Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - вторникъ, 26 сентября 2017 г. Сейчасъ на порталѣ посѣтителей - 11.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-БОГОСЛУЖЕБНЫЯ КНИГИ

МИНЕИ БОГОСЛУЖЕБНЫЯ (СЕНТЯБРЬ-АВГУСТЪ).

Мѣ́сяца Деке́мврія въ 14-й де́нь.
Святы́хъ му́ченикъ Ѳи́рса, Левкíя, Филимо́на и и́же съ ни́ми.

Аллилу́ія.

[ВЕЧЕРЪ,]
На Го́споди воззва́хъ: стихи́ры, гла́съ 4. Подо́бенъ: Да́лъ еси́ зна́меніе.

Ѳи́рсъ чу́дный,* и богому́дрый Каллини́къ,* и сла́вный Левкíй,* Тро́ицу несозда́нную исповѣ́дающе,* болѣ́зни тяжча́йшія и неосла́бныя му́ки* му́жественнѣйшимъ нра́вомъ претерпѣ́ша* и побѣ́ды вѣнцы́, я́ко побѣдоно́сцы, прія́ша,* согра́ждане бы́вше* невеще́ственныхъ си́лъ.

Филимо́нъ вели́кій,* Аріа́нъ пребога́тый,* му́дрый Аполло́ній* крове́й тече́ньми многобо́жія угаси́ша пла́мень,* всю́ напои́ша зе́млю* богозна́нія боже́ственными струя́ми* и ту́чами врачева́ній страсте́й изсуша́ютъ рѣ́ки* Боже́ственною благода́тію,* я́ко те́пліи защи́тницы.

Цвѣ́ти краснѣ́йшіи* въ цвѣ́тницѣ процвѣто́ша,* му́ченицы сла́вніи,* ду́ха испуща́юще боже́ственное благово́ніе* и мы́сли, благоуха́юще вѣ́рно* лѣ́тнюю па́мять и́хъ чту́щихъ,* страда́нія, и боре́нія,* и блаже́нное сконча́ніе.* Его́же ра́ди во свѣ́тѣ невече́рнѣмъ обита́ютъ, ра́дующеся.

Ины стихиры Пресвятѣй Богородицѣ, гласъ и подобенъ тойже:

Одожди́ мнѣ́, Влады́чице,* Твоея́ ми́лости бе́здну* и опали́вшееся зно́емъ страсте́й се́рдце мое́,* я́ко ми́лостива, напо́й, Отрокови́це,* и умиле́нія ка́пли точи́ти* непреста́нно сотвори́, молю́ся,* и́миже утѣше́нія сподо́блюся, Чи́стая,* е́же получи́ти и́мутъ* и́же и́скренно пла́кавшіися.

Де́монскими коле́блема прило́ги* и въ ро́въ поги́бели вве́ржена,* уще́дри, Влады́чице,* и утверди́ мя на ка́мени добродѣ́телей,* и, совѣ́ты враго́въ разори́вши,* сподо́би мя́ твори́ти повелѣ́нія* Сы́на Твоего́ и Бо́га на́шего,* я́ко да получу́ оставле́ніе въ де́нь суда́.

Въ разбо́йники впадо́хъ* скверноубíйственныя, Всенепоро́чная,* и нетлѣ́нныя оде́жды вы́шнія свѣ́тлости* си́хъ нахожде́ньми совлече́нъ бы́хъ, Отрокови́це,* и отъ ни́хъ неми́лостивно уязви́хся* и низве́рженъ бы́хъ* въ мѣ́сто озлобле́нія е́ле жи́въ,* но предвари́, и ру́ку Твою́ простри́,* и воздви́гни мя́, молю́ся.

Сла́ва, и ны́нѣ, гла́съ и подо́бенъ то́йже:

На одрѣ́ низлежу́ уны́нія, Всенепоро́чная,* и лѣ́ностно прохожду́ житіе́,* и ужаса́юся конца́ моего́ вре́мене, Богоро́дице,* да, не я́коже ле́въ, неща́дно расто́ргнетъ* смире́нную мою́ ду́шу* змíй вселука́вый.* Тѣ́мже Твое́ю бла́гостію,* пре́жде конца́ предвари́вши,* къ покая́нію мя́ воздви́гни.

Крестобогоро́диченъ. Подо́бенъ: Яко до́бля.

Распина́ема Христа́ Человѣколю́бца ви́дящи, Пречи́стая,* и ре́бра ископова́ема копіе́мъ,* пла́чущи, вопія́ше:* что́ сіе́, Сы́не Мо́й?* Что́ Ти безблагода́тніи лю́діе возда́ша,* за я́же сотвори́лъ еси́ до́брая и́мъ,* и тщи́шися безча́дствовати Мя́, Вселюбе́знѣйшій?* Удивля́юся, Благоутро́бне,* Твоему́ во́льному распя́тію.

На стихо́внѣ окто́иха.



НА УТРЕНИ,
Оба кано́на окто́иха и святы́хъ кано́нъ на 4. Ѳеофа́ново. Гла́съ 6.

Пѣ́снь 1.

Ирмо́съ: Яко по су́ху пѣшеше́ствовавъ Изра́иль по бе́зднѣ стопа́ми, гони́теля фарао́на ви́дя потопля́ема, Бо́гу побѣ́дную пѣ́снь пои́мъ, вопія́ше.

Му́ченическими красота́ми Боже́ственному престо́лу предстоя́ще и Боже́ственными блиста́ніи, страстоте́рпцы, сія́юще, на́съ, пою́щихъ ва́шу па́мять, просвѣти́те.

Добро́ты Боже́ственныя жела́юще, житія́ кра́сная въ ничто́же вмѣни́сте, страстоте́рпцы Христо́вы, и, уме́рше тѣ́ломъ, жи́знь безконе́чную обрѣсти́ сподо́бистеся.

Безбо́жія ле́сть боголѣ́пно, страстоте́рпцы му́ченицы, обличи́вше, мно́гихъ болѣ́зней претерпѣ́сте разжже́ніе и безболѣ́зненную жи́знь ны́нѣ воспрія́сте.

Богоро́диченъ: Неопи́санное Сло́во, опи́сано бы́вшее тѣ́ломъ, породила́ еси́, Чи́стая, Его́же моли́ изба́витися тли́ и страсте́й наведе́нія Тя́ сла́вящимъ.

Пѣ́снь 3.

Ирмо́съ: Нѣ́сть свя́тъ, я́коже Ты́, Го́споди Бо́же мо́й, вознесы́й ро́гъ вѣ́рныхъ Твои́хъ, Бла́же, и утверди́вый на́съ на ка́мени исповѣ́данія Твоего́.

Тѣ́ло стру́жуще, лю́тѣ тмы́ предста́теліе по́мысла твоего́ крѣ́пости не осла́биша, любо́вію Боже́ственною си́льне въ любви́, Ѳи́рсе, укрѣпля́емаго.

Бы́сть, му́чениче чу́дне, внеза́пная твоя́ вои́стинну ко Го́споду вѣ́ра, е́юже посрами́лъ еси́ враго́въ зловѣ́ріе, вопія́, о Филимо́не, — ра́бъ е́смь Христо́въ.

Къ боре́нію, му́чениче, врага́ де́рзостнѣ изше́лъ еси́, не щито́мъ, ни копіе́мъ, но вѣ́рою тве́рдою боже́ственнѣ защити́вся, и му́жески сего́ на зе́млю низве́рглъ еси́.

Богоро́диченъ: Въ дву́хъ естества́хъ Еди́нъ Святы́я Тро́ицы, изъ чи́стыхъ Твои́хъ крове́й воплоти́вся, боголѣ́пно про́йде, су́щія изъ Ада́ма спаса́я, Всечи́стая, бла́гостію.

Сѣда́ленъ, гла́съ 4. Подо́бенъ: Удиви́ся Іо́сифъ.

Благоче́стія щито́мъ покрыва́еми до́брѣ и ору́жіемъ Креста́ одѣ́явшеся тве́рдо, ополче́нія низложи́ша мучи́теля му́ченицы Христо́вы досточу́дніи и, вѣнце́мъ отъ Него́ увя́зшеся побѣ́ды, лику́ютъ непреста́нно съ го́рними си́лами и Спа́са мо́лятъ спасти́ ду́ши на́ша.

Сла́ва, и ны́нѣ, богоро́диченъ:

Треволне́ніи страстны́ми безсо́вѣстный а́зъ обурева́емь, Чи́стая, призыва́ю Тя́ те́плѣ: да не пре́зриши мене́, окая́ннаго, поги́бнути, бе́здну милосе́рдія ро́ждшая, ра́звѣ бо Тебе́ наде́жды не и́мамъ. Да не враго́мъ у́бо обра́дованіе и смѣ́хъ надѣ́явыйся на Тя́ явля́юся, и́бо мо́жеши, ели́ка хо́щеши, я́ко Ма́ти су́щи всѣ́хъ Бо́га.

Крестобогоро́диченъ:

Дѣ́ва и Агница, ви́дѣвши на Крестѣ́ безъ сѣ́мене изъ Нея́ Агнца ро́ждшагося и копіе́мъ прободе́на, печа́ли уя́звена стрѣла́ми, вопія́ше, болѣ́зненно восклица́ющи: что́ но́вое та́инство? Ка́ко умира́еши, Иже живота́ Еди́нъ Госпо́дь? Тѣ́мже воскресни́, па́дшаго воздвиза́я пра́отца.

Пѣ́снь 4.

Ирмо́съ: Христо́съ моя́ си́ла, Бо́гъ и Госпо́дь, честна́я Це́рковь боголѣ́пно пое́тъ, взыва́ющи, отъ смы́сла чи́ста, о Го́сподѣ пра́зднующи.

Еди́наго благоутро́бнаго, Еди́наго Го́спода и Бо́га всѣ́хъ исповѣ́дати му́ченицы возжелѣ́вше, чрезъ му́ки Того́ Ца́рство прія́сте.

Строга́нія тѣле́сная, о́гненная стремле́нія и звѣре́й, и мо́ря ю́ношески подъя́лъ еси́, пребога́те, си́лою Креста́, му́чениче Ѳи́рсе, укрѣпля́емь.

Подвиго́въ ра́нами удобря́яся, ду́шу свѣтлѣ́йшу со́лнечнаго сія́нія содѣ́лалъ еси́, я́ко во́инъ Христо́въ, страстоте́рпче му́чениче Левкíе.

Богоро́диченъ: Ма́терь безму́жну, Дѣ́ву непоро́чну, нерастлѣ́нну Отрокови́цу, въ жена́хъ еди́ну Тя́ зна́емъ, Благослове́нная Марíе, человѣ́ковъ исправле́ніе.

Пѣ́снь 5.

Ирмо́съ: Бо́жіимъ свѣ́томъ Твои́мъ, Бла́же, у́тренюющихъ Ти́ ду́ши любо́вію озари́, молю́ся, Тя́ вѣ́дѣти, Сло́вѣ Бо́жій, и́стиннаго Бо́га, отъ мра́ка грѣхо́внаго взыва́юща.

Боже́ственнѣйшими богосія́нно, му́ченицы всехва́льніи, заря́ми освяще́ни, преидо́сте безбо́жія непостоя́нную пучи́ну и къ Боже́ственнѣй тишинѣ́ премину́сте.

Влачи́ми по земли́, му́ченицы всехва́льніи, лю́тѣ и му́ками ураня́еми, небе́сныхъ че́сти получи́сте, а́нгеловъ согра́ждане ны́нѣ бы́вше.

Любя́ умре́ти за Христа́, возлю́бльшаго тя́ я́вѣ, му́чениче Филимо́не, вмѣни́лъ еси́ приноси́мыя я́звы тѣлеси́ твоему́ младе́нцевъ стрѣля́нія, богоблаже́нне.

Богоро́диченъ: Богоро́дицу Тя́ отъ души́, Влады́чице мíра Блага́я, исповѣ́дующія спаса́й: Тя́ бо Предста́тельницу непобѣди́му стяжа́хомъ, су́щую Богороди́тельницу.

Пѣ́снь 6.

Ирмо́съ: Жите́йское мо́ре, воздвиза́емое зря́ напа́стей бу́рею, къ ти́хому приста́нищу Твоему́ прите́къ, вопію́ Ти: возведи́ отъ тли́ живо́тъ мо́й, Многоми́лостиве.

Вѣ́тры дви́жими Боже́ственнаго Ду́ха, му́дріи, душе́вная вожде́нія во у́мная приста́нища прера́достно спасо́сте, му́ченицы, наслажда́ющеся ку́пно обоже́нія.

На колесни́цу пла́менну всѣ́дше, страда́льцы, излія́нною кро́вію къ небесе́мъ восхи́тистеся и Бо́жію сла́ву получи́сте, отъ Него́ вѣнцы́ побѣ́ды пріи́мше.

Филимо́нъ и Левкíй, Аполло́ній ку́пно и Ѳи́рсъ приснопа́мятный, четвери́ца боже́ственная и свѣтоза́рная, Тро́ическое осія́ніе, прича́стіемъ невеще́ственнымъ, обогати́шася.

Богоро́диченъ: Иже вся́кія превы́шши мы́сленныя — я́ко Бо́гъ — и ви́димыя тва́ри, вопло́щся, про́йде изъ Твоего́ чре́ва, соблю́дъ Тя́ нетлѣ́нну, я́коже была́ еси́ пре́жде рождества́, Ма́ти Дѣ́во.

Конда́къ гла́съ 2. Подо́бенъ: Тве́рдыя.

Благоче́стія вѣ́ры побо́рницы, злочести́ваго мучи́теля оплева́вше, обличи́сте звѣрообра́зное его́ кровопроли́тіе и побѣди́сте того́ я́ростное противле́ніе, Христо́вою по́мощію укрѣпля́еми, Ѳи́рсе и Левкíе, съ пострада́вшими о на́съ моли́теся.

Пѣ́снь 7.

Ирмо́съ: Росода́тельну у́бо пе́щь содѣ́ла а́нгелъ преподо́бнымъ отроко́мъ, халде́и же опаля́ющее велѣ́ніе Бо́жіе, мучи́теля увѣща́ вопи́ти: благослове́нъ еси́, Бо́же оте́цъ на́шихъ.

Одожде́ніи Боже́ственными угаси́сте многобо́жія пе́щь, разже́гшеся Боже́ственною любо́вію прера́достно, и ны́нѣ пѣснопое́те, страда́льцы: благослове́нъ еси́, Бо́же оте́цъ на́шихъ.

Гоня́щаго Боже́ственною улови́вше мре́жею, досточу́дніи, извлеко́сте изъ глубины́ ле́стныя и Христу́ приведо́сте, пою́ще те́плѣ: благослове́нъ еси́, Бо́же оте́цъ на́шихъ.

Поколеба́сте ле́сти основа́нія, неколе́бленно произволе́ніе показу́юще и му́жественъ ра́зумъ, страда́льцы, и ны́нѣ пѣснопое́те благоче́стно: благослове́нъ еси́, Бо́же оте́цъ на́шихъ.

Богоро́диченъ: Па́че сло́ва Твое́ зача́тіе, Богоневѣ́сто, Бо́га бо Сло́ва родила́ еси́, избавля́ющаго безслове́сія вся́каго человѣ́ки и сло́во подаю́щи вопи́ти: благослове́нъ еси́, Бо́же оте́цъ на́шихъ.

Пѣ́снь 8.

Ирмо́съ: Изъ пла́мене преподо́бнымъ ро́су источи́лъ еси́ и пра́веднаго же́ртву водо́ю попали́лъ еси́: вся́ бо твори́ши, Христе́, то́кмо е́же хотѣ́ти. Тя́ превозно́симъ во вся́ вѣ́ки.

Щито́мъ благоче́стія защити́вся и кре́стъ, я́коже копіе́, воспріе́мъ, полки́ вра́гъ неви́димыхъ ссѣ́клъ еси́, Ѳи́рсе доблему́дренне, му́чениковъ Боже́ственная сла́во.

Разжига́емь любо́вію Вседержи́теля, вше́лъ еси́ му́жественно въ му́ченическое суди́ще и, терпѣли́вно пострада́въ, расто́рглъ еси́ змíя вели́каго, Филимо́не страда́льче.

Погруже́ну показа́въ вра́жію си́лу, глубино́ю му́жества и терпѣ́нія твоего́, о Аріа́не, Ца́рствія сподо́бился еси́, неподви́жимаго во вся́ вѣ́ки.

Богоро́диченъ: Истинную Богоро́дицу исповѣ́дающе Тя́, я́ко а́нгелъ, — ра́дуйся, — вопіе́мъ Ти́: еди́на бо Ра́дость на земли́ родила́ еси́, о Обра́дованная, Чи́стая, Благослове́нная!

Пѣ́снь 9.

Ирмо́съ: Бо́га человѣ́комъ невозмо́жно ви́дѣти, на Него́же не смѣ́ютъ чи́ни а́нгельстіи взира́ти; Тобо́ю бо, Всечи́стая, яви́ся человѣ́комъ Сло́во воплоще́нно, Его́же велича́юще, съ небе́сными во́и, Тя́ ублажа́емъ.

Христо́ву стра́сть изобража́юще, искуше́ніе мно́гихъ му́къ претерпѣ́сте, блаже́нніи; глава́ми же усѣ́чени бы́вше, сопричто́стеся чино́мъ небе́снымъ, сла́вою облиста́юще и Боже́ственными луча́ми украша́еми.

Твои́ми кровьми́ багряни́цу омочи́лъ еси́, Ѳи́рсе му́дре, и въ сію́ сла́вно одѣ́явся: и, я́ко ски́птръ боже́ственный, держа́ Кре́стъ, со всѣ́ми страстоно́сцы ра́дуяся, ны́нѣ сца́рствуеши Христу́, богоблаже́нне.

Ва́шимъ, блаже́нніи, удиви́шася а́нгельскія си́лы подвиго́мъ, ра́намъ, противле́ніемъ, ну́жднѣй сме́рти; съ ни́миже живу́ще, воспомина́ніе сотвори́те о соверша́ющихъ ва́шу па́мять, всехва́льніи.

Богоро́диченъ: Въ подо́біи человѣ́чи пло́ти изъ Твоего́ чре́ва Сло́во яви́ся ражда́емое и му́чениковъ мно́жество привлече́, стра́сти претерпѣ́въ, Преблагíй, Чи́стая Дѣ́во Марíе Богора́дованная.

Источникъ: Минíа, мѣ́сяцъ Деке́мврій. — Кíевъ: Въ тѵпогра́фіи Кíево-Пече́рской Ла́ѵры, 1893. — Л. 114 – 117 об.

/ Къ оглавленію раздѣла /


Наверхъ / Къ титульной страницѣ

0