Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - пятница, 18 августа 2017 г. Сейчасъ на порталѣ посѣтителей - 25.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

МИНЕИ БОГОСЛУЖЕБНЫЯ (СЕНТЯБРЬ-АВГУСТЪ).

Мѣ́сяца Іу́лія въ 18-й де́нь.
Свята́го му́ченика Емиліа́на.

[ВЕЧЕРЪ,
На Го́споди воззва́хъ:] стихи́ры, гла́съ 4. Подо́бенъ: Яко до́бля.

И огне́мъ снѣда́емь,* и ра́нами уязвля́емь,* и въ темни́цахъ, сла́вне, затворя́емь,* и многообра́зно оскорбля́емь,* истука́ннымъ не поже́рлъ еси́,* ни отве́рглся еси́ Христа́,* но непобѣди́мь пребы́лъ еси́.* Тѣ́мже подава́етъ тебѣ́ побѣ́ды вѣне́цъ Влады́ка,* я́коже до́бръ Подвигополо́жникъ,* я́ко Ца́рь неизмѣ́нный.

Отъ крове́й твои́хъ* багряни́цу омочи́лъ еси́,* въ ню́же одѣ́явся,* вше́лъ еси́ въ Ца́рствія, сла́вне,* вы́шняя, ра́дуяся,* и Бо́гу, всѣ́хъ Царю́, во вѣ́ки предстои́ши,* прося́ чту́щимъ тя́ вѣ́рою* ми́ра и здра́вія* и ско́раго отъ лю́тъ избавле́нія.

Сла́ва, и ны́нѣ, богоро́диченъ, гла́съ и подо́бенъ то́йже:

Ту́чами Ду́ха Пресвята́го, Пречи́стая,* мою́ мы́сль ороси́,* я́же ка́плю ро́ждшая — Христа́, неизче́тно* безмѣ́рная беззако́нія человѣ́ковъ* щедро́тами измы́вшую,* изсуши́ исто́чникъ страсте́й мои́хъ* и пото́ка мя́ сподо́би* пи́щи живы́я при́сно* моли́твами Твои́ми.

Крестобогоро́диченъ, подо́бенъ то́йже:

На Крестѣ́ Тя я́ко узрѣ́* пригвожде́на, Го́споди,* Агница и Ма́ти Твоя́ дивля́шеся* и — что́ видѣ́ніе сіе́? — взыва́ше, —* Сы́не вожделѣ́нне,* сія́ Ти непокори́вый собо́ръ воздаде́ беззако́нный,* и́же мно́гихъ Твои́хъ чуде́съ наслади́выйся?* Но сла́ва неизглаго́ланному* соше́ствію Твоему́, Влады́ко.

Тропа́рь, гла́съ 4:

Му́ченикъ Тво́й, Го́споди, Емиліа́нъ во страда́ніи свое́мъ вѣне́цъ прія́тъ нетлѣ́нный отъ Тебе́, Бо́га на́шего: имѣ́яй бо крѣ́пость Твою́, мучи́телей низложи́, сокруши́ и де́моновъ немощны́я де́рзости. Того́ моли́твами спаси́ ду́ши на́ша.


[НА УТРЕНИ,]
Кано́нъ, творе́ніе Іо́сифово, его́же краегране́сіе: Емиліа́на му́ченика пою́ сла́вно. Гла́съ 4.

Пѣ́снь 1.

Ирмо́съ: Отве́рзу уста́ моя́, и напо́лнятся Ду́ха, и сло́во отры́гну Цари́цѣ Ма́тери, и явлю́ся, свѣ́тло торжеству́я, и воспою́, ра́дуяся, Тоя́ чудеса́.

Восхва́лимъ дне́сь надъ всѣ́ми Бо́га на́шего и сего́ му́ченика да восхва́лимъ, пострада́вшаго зако́нно и побѣ́ды вѣне́цъ взе́мшаго си́лою духо́вною.

Крѣ́постію одѣ́явся въ на́шу не́мощь благода́тію, сла́вне му́чениче, Обле́кшагося, обнажи́лъ еси́ и́дольскаго неможе́нія су́етное шата́ніе, богоблаже́нне.

Еди́ницу Тричи́сленную, совокупля́ему въ То́мже Естествѣ́, сла́вне, ра́дуяся, проповѣ́далъ еси́ и многобо́жную разори́лъ еси́ ле́сть, пострада́въ тве́рдо, богоблаже́нне.

Богоро́диченъ: Крѣ́пость моя́, и пѣ́ніе, и просвѣще́ніе се́рдца моего́ е́сть, Всенепоро́чная, Христо́съ Госпо́дь, Его́же родила́ еси́, во двою́ существу́, во еди́ной же Ѵпоста́си разумѣва́ема.

Пѣ́снь 3.

Ирмо́съ: Твоя́ пѣсносло́вцы, Богоро́дице, живы́й и незави́стный Исто́чниче, ли́къ Себѣ́ совоку́пльшія, духо́вно утверди́, въ боже́ственнѣй Твое́й сла́вѣ, вѣнце́въ сла́вы сподо́би.

Свѣти́льникъ нога́мъ твои́мъ бы́сть и свѣ́тъ стезя́мъ твои́мъ и́стинно зако́нъ Бо́га на́шего, и́мже препя́лъ еси́ беззако́ннующихъ стопы́, му́ченически украша́емь.

Напра́вилъ еси́ ума́ твоего́ ше́ствія къ Боже́ственнѣй во́ли, му́дре, приста́нищу ти́хому, многобо́жія мо́ря волну́ющася духо́въ лука́вствія избѣ́глъ еси́.

Емиліа́на боже́ственнымъ страда́ніемъ, и вѣ́рѣ да́же до кончи́ны, и му́жеству удиви́шася си́лы небе́сныя, ка́ко, пло́тію безпло́тнаго смири́въ, низве́рже.

Богоро́диченъ: Зако́новъ естества́ утаи́вшися, преесте́ственнымъ рождество́мъ Дѣ́вою по рождествѣ́, Дѣ́во Ма́ти, пребыла́ еси́: Содѣ́теля бо всея́ тва́ри, Чи́стая, родила́ еси́.

Сѣда́ленъ, гла́съ 8. Подо́бенъ: Прему́дрости.

Си́лою Боже́ственною укрѣпи́вся, бо́ги безбо́жныхъ безвѣ́стію коне́чному пре́далъ еси́, страда́льче до́блественный, и, вше́дъ въ суди́лище, тве́рдо страда́ніе строга́нія и пла́мень му́жески претерпѣ́лъ еси́. Тѣ́мже проше́лъ еси́ по́двигъ боже́ственный, побѣ́ды, ра́дуяся, вѣне́цъ прія́лъ еси́, Емиліа́не прехва́льне. Моли́ Христа́ Бо́га согрѣше́ній оставле́ніе дарова́ти чту́щимъ любо́вію святу́ю па́мять твою́.

Сла́ва, и ны́нѣ, богоро́диченъ:

Яко дѣ́ву и еди́ну въ жена́хъ, Тя́, безъ сѣ́мене ро́ждшую Бо́га пло́тію, вси́ ублажа́емъ, ро́ди человѣ́честіи: о́гнь бо всели́ся въ Тя́ Божества́, и я́ко Младе́нца млеко́мъ пита́еши Зижди́теля и Го́спода. Тѣ́мъ, а́нгельскій и человѣ́ческій ро́дъ, досто́йно сла́вимъ пресвято́е Рождество́ Твое́ и согла́сно вопіе́мъ Ти́: моли́ Христа́ Бо́га согрѣше́ній оставле́ніе дарова́ти покланя́ющимся вѣ́рою пресвято́му Рождеству́ Твоему́.

Крестобогоро́диченъ:

Агнца, и Па́стыря, и Изба́вителя Агница зря́щи на Крестѣ́, восклица́ше, пла́чущи, и, го́рько рыда́ющи, вопія́ше: мíръ у́бо ра́дуется, пріе́мля Тобо́ю избавле́ніе, утро́ба же Моя́ гори́тъ, зря́щи Твое́ распя́тіе, е́же терпи́ши за милосе́рдіе ми́лости. Долготерпѣли́ве Го́споди, ми́лости бе́здно и исто́чниче неисчерпа́емый, умилосе́рдися и да́руй согрѣше́ній оставле́ніе вѣ́рою пою́щимъ Боже́ственныя стра́сти Твоя́.

Пѣ́снь 4.

Ирмо́съ: Сѣдя́й въ сла́вѣ на Престо́лѣ Божества́ во о́блацѣ ле́гцѣ, прíиде Іису́съ Пребоже́ственный, Нетлѣ́нною Дла́нію и спасе́ зову́щія: сла́ва, Христе́, си́лѣ Твое́й.

Бо́жіе тя́ боже́ственное жела́ніе пресла́вно распали́, тѣ́мже го́рькихъ ра́нъ опале́ніе претерпѣ́лъ еси́, и бо́ги безбо́жныхъ соже́глъ еси́, и ду́ши вѣ́рныхъ, преблаже́нне, ороси́лъ еси́.

Презрѣ́лъ еси́ вре́менная пребыва́ющихъ ра́ди и Боже́ственнѣй любви́ всю́ ду́шу твою́ привяза́лъ еси́, тѣ́мъ нече́стія держа́ву разори́лъ еси́, страстоте́рпче Емиліа́не досточу́дне.

Еди́но Естество́, еди́ну сла́ву Трисо́лнечнаго Божества́ благоче́стно прославля́я, Емиліа́не, въ суди́лище, я́ко во́инъ до́бль, вше́лъ еси́ и змíя крѣ́пкаго на зе́млю низложи́лъ еси́.

Богоро́диченъ: Свяще́нія Тя́ мѣ́сто, на́съ освя́щшаго, Пресвята́я Отрокови́це, еди́ну обрѣ́тшуюся сла́вимъ: Ея́же ра́ди, на земли́ живу́щіи, обожи́хомся и жи́зни и́стинныя сподо́бихомся.

Пѣ́снь 5.

Ирмо́съ: Ужасо́шася вся́ческая о Боже́ственнѣй сла́вѣ Твое́й: Ты́ бо, неискусобра́чная Дѣ́во, имѣ́ла еси́ во утро́бѣ надъ всѣ́ми Бо́га, и родила́ еси́ Безлѣ́тнаго Сы́на, всѣ́мъ, воспѣва́ющимъ Тя́, ми́ръ подава́ющая.

Окропле́ньми погасилъ еси́ свяще́нныхъ крове́й твои́хъ, Емиліа́не, о́гнь безбо́жія, тѣ́мже и чуде́съ исто́чникъ источи́лъ еси́, езе́ра изсуша́ющь страсте́й и неду́ги потопля́ющь и погружа́ющь де́моны.

Просте́рта тя́ би́ти злочести́вый повелѣ́. Тѣ́мже, растерза́ему тѣ́лу твоему́ и ра́нами уязвля́ему, Уязви́вшагося на Крестѣ́ стра́сть вообрази́лъ еси́, страда́льче, блаже́нную.

Сы́й испо́лненъ даро́въ духо́вныхъ, неду́ги неисцѣ́льныя цѣли́ши боля́щихъ, уставля́еши опале́ніе, ду́хи отгоня́еши лука́выя и всѣ́мъ въ печа́лехъ помога́еши, досточу́дне.

Богоро́диченъ: Ору́жіемъ уя́звена мя́ грѣхо́внымъ, исцѣли́ дѣ́йственнымъ Твои́мъ врачевство́мъ, Спа́са Христа́ ро́ждшая, копіе́мъ уя́звеннаго мене́ ра́ди, Пречи́стая, и пробо́дшаго се́рдце зміи́но.

Пѣ́снь 6.

Ирмо́съ: Пріидо́хъ во глубины́ морскíя, и потопи́ла мя́ е́сть бу́ря мно́гихъ грѣхо́въ, но я́ко Бо́гъ изъ глубины́ возведи́ живо́тъ мо́й, Многоми́лостиве.

Бога́тъ и испо́лненъ Боже́ственныя сла́вы муче́ніемъ, блаже́нне, бы́лъ еси́ и со а́нгелы на небесѣ́хъ живе́ши, моли́ спасти́ся душа́мъ на́шимъ.

Тѣ́ла ме́ртвеннаго ты́ не пощадѣ́лъ еси́, тѣ́мже безсме́ртіе пребыва́ющее наслѣ́довалъ еси́, умертви́вся любве́ ра́ди, сла́вне, стра́сти Умертви́вшаго.

Мѵ́ро исцѣле́ній источа́етъ моще́й твои́хъ ра́ка, пребога́те до́блій му́чениче, и упраждня́етъ смердя́щія всегда́ человѣ́ковъ неду́ги.

Богоро́диченъ: Ева у́бо объя́тъ отъ дре́ва пло́дъ смертоно́сенъ, Ты́ же, Пречи́стая, Жи́зни Дре́во породила́ еси́, его́же вку́съ вся́ умира́ющія оживи́лъ е́сть.

Конда́къ, гла́съ 3. Подо́бенъ: Боже́ственныя вѣ́ры.

Боже́ственною ре́вностію распала́емь, огня́ сослужа́щаго не устраши́лся еси́, но возше́дъ небоя́зненно во́лею, возгнѣща́ющимъ огне́мъ всесожже́гся, и Влады́цѣ, я́ко же́ртва, прине́слся еси́, му́чениче сла́вне Емиліа́не, Христа́ Бо́га моли́ дарова́ти на́мъ ве́лію ми́лость.

Пѣ́снь 7.

Ирмо́съ: Не послужи́ша тва́ри богому́дріи, па́че Созда́вшаго, но, о́гненное преще́ніе му́жески попра́вше, ра́довахуся, пою́ще: препѣ́тый отце́въ Госпо́дь и Бо́гъ, благослове́нъ еси́.

Просвѣще́нъ благода́тію, блаже́нне, Боже́ственнаго Ду́ха, пе́щное запале́ніе проше́лъ еси́ и пѣ́лъ еси́, неопали́мь: препѣ́тый отце́въ Госпо́дь и Бо́гъ, благослове́нъ еси́.

Распаля́емь жела́ніемъ, блаже́нне, рачи́теля твоего́ Христа́, огня́ не ужа́слся еси́, въ не́мже ороша́емь Ду́хомъ, пѣ́лъ еси́: препѣ́тый отце́въ Госпо́дь и Бо́гъ, благослове́нъ еси́.

Красото́ю страда́ній уподо́бился еси́ безпло́тнымъ, му́дре, прекра́сному Христу́ съ ни́ми предстоя́, пое́ши, ра́дуяся: препѣ́тый отце́въ Госпо́дь и Бо́гъ, благослове́нъ еси́.

Богоро́диченъ: Господоимени́тая Богоневѣ́сто, ра́дуйся, вѣ́рою Тебѣ́ зове́мъ, и́бо родила́ еси́ ра́дость неизглаго́ланную, Христа́ Го́спода, Ему́же зове́мъ: отце́въ Госпо́дь и Бо́гъ, благослове́нъ еси́.

Пѣ́снь 8.

Ирмо́съ: Отроки благочести́выя въ пещи́ Рождество́ Богоро́дичо спасло́ е́сть, тогда́ у́бо образу́емое, ны́нѣ же дѣ́йствуемое, вселе́нную всю́ воздвиза́етъ пѣ́ти Тебѣ́: Го́спода по́йте, дѣла́, и превозноси́те Его́ во вся́ вѣ́ки.

Разори́въ служе́нія пре́лести, у́зами вмѣ́сто тебе́ держи́маго, прему́дре, разрѣши́лъ еси́ и къ муче́нію самохо́тнѣ изда́лся еси́, вопія́, прехва́льне: Го́спода по́йте, дѣла́, и превозноси́те Его́ во вся́ вѣ́ки.

Се́ обрѣто́хся не и́щущимъ, ни вопроша́ющимъ яви́хся, — зове́ши, пресла́вне, — разумѣ́йте, беззако́нніи, я́коже бо а́гня незло́биво, закла́тися поспѣши́хъ, Го́спода, — вопія́, — благослови́те, и превозноси́те Его́ во вся́ вѣ́ки.

Вели́кій Емиліа́нъ на трапе́зу на́съ призва́, предложи́въ, я́ко снѣ́ди, своя́ боре́нія, духо́внѣ напита́емся, вѣ́рніи, и воспое́мъ: Го́спода по́йте, дѣла́, и превозноси́те Его́ во вся́ вѣ́ки.

Богоро́диченъ: Ка́пли мнѣ́ одожди́ ми́лости, Исто́чникъ ми́лости ро́ждшая, и грѣха́ моего́ изсуши́ наводне́нія, и души́ моея́ укроти́ свирѣ́пыя во́лны, Дѣ́во Богоро́дице Марíе, да Тя́ сла́влю во вся́ вѣ́ки.

Пѣ́снь 9.

Ирмо́съ: Ева у́бо неду́гомъ преслуша́нія кля́тву всели́ла е́сть, Ты́ же, Дѣ́во Богоро́дице, прозябе́ніемъ чревоноше́нія мíрови благослове́ніе процвѣла́ еси́. Тѣ́мъ Тя́ вси́ велича́емъ.

Ви́дѣти жела́я Бо́жіе неизглаго́ланное весе́ліе и свѣ́тлость, вся́ кра́сная, я́же въ житіи́, усе́рдно преоби́дѣлъ еси́, сла́вне, и, ра́дуяся, муче́ніе проше́лъ еси́. Тѣ́мже тя́ вѣ́рою ублажа́емъ.

Яко заколе́ніе, испече́но огне́мъ, прехва́льне, заколе́ному я́коже овча́ти, къ Боже́ственнѣй трапе́зѣ прине́слся еси́, благово́ніемъ Ду́ха соблюда́емь и сла́вы и́стинныя сподобля́емь. Тѣ́мже тя́ любо́вію ублажа́емъ.

Дне́сь па́мять твоя́ на́мъ возсія́, страстоте́рпче, па́че со́лнца, всѣ́хъ веселя́щи сердца́ вѣ́рныхъ, мы́сли просвѣща́ющи и тму́ неду́говъ отгоня́щи, ю́же моле́бно пра́зднуемъ.

Пе́рвенецъ избра́нный ли́къ сограждани́на тя́ стяжа́, му́ченицы вси́, съ ни́мъ тя́ зря́ще лику́юща, ра́дуются, съ ни́ми же и на́съ, помина́ющихъ тя́, помина́й, му́чениче великоимени́те.

Богоро́диченъ: Свѣ́томъ мя́ просвѣти́ Твои́мъ, Препѣ́тая, во тмѣ́ ходя́щаго, да́ждь ми́ ру́ку по́мощи, о́блаки души́ моея́ отжени́, страсте́й мои́хъ бу́рю ути́ши, отча́янныхъ Прибѣ́жище.

Источникъ: Минíа, мѣ́сяцъ Іу́лій. — Кíевъ: Въ тѵпогра́фіи Кíево-Пече́рской Ла́ѵры, 1893. — Л. 166 об. – 170.

/ Къ оглавленію раздѣла /


Наверхъ / Къ титульной страницѣ

0