Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - среда, 16 августа 2017 г. Сейчасъ на порталѣ посѣтителей - 21.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

МИНЕИ БОГОСЛУЖЕБНЫЯ (СЕНТЯБРЬ-АВГУСТЪ).

Мѣ́сяца Іу́лія въ 3-й де́нь.
Свята́го му́ченика Іаки́нѳа.

[ВЕЧЕРЪ,
На Го́споди воззва́хъ:] стихи́ры, гла́съ 8. Подо́бенъ: О, пресла́внаго чудесе́!

Іерусали́мъ проте́клъ еси́,* гра́дъ Бо́жій свѣ́тлый,* я́коже ка́мень, бы́въ обагре́нъ кро́вію,* червлени́цею страда́нія.* И ны́нѣ моли́ся я́вственнѣ,* лику́я и ра́дуяся,* спаса́й моли́твами твои́ми* твою́ пресла́вную и свяще́нную па́мять* пра́зднующія, преблаже́нне.

Имѣ́я я́ко му́ченикъ непобѣди́мь* ко Влады́цѣ Христу́* дерзнове́ніе благопрія́тно,* я́ко зако́ненъ страда́лецъ* благопода́тно слы́шаніе Онаго,* мольба́ми не преста́й, досточу́дне,* па́мять творя́ вѣ́рно пою́щихъ тя́* и напа́стей сихъ изыма́я* и обстоя́нія.

Сла́ва, и ны́нѣ, богоро́диченъ:

Пло́ть отъ крове́й Твои́хъ пріе́мъ,* Первовѣ́чный Бо́гъ Тя́ Предста́тельницу показа́* человѣ́комъ, Чи́стая.* Тѣ́мже изба́ви рабы́ Твоя́* отъ вся́кія бѣды́ и обстоя́нія* и сѣ́тей лука́ваго врага́* и сія́нія причасти́тися сподо́би избра́нныхъ,* вся́ сла́вящія и покланя́ющіяся Тебѣ́.

Крестобогоро́диченъ:

Что́ зри́мое видѣ́ніе,* е́же Мои́ма очи́ма ви́дится, о Влады́ко?* Содержа́й всю́ тва́рь, на дре́во воздви́женъ бы́въ,* и умира́еши, всѣ́мъ дая́й жи́знь, —* Богоро́дица, пла́чущися, глаго́лаше,* егда́ узрѣ́ на Крестѣ́ возноси́ма* изъ Нея́ неизрече́нно возсія́вшаго* Бо́га и Человѣ́ка.

Тропа́рь, гла́съ 4:

Му́ченикъ Тво́й, Го́споди, Іаки́нѳъ во страда́ніи свое́мъ вѣне́цъ прія́тъ нетлѣ́нный отъ Тебе́, Бо́га на́шего: имѣ́яй бо крѣ́пость Твою́, мучи́телей низложи́, сокруши́ и де́моновъ немощны́я де́рзости. Того́ моли́твами спаси́ ду́ши на́ша.


[НА УТРЕНИ,]
Кано́нъ, его́же краегране́сіе: Тя́, свѣ́тлый му́чениче, хвалю́ ка́мень. Гла́съ 8.

Пѣ́снь 1.

Ирмо́съ: Во́ду проше́дъ, я́ко су́шу, и еги́петскаго зла́ избѣжа́въ, изра́ильтянинъ вопія́ше: Изба́вителю и Бо́гу на́шему пои́мъ.

Тя́, сія́ніемъ му́ченическимъ многоцѣ́нна ка́меня бы́вша Боже́ственныя Це́ркве, ны́нѣ призыва́ю помо́щника твои́хъ похва́лъ бы́ти ми́.

Земну́ю сла́ву оста́вль, небе́сную сла́ву наслѣ́довалъ еси́, всегда́ сы́й со Влады́кою всѣ́хъ, вѣнцено́сче му́чениче сла́вне.

Во́зраста ю́ностное и ума́ до́блественное, по Христѣ́ показа́лъ еси́, му́чениче страстоте́рпче, на ле́сть му́жествовавъ.

Богоро́диченъ: Всѣ́мъ су́щимъ Содѣ́тель, спасе́нія ра́ди человѣ́ча во Твою́ утро́бу всели́вся, воплоща́ется, Богома́ти, е́же по на́мъ назида́яся.

Пѣ́снь 3.

Ирмо́съ: Ты́ еси́ утвержде́ніе притека́ющихъ къ Тебѣ́, Го́споди, Ты́ еси́ Свѣ́тъ омраче́нныхъ, и пое́тъ Тя́ ду́хъ мо́й.

Юноша сы́й, ста́рческій, му́дре, ра́зумъ, му́чениче Христо́въ, яви́лся еси́, имѣ́я, и му́дростію укра́шенъ. [Два́жды.]

Тече́ніе спѣ́шно му́ченически поте́къ, дости́глъ еси́ му́ченикъ до́блести и честно́е вѣнча́ніе.

Богоро́диченъ: Напра́ви моли́твами Твои́ми къ небе́сному восхо́ду благоче́стно, Обра́дованная, Богоро́дицу Тя́ му́дрствующія.

Сѣда́ленъ, гла́съ 3. Подо́бенъ: Боже́ственныя вѣ́ры.

Ка́мень че́стенъ Це́ркве, храни́мь въ сокро́вищахъ небе́сныхъ, бы́лъ еси́, Іаки́нѳе, покланя́ющіяся ка́менію обличи́лъ еси́ и муче́нія ча́шу испи́лъ еси́, му́чениче сла́вне, Христа́ Бо́га моли́ дарова́ти на́мъ ве́лію ми́лость.

Сла́ва, и ны́нѣ, богоро́диченъ:

Боже́ственнаго естества́ не отлу́чся, пло́ть бы́въ во чре́вѣ Твое́мъ, но Бо́гъ вочеловѣ́чся и пребы́сть, Иже по рождествѣ́ Ма́терь Тя́ Дѣ́ву, я́ко пре́жде рождества́, сохрани́въ Всенепоро́чну, еди́нъ Госпо́дь, Того́ прилѣ́жно моли́ дарова́ти на́мъ ве́лію ми́лость.

Крестобогоро́диченъ:

Нескве́рная Агница Сло́ва, Нетлѣ́нная Дѣ́ва Ма́ти, на Крестѣ́ зря́щи повѣ́шена изъ Нея́ безъ болѣ́зни прозя́бшаго, ма́терски подо́бно рыда́ющи, вопія́ше: увы́ Мнѣ́, Ча́до Мое́, ка́ко стра́ждеши во́лею, хотя́ изба́вити отъ страсте́й безче́стія человѣ́ка?

Пѣ́снь 4.

Ирмо́съ: Услы́шахъ, Го́споди, смотре́нія Твоего́ та́инство, разумѣ́хъ дѣла́ Твоя́ и просла́вихъ Твое́ Божество́.

Страда́лецъ зако́ненъ, болѣ́зньми благоче́стія обложи́вся, яви́лся еси́, пребога́те, мучи́телей суровства́ не ужа́слся еси́.

Ка́меня, глаго́лемаго іаки́нѳа, вѣне́цъ съ небесе́, богому́дре, пріе́мъ, ликова́ти сподо́бился еси́ съ небе́сными, я́ко небе́сенъ.

До́блимъ смы́сломъ благоче́стія сло́во проповѣ́далъ еси́ и мучи́теля обличи́лъ еси́ непобѣди́мымъ нра́вомъ, всеблаже́нне.

Богоро́диченъ: Яже Бо́га Вседержи́теля еди́на пріе́мши, Богоблаже́нная, отъ вся́каго обстоя́нія и бѣ́дъ изба́ви пою́щія Тя́.

Пѣ́снь 5.

Ирмо́съ: Утренююще, вопіе́мъ Ти́: Го́споди, спаси́ ны, Ты́ бо еси́ Бо́гъ на́шъ, ра́звѣ Тебе́, ино́го не вѣ́мы.

Неи́стовствующаго мучи́теля обличи́лъ еси́, страстоте́рпче, си́лою непобѣди́мою отъ Бо́га одѣ́явся. [Два́жды.]

Безсме́ртно стяжа́лъ еси́ благоче́стіе, вѣнцено́сче, сме́рть во́льную за Христа́ пріе́мъ.

Богоро́диченъ: Да изба́вимся моли́твами Твои́ми, Пречи́стая, сѣте́й врага́, чту́щіи па́че сло́ва Твое́ Рождество́.

Пѣ́снь 6.

Ирмо́съ: Очи́сти мя́, Спа́се, мно́га бо беззако́нія моя́, и изъ глубины́ зо́лъ возведи́, молю́ся, къ Тебѣ́ бо возопи́хъ, и услы́ши мя́, Бо́же спасе́нія моего́.

Муче́ньми нечести́выхъ му́ченикъ стражда́, ра́довашеся, и стра́стію безстра́стнаго у́мъ укрѣпля́я, егда́ безу́мными къ Страстополо́жнику неосла́бно ведя́шеся. [Два́жды.]

Іаки́нѳъ я́ко свѣ́тлый, сѣ́нь боже́ственную просвѣти́лъ еси́, я́ко червле́ною избра́нною страда́нія кро́вію, возложе́ніе бы́лъ еси́ перворо́дныхъ Це́ркве, пресла́вне.

Богоро́диченъ: Да изба́вимся отъ лю́тыхъ прегрѣше́ній моли́твами Твои́ми, Богороди́тельнице Чи́стая, и да получи́мъ, Пречи́стая, боже́ственнаго сія́нія, изъ Тебе́ неизрече́нно воплоще́ннаго Сы́на Бо́жія.

Конда́къ, гла́съ 6:

Дре́во жи́зни посредѣ́ души́ своея́, вѣ́ру Твою́, Христе́, стяжа́вый Тво́й му́ченикъ, Еде́мскаго рая́ честнѣ́йшій бы́сть, дре́во пре́лести змíевы погуби́въ дерзнове́нно ду́хомъ, вѣнча́ся сла́вою Твое́ю, Многоми́лостиве.

Пѣ́снь 7.

Ирмо́съ: Отъ Іуде́и доше́дше, о́троцы, въ Вавило́нѣ иногда́, вѣ́рою Тро́ическою пла́мень пе́щный попра́ша, пою́ще: отце́въ Бо́же, благослове́нъ еси́.

Самоде́ржца нося́ страсте́й я́вѣ, благочести́вый по́мыслъ пи́щу беззако́нныхъ оплева́лъ еси́, преблаже́нне, боже́ственнымъ сло́вомъ пита́емь: оте́цъ на́шихъ, — вопія́, — Бо́же, благослове́нъ еси́. [Два́жды.]

Свяще́нно заколе́ніе са́мъ Го́сподеви ближа́йшій прине́слся еси́, му́дре, душе́вною чистото́ю и ума́ свѣ́тлостію: оте́цъ на́шихъ, — вопія́, — Бо́же, благослове́нъ еси́.

Богоро́диченъ: Па́дающу ро́ду человѣ́ческому, Дѣ́во, сме́ртнаго ра́ди нетлѣ́нія, Исто́чникъ безсме́ртія и Жи́знь нетлѣ́нную заче́нши, упоко́ила еси́ отце́въ Бо́га, Чи́стая, Благослове́нная.

Пѣ́снь 8.

Ирмо́съ: Седмери́цею пе́щь халде́йскій мучи́тель богочести́вымъ неи́стовно разжже́, си́лою же лу́чшею спасе́ны сія́ ви́дѣвъ, Творцу́ и Изба́вителю вопія́ше: о́троцы, благослови́те, свяще́нницы, воспо́йте, лю́діе, превозноси́те во вся́ вѣ́ки.

Отъ лю́тыя тѣсноты́ и темни́цы къ простра́ннѣй широтѣ́ рая́ и кра́снѣй дости́глъ еси́, святы́хъ ви́дя, свѣтови́дныя свѣ́тлости и, а́нгельскія смотря́я ли́ки, Бо́гу предстоя́, прилѣ́жно вопіе́ши: о́троцы, благослови́те, свяще́нницы, воспо́йте, лю́діе, превозноси́те во вся́ вѣ́ки.

Ты́ Бо́га возлюби́лъ еси́ отъ души́ да́же до кро́ве, ко грѣху́, страда́льче блаже́нне, сопротивля́яся и враги́ я́вѣ убива́я, и, побѣ́дными украша́емь вѣнцы́, усе́рдно взыва́еши: свяще́нницы, благослови́те, лю́діе, превозноси́те во вся́ вѣ́ки.

Яко благолѣ́пно возложе́ніе, я́ко ка́мень прозра́ченъ, я́ко свяще́нна багряни́ца, украси́лъ еси́ хра́мъ небе́сный. Святы́хъ свята́я му́ченическими сія́ніи украси́въ, непреста́нно взыва́еши: свяще́нницы, благослови́те, лю́діе, превозноси́те во вся́ вѣ́ки.

Богоро́диченъ: Сло́во Бо́жіе Безнача́льное па́че сло́ва родила́ еси́ на благодѣя́ніе слове́снаго естества́, Имже избавля́емся тлетво́рнаго умерщвле́нія и животворя́щій прія́хомъ Ду́хъ, тѣ́мже Тя́, Богоро́дицу и́стинную и су́щую, сла́вимъ, Дѣ́во, во вся́ вѣ́ки.

Пѣ́снь 9.

Ирмо́съ: Тя́, Неискусобра́чную Ма́терь Бо́га Вы́шняго, Тя́, па́че ума́ ро́ждшую сло́вомъ вои́стинну Бо́га, вы́шшую пречи́стыхъ си́лъ, немо́лчными славословле́ніи велича́емъ.

Ми́лостива сотвори́ твои́ми моли́твами Влады́ку, всѣ́мъ, вѣ́рно пою́щимъ твое́ непобѣди́мое страда́ніе, и́мже и́дольскую ле́сть упраздни́лъ еси́, сло́во же благоче́стія уясни́лъ еси́.

Видѣ́ніемъ прекра́сенъ а́нгельскимъ во́инствомъ, я́ко небе́снымъ ша́ромъ, Іаки́нѳе, обагре́нъ кро́вію, и́же по Христѣ́ исповѣ́данія и вѣ́ры, и вѣнце́мъ муче́нія укра́шенъ.

Ве́сь бы́лъ еси́ Бо́жіе всесвяще́нно прія́телище, тѣ́ло и ду́шу освяти́лъ еси́ неосла́бнымъ сопротивле́ніемъ, къ мучи́тельстѣй бра́ни и беззако́ннѣй бы́вши, тѣ́мже тя́ вси́ ублажа́емъ.

Богоро́диченъ: Умертви́ во мнѣ́, Влады́чице, еще́ живу́щій грѣ́хъ, оживи́ душе́вное умерщвле́ніе дѣ́йствомъ и́стинныя Жи́зни, ро́ждшіяся изъ утро́бы Твоея́ за неизрече́нное милосе́рдіе, благоче́стно Тя́ велича́ющихъ.

Источникъ: Минíа, мѣ́сяцъ Іу́лій. — Кíевъ: Въ тѵпогра́фіи Кíево-Пече́рской Ла́ѵры, 1893. — Л. 14 – 17.

/ Къ оглавленію раздѣла /


Наверхъ / Къ титульной страницѣ

0