Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - вторникъ, 25 апрѣля 2017 г. Сейчасъ на порталѣ посѣтителей - 13.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ОСАННА

«ОСАННА» — ОДИНЪ ИЗЪ ПРОЕКТОВЪ «РУССКАГО ПОРТАЛА»

Сайтъ основанъ 4 Апрѣля 2011 г. (17 Апрѣля 2011 г. по н. ст.) въ день Входа Господня въ Іерусалимъ — Недѣлю Ваій.
RSS-каналъ сайтаhttp://www.russportal.ru/news/rss.php?h=8.         Разсылка новостейhttp://www.russportal.ru/subscribe
Экспортъ новостей въ «Живомъ журналѣ»http://russportal.livejournal.com

Изъ слова свт. Іоанна, архіеп. Шанхайскаго и Санъ-Францисскаго († 1966 г.)

Почему съ молитвами Животворящему Кресту соединяются молитвы о царяхъ?

Егда́ ца́рства правосла́вная на земли́ падо́ша и забве́нію пре́дана бы́ша, не преста́лъ еси́ побѣ́ды проси́ти царе́мъ благовѣ́рнымъ въ дре́внихъ пѣ́снехъ неизмѣ́нно, я́ко тѣ́хъ держа́ва то́чію благослове́нна е́сть отъ Бо́га оте́цъ на́шихъ (Изъ службы свт. Іоанну, архіеп. Шанхайскому, канонъ, пѣснь 8-я, троп. 3-й).

Свт. Иоанн, архиеп. Шанхайский и Сан-ФранцисскийПравославная Церковь, исполняя наставленіе апостола Павла молиться за царей, даже языческихъ, поскольку они являются защитниками порядка, а не гонителями Вѣры, всегда возносила моленіе Богу, чтобы сила крестная помогала уповающимъ на крестъ царямъ. Службы святому кресту по средамъ и пятницамъ, въ кои дни воспоминаются страданія Христовы, и въ другіе праздники Животворящаго креста полны такихъ моленій. Въ нихъ говорится: «Крестъ царей держава», «о тебѣ вѣрнѣйшіе царіе наши хвалятся, яко твоею силою исмаильтейскіе люди державно покаряюще», «побѣды благовѣрнымъ царемъ на сопротивныя даруя и Твое сохраняя Крестомъ Твоимъ жительство», «древо честное царемъ на варвары побѣду подающее»... Такими и тому подобными выраженіями наполнены службы кресту. — Замѣчательно, что многія изъ сихъ пѣснопѣній написаны святыми Отцами, которые сами жестоко страдали отъ царей иконоборцевъ; они не прекращали моленія за царей, твердо вѣря, что послѣ злыхъ царей будутъ и цари благочестивые. Не измѣняли тѣ молитвы православные греки и южные славяне и находясь подъ властью турокъ или чужихъ чужеземныхъ властей, хотя бы они были иновѣрными. далѣе>> (Свт. Іоаннъ, архіеп. Шанхайскій и Санъ-Францисскій († 1966 г.)

Анонсы обновленій

"ТРІОДЬ ЦВѢТНАЯ". СЛУЖБА ВЪ ПОНЕДѢЛЬНИКЪ 3-Й СЕДМИЦЫ ПО ПАСХѢ (1864)

Воскресение Христово «Гвоздьми́ пригвозди́вся, кля́тву, ю́же на дре́вѣ, Дре́вомъ потреби́лъ еси́; положи́вжеся во гро́бѣ, я́же отъ вѣ́ка ме́ртвыя Боже́ственною си́лою воскреси́лъ еси́, Твою́ си́лу велегла́сно сла́вимъ: Па́сха Боже́ственная — Іису́се Всеси́льне, Животе́ на́шъ, Отчее сія́ніе. Тѣ́мже небе́сная съ земны́ми ра́дуются, побѣ́дныя пѣ́сни Тебѣ́, Побѣдотво́рче Сло́ве, пою́ще, Христе́ Вседержи́телю, подаю́щему мíрови ве́лію ми́лость. — Убо съ ме́ртвыми Живо́тъ, подъ земле́ю же Невече́рнее Со́лнце, еще́ и ны́нѣ е́сть, мѵроно́сицъ ли́къ рыда́я, вопія́ше: пріиди́те, теце́мъ тща́тельно и у́зримъ у гро́ба свята́го. Вну́трь же сего́ блиста́ющася а́нгела узрѣ́вше, недоумѣ́ющеся, ужаса́хуся, и́же преложи́въ и́хъ рыда́ніе, возопи́: Жизнода́вецъ воскре́се! не ужаса́йтеся, любоче́стніи, То́й ца́рствуетъ, да́руяй мíрови ве́лію ми́лость. — Ра́но же́нскій ли́къ, пре́жде со́лнца, су́щаго взыска́ше Со́лнца, во гро́бъ заше́дшаго тогда́, свѣтоза́рный же тѣ́мъ провозглаша́ше а́нгелъ: возсія́ Свѣ́тъ, озаря́яй во тмѣ́ спя́щія! свѣтоза́рнымъ ученико́мъ возвѣсти́те, пла́чь въ ра́дость преложи́те, Па́сху же ра́достную и міроспаси́тельную несумнѣ́ннымъ се́рдцемъ пле́щуще, лику́йте: Христо́съ воскре́се, да́руяй мíрови ве́лію ми́лость! — Мѵроно́сицы жены́, ко гро́бу что́ пріидо́сте? Что́ и́щете Жива́го въ ме́ртвыхъ? Воскре́се Госпо́дь, дерза́йте, — вопіе́тъ а́нгелъ...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ НЕДѢЛЮ 3-Ю ПО ПАСХѢ (ЖЕНЪ МѴРОНОСИЦЪ) (1864)

Воскресение Христово «Синакса́рь въ недѣ́лю же́нъ мѵроно́сицъ: Въ сíй де́нь, недѣ́лю тре́тію по Па́сцѣ, святы́хъ же́нъ мѵроно́сицъ пра́здникъ пра́зднуемъ. Еще́ же и па́мять твори́мъ и́же отъ Аримаѳе́я Іо́сифу, и́же бѣ́ учени́къ сокрове́нъ отъ седми́десятихъ еди́нъ сы́й. Къ си́мъ же и нощна́го ученика́ Никоди́ма, и́же отъ князе́й ко Христу́ приступи́. Зане́ жены́ у́бо ты́я су́ть свидѣ́теліе нело́жныя и пе́рвыя Воскресе́нія, Іо́сифъ же и Никоди́мъ — погребе́нія: я́же у́бо и и́стиннѣйшая су́ть и содержи́тельнѣйшая, е́же по на́мъ догма́та. Абіе бо Никоди́мъ у́бо отъ со́нмища изгна́нъ бы́сть, не изволя́я іуде́емъ сму́дрствовати. Іо́сифъ же, по е́же погребсти́ Госпо́дне Тѣ́ло, въ ро́въ отъ іуде́й вмета́емь быва́етъ, и Боже́ственною си́лою отону́ду восхища́ется и во Аримаѳе́й, во свое́ оте́чество, отхо́дитъ. И воскре́съ Христо́съ, ему́ явля́ется, у́зами содержи́му, и увѣря́етъ ему́ вя́щше Воскресе́нія та́инство. Мно́га же и отъ іуде́й стражда́, молча́нію та́инственная дая́ти не стерпѣ́, но со дерзнове́ніемъ вся́ бы́вшимъ уча́ше. Глаго́лется у́бо, я́ко и Никоди́мъ се́й пото́нку я́же о Стра́сти Христо́вѣ и о Воскресе́ніи сочине́ніемъ уясни́ пе́рвый всѣ́хъ, я́ко со́нмища сы́й, и извѣ́стнѣе и совѣ́ты іуде́й и словеса́, и про́ста вся́ вѣ́дый. И сея́ ра́ди вины́, я́коже реко́хомъ, я́ко нело́жніи погребе́нія свидѣ́теліе...» (Кіевъ, 1864.) далѣе...


«СЛѢДОВАННАЯ ПСАЛТИРЬ». КАѲИСМА 6-Я (1874)

Святой пророк, псалмопевец и царь Давид «Го́споди, да не я́ростію Твое́ю обличи́ши мене́, ниже́ гнѣ́вомъ Твои́мъ нака́жеши мене́. Яко стрѣ́лы Твоя́ унзо́ша во мнѣ́ и утверди́лъ еси́ на мнѣ́ ру́ку Твою́. Нѣ́сть исцѣле́нія въ пло́ти мое́й отъ лица́ гнѣ́ва Твоего́, нѣ́сть ми́ра въ косте́хъ мои́хъ отъ лица́ грѣ́хъ мои́хъ. Яко беззако́нія моя́ превзыдо́ша главу́ мою́, я́ко бре́мя тя́жкое отяготѣ́ша на мнѣ́. Возсмердѣ́ша и согни́ша ра́ны моя́ отъ лица́ безу́мія моего́. Пострада́хъ и сляко́хся до конца́, ве́сь де́нь сѣ́туя хожда́хъ. Яко ля́двія моя́ напо́лнишася поруга́ній, и нѣ́сть исцѣле́нія въ пло́ти мое́й. Озло́бленъ бы́хъ и смири́хся до зѣла́, рыка́хъ отъ воздыха́нія се́рдца моего́. Го́споди, предъ Тобо́ю все́ жела́ніе мое́ и воздыха́ніе мое́ отъ Тебе́ не утаи́ся. Се́рдце мое́ смяте́ся, оста́ви мя́ си́ла моя́, и свѣ́тъ о́чію мое́ю, и то́й нѣ́сть со мно́ю. Дру́зи мои́ и и́скренніи мои́ пря́мо мнѣ́ прибли́жишася и ста́ша, И бли́жніи мои́ отдале́че мене́ ста́ша, и нужда́хуся и́щущіи ду́шу мою́, и и́щущіи зла́я мнѣ́ глаго́лаху су́етная, и льсти́внымъ ве́сь де́нь поуча́хуся. Азъ же, я́ко глу́хъ, не слы́шахъ, и, я́ко нѣ́мъ, не отверза́яй у́стъ свои́хъ. И бы́хъ, я́ко человѣ́къ, не слы́шай и не имы́й во устѣ́хъ свои́хъ обличе́нія. Яко на Тя́, Го́споди, упова́хъ, Ты́ услы́шиши, Го́споди Бо́же мо́й. Яко рѣ́хъ: да не когда́ пора́дуютмися врази́ мои́...» (М., 1874.) далѣе...


«СЛѢДОВАННАЯ ПСАЛТИРЬ». КАѲИСМА 5-Я (1874)

Святой пророк, псалмопевец и царь Давид «Ра́дуйтеся, пра́ведніи, о Го́сподѣ, пра́вымъ подоба́етъ похвала́. Исповѣ́дайтеся Го́сподеви въ гу́слехъ, во псалти́ри десятостру́ннѣмъ по́йте Ему́. Воспо́йте Ему́ пѣ́снь но́ву, до́брѣ по́йте Ему́ со восклица́ніемъ. Яко пра́во сло́во Госпо́дне и вся́ дѣла́ Его́ въ вѣ́рѣ. Лю́битъ ми́лостыню и су́дъ Госпо́дь, ми́лости Госпо́дни испо́лнь земля́. Сло́вомъ Госпо́днимъ небеса́ утверди́шася и Ду́хомъ у́стъ Его́ вся́ си́ла и́хъ. Собира́яй, я́ко мѣ́хъ, во́ды морскíя, полага́яй въ сокро́вищихъ бе́здны. Да убои́тся Го́спода вся́ земля́, отъ Него́же да подви́жутся вси́ живу́щіи по вселе́ннѣй. Яко То́й рече́, и бы́ша, То́й повелѣ́, и созда́шася. Госпо́дь разоря́етъ совѣ́ты язы́ковъ, отмета́етъ же мы́сли люде́й, и отмета́етъ совѣ́ты князе́й. Совѣ́тъ же Госпо́день во вѣ́къ пребыва́етъ, помышле́нія се́рдца Его́ въ ро́дъ и ро́дъ. Блаже́нъ язы́къ, ему́же е́сть Госпо́дь Бо́гъ его́, лю́діе, я́же избра́ въ наслѣ́діе Себѣ́. Съ небесе́ призрѣ́ Госпо́дь, ви́дѣ вся́ сы́ны человѣ́ческія. Отъ гото́ваго жили́ща Своего́ призрѣ́ на вся́ живу́щія на земли́. Созда́вый на еди́нѣ сердца́ и́хъ, разумѣва́яй на вся́ дѣла́ и́хъ. Не спаса́ется ца́рь мно́гою си́лою, и исполи́нъ не спасе́тся мно́жествомъ крѣ́пости своея́. Ло́жь ко́нь во спасе́ніе, во мно́жествѣ же си́лы своея́ не спасе́тся...» (М., 1874.) далѣе...


КНИГА «ЗЛАТОУСТЪ». СЛОВО 69-Е, ВЪ НЕДѢЛЮ 3-Ю ПО ПАСХѢ (1910)

Святитель Иоанн Златоуст «Возлю́бленніи, со́лнце красу́яся по о́блацѣхъ, люби́мо быва́етъ ви́дящимъ е́. Та́коже и апо́столомъ Госпо́днимъ, по распя́тіи и по сме́рти Христо́вѣ, ра́достно возсія́ Воскресе́ніе Госпо́дне. Іо́сифъ же, и́же отъ Аримаѳе́я, пре́жде Воскресе́нія Христо́ва дерза́етъ, старѣ́йшимъ ученико́мъ бѣжа́вшимъ, еди́нъ прихо́дитъ къ Пила́ту, дерза́я проси́ти Тѣ́ла Христо́ва, Его́же на Крестѣ́ ви́сяща ви́дѣ, пре́жде бо позна́ Его́ Бо́га су́ща. Тѣ́мъ не рече́: бо́гатъ е́смь, еда́ отпаду́ бога́тства, а́ще испрошу́ Тѣ́ло Осужде́ннаго на́ смерть, и бу́ду оклевета́нъ къ жидо́мъ. Ничто́же таково́ помы́сли, но все́ нивочто́же вмѣни́въ, испроси́ погребсти́ Тѣ́ло Христо́во. Пила́тъ же диви́ся, а́ще у́же у́мре? Мня́ше бо на до́лзѣ Ему́ жи́ву бы́ти, и вопроси́ со́тника, а́ще у́же у́мре, и увѣ́дѣвъ и́стинно, я́ко у́же у́мре, повелѣ́ да́ти Тѣ́ло Іису́сово Іо́сифови. Онъ же, взе́мъ Тѣ́ло Іису́сово и купи́ плащани́цу, и Свято́е Тѣ́ло че́стно положи́ въ но́вѣмъ свое́мъ гро́бѣ: учени́къ бо бѣ́ Іису́совъ и то́й, и вѣ́дяше, ка́ко чести́ Влады́ку говѣ́йно, бла́го и прече́стно, хотя́ прича́стникъ бы́ти небе́сному Его́ Ца́рствію. Совѣ́тникъ же бѣ́ са́номъ и въ лю́дехъ старѣ́йшина. Слы́шите, бога́тіи, и́же во гра́дскихъ упражня́ющеся ве́щехъ, и ну́дящеся о то́ржищахъ пещи́ся, ка́ко Іо́сифу не возбрани́ на добродѣ́тель совѣ́тничества са́нъ?...» (М., 1910.) далѣе...


КНИГА «ЗЛАТОУСТЪ». СЛОВО 68-Е, ВЪ НЕДѢЛЮ НОВУЮ АНТИПАСХИ (1910)

Святитель Кирилл Туровский «Вели́ка учи́теля и му́дра сказа́теля тре́буетъ це́ркви на украше́ніе пра́зднику. Мы́ же ни́щи сло́вомъ есмы́ и умо́мъ му́тни, не иму́ще огня́ Свята́го Ду́ха въ наслажде́ніе душеполе́зныхъ слове́съ. Оба́че любве́ ра́ди су́щихъ со мно́ю бра́тій, ма́ло нѣ́что ска́жемъ о поновле́ніи Христо́ва Воскресе́нія, а вы́ съ прилѣжа́ніемъ послу́шайте. Въ мину́вшую недѣ́лю Святы́я Па́схи удивле́ніе бѣ́ небеси́ и устраше́ніе преиспо́днимъ, обновле́ніе тва́ри и избавле́ніе мíру, разруше́ніе а́дово и попра́ніе сме́рти, воскресе́ніе ме́ртвымъ и погубле́ніе преле́стныя вла́сти діа́воли, спасе́ніе же ро́ду человѣ́ческому Христо́вымъ Воскресе́ніемъ, обнища́ніе ве́тхому зако́ну и порабоще́ніе субо́тѣ, обогаще́ніе Христо́вѣ Це́ркви и воцаре́ніе недѣ́ли. Въ мину́вшую недѣ́лю всему́ премѣне́ніе бы́сть: сотвори́бося небесе́мъ земля́, очище́на Бо́гомъ отъ бѣсо́вскихъ скве́рнъ, и а́нгели съ жена́ми раболѣ́пно служа́ху Воскресе́нію Христо́ву. Обнови́ся тва́рь, у́же бо не нареку́тся Бо́гомъ стихíи, ни со́лнце, ни о́гнь, ни древеса́, ни исто́чницы. Отсе́лѣ не пріи́метъ а́дъ тре́бы закала́емыхъ отцы́ младе́нецъ, ни сме́рть по́чести: преста́ бо идолослуже́ніе и погуби́ся бѣсо́вское наси́ліе кре́стнымъ та́инствомъ. И не то́кмо спасе́ся ро́дъ человѣ́ческій, но и освяти́ся Христо́вою вѣ́рою...» (М., 1910.) далѣе...


"ТРІОДЬ ЦВѢТНАЯ". СЛУЖБА ВЪ СУББОТУ 2-Й СЕДМИЦЫ ПО ПАСХѢ (1864)

Уверение Фомы «Две́ремъ заключе́ннымъ, ученико́мъ собра́ннымъ, вше́лъ еси́ внеза́пу, всеси́льне Іису́се, Бо́же на́шъ, и, ста́въ посредѣ́ и́хъ, ми́ръ да́въ, испо́лнилъ еси́ Свята́го Ду́ха; жда́ти же повелѣ́лъ еси́ и ника́коже разлуча́тися отъ Іерусали́ма, до́ндеже облеку́тся е́же съ высоты́ си́лою. Тѣ́мже вопіе́мъ Ти́: просвѣще́ніе, и воскресе́ніе, и ми́ре на́шъ, сла́ва Тебѣ́! — По дне́хъ осми́хъ воста́нія Твоего́, Го́споди, яви́лся еси́ ученико́мъ Твои́мъ на мѣ́стѣ, идѣ́же бя́ху со́брани, и, возгласи́въ и́мъ, — ми́ръ ва́мъ! — невѣ́рующему ученику́ ру́цѣ показа́лъ еси́ и пречи́стое ребро́. Онъ же, вѣ́ровавъ, вопія́ше Тебѣ́: Госпо́дь мо́й и Бо́гъ мо́й, сла́ва Тебѣ́! Ѳома́, глаго́лемый Близне́цъ, не бѣ́ съ ни́ми, егда́ вше́лъ еси́, Христе́, заключе́ннымъ две́ремъ. Тѣ́мже и не вѣ́роваше рече́ннымъ ему́, отъ невѣ́рія въ вѣ́ру извѣству́я. Не несподо́билъ же еси́, Бла́же, показа́ти ему́ пречи́стое ребро́ Твое́, и руку́ и ногу́ я́звы. Онъ же, осяза́въ и ви́дѣвъ, исповѣ́да Тебе́ бы́ти Бо́га не на́га, и Человѣ́ка не про́ста, и вопія́ше: Госпо́дь мо́й и Бо́гъ мо́й, сла́ва Тебѣ́! — Гро́бъ Тво́й, Спа́се, во́ини стрегу́щіи, ме́ртви отъ облиста́нія я́вльшагося а́нгела бы́ша, проповѣ́дающаго жена́мъ Воскресе́ніе. Тебе́ сла́вимъ, тли́ Потреби́теля, Тебѣ́ припа́даемъ, Воскре́сшему изъ гро́ба и Еди́ному Бо́гу на́шему...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ ПЯТОКЪ 2-Й СЕДМИЦЫ ПО ПАСХѢ (1864)

Уверение Фомы «Пра́вды оде́ждею обложе́ни бѣ́лою па́че снѣ́га, въ настоя́щій Па́схи де́нь возвесели́мся, въ о́ньже Христо́съ, я́ко Пра́вды Со́лнце, отъ ме́ртвыхъ возсія́въ, всѣ́хъ на́съ нетлѣ́ніемъ уясни́. — Ца́рь и госпо́дь, пра́здниковъ пра́здникъ ны́нѣшній е́сть де́нь, его́же вои́стинну сотвори́ Госпо́дь, въ о́нь, я́коже пое́тъ Дави́дъ, та́инственно возвесели́мся, лю́діе, две́ремъ бо заключе́ннымъ ученико́мъ ми́ръ дарова́. — Ѳомино́ невѣ́ріе міроспаси́тельное Богочеловѣ́ка Сло́ва е́же отъ а́довы темни́цы Воста́ніе увѣря́етъ, я́звы ру́къ и но́гъ де́рзостнѣе осяза́вшее ко увѣре́нію мірско́му десни́цею любопы́тною. — Две́ремъ заключе́ннымъ, предста́въ Іису́съ ученико́мъ, безстра́шіе и ми́ръ дая́ше, та́же глаго́летъ Ѳомѣ́: почто́ Ми́ не вѣ́руеши, я́ко воскресо́хъ изъ ме́ртвыхъ? Принеси́ сѣ́мо ру́ку твою́ и вложи́ въ ре́бра Моя́, и ви́ждь. Тебѣ́ бо невѣ́рующу, вси навыко́ша Стра́сти и Воскресе́ніе Мое́ зва́ти съ тобо́ю: Госпо́дь мо́й и Бо́гъ мо́й, сла́ва Тебѣ́! — Прикосни́ся, Ѳомо́, ребру́ руко́ю, — глаго́летъ Христо́съ, — и о́бразы гвозде́й, пріиди́ осяжи́, вѣ́рою испыта́й и бу́ди Ми́ вѣ́ренъ, и не бу́ди невѣ́ренъ! Ѳома́ же, пе́рстомъ я́ко прикосну́ся Влады́цѣ, вельми́ возопи́: Ты́ — Бо́гъ мо́й и Госпо́дь, Благоутро́бне, сла́ва Тебѣ́!...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ ЧЕТВЕРТОКЪ 2-Й СЕДМИЦЫ ПО ПАСХѢ (1864)

Воскресение Христово «Нѣ́дръ не оста́вль Оте́ческихъ, яви́лся еси́ на земли́ плотоно́сецъ; за благоутро́біе, Христе́, стра́сть же и сме́рть пріи́мъ, воскре́слъ еси́ тридне́венъ, две́ремъ заключе́ннымъ вну́трь вше́лъ еси́, я́ко Всеси́ленъ. Тѣ́мже ребро́ Твое́ Боже́ственное, ра́дуяся, Ѳома́ осяза́въ, Го́спода и Зижди́теля Тя́ просла́ви. — Гвоздьми́ пригвозди́лся еси́ на Крестѣ́, копіе́мъ въ ре́бра прободе́нъ еси́, же́лчи вкуси́лъ еси́, Христе́, сме́рть претерпѣ́лъ еси́, во гро́бѣ положе́нъ бы́въ, я́ко ме́ртвъ, я́ко Бо́гъ же сокруши́лъ еси́ у́зы а́довы и совоскреси́лъ еси́, я́же отъ вѣ́ка ме́ртвыя. Тѣ́мже печа́ти не разруши́въ, Твои́мъ ученико́мъ яви́лся еси́, Твое́ Воскресе́ніе увѣря́я. — Па́сха настоя́щій пра́здникъ; Па́сха та́йная; Па́сха боже́ственная; Па́сха спаси́тельная; Па́сха, къ безсме́ртной жи́зни преводя́щая на́съ; Па́сха, вся́кую ско́рбь отъе́млющая отъ среды́; Па́сха, весе́лую благода́ть даю́щая ученико́мъ. Тѣ́мже Ѳома́ вопія́ше: Госпо́дь Бо́гъ мо́й еси́, плѣни́вый а́дова ца́рствія. — О, пресла́внаго чудесе́! Невѣ́ріе вѣ́ру извѣ́стную роди́! Ре́клъ бо Ѳома́: а́ще не ви́жду, не иму́ вѣ́ры. Осяза́въ же ре́бра, богосло́витъ воплоти́вшагося. Того́жде Сы́на Бо́жія позна́, я́ко пострада́вша пло́тію, проповѣ́да воскре́сшаго Бо́га и возопи́ свѣ́тлымъ гла́сомъ: Госпо́дь мо́й и Бо́гъ мо́й, сла́ва Тебѣ́!...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ СРЕДУ 2-Й СЕДМИЦЫ ПО ПАСХѢ (1864)

Воскресение Христово «Осяжи́, — глаго́летъ Ѳомѣ́ изъ ме́ртвыхъ тридне́венъ воскресы́й Человѣколю́бецъ, — и ви́ждь руку́ Мое́ю и ногу́ я́звы и ре́бръ прободе́ніе, и позна́й Мя́ Бо́га непремѣ́нна, земны́мъ смѣше́ніемъ по существу́ воображе́нна и Стра́сть въ не́мъ пріе́мша. — Недоумѣва́шеся Близне́цъ, я́звы зря́ ножны́я и ручна́я вонзе́нія, и бя́ше ужаса́емь стра́шнымъ чу́домъ, и руко́ю пречи́стое ребро́ и осяза́я и ви́дя, изъ ни́хже показа́ несумнѣ́нное язы́комъ, е́же изъ гро́ба тридне́вное воста́ніе. — Пріе́млю превели́кое ра́дованіе, Твое́, Спа́се мо́й, воста́ніе извѣству́емое ви́дя, отъ ни́хже сподо́бися де́рзостнымъ веще́мъ Ѳома́ прикосну́тися. Тѣ́мже Тя́ про́ста проповѣ́дуемъ Бо́га и Человѣ́ка, дѣ́йства два́ нося́ща су́щественна, отъ ни́хже сложи́лся еси́. — Го́споди, нестерпи́мымъ Твоего́ Божества́ блиста́ніемъ, две́ремъ прише́лъ еси́ су́щимъ заключе́ннымъ, и, ста́въ посредѣ́ ученико́въ, ребро́ обнажи́лъ еси́, и я́звъ Твое́ю руку́ и ногу́ стру́пы явля́я, печа́ль же и ско́рбь разрѣша́я, я́вѣ возгласи́лъ еси́: и́мже о́бразомъ во Мнѣ́ ви́дите, о дру́зи, пло́ти прія́тіе, не ду́ха ношу́ естество́. Сомня́щемуся ученику́ повелѣва́лъ еси́ осяза́ти тре́петно, ре́къ: испыта́въ вся́, гряди́, про́чее не сумни́ся! Онъ же, ощуща́я руко́ю Твое́ сугу́бое существо́, со стра́хомъ вопія́ше вѣ́рно, вѣ́рою влеко́мь: Госпо́дь мо́й и Бо́гъ мо́й, сла́ва Тебѣ́!...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВО ВТОРНИКЪ 2-Й СЕДМИЦЫ ПО ПАСХѢ (1864)

Воскресение Христово «Воскре́съ изъ гро́ба, заключе́ннымъ две́ремъ предста́лъ еси́ друго́мъ Твои́мъ, Всеси́льне, и Ѳомѣ́ невѣ́ровавшу гвозде́й показа́лъ еси́ я́звы и ре́бра, е́же отъ копія́ прободе́ніе, утвержда́я и увѣря́я того́, Сло́ве, я́ко Ты́ Са́мъ еси́ за милосе́рдіе претерпѣ́вый спаси́тельныя Стра́сти. — За мно́гое снизхожде́ніе и милосе́рдіе безмѣ́рное, Мое́ зря́ истоща́ніе, не усумни́ся, но увѣ́рися, Бли́знче, — Госпо́дь рече́, — я́ко Са́мъ е́смь Азъ пострада́вый и тридне́венъ изъ гро́ба воскресы́й, и а́дова сокро́вища истощи́вый и оживи́вый отъ вѣ́ка уме́ршія. — Удиви́вся, я́ко узрѣ́, Ѳома́ возопи́, егда́ ви́дѣ Тя́, Всеси́льне: Ты́ еси́ Бо́гъ мо́й и Госпо́дь, вѣ́рую, Человѣколю́бче, я́ко Са́мъ еси́ пострада́вый, и стра́сти исцѣля́яй ду́шъ на́шихъ. Кла́няюся Твое́й держа́вѣ и мíрови возвѣща́ю стра́шное Твое́ и всеси́льное воста́ніе. — Ученико́мъ сомня́щимся, во осмы́й де́нь предста́ Спа́съ, идѣ́же бя́ху со́брани, и, ми́ръ да́въ, Ѳомѣ́ возопи́: пріиди́, апо́столе, осяжи́ дла́ни, въ ни́хже гво́здія вонзо́ша. О, до́брое невѣ́ріе Ѳомино́! Вѣ́рныхъ сердца́ въ позна́ніе приведе́, и со стра́хомъ возопи́: Госпо́дь мо́й и Бо́гъ мо́й, сла́ва Тебѣ́! — Обыди́те, лю́діе, Сіо́нъ и обыми́те его́, и дади́те сла́ву въ не́мъ Воскре́сшему изъ ме́ртвыхъ, я́ко То́й е́сть Бо́гъ на́шъ, избавле́й на́съ отъ беззако́ній на́шихъ...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ ПОНЕДѢЛЬНИКЪ 2-Й СЕДМИЦЫ ПО ПАСХѢ (1864)

Воскресение Христово «По е́же изъ гро́ба Твое́мъ стра́шномъ, Жизнода́вче, воста́ніи, я́коже печа́тей не разруши́лъ еси́, Христе́, гро́бныхъ, та́ко заключе́ннымъ две́ремъ вше́лъ еси́ къ пресла́внымъ апо́столомъ Твои́мъ, радостотворя́ и́хъ, и пра́вый Тво́й Ду́хъ подая́ и́мъ, за безмѣ́рную Твою́ ми́лость. — Ѳома́, и́же и Близне́цъ, не бѣ́ прише́лъ, егда́ Ты́ ученико́мъ яви́лся еси́, Го́споди. Тѣ́мже не вѣ́рова Твоему́ Воскресе́нію и ви́дѣвшимъ Тя́ вопія́ше: а́ще не вложу́ пе́рста въ ре́бра Его́ и гвозде́й я́звы, не вѣ́рую, я́ко воста́лъ е́сть. — Якоже хо́щеши, осяжи́, — Христо́съ Ѳомѣ́ вопія́ше, — вложи́ ру́ку и позна́й Мя, ко́сти иму́ща и земно́е тѣ́ло, и не бу́ди невѣ́ренъ, ра́вно же со инѣ́ми увѣ́рися. Онъ же возопи́: Бо́гъ мо́й и Госпо́дь Ты́ еси́, сла́ва воста́нію Твоему́! — Две́ремъ заключе́ннымъ, ученико́мъ собра́ннымъ, вше́лъ еси́ внеза́пу, всеси́льне Іису́се, Бо́же на́шъ, и, ста́въ посредѣ́ и́хъ, ми́ръ да́въ, испо́лнилъ еси́ Свята́го Ду́ха; жда́ти же повелѣ́лъ еси́ и ника́коже разлуча́тися отъ Іерусали́ма, до́ндеже облеку́тся е́же съ высоты́ си́лою. Тѣ́мже вопіе́мъ Ти́: просвѣще́ніе, и воскресе́ніе, и ми́ре на́шъ, сла́ва Тебѣ́! — Прикосну́выйся руко́ю ре́бромъ нестерпи́мымъ Близне́цъ Ѳома́, не опали́ся прикоснове́ніемъ, но пребы́сть, я́звы осяза́я извѣ́стнѣе и вѣща́я на́съ ра́ди Прободе́нному: Ты́ мо́й Госпо́дь и Бо́гъ мо́й еси́, а́ще и Стра́сть претерпѣ́лъ еси́...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ НЕДѢЛЮ АНТИПАСХИ (СВ. АП. ѲОМЫ) (1864)

Уверение Фомы «Синакса́рь въ недѣ́лю Ѳомину́: Въ сíй де́нь, въ недѣ́лю втору́ю по Па́сцѣ, обновле́нія пра́зднуемъ Христо́ва Воскресе́нія и свята́го апо́стола Ѳомы́ осяза́ніе. Обновле́ніемъ у́бо обы́чай бѣ́ дре́вній быва́ти, на нѣ́которое отъ наро́читыхъ: лѣ́ту бо окружа́ющу и то́й де́нь, въ о́ньже тогда́ содѣ́яно бы́сть наве́дшу ве́щи о́ноя, па́мять творя́ху лѣ́тнюю, да не въ забве́ніе вели́кая бы дѣла́ бы́ли. Отсю́ду евре́и пе́рвѣе Па́сху въ Галга́лѣхъ сотвори́ша, Чермна́го мо́ря прехожде́ніе обновля́юще; отсю́ду сѣ́нь свидѣ́нія и́мъ обновля́ется, и многосла́вно; отсю́ду ца́рство Дави́дово, и ина́я, да не по коему́ждо глаго́лю. Елма́ у́бо всѣ́хъ, я́же въ житіи́, веще́й изря́днѣе бо́льше и па́че вся́кія мы́сли дѣ́ло — Госпо́дне Воскресе́ніе; не то́чію на кое́ждо лѣ́то сіе́ пра́зднуемъ и обновля́емъ, но при́сно и по осмо́мъ дни́. Пе́рвое у́бо сего́ обновле́ніе — настоя́щая недѣ́ля, я́же глаго́лалася бы вои́стинну и осма́я, и пе́рвая. Осма́я у́бо, я́ко отъ Па́схи; пе́рвая же, я́ко на́чало други́хъ. И осма́я па́ки, я́ко во о́бразъ вчиня́ется безконе́чнаго о́наго дне́, и́же въ бу́дущемъ вѣ́цѣ, и́же пе́рвый, и еди́нъ бу́детъ вся́ко, ни но́щію разсѣка́емь. Сія́ убо о обновле́ніихъ, а я́же о Ѳомѣ́, си́це бы́сть: Христу́ въ о́ньже де́нь воскре́се, по́здѣ ученико́мъ я́вльшуся, не бя́ше Ѳома́...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ СУББОТУ СВѢТЛОЙ СЕДМИЦЫ (1864)

Артос «По отпу́стѣ Литургíи, иду́щимъ бра́тіямъ изъ це́ркве въ трапе́зу, пре́жде несе́тъ діа́конъ а́ртосъ, безъ о́браза Воскресе́нія Христо́ва. Параекклисіа́рхъ же съ бра́тіею въ то́ вре́мя ударя́ющимъ во вся́ зво́ны. Въ трапе́зѣ же, внегда́ ся́дутъ бра́тія, ке́ларь раздроби́въ хлѣ́бъ, во все́й седми́цѣ воздвиза́емый, вмѣ́сто пресвяты́я, раздае́тъ бра́тіямъ пре́жде обы́чнаго и́хъ яде́нія, и та́ко потребля́емъ и́. Пе́рвѣе ре́кше: Христо́съ воскре́се... Та́же: Отче на́шъ... И благослове́ніе обы́чное трапе́зы. И сѣда́емъ я́сти. Чте́цъ же начина́етъ чте́ніе. На трапе́зѣ утѣше́ніе ве́ліе бра́тіи. Воста́вше же отъ трапе́зы, пое́мъ: Христо́съ воскре́се.., три́жды. Благослове́нъ Бо́гъ, ми́луяй и пита́яй на́съ... Та́же: Сла́ва Тебѣ́, Го́споди, сла́ва Тебѣ́, Святы́й... Сла́ва, и ны́нѣ: Го́споди поми́луй, три́жды. Благослови́. И взе́мъ діа́конъ хлѣ́бъ обы́чный, во все́мъ лѣ́тѣ возвыша́емый трема́ пе́рсты, обѣ́ма рука́ма, зна́менуетъ и́мъ панагіа́рь крестови́дно, глаго́ля вмѣ́сто: Вели́ко и́мя Святы́я Тро́ицы... Христо́съ воскре́се, еди́ножды. На́мъ отвѣща́ющимъ: Вои́стинну воскре́се. Та́же, наднося́ ча́сть надъ о́бразъ Богоро́дичный, глаго́летъ: Пресвята́я Богоро́дице, помога́й на́мъ. Мы́ же: Тоя́ моли́твами, Христе́ Бо́же, поми́луй и спаси́ на́съ...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ ПЯТОКЪ СВѢТЛОЙ СЕДМИЦЫ (1864)

Икона Божией Матери Живоносный Источник «Синакса́рь на Пресвяту́ю Госпожу́ Влады́чицу Богоро́дицу, Живопріе́мный Исто́чникъ. Въ пято́къ Свѣ́тлыя седми́цы пра́зднуемъ Обновле́ніе хра́ма Пресвяты́я и Госпожи́ на́шея Богоро́дицы, имену́емаго Живоно́снаго Исто́чника. Еще́ же па́мять твори́мъ изря́дныхъ и па́че естества́ чуде́съ, бы́вшихъ во о́номъ хра́мѣ отъ Богома́тере. Се́й у́бо хра́мъ пе́рвѣе основа́ся отъ царя́ Льва́ Вели́каго, и́же и Маке́лъ именова́ся. Се́й, поне́же бя́ше бла́гъ и смире́нъ человѣ́къ, за до́брое свое́ намѣ́реніе и ми́лостивное, е́же имя́ше, пре́жде не́же бы́ти царю́, обрѣта́яйся во о́номъ мѣ́стѣ, обрѣ́те еди́наго человѣ́ка слѣпа́го, не ви́дяща, ка́мо ити́, и, взе́мъ его́ за ру́ку, ведя́ше. Дости́гшима же обои́ма та́мо бли́зъ, идѣ́же бя́ше се́й исто́чникъ, возжада́ слѣпы́й, и моля́ше Льва́, да ороси́тъ его́, и́же, идя́ во вну́треннее о́ное лѣ́са, идѣ́же бя́ше древе́съ и насажде́ній разли́чныхъ испо́лнено, иска́ше воды́, и не обрѣта́яй исто́чника, обраща́шеся а́ки отягча́емь. И слы́шитъ гла́съ, свы́ше глаго́лющь: о Льве́! не уныва́й, зане́ вода́, ея́же и́щеши, бли́зъ тебе́ е́сть, и обрати́ся обрѣсти́ ю́. И Ле́въ у́бо обраща́яйся, и ища́й мно́го, не обрѣ́те ея́. И па́ки слы́шитъ ра́вный пе́рвый гла́съ, и глаго́летъ ему́: царю́ Льве́! вни́ди во вну́треннюю ча́сть загуще́наго сего́ лѣ́са, и возми́ свои́ма рука́ма отъ сея́ му́тныя воды́...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ ЧЕТВЕРТОКЪ СВѢТЛОЙ СЕДМИЦЫ (1864)

Воскресение Христово «Честны́мъ Твои́мъ Кресто́мъ, Христе́, діа́вола посрами́лъ еси́, и Воскресе́ніемъ Твои́мъ жа́ло грѣхо́вное притупи́лъ еси́, и спа́слъ еси́ ны́ отъ вра́тъ сме́ртныхъ. Сла́вимъ Тя́, Единоро́дне! — Воскресе́ніе дая́й ро́ду человѣ́ческому, я́ко овча́ на заколе́ніе веде́ся; устраши́шася сего́ кня́зи а́дстіи и взя́шася врата́ плаче́вная. Вни́де бо Ца́рь сла́вы Христо́съ, глаго́ля су́щимъ во у́захъ: изыди́те; и су́щимъ во тмѣ́: откры́йтеся. — Ве́ліе чу́до! Неви́димыхъ Содѣ́тель, за человѣколю́біе пло́тію пострада́въ, воскре́се Безсме́ртный. Пріиди́те, оте́чествія язы́къ, Тому́ поклони́мся: благоутро́біемъ бо Его́ отъ пре́лести изба́вльшеся, въ Тріе́хъ Ѵпоста́сѣхъ Еди́наго Бо́га пѣ́ти навыко́хомъ. — Вече́рнее поклоне́ніе прино́симъ Тебѣ́, Невече́рнему Свѣ́ту, на коне́цъ вѣко́въ, я́ко въ зерца́лѣ пло́тію возсія́вшему мíрови, и да́же до а́да низше́дшему, и та́мо су́щую тму́ разруши́вшему, и свѣ́тъ Воскресе́нія язы́комъ показа́вшему. Свѣтода́вче Го́споди, сла́ва Тебѣ́! — Нача́льника спасе́нія на́шего, Христа́, славосло́вимъ: Тому́ бо изъ ме́ртвыхъ воскре́сшу, мíръ отъ пре́лести спасе́нъ бы́сть. Ра́дуется ли́къ а́нгельскій, бѣ́гаетъ де́моновъ пре́лесть, Ада́мъ пады́й воста́, діа́волъ упраздни́ся. — Го́споди, а́дъ плѣни́вый и сме́рть попра́вый, Спа́се на́шъ, просвѣти́вый мíръ Кресто́мъ Честны́мъ, поми́луй на́съ...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ СРЕДУ СВѢТЛОЙ СЕДМИЦЫ (1864)

Воскресение Христово «Животворя́щему Твоему́ Кресту́ непреста́нно кла́няющеся, Христе́ Бо́же, тридне́вное Воскресе́ніе Твое́ сла́вимъ: тѣ́мъ бо обнови́лъ еси́ истлѣ́вшее человѣ́ческое естество́, Всеси́льне, и и́же на небеса́ восхо́дъ обнови́лъ еси́ на́мъ, я́ко еди́нъ Бла́гъ и Человѣколю́бецъ. — Дре́ва преслуша́нія запреще́ніе разрѣши́лъ еси́, Спа́се, на Дре́вѣ Кре́стнѣмъ во́лею пригвозди́вся и, во а́дъ соше́дъ, Си́льне, сме́ртныя у́зы, я́ко Бо́гъ, растерза́лъ еси́. Тѣ́мже кла́няемся, е́же изъ ме́ртвыхъ, Твоему́ Воскресе́нію, ра́достію вопію́ще: Всеси́льне Го́споди, сла́ва Тебѣ́! — Врата́ а́дова сокруши́лъ еси́, Го́споди, и Твое́ю сме́ртію сме́ртное ца́рство разруши́лъ еси́, ро́дъ же человѣ́ческій отъ тлѣ́нія свободи́лъ еси́, живо́тъ и нетлѣ́ніе мíру дарова́въ и ве́лію ми́лость. — Пріиди́те воспои́мъ, лю́діе, Спа́сово тридне́вное воста́ніе, и́мже изба́вихомся а́довыхъ нерѣши́мыхъ у́зъ, и нетлѣ́ніе и жи́знь вси́ воспрія́хомъ, зову́ще: Распны́йся, и Погребы́йся, и Воскресы́й, спаси́ ны́ Воскресе́ніемъ Твои́мъ, еди́не Человѣколю́бче. — Ангели и человѣ́цы, Спа́се, Твое́ пою́тъ тридне́вное Воста́ніе, и́мже озари́шася вселе́нныя концы́, и рабо́ты вра́жія вси́ изба́вихомся, зову́ще: Животво́рче Всеси́льне Спа́се, спаси́ ны́ Воскресе́ніемъ Твои́мъ, еди́не Человѣколю́бче...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВО ВТОРНИКЪ СВѢТЛОЙ СЕДМИЦЫ (1864)

Воскресение Христово «Твои́мъ Кресто́мъ, Христе́ Спа́се, сме́рти держа́ва разруши́ся, и діа́воля пре́лесть упраздни́ся, ро́дъ же человѣ́ческій, вѣ́рою спаса́емый, пѣ́снь Тебѣ́ всегда́ прино́ситъ. — Просвѣти́шася вся́ческая Воскресе́ніемъ Твои́мъ, Го́споди, и ра́й па́ки отве́рзеся, вся́ же тва́рь, восхваля́ющи Тя́, пѣ́снь Тебѣ́ всегда́ прино́ситъ. — Сла́влю Отца́ и Сы́на си́лу, и Свята́го Ду́ха пою́ вла́сть, нераздѣ́льное, несозда́нное Божество́, Тро́ицу Единосу́щную, ца́рствующую въ вѣ́къ вѣ́ка. — Кресту́ Твоему́ честно́му покланя́емся, Христе́, и Воскресе́ніе Твое́ пое́мъ и сла́вимъ: ра́ною бо Твое́ю мы́ вси́ исцѣлѣ́хомъ. — Пое́мъ Спа́са, отъ Дѣ́вы вопло́щшагося: на́съ бо ра́ди распя́тся и въ тре́тій де́нь воскре́се, да́руя на́мъ ве́лію ми́лость. — Су́щимъ во а́дѣ соше́дъ, Христо́съ благовѣсти́: дерза́йте, — глаго́ля, — ны́нѣ побѣди́хъ, Азъ е́смь Воскресе́ніе, Азъ вы́ возведу́, разруши́въ сме́ртная врата́. — Недосто́йно стоя́ще въ пречи́стомъ дому́ Твое́мъ, вече́рнюю пѣ́снь возсыла́емъ, изъ глубины́ взыва́юще, Христе́ Бо́же: просвѣти́вый мíръ тридне́внымъ Воскресе́ніемъ Твои́мъ, изми́ лю́ди Твоя́ отъ руки́ враго́въ Твои́хъ, Человѣколю́бче. — Стра́стію Твое́ю, Христе́, омрачи́вый со́лнце и свѣ́томъ Твоего́ Воскресе́нія просвѣти́вый вся́ческая, пріими́ на́шу вече́рнюю пѣ́снь, Человѣколю́бче...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ ПОНЕДѢЛЬНИКЪ СВѢТЛОЙ СЕДМИЦЫ (1864)

Воскресение Христово «Пре́жде нача́ла, вжига́етъ канди́ла и свѣщи́ параекклисіа́рхъ. Та́же кле́плетъ въ вели́кій кампа́нъ, и въ про́чія. И собра́вшимся на́мъ во хра́мъ, іере́й полага́етъ обы́чный покло́нъ настоя́телю, и отхо́дитъ во святы́й олта́рь и, взе́мъ кади́льницу, стои́тъ предъ свято́ю трапе́зою, кромѣ́ у́бо свяще́нническія оде́жды, епитрахи́лій то́чію возло́жь све́рхъ ма́нтіи, кади́тъ крестообра́зно, глаго́ля: Сла́ва Святѣ́й, и Единосу́щнѣй... И начина́етъ тропа́рь: Христо́съ воскре́се.., три́жды. И на́мъ то́жде отвѣща́ющимъ. И пое́мъ: Христо́съ воскре́се.., со стихи́ его́, я́коже изъяви́ся въ недѣ́лю у́тра и ве́чера. Въ мірски́хъ же хра́мѣхъ облачи́тся іере́й въ ри́зы. Та́же ектенія́ вели́кая. И по возгла́сѣ, а́біе пое́мъ кано́нъ, ирмо́съ: Воскресе́нія де́нь.., по два́жды, тропари́ же на 10, съ припѣ́вы: Христо́съ воскре́се... Въ Сла́ву же, И ны́нѣ, глаго́лемъ богоро́дичны господи́на Ѳеофа́на и господи́на Іо́сифа, пи́саны въ недѣ́лю о Мѵроно́сицахъ. Катава́сія, о́ба ли́ка вку́пѣ: Воскресе́нія де́нь... И послѣди́: Христо́съ воскре́се.., три́жды. И глаго́лемъ сіе́ во всю́ седми́цу вку́пѣ съ ирмосы́ на 14. По 3-й пѣ́сни, ипакои́: Предвари́вшія у́тро... И чте́ніе на 1-ю́ кни́гу: Въ нача́лѣ бѣ́ Сло́во... отъ Іоанна, толкова́ніе Златоу́стаго...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВО СВЯТУЮ И ВЕЛИКУЮ НЕДѢЛЮ ПАСХИ (1864)

Воскресение Христово «Синакса́рь во святу́ю и вели́кую недѣ́лю Па́схи: Во святу́ю и вели́кую недѣ́лю Па́схи са́мое живоно́сное Воскресе́ніе пра́зднуемъ Го́спода Бо́га и Спа́са на́шего Іису́са Христа́, е́же у́бо и Па́сху имену́емъ, я́же евре́йскою бесѣ́дою «преведѣ́ніе» толку́ется. То́й бо е́сть де́нь, въ о́ньже Бо́гъ въ нача́лѣ мíръ отъ небытія́ приведе́. Въ то́й де́нь изра́ильтескія лю́ди сквозѣ́ Чермно́е мо́ре прове́дъ, отъ фарао́новыхъ исхища́етъ ру́къ. Въ то́й па́ки, съ небесе́ соше́дъ, во утро́бу Дѣ́вы всели́ся, и ны́нѣ изъ а́довыхъ сокро́вищъ человѣ́ческое естество́ все́ исхити́въ, на небеса́ возведе́ и къ дре́внему достоя́нію приведе́ нетлѣ́нія. Оба́че, соше́дъ во а́дъ, не всѣ́хъ воскреси́, но ели́цы вѣ́ровати Ему́ изво́лиша; ду́ши же я́же отъ вѣ́ка святы́хъ, ну́ждею держи́мыя, отъ а́да свободи́ и всѣ́мъ даде́ на небеса́ взы́ти. Сего́ ра́ди, ра́дующеся, преесте́ственнѣ со свѣ́тлостію Воскресе́ніе пра́зднуемъ, ра́дость образу́юще, е́юже естество́ на́ше милосе́рдія ра́ди ми́лости Бо́жія обогати́ся. Та́кожде и вражды́ разруше́ніе и е́же съ Бо́гомъ соедине́ніе и съ самѣ́ми а́нгелы показу́юще, обы́чное содѣва́емъ цѣлова́ніе. Госпо́дне же Воскресе́ніе бы́сть си́це: Во́иномъ стрегу́щимъ гро́бъ, о полу́нощи тру́съ быва́етъ: соше́дъ бо а́нгелъ, ка́мень отваля́етъ отъ две́рей гро́ба. Стра́жіе же, ужаса́ющеся, бѣ́гаютъ...» (Кіевъ, 1864.) далѣе...


КНИГА «ЗЛАТОУСТЪ». СЛОВО 65-Е, ВО СВЯТЫЙ И ВЕЛИКІЙ ПЯТОКЪ (1910)

Снятие со Креста «Ны́нѣ же благообра́знаго Іо́сифа съ мѵроно́сицами похва́лимъ, послужи́вшаго по распя́тіи тѣ́лу Христо́ву, его́же евангели́стъ бога́та нарица́етъ, прише́дша отъ Аримаѳе́я. Бѣ́ бо, рече́, и то́й учени́къ Іису́совъ, и ча́я Ца́рствія Бо́жія. И во́ время во́льныя и спасе́нныя Стра́сти Спа́совы ви́дѣвъ стра́шная въ тва́ри чудеса́: со́лнце поме́ркше и зе́млю трясу́щуся, стра́ха испо́лнився, и дивя́ся, пріи́де во Іеросали́мъ, и обрѣ́те тѣ́ло Христо́во на Крестѣ́ на́го и прободе́но ви́сяще, и Ма́терь Его́ Марíю, со еди́нѣмъ ученико́мъ Тому́ предстоя́щу, я́же отъ болѣ́зни се́рдца своего́, го́рцѣ рыда́ющи, си́це глаго́лаше: тва́рь соболѣ́знуетъ Ми́, Сы́не Мо́й, зря́щи Твое́ безъ пра́вды умерщве́ніе. Увы́ Мнѣ́, Ча́до Мое́, Свѣ́тѣ и Тво́рче тва́ремъ, что́ Ти́ ны́нѣ воспла́чу: зауше́нія ли, или́ за лани́ту ударе́нія, и по плеще́ма біе́нія, у́зъ же и темни́цы, и заплева́нія свята́го и пра́веднаго лица́ Твоего́, я́же отъ беззако́нникъ за блага́я прія́тъ? Увы́ Мнѣ́, Ча́до Мое́, непови́ненъ сы́й пору́ганъ бы́сть и на Крестѣ́ сме́рти вкуси́. Ка́ко Тя́ те́рніемъ вѣнча́ша, и же́лчію со оцто́мъ напои́ша и еще́ пречи́стая Ти́ ре́бра копіе́мъ прободо́ша? Ужасе́ся не́бо и земля́ трепе́щетъ, іюде́йска не терпя́щи дерзнове́нія: со́лнце поме́рче, и ка́меніе распаде́ся, жидо́вское явля́ющи окамене́ніе...» (М., 1910.) далѣе...


КНИГА «ЗЛАТОУСТЪ». СЛОВО 64-Е, ВО СВЯТЫЙ И ВЕЛИКІЙ ПЯТОКЪ (1910)

Распятие Господне «Бою́ся глаго́лати язы́комъ и косну́тися стра́шнѣй по́вѣсти Спа́совѣ, стра́шно бо е́сть о се́й глаго́лати: Бо́гъ бо на́шъ дне́сь пре́данъ бы́сть въ ру́ки грѣ́шникомъ и нечести́вымъ человѣ́комъ. Чесо́ ра́ди у́бо пре́данъ бы́сть Святы́й Небе́сный Влады́ка, безъ грѣха́ сы́й? Ничто́же бо согрѣши́въ, пре́данъ бы́сть дне́сь. Пріи́демъ и увѣ́димъ, чесо́ ра́ди пре́данъ бы́сть Христо́съ, Спа́съ на́шъ? На́съ ра́ди нечести́выхъ пре́данъ бы́сть Влады́ка. Кто́ ся у́бо не диви́тъ и кто́ не сла́витъ? Рабо́мъ согрѣши́вшимъ Влады́ка пре́данъ бы́сть, да свободи́тъ отъ сме́рти рабы́ Своя́ согрѣ́шшія. Сы́нове поги́бельніи и ча́да те́мная, тмо́ю изы́дутъ гоня́щіи Со́лнце, могу́ще попали́ти вся́ еди́нѣмъ часо́мъ. Ви́дѣвъ же Влады́ка де́рзость и́хъ всѣ́хъ и зло́бное погна́ніе, съ кро́тостію и вся́кою благосты́нею и Свое́ю во́лею Себе́ предаде́ въ ру́ки нечести́выхъ. И связа́вше беззако́нніи Пречи́стаго Влады́ку, руга́хуся Ему́, досажда́юще Ему́, связа́вшему крѣ́пкаго у́зами неразрѣши́мыми и разрѣши́вшему вся́ ны́ отъ у́зъ грѣхо́вныхъ. И спле́тше вѣне́цъ сво́й те́рніемъ, и́мъ же плодови́тъ бы́сть виногра́дъ іюде́йскій, руга́ющеся Ему́, и Царя́ Его́ нарица́юще, и плю́нуша тíи беззако́нніи на лице́ пречи́стаго Влады́ки, Его́же отъ о́чію боя́тся ку́пно вся́ си́лы небе́сныя, не терпя́ще сла́вы Его́...» (М., 1910.) далѣе...


«СЛѢДОВАННАЯ ПСАЛТИРЬ». КАѲИСМА 4-Я (1874)

Святой пророк, псалмопевец и царь Давид «Къ Тебѣ́, Го́споди, воздвиго́хъ ду́шу мою́, Бо́же мо́й, на Тя́ упова́хъ, да не постыжу́ся во вѣ́къ, ниже́ да посмѣю́тмися врази́ мои́, Ибо вси́ терпя́щіи Тя́ не постыдя́тся. Да постыдя́тся беззако́ннующіи вотще́. Пути́ Твоя́, Го́споди, скажи́ ми и стезя́мъ Твои́мъ научи́ мя. Наста́ви мя́ на и́стину Твою́ и научи́ мя, я́ко Ты́ еси́ Бо́гъ, Спа́съ мо́й, и Тебе́ терпѣ́хъ ве́сь де́нь. Помяни́ щедро́ты Твоя́, Го́споди, и ми́лости Твоя́, я́ко отъ вѣ́ка су́ть. Грѣ́хъ ю́ности моея́ и невѣ́дѣнія моего́ не помяни́, по ми́лости Твое́й помяни́ мя Ты́, ра́ди бла́гости Твоея́, Го́споди. Бла́гъ и пра́въ Госпо́дь, сего́ ра́ди законоположи́тъ согрѣша́ющимъ на пути́. Наста́витъ кро́ткія на су́дъ, научи́тъ кро́ткія путе́мъ Свои́мъ. Вси́ путіе́ Госпо́дни ми́лость и и́стина, взыска́ющимъ завѣ́та Его́ и свидѣ́нія Его́. Ра́ди и́мене Твоего́, Го́споди, и очи́сти грѣ́хъ мо́й, мно́гъ бо е́сть. Кто́ есть человѣ́къ боя́йся Го́спода? Законоположи́тъ ему́ на пути́, его́же изво́ли. Душа́ его́ во благи́хъ водвори́тся и сѣ́мя его́ наслѣ́дитъ зе́млю. Держа́ва Госпо́дь боя́щихся Его́, и завѣ́тъ Его́ яви́тъ и́мъ. Очи мои́ вы́ну ко Го́споду, я́ко То́й исто́ргнетъ отъ сѣ́ти но́зѣ мои́. При́зри на мя́ и поми́луй мя́, я́ко единоро́дъ и ни́щь е́смь а́зъ. Ско́рби се́рдца моего́ умно́жишася, отъ ну́ждъ мои́хъ изведи́ мя...» (М., 1874.) далѣе...


«СЛѢДОВАННАЯ ПСАЛТИРЬ». КАѲИСМА 3-Я (1874)

Святой пророк, псалмопевец и царь Давид «Возлюблю́ Тя, Го́споди, крѣ́посте моя́. Госпо́дь утвержде́ніе мое́, и прибѣ́жище мое́, и Изба́витель мо́й, Бо́гъ мо́й, Помо́щникъ мо́й, и упова́ю на Него́, Защи́титель мо́й, и ро́гъ спасе́нія моего́, и Засту́пникъ мо́й. Хваля́ призову́ Го́спода и отъ вра́гъ мои́хъ спасу́ся. Одержа́ша мя́ болѣ́зни сме́ртныя и пото́цы беззако́нія смято́ша мя́, Болѣ́зни а́довы обыдо́ша мя́, предвари́ша мя́ сѣ́ти сме́ртныя. И внегда́ скорбѣ́ти ми́, призва́хъ Го́спода, и къ Бо́гу моему́ воззва́хъ: услы́ша отъ хра́ма свята́го Своего́ гла́съ мо́й, и во́пль мо́й предъ Ни́мъ вни́детъ во у́ши Его́. И подви́жеся и тре́петна бы́сть земля́, и основа́нія го́ръ смято́шася и подвиго́шася, я́ко прогнѣ́вася на ня́ Бо́гъ. Взы́де ды́мъ гнѣ́вомъ Его́, и о́гнь отъ лица́ Его́ воспла́менится, у́гліе возгорѣ́ся отъ Него́. И приклони́ небеса́ и сни́де, и мра́къ подъ нога́ма Его́. И взы́де на херуви́мы и летѣ́, летѣ́ на крилу́ вѣ́треню. И положи́ тму́ закро́въ Сво́й, о́крестъ его́ селе́ніе Его́, темна́ вода́ во о́блацѣхъ возду́шныхъ. Отъ облиста́нія предъ Ни́мъ о́блацы проидо́ша, гра́дъ и у́гліе о́гненное. И возгремѣ́ съ небесе́ Госпо́дь, и Вы́шній даде́ гла́съ Сво́й. Низпосла́ стрѣ́лы и разгна́ я́, и мо́лніи умно́жи и смяте́ я́. И яви́шася исто́чницы воднíи, и откры́шася основа́нія вселе́нныя, отъ запреще́нія Твоего́, Го́споди, отъ дохнове́нія ду́ха гнѣ́ва Твоего́...» (М., 1874.) далѣе...

Просьба о молитвенной поддержкѣ

Просимъ молитвъ нашихъ читателей о здравіи и спасеніи рабовъ Божіихъ, Александра, Людмилы, Евгенія, Александра, Анны, Раисы, чьими трудами созданъ и поддерживается нашъ сайтъ.

Нашъ баннеръ

Просимъ Васъ поддержать нашъ сайтъ:

Баннеръ Размѣры Кодъ баннера
88 x 31 <!--osanna.russportal.ru-->
<a href=http://osanna.russportal.ru><img src=http://osanna.russportal.ru/image/osanna88x31.gif width="88" height="31" border=0 title='Собрание Богослужебных текстов Православной Церкви'></a>
<!--osanna.russportal.ru-->


Наверхъ

0