Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - суббота, 21 октября 2017 г. Сейчасъ на порталѣ посѣтителей - 16.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

МИНЕИ БОГОСЛУЖЕБНЫЯ (СЕНТЯБРЬ-АВГУСТЪ).

Мѣ́сяца Іаннуа́рія въ 30-й де́нь.
Свята́го священному́ченика Ипполи́та, па́пы Ри́мскаго.

[Зри:] Возслѣ́дованіе его́ пое́тся на повече́ріи.

Кано́нъ, Іоа́нна мона́ха. Гла́съ 4.
Пѣ́снь 1.

Ирмо́съ: Колесни́цы фарао́новы и си́лу его́ вве́рже въ мо́ре Крѣ́пкій во бра́нехъ, воспое́мъ пѣ́снь но́вую, я́ко просла́вися.

Гряди́те, му́ченическими воспое́мъ пѣ́сньми священному́ченика, богоза́рною зря́ще благода́тію свѣ́тло просія́вша, Христа́ сла́вяще всегда́.

Ты́ за ста́до слове́сное, отъ Христа́ вруче́нное, Сего́ подража́я, въ бѣдѣ́ су́щія изря́днѣ, о́тче, ду́шу положи́лъ еси́ и сугу́бымъ вѣнце́мъ украси́лся еси́.

Свяще́ннымъ отъ повелѣ́нія Бо́жія ра́дованія пома́зався еле́емъ му́ченическимъ, Ипполи́те, назна́менался еси́ кро́вію.

Богоро́диченъ: Неопа́льну Моисе́й въ горѣ́ Сина́йстѣй купину́ зря́ше, Тя́ прописа́вшую, Дѣ́во, заре́ю неопа́льшуся Боже́ственнаго огня́, и́бо Бо́га родила́ еси́.

Пѣ́снь 3.

Ирмо́съ: Лу́къ си́льныхъ изнемо́же, и немощству́ющіи препоя́сашася си́лою, сего́ ра́ди утверди́ся въ Го́сподѣ се́рдце мое́.

Агнцы слове́сныя упа́слъ еси́ и, я́коже а́гня ове́цъ, предпоже́рлся еси́, всѣ́хъ Первопа́стыря и Бо́жія Агнца подража́я.

Млеко́мъ слове́снымъ, Ипполи́те, пасо́мыя богодохнове́нно напои́лъ еси́, Христо́ва же свидѣ́тельства, ра́дуяся, испи́лъ еси́ ча́шу.

Собо́ры страда́льцевъ водя́й, за благоче́стіе прія́лъ еси́ муче́ніе, еди́наго сла́вя Бо́га Отца́ съ Сы́номъ и Боже́ственнымъ Ду́хомъ.

Богоро́диченъ: Ра́дуйся, Ма́ти Неискусобра́чная, Бо́га Сло́ва во утро́бѣ Твое́й вмѣсти́вшая и ро́ждшая Воплоще́ннаго, я́ко Бо́га ку́пно и Человѣ́ка.

Пѣ́снь 4.

Ирмо́съ: Твоего́ на земли́ явле́нія, Христе́ Бо́же, проповѣ́дуя проро́къ прише́ствіе, съ весе́ліемъ вопія́ше: сла́ва си́лѣ Твое́й, Го́споди.

Добродѣ́телей твои́хъ я́ко многоплете́нная боже́ственная плени́ца, я́ко па́стырь бо и свидѣ́тель, Ипполи́те, отъ Бо́га почествова́лся еси́, зѣло́ о Не́мъ веселя́ся.

Приноше́ніе Авелево превозше́лъ еси́, слове́сныя бо а́гнцы приве́лъ еси́ Бо́гу, и твое́ю кро́вію, ра́дуяся, Влады́цѣ предста́лъ еси́.

Ерети́чествующихъ пакиглаго́льное зломы́сліе Ду́хомъ побѣди́въ, блаже́нне, священному́ченикъ изря́денъ любо́вію Влады́ки бы́лъ еси́.

Богоро́диченъ: Яко ви́дѣша а́нгели, Дѣ́во Чи́стая, отъ утро́бы Твоея́ произше́дшаго Сы́на Бо́жія, съ весе́ліемъ глаго́лаху: сла́ва Рождеству́ Твоему́, Влады́чице.

Пѣ́снь 5.

Ирмо́съ: Ты́, Го́споди, мо́й Свѣ́тъ, въ мíръ прише́лъ еси́, Свѣ́тъ Святы́й, обраща́яй изъ мра́чна невѣ́дѣнія вѣ́рою воспѣва́ющія Тя́.

Ты́ му́ченикъ и́стиненъ свяще́нникомъ бы́лъ еси́ и му́ченикомъ святи́тель и сугу́быми блиста́еши дарова́ньми, Ипполи́те.

Ка́меніе у́бо златоза́рное и лѣ́потное, Ипполи́те, заре́ю же твоего́ священнонача́льства украси́ся твое́ страда́ніе.

Ба́сни е́ллинскія благоче́стно ты́ изобличи́лъ еси́, о изря́дне въ му́ченицѣхъ! и пребеззако́нную ле́сть евре́евъ Боже́ственною благода́тію.

Богоро́диченъ: Тя́ ору́жіе непобѣди́мое на враги́ предлага́емъ, Тя́, упова́ніе и наде́жду на́шего спасе́нія, Богоневѣ́сто, стяжа́хомъ.

Пѣ́снь 6.

Ирмо́съ: Пожру́ Ти со гла́сомъ хвале́нія, Го́споди, Це́рковь вопіе́тъ Ти́, отъ бѣсо́вскія кро́ве очи́щшися, ра́ди ми́лости отъ ре́бръ Твои́хъ исте́кшею кро́вію.

Поже́рлъ еси́ Спа́су же́ртву хвале́нія въ Це́ркви преподо́бныхъ, я́ко Бо́гу хода́тай же и человѣ́комъ, и усе́рдно ду́шу твою́ приве́лъ еси́ кро́вію.

Прія́лъ еси́ дарова́ній мно́жество Ду́хомъ, священному́чениче, отъ Бо́га во отверзе́ніи боже́ственныхъ усте́нъ твои́хъ и приво́диши, благода́рно тебе́ умерщвля́я.

Яко боже́ственно страда́льцевъ Твои́хъ, Христе́, собра́ніе, о наде́жди лежа́щихъ, я́ко настоя́щими уже́ пита́ющеся, и сладча́е жи́зни вмѣня́ющимъ сме́рть.

Богоро́диченъ: О, чу́до, всѣ́хъ чуде́съ новѣ́йшее! Яко Дѣ́ва, во утро́бѣ вся́ческая Содержа́щаго неискусому́жно заче́нши, не тѣсновмѣсти́.

Сѣда́ленъ, гла́съ 1. Подо́бенъ: Гро́бъ Тво́й, Спа́се.

Свѣти́льникъ присносія́ненъ яви́лся еси́ мíру, просвѣща́я мо́лніями боже́ственныхъ твои́хъ слове́съ вѣ́рныхъ помышле́нія, святи́телю Ипполи́те. Тѣ́мже вси́ свяще́нную твою́ и боже́ственную па́мять дне́сь ра́достно соверша́емъ и вѣ́рно почита́емъ.

Пѣ́снь 7.

Ирмо́съ: Спасы́й во огни́ авраа́мскія Твоя́ о́троки и халде́и уби́въ, я́же Пра́вда пра́ведно уловля́ше, препѣ́тый Го́споди, Бо́же оте́цъ на́шихъ, благослове́нъ еси́.

Му́ченическими свѣ́тлостьми и свяще́нническими просвѣща́еши, священному́чениче явле́нне, вопію́щія Христу́ въ па́мяти твое́й: препѣ́тый Го́споди, Бо́же оте́цъ на́шихъ, благослове́нъ еси́.

Предвѣ́дящаго издале́че страда́ніе свяще́ннѣйшее, о́тче, муче́нія зря́, предстоя́ща тебѣ́, ра́дуяся, взыва́лъ еси́: препѣ́тый Го́споди, Бо́же оте́цъ на́шихъ, благослове́нъ еси́.

Ра́ны претерпѣ́въ отъ разжже́нныя любве́ муче́нія, терпѣли́вно со дерзнове́ніемъ вопія́ше Ипполи́тъ: препѣ́тый Го́споди, Бо́же оте́цъ на́шихъ, благослове́нъ еси́.

Богоро́диченъ: Безсѣ́менно во утро́бѣ и преесте́ственно пріе́мшую непремѣ́ннаго Бо́га, за милосе́рдіе къ человѣ́комъ прише́дша, препѣ́тый Го́споди, Бо́же оте́цъ на́шихъ, благослове́нъ еси́.

Пѣ́снь 8.

Ирмо́съ: Во о́бразѣ а́нгела, я́вльшагося въ пещи́ о́гненнѣй пѣсносло́вцемъ, Христа́ Бо́га по́йте, о́троцы, свяще́нницы, благослови́те, лю́діе, превозноси́те во вся́ вѣ́ки.

Яко мягка́ и ту́чна же́ртва: до́брый бо па́стырь, я́ко овча́, приво́дится Христу́, взыва́я: свяще́нницы, благослови́те, лю́діе, превозноси́те во вся́ вѣ́ки.

Му́ченическимъ вѣнце́мъ блиста́я, Це́ркви Твое́й, Христе́, іера́рхъ возсія́, — по́йте, о́троцы, — ра́дуяся, взыва́я, — лю́діе, превозноси́те во вся́ вѣ́ки.

По преще́ннѣмъ отвѣ́тѣ сме́ртнѣмъ Христо́въ страда́лецъ, ра́дуяся, Ипполи́тъ вопія́ше: о́троцы, Христа́ благослови́те, лю́діе, превозноси́те во вся́ вѣ́ки.

Богоро́диченъ: Неизглаго́ланно и безсѣ́менно заче́ншую и Ро́ждшую ра́дость вселе́ннѣй — Христа́ Бо́га, по́йте, о́троцы, свяще́нницы, благослови́те и превозноси́те во вся́ вѣ́ки.

Пѣ́снь 9.

Ирмо́съ: Рождество́ Твое́ нетлѣ́нно яви́ся: Бо́гъ изъ боку́ Твое́ю про́йде, я́ко Плотоно́сецъ яви́ся на земли́ и съ человѣ́ки поживе́. Тя́, Богоро́дице, тѣ́мъ вси́ велича́емъ.

Яко всесла́венъ священному́ченикъ, сугу́бою уясни́лъ еси́ заре́ю Христо́ву Це́рковь и весели́ши сердца́ тя́ пою́щихъ. Тѣ́мже тя́ вси́ досто́йно блажи́мъ.

Исто́чникъ источи́въ уче́ній, всеблаже́нне, Христо́вѣ Це́ркви, изъ му́ченическихъ крове́й пото́ки рѣ́чно Бо́гу прино́сиши, тѣ́мже тя́ вси́ блажи́мъ, Ипполи́те.

Научи́лъ еси́ Еди́ному, богоглаго́ливе, Бо́гу покланя́тися въ Тро́ицѣ, Зижди́телю всѣ́хъ ви́димыхъ же тва́рей и неви́димыхъ, му́ченическимъ же украси́лся еси́ вѣнце́мъ.

Богоро́диченъ: Блиста́яй Тебѣ́ а́нгелъ предста́ и луча́ми дѣ́вства Твоего́ вельми́ просвѣти́ся, себе́ сама́го я́ко сво́йственныя забы́ сла́вы, е́же — ра́дуйся, — со стра́хомъ Тебѣ́ вѣща́ше.

Стихи́ры, гла́съ 1. Подо́бенъ: Небе́сныхъ чино́въ.

Свяще́нства благода́ть, о́тче, пріе́мъ,* боже́ственными уче́ніи просвѣти́лъ еси́ вся́,* Ипполи́те богому́дре,* и свяще́нными списа́ньми истолкова́лъ еси́* проро́ковъ боже́ственная словеса́,* уясня́я на́мъ я́же отту́ду быва́ющая.

Исповѣ́данія боже́ственнымъ вѣнце́мъ украша́емь,* ка́плями твои́хъ крове́й* свяще́нства оде́жду украси́лъ еси́,* ве́сь свѣ́телъ и красе́нъ предста́лъ еси́* Царю́ и Влады́цѣ и Творцу́,* всеблаже́нне Ипполи́те.

Яко дерзнове́ніе, всеблаже́нне,* ко Спа́су Христу́ ны́нѣ стяжа́въ,* вся́, вѣ́рно тя́ чту́щія, спаса́й* отъ бѣ́дъ, и напа́стей, и лю́тыхъ обстоя́ній,* и отъ страсте́й, и паде́ній, и ну́ждъ* благопрія́тными моли́твами твои́ми.

Сла́ва, и ны́нѣ, богоро́диченъ:

Жезло́мъ Твоего́ заступле́нія, Богоро́дице Чи́стая,* звѣ́рскія стра́сти окая́нныя души́ моея́ отжени́,* отсю́ду ми́рно* къ жи́зни мя́ наставля́ющи,* и свято́му мя́ ста́ду* избра́нныхъ Твои́хъ ове́цъ сопричти́.

Источникъ: Минíа, мѣ́сяцъ Іаннуа́рій. — Кíевъ: Въ тѵпогра́фіи Кíево-Пече́рской Ла́ѵры, 1893. — Л. 312 об. – 315.

/ Къ оглавленію раздѣла /


Наверхъ / Къ титульной страницѣ

0