя пи́лъ еси́ тре́звенное пи́во, тѣ́мъ и му́дрости прія́телище бы́лъ еси́.

Отгна́нъ бы́въ престо́ла, и сла́вы, и па́ствы твоея́ руко́ю ну́жною, преподо́бне, е́реси яротлѣ́нныхъ звѣре́й, ны́нѣ къ твое́й огра́дѣ вше́лъ еси́.

Богоро́диченъ: Отчее Сло́во сло́вомъ зачала́ еси́, и па́че сло́ва родила́ еси́, и по рождествѣ́ па́че естества́ и сло́ва Дѣ́ва, я́ко пре́жде рождества́, па́ки пребыла́ еси́.

Пѣ́снь 3.

Ирмо́съ: Утверди́ на́съ въ Тебѣ́, Го́споди, дре́вомъ умерщвле́й грѣ́хъ, и стра́хъ Тво́й всади́ въ сердца́ на́съ, пою́щихъ Тя́.

Ору́жіемъ Креста́ защити́вся, Боже́ственное воображе́ніе Влады́ки напису́я, покланя́ешися благоче́стно, оте́ческимъ послѣ́дуя уче́ніемъ.

Па́ства, па́стыря тя́ жела́ющи, ту́ю по и́мени зову́щаго и во́лки отгоня́ща жезло́мъ вѣ́ры, къ тебѣ́ притека́етъ, му́дре.

Якоже дре́вле Іо́сифа боже́ственнаго цѣлому́дреннаго тѣ́ло Изра́иль прено́ситъ, та́ко ны́нѣ Це́рковь Христо́ва ра́ку моще́й твои́хъ почита́етъ.

Богоро́диченъ: Хра́мъ и свяще́нное жили́ще Сло́ва су́щи, Богоро́дице, прегрѣше́ній очище́ніе, Пресвята́я, бу́ди ми́, Приснодѣ́во.

Сѣда́ленъ, гла́съ 3. Подо́бенъ: Боже́ственныя вѣ́ры.

Побѣ́дами вѣнча́лъ еси́ Це́рковь, пре́лесть отгна́въ злосла́вія, побѣдоно́сецъ су́що бы́въ, и освяща́еши мíра концы́ пренесе́ніемъ святы́хъ моще́й твои́хъ, о́тче преподо́бне, Христа́ Бо́га моли́ дарова́ти на́мъ ве́лію ми́лость.

Сла́ва, и ны́нѣ, богоро́диченъ:

Боже́ственная ски́нія была́ еси́ Сло́ва, еди́на Пречи́стая Ма́ти Дѣ́во, чистото́ю а́нгелы превозше́дшая, па́че всѣ́хъ мене́ пе́рсть бы́вша, оскверне́на плотски́ми прегрѣше́ньми, очи́сти моли́твъ Твои́хъ боже́ственными вода́ми, подаю́щи, Чи́стая, ве́лію ми́лость.

Крестобогоро́диченъ:

Нескве́рная Агница, Сло́ва нетлѣ́нная Дѣ́ва Ма́ти, на Крестѣ́ зря́щи повѣ́шена изъ Нея́ безъ болѣ́зни прозя́бшаго, ма́терски подо́бно рыда́ющи, вопія́ше: увы́ Мнѣ́, Ча́до Мое́, ка́ко стра́ждеши во́лею, хотя́ изба́вити отъ страсте́й безче́стія человѣ́ка?

Пѣ́снь 4.

Ирмо́съ: Услы́шахъ, Го́споди, сла́вное Твое́ смотре́ніе и просла́вихъ, Человѣколю́бче, непостижи́мую Твою́ си́лу.

Киво́тъ свяще́нія, изъ него́же исто́чникъ исцѣле́ній почерпа́емъ, ра́ка твоя́ бы́сть чту́щимъ тя́.

Ереси отгна́лъ еси́ и па́ствы огра́ду утверди́лъ еси́, уче́ніи боже́ственными огради́въ.

По до́лгу почита́емъ твои́хъ моще́й, блаже́нне, мѵрополо́жницу, я́ко жи́зни точа́щую благово́ніе вѣ́рнымъ.

Богоро́диченъ: Мы́сленный Тя́ ра́й, я́ко жи́зни дре́во пріе́мшую, во чре́вѣ, Дѣ́во, Христа́, тѣ́мъ, Тя́ чту́ще, прославля́емъ.

Пѣ́снь 5.

Ирмо́съ: Свѣ́та Пода́телю и вѣко́въ Тво́рче, Го́споди, во свѣ́тѣ Твои́хъ повелѣ́ній наста́ви на́съ: ра́звѣ бо Тебе́, ино́го Бо́га не зна́емъ.

Врази́ посрамля́ются, ересенача́льницы съ ни́ми неи́стовятся, твою́ ра́ку зря́ще, богому́дре, вѣ́рнѣ почита́емую отъ Импера́тора и всея́ па́ствы твоея́.

Свяще́нная твоя́ ра́ка де́моновъ лука́выя ду́хи, я́коже стра́шный би́чь, отгоня́етъ и побѣ́ду на ты́я, Ники́форе, сла́вы Боже́ственныя отъ Бо́га пріе́млетъ.

Со́вѣсти горни́ло, огне́мъ ду́ха воспале́но, я́ко зла́то, вѣ́рою тя́ показа́ свѣ́тло, ерети́чествующихъ облича́я ме́рзость.

Богоро́диченъ: Украси́вшися, Чи́стая, наи́тіемъ Пресвята́го Ду́ха, Бо́га сосце́ма дои́ши и Сего́ держи́ши объя́тіи, всю́ тва́рь дла́нію содержа́щаго.

Пѣ́снь 6.

Ирмо́съ: Въ бе́зднѣ грѣхо́внѣй валя́яся, неизслѣ́дную милосе́рдія Твоего́ призыва́ю бе́здну: отъ тли́, Бо́же, мя́ возведи́.

За вѣ́ру стра́сти претерпѣ́лъ еси́, оте́ческихъ ра́ди честны́хъ преда́ній изгна́нія поне́слъ еси́, и́миже сла́ву стяжа́лъ еси́ пречестну́ю.

Тверда́ вѣ́ра твоя́ и противле́ніе мучи́телей безу́міе поколеба́, сто́лпъ же о́гненъ бы́лъ еси́ честнѣ́й Це́ркви, блаже́нне.

Яко свѣ́тлыхъ би́серъ и ка́менія, му́дре, па́че свѣтлѣ́йши, ра́ку и пе́рсть Це́рковь твоя́ иму́щи, правосла́вія вѣнце́мъ удобря́ется.

Богоро́диченъ: Неизрече́нный о́бразъ рождества́ Твоего́ язы́цы земноро́дныхъ и а́нгеловъ честву́ютъ, Тя́, тва́рей, Влады́чице, вы́шшую всѣ́хъ, сла́вяше.

Конда́къ, гла́съ 1. Подо́бенъ: Ли́къ а́нгельскій.

Ли́къ патріа́ршескій святу́ю твою́ па́мять хвала́ми и пѣ́сньми, Ники́форе, честву́етъ, въ преложе́ніи бо прія́тъ ду́шу твою́, сла́вне. Тѣ́мъ дне́сь честна́я Це́рковь, велича́ющи Христа́ Царя́, сла́витъ Еди́наго Человѣколю́бца.

Пѣ́снь 7.

Ирмо́съ: Образу злато́му на по́лѣ Деи́рѣ служи́му, тріе́ Твои́ о́троцы небрего́ша безбо́жнаго велѣ́нія, посредѣ́ же огня́ вве́ржени, ороша́еми, поя́ху: благослове́нъ еси, Бо́же оте́цъ на́шихъ.

Боже́ственною си́лою нетлѣ́нны соблюдо́шася погреба́тельныя ри́зы, и ко́сти твоя́ Боже́ственнымъ манове́ніемъ сопряже́нія не отрѣши́шася, блаже́нне, нечи́стыхъ духо́въ разсыпа́ютъ злоу́міе. Мы́ же вопіе́мъ: благослове́нъ еси́, Бо́же оте́цъ на́шихъ.

Стека́ются лю́діе, Импера́торъ же благочести́вый и сано́вныхъ мно́жество, и, возло́жше сла́вную твою́ ра́ку на вы́яхъ, богопрія́тне, я́коже киво́тъ пресвя́тъ, дорино́сятъ и пою́тъ: благослове́нъ еси́, Бо́же оте́цъ на́шихъ.

Боже́ственный хра́мъ Сло́ва ученико́въ да пріи́метъ вѣ́рно, апо́столовъ собесѣ́дника и му́чениковъ сожи́теля, патріа́рховъ степе́нь и отце́въ сосѣда́теля, благослове́нъ еси́, — вопія́, — Бо́же оте́цъ на́шихъ.

Богоро́диченъ: Зря́ Моисе́й купину́ неопали́му, пре́жде горя́щу огне́мъ въ Сина́и, Ма́ти Пречи́стая, прообразу́ющу ложесна́ Твоя́: Огнь бо заче́нши Боже́ственный, не опали́лася еси́, но родила́ еси́ свѣ́та Содѣ́теля, Бо́га и Человѣ́ка.

Пѣ́снь 8.

Ирмо́съ: Въ пе́щь о́гненную ко отроко́мъ евре́йскимъ снизше́дшаго и пла́мень въ ро́су прело́жшаго Бо́га, по́йте дѣла́ я́ко Го́спода, и превозноси́те во вся́ вѣ́ки.

Въ приста́нище жи́зни отъ мно́гихъ треволне́ній дости́глъ еси́, о́тче, Ду́ха вѣ́тромъ, и бре́мя до́брое немо́кренною ного́ю твое́ю спа́слъ еси́, и ны́нѣ наслажда́ешися та́мошнія тишины́.

Гро́бъ ви́дяще, вѣ́рніи, въ но́вый же́ртвенникъ прія́тъ, въ не́мже боже́ственная соверша́ются всесожже́нія вѣ́рно и вну́трь мертвеца́ свяще́ннѣйшаго, Чудодѣ́теля и Бо́га превозно́симъ.

Ра́дуется ста́до свѣ́тло, пра́зднуетъ мона́ховъ свѣ́тлый ли́къ, и вѣ́рныхъ царе́й благочести́вая порфи́ра, и вся́кое си́льныхъ торжество́ въ честно́мъ моще́й твои́хъ пренесе́ніи.

Богоро́диченъ: Сло́вомъ Сло́во во утро́бѣ, вся́ческая сло́вомъ соста́вльшаго, заче́нши безсѣ́менно, Богороди́тельнице, Чи́стая Дѣ́во, па́че сло́ва родила́ еси́. Его́же превозно́симъ во вся́ вѣ́ки.

Пѣ́снь 9.

Ирмо́съ: Отъ Бо́га Бо́га Сло́ва, неизрече́нною му́дростію прише́дшаго обнови́ти Ада́ма, я́дію въ тлѣ́ніе па́дшаго лю́тѣ, отъ Святы́я Дѣ́вы неизрече́нно воплоти́вшагося на́съ ра́ди, вѣ́рніи, единому́дренно пѣ́сньми велича́емъ.

О твое́мъ торжествѣ́ и болѣ́знехъ твои́хъ, о́тче, а́нгельская сликовству́ютъ мно́жества, Пресвята́го Го́спода благода́рственно сла́вяще, и ми́ръ свы́ше на́мъ испроша́ютъ, вѣ́рно чту́щимъ твоя́ мо́щи.

Моще́й твои́хъ благода́ть я́ко че́стно врачевство́ да бу́детъ не́мощемъ на́шимъ, и моли́тва, всехва́льне, очисти́лище всѣ́мъ, и къ Бо́гу пу́ть и во́ждь вѣ́рою и любо́вію чту́щимъ тя́, блаже́нне.

Побѣди́тельными всеору́жіи вѣ́рныя защити́въ, Всецарю́, руко́ю Твое́ю Импера́тора на ва́рвары укрѣпи́, и Твою́ Це́рковь, я́ко тве́рдое основа́ніе вѣ́рныхъ, преподо́бнаго моли́твами правосла́вящую, сохрани́.

Богоро́диченъ: Яко крѣ́пкое предста́тельство, я́ко наде́жду, и стѣ́ну, анки́ру, и покро́въ тве́рдъ, и необори́мое утвержде́ніе, и небу́рное приста́нище, и еди́но прибѣ́жище, Чи́стая, стяжа́вше Тя́ вси́, спаса́емся, Всепѣ́тая.

Источникъ: Минíа, мѣ́сяцъ Ма́ртъ. — Кíевъ: Въ тѵпогра́фіи Кíево-Пече́рской Ла́ѵры, 1893. — Л. 68 об. – 71 об.

/ Къ оглавленію раздѣла /


Наверхъ / Къ титульной страницѣ

0