Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - пятница, 28 апрѣля 2017 г. Сейчасъ на порталѣ посѣтителей - 14.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

МИНЕИ БОГОСЛУЖЕБНЫЯ (СЕНТЯБРЬ-АВГУСТЪ).

Мѣ́сяца Іу́лія въ 19-й де́нь.
Свята́го пра́веднаго Стефа́на Высо́каго, Де́спота Се́рбскаго.

НА МАЛѢЙ ВЕЧЕРНИ,
На Го́споди, воззва́хъ: стихи́ры [на 4], гла́съ 1:

Пріиди́те, лю́діе, воспои́мъ Стефа́на Высо́каго, де́спота Се́рбскаго, я́ко до́бля во́ина и до́браго строи́теля, пра́во пра́вяща на престо́лѣ оте́чества своего́, лю́ди своя́ защища́юща, и принесе́мъ ему́ сугу́быя похвалы́, благодаря́ще Го́спода, дарова́вшаго на́мъ сицевы́я ми́лости Своя́.

Отъ благочести́ваго ко́рене произше́дъ, прине́слъ еси́ тебе́ сама́го, я́ко пло́дъ ревнова́нія и любве́, святы́й пра́ведный де́споте Стефа́не, си́цево лю́ди твоя́ возлюби́лъ еси́, тѣ́мже и на небеси́ ны́нѣ торжеству́еши, моля́ся ко Го́споду о всѣ́хъ на́съ.

Пресвѣ́тло укра́шенъ Правосла́вною вѣ́рою, преблаже́нне де́споте Стефа́не, я́ко благочести́въ скипетроно́сецъ, показа́лся еси́ преизря́денъ побо́рникъ Пресвяты́я Тро́ицы, отъ Нея́же просвѣти́вся, оте́чество твое́ отъ пога́ныхъ ага́рянъ соблю́лъ еси́, и ны́нѣ моли́ся о спасе́ніи ду́шъ на́шихъ.

Приступи́те съ любо́вію, вси́ благочести́віи лю́діе, благогла́сными пѣ́сньми воспои́мъ Стефа́на блаже́ннаго, де́спота Се́рбскаго, и́же во́зрастомъ бѣ́ высо́кій, вои́стинну же высо́кій и ду́хомъ, и́бо, съ высоты́ воспрія́въ оправда́ніе, высо́кое просвѣще́ніе наро́ду се́рбскому дарова́, устро́ивъ высо́кое учи́лище Ре́савское, во е́же всѣ́хъ на́съ возвести́ на высоту́ небе́сную.

Сла́ва, гла́съ 6:

Весели́ся, страно́ Реса́вская и вся́ земле́ Се́рбская, воскли́кни, оби́тель Манасíе, Ре́саво рѣко́, подви́гни струи́ своя́: се́ бо влады́ка тво́й, де́спотъ Се́рбскій Стефа́нъ Высо́кій, торжеству́етъ на небеси́, и́бо, прише́дъ, Госпо́дь глаго́ла ему́: благíй ра́бе, до́брый и вѣ́рный, вни́ди въ ра́дость Го́спода твоего́.

И ны́нѣ, богоро́диченъ, гла́съ то́йже:

Пресвята́я Влады́чице Богоро́дице, се́ ны́нѣ припа́даемъ Ти́ и мо́лимъ Тя́: покажи́, Чи́стая, на ны́, рабы́ Твоя́, ма́тернюю Твою́ ми́лость и ско́рый Тво́й покро́въ и по́мощь, вѣ́мы бо, Дѣ́во Пречи́стая, я́ко мо́жеши, ели́ка хо́щеши.

На стихо́внѣ стихи́ры, гла́съ 2:

Яви́лся еси́ любому́дръ наро́ду се́рбскому, повину́яся ева́нгельскимъ повелѣ́ніемъ, ревнова́лъ еси́ о спасе́ніи люде́й свои́хъ.

Сти́хъ: Вознесо́хъ избра́ннаго отъ люде́й Мои́хъ.

Сто́лпе вѣ́ры, защи́тниче порабоще́нныхъ, святы́й пра́ведный де́споте Стефа́не, не преста́й моля́ся о спасе́ніи наро́да се́рбскаго.

Сти́хъ: Сего́ ра́ди пома́за Тя́, Бо́же, Бо́гъ Тво́й еле́емъ ра́дости па́че прича́стникъ Твои́хъ.

Во вре́мя лю́таго порабоще́нія земли́ Се́рбскія яви́лся еси́ наро́ду се́рбскому крѣпча́йшій предста́тель.

Сла́ва, гла́съ 6, самогла́сенъ:

Кто́ мо́жетъ изрещи́ вся́ болѣ́зни и труды́ твоя́, блаже́нне Стефа́не, я́же подъя́лъ еси́ спасе́нія ра́ди наро́да се́рбскаго, во е́же сохрани́ти его́ и изба́вити лю́таго и́га ага́рянскаго, и́бо безмѣ́рна ре́вность твоя́ и велича́йшее попече́ніе о избавле́ніи оте́чества твоего́ и правосла́внѣмъ благоче́стіи наро́да се́рбскаго.

И ны́нѣ, богоро́диченъ, гла́съ то́йже:

Богома́ти Влады́чице, да́ждь на́мъ по́мощь Твою́ и изба́ви на́съ отъ бѣ́дъ и скорбе́й и всѣ́хъ прегрѣше́ній на́шихъ, Ты́ бо родила́ еси́ Изба́вителя всѣ́хъ.

Тропа́рь свята́го, гла́съ 8:

Съ высоты́ воспрія́въ увѣща́ніе, оте́честву твоему́ бы́лъ еси́ предста́тель и просвѣти́тель, святы́й пра́ведный де́споте Стефа́не, супоста́ты побѣжда́яй, и лю́ди своя́ просвѣща́яй, и мно́гія хра́мы устроя́яй, сего́ ра́ди чту́ще тя́, мо́лимъ: моли́ Христа́ Бо́га о спасе́ніи наро́да се́рбскаго.

Сла́ва, и ны́нѣ, богоро́диченъ:

Иже на́съ ра́ди рожде́йся отъ Дѣ́вы, и распя́тіе претерпѣ́въ, Благíй, испрове́ргій сме́ртію сме́рть и Воскресе́ніе явле́й я́ко Бо́гъ, не пре́зри, я́же созда́лъ еси́ руко́ю Твое́ю, яви́ человѣколю́біе Твое́, Ми́лостиве. Пріими́ ро́ждшую Тя́, Богоро́дицу, моля́щуюся за ны́, и спаси́, Спа́се на́шъ, лю́ди отча́янныя.

Источникъ: Мине́я Ию́ль. Ча́сть втора́я. — М.: Издательскій совѣтъ Русской Православной Церкви, 2002. — С. 391-392.

/ Къ оглавленію раздѣла /


Наверхъ / Къ титульной страницѣ

0