Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - вторникъ, 27 iюня 2017 г. Сейчасъ на порталѣ посѣтителей - 17.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

МИНЕИ БОГОСЛУЖЕБНЫЯ (СЕНТЯБРЬ-АВГУСТЪ).

Мѣ́сяца Февруа́рія въ 22-й де́нь.
Обрѣ́теніе моще́й святы́хъ му́ченикъ, и́же во Евге́ніи.

[НА ВЕЧЕРНИ,]
На Го́споди воззва́хъ: стихи́ры, гла́съ 4. Подо́бенъ: Зва́нный свы́ше.

Отъ не́мощи человѣ́комъ* си́лою Боже́ственною* исцѣле́ніе подава́ется приступа́ющимъ:* пе́рсть ма́ла тѣле́сная страстоте́рпцевъ* исто́чникъ чуде́съ источа́етъ благода́тію.* Присту́пимъ, человѣ́цы,* и почерпе́мъ здра́віе души́,* здра́віе тѣлесе́,* взыва́юще благода́рныя гла́сы и глаго́люще:* Спа́се мíра,* Его́же ра́ди пострада́ша* честнíи страстоте́рпцы терпѣли́вѣйше,* тѣ́хъ моли́твами вся́каго вре́да изми́ на́съ.

Иже на лѣ́та мно́га сокрове́нни,* добропобѣ́дніи му́ченицы ны́нѣ яви́шася,* я́коже бога́тство многоцѣ́нно,* Ца́рскій гра́дъ обогаща́юще всѣ́хъ градо́въ,* рука́ми носи́ми архіере́я му́драго,* и въ це́рковь приноси́ми че́стнѣ Боже́ственную,* и прося́щимъ раздава́еми* на вся́ко здра́віе, въ по́льзу,* въ просвѣще́ніе, въ заступле́ніе* ва́съ пріе́млющихъ,* я́ко вѣ́рныя Бо́жія уго́дники.

Сла́ва, и ны́нѣ, богоро́диченъ. Подо́бенъ то́йже:

Иже благоче́стно* покланя́ющіяся Твоему́ Рождеству́* отъ вся́каго спаса́й навѣ́та вра́жія,* Богороди́тельнице Всенепоро́чная,* я́ко Предста́тельница всего́ ро́да на́шего су́щи:* Тя́ бо ны́нѣ по́мощь вси́ стяжа́хомъ,* прибѣ́жище же и утвержде́ніе* и Хода́таицу ко Влады́цѣ Христу́ и Го́споду;* Его́же моли́* дарова́ти ми́ръ мíру, мо́лимся,* и грѣхо́въ разрѣше́ніе* притека́ющимъ въ кро́въ Тво́й.

Крестобогоро́диченъ, подо́бенъ Яко до́бля.

Не рыда́й Мене́, Ма́ти,* зря́щи на дре́вѣ повѣ́шена* Твоего́ Сы́на и Бо́га,* на вода́хъ повѣ́сившаго зе́млю неодержи́мо* и всю́ тва́рь созда́вшаго;* и́бо воскре́сну и просла́влюся,* и а́дова ца́рствія сокрушу́ крѣ́постію,* и погублю́ того́ си́лу,* и свя́занныя изба́влю* отъ злодѣ́йства его́,* я́ко Благоутро́бенъ,* и Отцу́ Моему́ приведу́,* я́ко Человѣколю́бецъ.

Тропа́рь, гла́съ 4:

Му́ченицы Твои́, Го́споди, во страда́ніихъ свои́хъ вѣнцы́ прія́ша нетлѣ́нныя отъ Тебе́, Бо́га на́шего: иму́ще бо крѣ́пость Твою́, мучи́телей низложи́ша, сокруши́ша и де́моновъ немощны́я де́рзости; тѣ́хъ моли́твами спаси́ ду́ши на́ша.


НА УТРЕНИ,
Кано́нъ, гла́съ 8.

Пѣ́снь 1.

Ирмо́съ: Колесницегони́теля фарао́ня погрузи́ чудотворя́й иногда́ Моисе́йскій же́злъ, крестообра́зно порази́въ и раздѣли́въ мо́ре, Изра́иля же бѣглеца́, пѣшехо́дца спасе́, пѣ́снь Бо́гови воспѣва́юща.

Му́ченическими укра́шени дарова́ньми и вели́кому Свѣ́ту всесвѣ́тли любо́вію предстоя́ще, му́ченицы, о́блаки ду́шъ на́шихъ и страсте́й зи́му разори́те благода́тію Всеси́льнаго Бо́га на́шего.

Возложи́вся му́ченическій собо́ръ Всеви́дцу Бо́гу, и, Того́ любо́вію ду́ши привяза́вше, разрѣши́ша сою́зъ зло́бы и разрѣше́ніе грѣхо́въ подава́ютъ вѣ́рою тѣ́хъ блажа́щимъ.

Огне́мъ Боже́ственнымъ, страстоте́рпцы му́ченицы, распаля́еми и мы́сленною си́лою ду́ши вжили́вше, я́ко у́гліе, яви́стеся, попаля́юще ве́щь многобо́жія и просвѣща́юще сія́ніемъ благоче́стія концы́.

Богоро́диченъ: Отъ ви́димыхъ и неви́димыхъ изба́ви мя́, Дѣ́во Ма́ти, враго́въ, Яже Бо́га Сло́ва ви́димаго ро́ждши, неви́дима су́ща, и страсте́й мои́хъ бу́рю Твое́ю тишино́ю отжени́, Еди́на человѣ́ковъ исправле́ніе.

Пѣ́снь 3.

Ирмо́съ: Небе́снаго кру́га Верхотво́рче, Го́споди, и Це́ркве Зижди́телю, Ты́ мене́ утверди́ въ любви́ Твое́й, жела́ній кра́ю, вѣ́рныхъ утвержде́ніе, еди́не Человѣколю́бче.

Разже́гшеся любо́вію Боже́ственною, му́ченицы, о́гнь безбо́жія крове́й струя́ми угаси́сте и, возсія́вше свѣтови́дно, я́ко звѣ́зды, всю́ подсо́лнечную уясни́сте.

Блиста́ютъ му́чениковъ свѣтоза́рныя мо́щи, свѣ́тъ исцѣле́ній вѣ́рою къ си́мъ притека́ющимъ: благода́ть бо почерпо́ша отъ исто́чниковъ Спа́совыхъ, Того́ во́льнѣй Стра́сти поревнова́вше.

Вѣ́ры столпи́, Христо́ва закла́нія во вре́мя у́бо мно́го въ вода́хъ кры́еми, ны́нѣ яви́шася, архіере́йскими рука́ми благоче́стно и преподо́бно преноша́еми бы́ша.

Богоро́диченъ: Ра́дуйся, Еди́на, ро́ждшая вся́ческихъ Го́спода; ра́дуйся, ра́дость человѣ́комъ исхода́таивши; ра́дуйся, присѣ́нная и несѣко́мая горо́, вѣ́рнымъ утвержде́ніе; ра́дуйся, Всенепоро́чная.

Конда́къ, гла́съ 4. Подо́бенъ: Яви́лся еси́ дне́сь.

Отъ земли́ возсія́вше я́ко свѣти́ла пра́вды, нече́стія всю́ отрази́сте мглу́ и вѣ́рныхъ просвѣща́ете, му́ченицы Боже́ственніи, Тро́ицы побо́рницы.

Сѣда́ленъ, гла́съ 1. Подо́бенъ: Гро́бъ Тво́й, Спа́се.

Ле́сть вра́жію я́вственно низложи́вше, на лѣ́та мно́га зави́стнѣ сокрове́нніи, на́мъ яви́стеся, всеприснопа́мятніи му́ченицы, врачу́юще ду́шъ на́шихъ стра́сти и исцѣля́юще тѣле́сныя болѣ́зни во сла́ву Бо́га на́шего.

Сла́ва, и ны́нѣ, богоро́диченъ:

Упра́ви, Чи́стая, окая́нную мою́ ду́шу, и уще́дри ю́, отъ мно́жества прегрѣше́ній во глубину́ попо́лзшуюся поги́бели, Всенепоро́чная, и въ ча́съ мя́ стра́шный сме́рти Ты́ исхи́ти оглаго́лующихъ де́моновъ и вся́кія му́ки.

Крестобогоро́диченъ:

Зря́щи Тя́, Христе́, Всенепоро́чная Ма́ти ме́ртва на Крестѣ́ просте́рта, вопія́ше: Сы́не Мо́й, собезнача́льне Отцу́ и Ду́ху, что́ неизрече́нное Твое́ сіе́ смотре́ніе, и́мже спа́слъ еси́ пречи́стыхъ ру́къ Твои́хъ, Ще́дре, созда́ніе?

Пѣ́снь 4.

Ирмо́съ: Ты́ моя́ крѣ́пость, Го́споди, Ты́ моя́ и си́ла, Ты́ мо́й Бо́гъ, Ты́ мое́ ра́дованіе, не оста́вль нѣ́дра Отча, и на́шу нищету́ посѣти́въ. Тѣ́мъ съ проро́комъ Авваку́момъ зову́ Ти: си́лѣ Твое́й сла́ва, Человѣколю́бче.

Твое́ заколе́ніе и во́льную сме́рть, Жизнода́вче, собо́ръ возжелѣ́ страда́лецъ и, многови́дныя болѣ́зни претерпѣ́въ, въ неболѣ́зненное пре́йде и Боже́ственное весе́ліе, пѣснопоя́ благода́рственно: си́лѣ Твое́й сла́ва, Человѣколю́бче.

Креста́ огражда́еми броня́ми и любо́вію Боже́ственною утвержда́еми, ору́жіе низложи́ша враго́въ и ополче́нія си́хъ вѣ́рою потреби́ша му́ченицы боже́ственніи, пою́ще усе́рдно: си́лѣ Твое́й сла́ва, Человѣколю́бче.

Добро́тами добродѣ́телей просвѣща́еми, отъ крове́й багряни́цею украси́стеся очервле́ною, му́ченицы, я́коже ски́птръ, Креста́ побѣ́ду нося́ще, со Христо́мъ ца́рствовати сподо́бистеся вои́стинну, блаже́нныя наде́жды прія́ша.

Богоро́диченъ: Ма́ти Бо́жія, благослове́нная, Всенепоро́чная, страда́лецъ боже́ственное удобре́ніе, онебеси́вшая на́ше естество́, отри́нувшееся совѣ́томъ зміи́нымъ, спаси́ мя отъ вся́кихъ житія́ собла́знъ и улучи́ти спасе́ніе сподо́би.

Пѣ́снь 5.

Ирмо́съ: Вску́ю мя́ отри́нулъ еси́ отъ лица́ Твоего́, Свѣ́те незаходи́мый, и покры́ла мя́ е́сть чужда́я тма́ окая́ннаго? Но обрати́ мя, и къ свѣ́ту за́повѣдей Твои́хъ пути́ моя́ напра́ви, молю́ся.

Святы́хъ Твои́хъ, Спа́се, вре́мя дово́льно сокрове́нныя ко́сти сохрани́въ, яви́лъ еси́ ны́нѣ, я́ко благоволи́лъ еси́, лю́демъ Твои́мъ, Сло́ве, на освяще́ніе, и спасе́ніе, и въ сту́дъ враго́мъ, ху́лящимъ Тя́.

Сту́день пре́лести, теплото́ю вѣ́ры разори́сте, сла́вніи, мно́гихъ му́къ преше́дше многоплете́нныя сѣ́ти; къ вы́шнему гра́ду вперя́еми любо́вію, почи́ли есте́, сла́вою исполня́еми.

Терпѣ́ніемъ ра́нъ вся́ко низло́жше вра́жіе шата́ніе, тве́рдіи ору́жницы, и терза́еми, и повѣ́шаеми, и огню́ веще́ственному пріобщи́вшеся, вся́ку ве́щь безбо́жія запали́сте благода́тію.

Богоро́диченъ: Превы́шши была́ еси́ вы́шнихъ си́лъ, Богора́дованная, заче́нши Сло́во, вся́ сло́вомъ сотво́ршаго, и ро́ждши Сего́, отъ Отца́ пре́жде вѣ́къ рожде́нна нетлѣ́нно, Пречи́стая.

Пѣ́снь 6.

Ирмо́съ: Очи́сти мя́, Спа́се, мно́га бо беззако́нія моя́, и изъ глубины́ зо́лъ возведи́, молю́ся, къ Тебѣ́ бо возопи́хъ, и услы́ши мя́, Бо́же спасе́нія моего́.

Якоже кри́нъ, въ мы́сленныхъ удо́ліихъ процвѣ́тше, Боже́ственныя вони́ вся́ наполня́ете, всехва́льніи, и отъ ду́шъ отгоня́ете смра́дъ вся́къ, страстоте́рпцы досточу́дніи.

Ссѣка́еми на у́ды и многообра́зно му́чими, терпѣ́нія и́стиннаго мече́мъ ссѣко́ша враги́, невѣ́дущія Тя́, до́бліи, Сло́ве, страстоте́рпцы Твои́, воспѣва́юще Тя́.

Стру́пы му́ченичестіи ду́шъ исцѣля́ютъ я́звы, си́ми бо врага́ крѣ́пко уязви́вше, врачева́ніе безме́здно те́плѣ прося́щимъ Боже́ственнымъ Ду́хомъ бы́ша.

Богоро́диченъ: Изъ Тебе́ Бо́гъ сме́ртнымъ, плотски́мъ яви́ся прія́тіемъ, бога́тъ Сы́й, мою́ нищету́, Всенепоро́чная, изъ Тебе́ взя́тъ, безсме́ртія вхо́ды ми́ да́руя.

Конда́къ, гла́съ 8. Подо́бенъ: Яко нача́тки.

Крѣ́пцыи вѣ́ры столпи́, добропобѣ́дніи му́ченицы, за Христа́ подъе́мше разли́чныя му́ки, и на лѣ́та мно́га сокрове́ни бы́сте, и ны́нѣ яви́стеся я́ко многоцѣ́нное бога́тство, и въ Це́рковь Бо́жію че́стно носи́ми архіере́я Бо́жія дла́ньми, прося́щимъ раздава́ете, е́же на по́льзу. Тѣ́мъ моли́теся о душа́хъ на́шихъ.

Пѣ́снь 7.

Ирмо́съ: Бо́жія снизхожде́нія о́гонь устыдѣ́ся въ Вавило́нѣ иногда́, сего́ ра́ди о́троцы въ пещи́, ра́дованною ного́ю, я́ко во цвѣ́тницѣ, лику́юще поя́ху: благослове́нъ еси́, Бо́же оте́цъ на́шихъ.

Вѣ́доми Сотво́ршему, муче́ніемъ дре́вле бы́вше безъ вѣ́сти сокрове́ни, на́мъ ны́нѣ позна́ни бы́сте, пѣснопою́щимъ, всехва́льніи му́ченицы: благослове́нъ еси́, Бо́же оте́цъ на́шихъ.

Почерпи́те, человѣ́цы, отъ исто́чника, точа́щаго во́ду спаси́тельную, отъ пото́ковъ невеще́ственныхъ моще́й ра́ди му́ченикъ дне́сь, и пѣснопо́йте сія́ Просла́вльшему: благослове́нъ еси́, Бо́же оте́цъ на́шихъ.

Свѣ́та жили́ща яви́вшеся, му́къ ра́ди мно́гихъ, въ сокрове́ніи мра́чнѣмъ лѣ́та мно́га сокрыва́еми, я́ко отъ незаходи́мыхъ свѣти́льницы возсія́ша страда́льцы Твои́, Христе́, просвѣща́юще на́съ.

Богоро́диченъ: Проро́цы провозвѣсти́ша глубину́, Дѣ́во, та́инства Твоего́, отъ чи́стыхъ бо крове́й Бо́га, Отрокови́це, чревоноси́ла еси́ и въ существа́хъ двою́ породила́ еси́ на спасе́ніе на́ше и избавле́ніе.

Пѣ́снь 8.

Ирмо́съ: Седмери́цею пе́щь халде́йскій мучи́тель богочести́вымъ неи́стовно разжже́, си́лою же лу́чшею спасе́ны сія́ ви́дѣвъ, Творцу́ и Изба́вителю вопія́ше: о́троцы, благослови́те, свяще́нницы, воспо́йте, лю́діе, превозноси́те во вся́ вѣ́ки.

Якоже виногра́да ло́зіе невеще́ственнаго су́ще, гро́здіе на́мъ богоразу́мія процвѣто́ша и вино́ источи́ша безсме́ртія всѣ́мъ я́вѣ, пія́нства душе́внаго отража́юще вре́дъ, му́ченицы, вопію́ще: о́троцы, благослови́те, свяще́нницы, воспо́йте, лю́діе, превозноси́те во вся́ вѣ́ки.

Тече́ніи кро́вными рѣ́ки изсуши́ша идолонеи́стовства и разжже́ніе угаси́ша безбо́жнаго велѣ́нія страда́льцы сла́вою Христо́вою, вся́ко же вѣ́рно вопію́щее се́рдце напои́ша бога́тно: о́троцы, благослови́те, свяще́нницы, воспо́йте, лю́діе, превозноси́те во вся́ вѣ́ки.

Святи́телей предъизбра́нный священносподви́женъ пренесе́ніе свяще́нное сотвори́ ва́ше, всеблаже́нніи, и лѣ́тно сіе́ почита́етъ, поя́ со всѣ́мъ свяще́ннымъ сосло́віемъ: о́троцы, благослови́те, свяще́нницы, воспо́йте, лю́діе, превозноси́те во вся́ вѣ́ки.

Богоро́диченъ: Освя́щшися Ду́хомъ, Богоро́дице Всенепоро́чная, во святы́хъ Почива́ющаго родила́ еси́ Свята́го и Благодѣ́теля, Еди́наго Бо́га, вся́ вопію́щія освяща́юща вѣ́рою: о́троцы, благослови́те, свяще́нницы, воспо́йте, лю́діе, превозноси́те во вся́ вѣ́ки.

Пѣ́снь 9.

Ирмо́съ: Ужасе́ся о се́мъ не́бо, и земли́ удиви́шася концы́, я́ко Бо́гъ яви́ся человѣ́комъ пло́тски и чре́во Твое́ бы́сть простра́ннѣйшее небе́съ. Тѣ́мъ Тя́, Богоро́дицу, Ангеловъ и человѣ́къ чинонача́лія велича́ютъ.

Дру́гъ дру́га порѣва́юще къ жи́зни и дерза́ти са́ми себѣ́ повелѣва́юще ра́ны претерпѣ́ти, вопію́ще страда́льцы: се́ вре́мя благопрія́тно, ста́немъ и побѣди́мъ врага́, Христо́съ бо Подвигополо́жникъ простира́етъ вѣнцы́, Иже на́съ ра́ди страда́ти изво́ливый.

Возвы́сился еси́ на дре́во, Сло́ве Бо́жій, и му́чениковъ стада́ привле́клъ еси́ къ Себѣ́, стра́сть вообрази́вшихъ и заколе́ніе, е́же во́лею, Влады́ко, прія́лъ еси́ за милосе́рдіе на́съ ра́ди. Тѣ́мже Тя́ до́бліи возлюби́вше страда́льцы, я́ко овча́та, закала́ются.

Со Христо́мъ ца́рствовати всегда́, страда́льцы всехва́льніи му́ченицы, ра́достно сподо́бльшеся на небесѣ́хъ, ИМПЕРАТОРУ побѣди́тельная, и Святѣ́йшему Сѵно́ду душе́вное испроси́те спасе́ніе, вѣ́рою восхваля́ющимъ вы́ дне́сь.

Богоро́диченъ: Облаче Со́лнца мы́сленнаго, души́ моея́ о́блаки разжени́, две́ре Бо́жія, отве́рзи мнѣ́ две́ри, молю́ Тя, пра́вды Влады́чице, и ко вхо́домъ благи́мъ введи́, Дѣ́во, отъ путе́й многообра́зныхъ лука́ваго избавля́ющи мя́.

Источникъ: Минíа, мѣ́сяцъ Феѵруа́рій. — Кíевъ: Въ тѵпогра́фіи Кíево-Пече́рской Ла́ѵры, 1893. — Л. 171 – 174 об.

/ Къ оглавленію раздѣла /


Наверхъ / Къ титульной страницѣ

0