Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - вторникъ, 23 мая 2017 г. Сейчасъ на порталѣ посѣтителей - 16.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

МИНЕИ БОГОСЛУЖЕБНЫЯ (СЕНТЯБРЬ-АВГУСТЪ).

Мѣ́сяца Деке́мврія въ 21-й де́нь.
Преставле́ніе [свята́го] Петра́, митрополи́та Моско́вскаго и всея́ Россíи чудотво́рца.

На Го́споди воззва́хъ: стихи́ры гла́съ 2-й. Подо́бенъ: Кíими похва́льными вѣнцы́...

Ины стихи́ры, гла́съ то́йже [2-й]. Творе́ніе Царя́ Іоа́нна, Де́спота Россíйскаго.

Кíими проро́ческими пѣ́ніи вѣнча́емъ святи́теля? нече́стію противобо́рца и благоче́стію прави́теля, освяще́ннаго отъ пеле́нъ, столпа́ Це́ркви неподви́жнаго, и́же вся́ зло́бныя посрамля́юща, потреби́теля Сеи́това, рѣку́ мно́гихъ чуде́съ, зе́млю Ру́сскую веселя́щу тече́ніи, — Петра́, те́плаго предста́теля на́шего и храни́теля.

Кíими духо́вными пѣ́ніи воспои́мъ святи́теля? и́же да́льная су́ща прови́дяща и отстоя́щая, я́ко бли́зъ су́ща, проро́чествующа нело́жно; и́же явле́ніемъ Пречи́стыя первосвяти́телю я́вльшуся, ди́внаго въ чудесѣ́хъ, исцѣле́нія (рѣку́) всѣ́мъ подава́юща, зе́млю Ру́сскую веселя́щу тече́ніи, — Петра́, те́плаго предста́теля на́шего и храни́теля.

Сла́ва, гла́съ 1:

Боже́ственнаго свы́ше явле́нія свѣ́тлостію умо́мъ свои́мъ просвѣти́вся, Пе́тре, тве́рдый умо́мъ, зако́ны избѣже́ есте́ственныя, я́коже сѣ́ни, благода́тію же и́стинною, всему́дре, осія́нъ бы́сть; отню́дуже и прія́телище Пресвята́го Ду́ха бы́сть, чудесе́мъ да́ръ воспрія́тъ, обогаща́я си́ми ча́да своя́. И ны́нѣ, съ первосвяти́тели предстоя́ Христу́, моли́ся о душа́хъ на́шихъ.

И ны́нѣ пра́зднику, гла́съ то́йже:

Пріими́те, я́сли, Его́же въ купинѣ́ Моисе́й законополо́жникъ прови́дѣ въ Хори́вѣ, ны́нѣ раж(д)а́емь отъ Дѣ́вы Ду́хомъ Боже́ственнымъ. Та́я и е́сть Иже въ зако́нѣ рече́нная, Та́я е́сть проро́ческая печа́ть, Яже Бо́га пло́тію тлѣ́ннымъ явля́юще, Ему́же поклони́мся.

На исхожде́ніи [литíи]. Сла́ва гла́съ 6-й. Творе́ніе Царе́во.

Дне́сь, собо́ри Ру́с(с)тіи, соше́дшеся досто́йно пра́зднуимъ первосвяти́телю Петру́ и чудотво́рцу, отъ земли́ на не́бо проше́дшу, благоче́стно торжеству́имъ преж(д)еосвяще́ннаго отъ пеле́нъ, во спасе́ніе Христо́выхъ слове́сныхъ ове́цъ: цари́ свѣща́ нося́ща преды́дутъ, ца́рскаго благолѣ́пія чту́ще честно́е украше́ніе; святи́тели тру́дъ ве́сь отло́жше ра́достно послѣ́дующе первосвяти́телю Бо́жію Петру́ и предста́телю. Вси́ у́бо ра́достно возопіе́мъ: ра́дуйся, святи́телю Пе́тре, моли́ся приле́жно о душа́хъ на́шихъ.

И ны́нѣ пра́зднику.

Источникъ: Стихиры положенныя на крюковыя ноты. Твореніе Царя Іоанна, Деспота Россійскаго. [По рукописи библіотеки Троице-Сергіевой лавры, № 428]. / Сообщилъ архимандритъ Леонидъ. — СПб.: Типографія В. Балашева, 1886. — С. 3, 5, 7. [Памятники древней письменности и искусства.]

/ Къ оглавленію раздѣла /


Наверхъ / Къ титульной страницѣ

0