Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Октоихъ

Съ 1-го по 4-й гласъ
-
Съ 5-го по 8-й гласъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - пятница, 19 iюля 2019 г. Сейчасъ на порталѣ посѣтителей - 12.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ОСАННА

«ОСАННА» — ОДИНЪ ИЗЪ ПРОЕКТОВЪ «РУССКАГО ПОРТАЛА»

Сайтъ основанъ 4 Апрѣля 2011 г. (17 Апрѣля 2011 г. по н. ст.) въ день Входа Господня въ Іерусалимъ — Недѣлю Ваій.
RSS-каналъ сайтаhttps://russportal.ru/news/rss.php?h=8.         Разсылка новостейhttps://russportal.ru/subscribe
Экспортъ новостей въ «Живомъ журналѣ»http://russportal.livejournal.com

Изъ слова свт. Іоанна, архіеп. Шанхайскаго и Санъ-Францисскаго († 1966 г.)

Почему съ молитвами Животворящему Кресту соединяются молитвы о царяхъ?

Егда́ ца́рства правосла́вная на земли́ падо́ша и забве́нію пре́дана бы́ша, не преста́лъ еси́ побѣ́ды проси́ти царе́мъ благовѣ́рнымъ въ дре́внихъ пѣ́снехъ неизмѣ́нно, я́ко тѣ́хъ держа́ва то́чію благослове́нна е́сть отъ Бо́га оте́цъ на́шихъ (Изъ службы свт. Іоанну, архіеп. Шанхайскому, канонъ, пѣснь 8-я, троп. 3-й).

Свт. Иоанн, архиеп. Шанхайский и Сан-ФранцисскийПравославная Церковь, исполняя наставленіе апостола Павла молиться за царей, даже языческихъ, поскольку они являются защитниками порядка, а не гонителями Вѣры, всегда возносила моленіе Богу, чтобы сила крестная помогала уповающимъ на крестъ царямъ. Службы святому кресту по средамъ и пятницамъ, въ кои дни воспоминаются страданія Христовы, и въ другіе праздники Животворящаго креста полны такихъ моленій. Въ нихъ говорится: «Крестъ царей держава», «о тебѣ вѣрнѣйшіе царіе наши хвалятся, яко твоею силою исмаильтейскіе люди державно покаряюще», «побѣды благовѣрнымъ царемъ на сопротивныя даруя и Твое сохраняя Крестомъ Твоимъ жительство», «древо честное царемъ на варвары побѣду подающее»... Такими и тому подобными выраженіями наполнены службы кресту. — Замѣчательно, что многія изъ сихъ пѣснопѣній написаны святыми Отцами, которые сами жестоко страдали отъ царей иконоборцевъ; они не прекращали моленія за царей, твердо вѣря, что послѣ злыхъ царей будутъ и цари благочестивые. Не измѣняли тѣ молитвы православные греки и южные славяне и находясь подъ властью турокъ или чужихъ чужеземныхъ властей, хотя бы они были иновѣрными. далѣе>> (Свт. Іоаннъ, архіеп. Шанхайскій и Санъ-Францисскій († 1966 г.)

Анонсы обновленій

ОКТОИХЪ. СЛУЖБА ВЪ СУББОТУ 4-ГО ГЛАСА (1898)

Икона Индикта - Церковного новолетия «Христа́ Человѣколю́бца Страсте́мъ поревнова́вше, страстоте́рпцы, тѣлеса́ у́бо на ра́ны преда́сте, и го́рькимъ му́камъ, тма́мъ же болѣ́знемъ, я́ко предзря́ще при́сно рая́ Боже́ственное наслажде́ніе, пи́щу же неиждива́емую и вѣ́чнующее благосла́віе, е́же получи́вше, моли́теся о воспѣва́ющихъ ва́съ. — Па́стыріе всесвяще́нніи, нача́льнаго Па́стыря сла́вніи подо́бницы бы́вше Христа́, всѣ́хъ Царя́, ду́ши усе́рдно о овца́хъ положи́сте. Бѣды́ лю́тыя претерпѣ́сте, я́ко бори́ми отъ волко́въ тя́жкихъ, достоблаже́нніи, спаса́ете невре́дно богоизбра́нное ста́до. — Же́ртвы одушевле́нныя, всесожже́нія слове́сная, му́ченицы Госпо́дни, заколе́нія соверше́нная Бо́гу, Бо́га зна́юща и Бо́гомъ зна́ема овча́та, и́хже огра́да волко́мъ невходи́ма, моли́теся и о на́съ, упасе́ннымъ бы́ти съ ва́ми на водѣ́ упокое́нія. — Честна́ сме́рть святы́хъ Твои́хъ, Го́споди, мече́мъ бо, и огне́мъ, и душе́ю сокруше́нною пролія́ша кро́ви своя́, упова́ніе иму́ще на Тя́ воспрія́ти трудо́въ мзду́ и, претерпѣ́вше, прія́ша отъ Тебе́, Спа́се, ве́лію ми́лость. — Иму́ще дерзнове́ніе ко Спа́су, святíи, моли́те непреста́нно за ны́ грѣ́шныя, оставле́нія прегрѣше́ній прося́ще и душа́мъ на́шимъ ве́лія ми́лости. — Дне́сь а́нгельская во́инства въ па́мять страстоте́рпецъ пріидо́ша вѣ́рныхъ мы́сли просвѣти́ти и вселе́нную благода́тію уясни́ти, отъ ни́хже, Бо́же, умоле́нъ быва́я, да́руй на́мъ ве́лію ми́лость. — Кресто́мъ вооружи́вшеся, страстоте́рпцы Твои́, Христе́ Бо́же на́шъ, побѣди́ша ко́зни началозло́бнаго врага́, возсія́ша я́ко свѣти́ла, человѣ́ки наставля́юще, даю́тъ исцѣле́нія вѣ́рою прося́щимъ...» (М., 1898.) далѣе...


ОКТОИХЪ. СЛУЖБА ВЪ СУББОТУ 3-ГО ГЛАСА (1898)

Поминовение усопших «Стра́ждуще, до́бліи му́ченицы, крѣ́пко, и ра́ны, и вяза́нія, и разли́чныя му́ки претерпѣ́вше, къ неболѣ́зненному вои́стинну и блаже́нному наслѣ́дію приведо́шася по достоя́нію болѣ́зней. — Иже сло́во благочести́во и боже́ственно отры́гнувше, Госпо́дни святи́теліе, и вся́ ерети́ческая сопротивосло́вія разруши́сте и вѣ́рнымъ всѣ́мъ перводѣ́тельницы яви́стеся, сего́ ра́ди почита́еми есте́. — Невеще́ственныхъ и безпло́тныхъ чи́ну уподо́бистеся, отцы́ богоно́сніи, въ тѣлеси́ веще́ственнѣ, тѣ́хъ пресла́вно житіе́ показу́юще, тѣ́мже во оби́телехъ тѣ́хъ живете́. — Все́ су́етіе человѣ́ческое, ели́ко не пребу́детъ по сме́рти: не пребу́детъ бога́тство, ни сни́детъ сла́ва, наше́дши бо, сме́рть вся́ сія́ погуби́тъ. Тѣ́мже Христу́, безсме́ртному Царю́, возопіи́мъ: преста́вленныя отъ на́съ упоко́й, идѣ́же всѣ́хъ е́сть веселя́щихся жили́ще у Тебе́. — Человѣ́цы, что́ всу́е мяте́мся? Пу́ть кра́токъ е́сть, и́мже тече́мъ, ды́мъ е́сть житіе́, па́ра и пе́рсть и пе́пелъ, вма́лѣ явля́ется и вско́рѣ погиба́етъ. Тѣ́мже Христу́, безсме́ртному Царю́, возопіи́мъ: преста́вленныя отъ на́съ упоко́й, идѣ́же всѣ́хъ е́сть веселя́щихся жили́ще у Тебе́. — Ве́лія Креста́ Твоего́, Го́споди, си́ла: водрузи́ся бо на мѣ́стѣ и дѣ́йствуетъ въ мíрѣ, и показа́ отъ ры́барей апо́столы и отъ язы́къ му́ченики, да мо́лятся о душа́хъ на́шихъ. — Ве́лія му́ченикъ Твои́хъ, Христе́, си́ла: во гробѣ́хъ бо лежа́ще, ду́хи прого́нятъ, и упраздни́ша вра́жію вла́сть, вѣ́рою Тро́ическою подви́гшеся по благоче́стіи. — Проро́цы, и апо́столи Христо́вы...» (М., 1898.) далѣе...


ОКТОИХЪ. СЛУЖБА ВЪ СУББОТУ 2-ГО ГЛАСА (1898)

Преподобный Сысой Великий «Пло́ть предаю́ще ра́намъ, и горча́йшія му́ки терпя́ще, и ну́жную сме́рть, му́ченицы всехва́льніи, и мучи́телей посрами́сте, и че́сти и́дольскія вои́стинну потреби́ли есте́, Христа́ проповѣ́дающе, еди́наго Бо́га и Влады́ку, Ему́же со а́нгельскими ли́ки, вѣнцено́сцы сла́вніи, предстоите́. — Иже земны́я сла́сти не возлюби́вше, страстоте́рпцы, небе́снымъ благи́мъ сподо́бишася и а́нгеломъ согра́ждане бы́ша. Го́споди, моли́твами и́хъ поми́луй и спаси́ на́съ. — Ли́цы му́ченичестіи проти́вишася мучи́телемъ, глаго́люще: мы́ во́инствуемъ Царю́ си́ламъ, а́ще и огню́ и му́камъ предадите́ на́съ, не отмета́емся Тро́ическія си́лы. — Ве́лія сла́ва, ю́же стяжа́сте, святíи, вѣ́рою, не то́кмо бо въ страда́ніихъ врага́ побѣди́ли есте́, но и по сме́рти ду́хи прого́ните, неду́жныя исцѣля́ете, ду́шъ и тѣле́съ вра́чеве, моли́теся ко Го́споду поми́ловатися душа́мъ на́шимъ. — Ме́ртвенъ: Яко цвѣ́тъ увяда́етъ, и я́ко сѣ́нь ми́мо гряде́тъ, и разруша́ется вся́къ человѣ́къ; па́ки же глася́щей трубѣ́, ме́ртвіи я́ко въ тру́сѣ вси́ воста́нутъ ко Твоему́ срѣ́тенію, Христе́ Бо́же. Тогда́, Влады́ко, и́хже преста́вилъ еси́ отъ на́съ, во святы́хъ Твои́хъ учини́ кро́вѣхъ ду́хи ра́бъ Твои́хъ. — Ме́ртвенъ: Увы́ мнѣ́, коли́къ по́двигъ и́мать душа́ разлуча́ющися отъ тѣлесе́! Увы́ мнѣ́, тогда́ коли́ко слези́тъ и нѣ́сть и́же поми́луетъ ю́! Ко а́нгеломъ о́чи возводя́щи, бездѣ́льно мо́лится, къ человѣ́комъ ру́цѣ простира́ющи и не и́мать помога́ющаго. Тѣ́мже, возлю́бленная моя́ бра́тіе, разумѣ́вше кра́ткую на́шу жи́знь, преста́вленнымъ поко́я отъ Христа́ про́симъ и душа́мъ на́шимъ ве́лію ми́лость...» (М., 1898.) далѣе...


ОКТОИХЪ. СЛУЖБА ВЪ СУББОТУ 1-ГО ГЛАСА (1898)

Икона всех святых «Му́чениковъ еди́нственное торжество́ струя́ми свои́хъ крове́й мно́жество бѣсо́въ удави́ша и вся́кія уста́виша сту́дныя же́ртвы, и́дольскую разруши́ша пре́лесть, терпѣли́вно пострада́вше. И ны́нѣ мо́лятся Христу́ дарова́ти душа́мъ на́шимъ ми́ръ и ве́лію ми́лость. — Па́стыріе всесвяще́нніи му́дрыми словесы́ и уче́ніи всѣ́хъ научи́ша во Еди́нствѣ Божество́ Тро́ическое сла́вити, Ли́цъ слія́нія и раздѣле́нія Боже́ственнѣ убѣга́юще. И ны́нѣ мо́лятся дарова́ти душа́мъ на́шимъ ми́ръ и ве́лію ми́лость. — Преподо́бныхъ сосло́віе, плотска́я хотѣ́нія успи́ша и стремле́нія обузда́ша, житіе́ равноа́нгельное показа́вше. Тѣ́мже и въ жили́щахъ небе́сныхъ ны́нѣ ликовству́ютъ, Христу́ моля́щеся дарова́ти душа́мъ на́шимъ ми́ръ и ве́лію ми́лость. — Моли́твами, Го́споди, всѣ́хъ святы́хъ и Богоро́дицы Тво́й ми́ръ да́ждь на́мъ и поми́луй на́съ, я́ко еди́нъ Ще́дръ. — Еже на суди́щи ва́ше исповѣ́даніе, святíи, де́моновъ оплева́ си́лу и отъ пре́лести человѣ́ки свободи́. Тѣ́мже и глава́мъ усѣка́емымъ, взыва́сте: да бу́детъ, Го́споди, же́ртва ду́шъ на́шихъ благопрія́тна предъ Тобо́ю, я́ко Тебе́ возлюби́вше, неради́хомъ о вре́меннѣй жи́зни, Человѣколю́бче. — О, до́брыя ва́шея ку́пли, святíи! Яко кро́ви да́сте и небеса́ наслѣ́довасте и, вре́менно искуси́вшеся, вѣ́чно ра́дуетеся. Вои́стинну добра́ ва́ша ку́пля, тлѣ́нная бо оста́вльше, нетлѣ́нная воспрія́сте и, со а́нгелы ликовству́юще, пое́те непреста́нно Тро́ицу Единосу́щную. — Прехва́льніи му́ченицы, ва́съ ни земля́ потаи́ла е́сть, но не́бо прія́тъ вы́, и отверзо́шася ва́мъ ра́йскія две́ри, и вну́трь бы́вше...» (М., 1898.) далѣе...


МИНЕЯ ДОПОЛНИТЕЛЬНАЯ (СПБ., 1909)

Икона всех святых «Во сла́ву Святы́я, Единосу́щныя, Животворя́щія и Нераздѣли́мыя Тро́ицы, Отца́ и Сы́на и Свята́го Ду́ха. При держа́вѣ Благочести́вѣйшаго, Самодержа́внѣйшаго, Вели́каго Госуда́ря на́шего, ИМПЕРАТОРА НИКОЛАЯ АЛЕКСАНДРОВИЧА всея́ Россíи; при Супру́гѣ ЕГО, Благочести́вѣйшей Госуда́рынѣ, ИМПЕРАТРИЦѢ АЛЕКСАНДРѢ ѲЕОДОРОВНѢ; при Ма́тери ЕГО, Благочести́вѣйшей Госуда́рынѣ, ИМПЕРАТРИЦѢ МАРІИ ѲЕОДОРОВНѢ; при Наслѣ́дникѣ ЕГО, Благовѣ́рномъ Госуда́рѣ, Цесаре́вичѣ и Вели́комъ Кня́зѣ АЛЕКСІИ НИКОЛАЕВИЧѢ; при Благовѣ́рномъ Госуда́рѣ и Вели́комъ Кня́зѣ МИХАИЛѢ АЛЕКСАНДРОВИЧѢ; при Благовѣ́рной Госуда́рынѣ, Вели́кой Княги́нѣ МАРІИ ПАВЛОВНѢ; при Благовѣ́рныхъ Госуда́рѣхъ, Вели́кихъ Князе́хъ: КИРИЛЛѢ, БОРИСѢ и АНДРЕѢ ВЛАДИМІРОВИЧАХЪ; при Благовѣ́рной Госуда́рынѣ, Вели́кой Княги́нѣ ЕЛИСАВЕТѢ ѲЕОДОРОВНѢ; при Благовѣ́рномъ Госуда́рѣ, Вели́комъ Кня́зѣ ПАВЛѢ АЛЕКСАНДРОВИЧѢ; при Благовѣ́рномъ Госуда́рѣ, Вели́комъ Кня́зѣ ДИМИТРІИ ПАВЛОВИЧѢ; при Благовѣ́рной Госуда́рынѣ, Вели́кой Княги́нѣ АЛЕКСАНДРѢ ІОСИФОВНѢ; при Благовѣ́рномъ Госуда́рѣ, Вели́комъ Кня́зѣ НИКОЛАѢ КОНСТАНТИНОВИЧѢ; при Благовѣ́рномъ Госуда́рѣ, Вели́комъ Кня́зѣ КОНСТАНТИНѢ КОНСТАНТИНОВИЧѢ, и при Супру́гѣ Его́, Госуда́рынѣ, Вели́кой Княги́нѣ ЕЛИСАВЕТѢ МАВРИКІЕВНѢ... Благослове́ніемъ Святѣ́йшаго Прави́тельствующаго Сѵно́да напеча́тася кни́га сія́, МИНІА ДОПОЛНИТЕЛЬНАЯ, въ Ца́рствующемъ гра́дѣ свята́го Петра́, въ Сѵнода́льной Тѵпогра́фіи, пе́рвымъ тисне́ніемъ, въ лѣ́то отъ сотворе́нія мíра 7418, отъ Рождества́ же по пло́ти Бо́га Сло́ва 1909, Инди́кта 8, Мѣ́сяца Септе́мврія...» (СПб., 1909.) далѣе...


СЛУЖБА ПРЕП. ѲЕОДОСІЮ, ТОТЕМСКОМУ ЧУДОТВОРЦУ (1909)

Преподобный Феодосий, Тотемский чудотворец «Отъ ю́ности, преподо́бне Ѳеодо́сіе, жела́ніе свое́ ко Христу́ Бо́гу впери́въ, Его́же ра́ди гра́дъ и оте́чество оста́вль и сла́ву су́етную, я́ко пра́хъ, вмѣни́въ, послѣ́довалъ еси́ преподо́бному Дими́трію и оби́тели его́ сожи́тель бы́лъ еси́, пресели́вся ко гра́ду То́тьмѣ и въ междорѣ́чіе всели́вся, посто́мъ и бдѣ́ніемъ, и власяны́мъ одѣя́ніемъ, и вери́гами тѣ́ло свое́ удручи́лъ еси́. Сего́ ра́ди Бо́гъ, ви́дѣвъ твоя́ труды́, и по преставле́ніи чудесы́ обогати́ тя́: бѣ́сы изгоня́еши и слѣпы́я просвѣща́еши, отъ вся́кихъ неду́гъ и бѣ́дъ избавля́еши приходя́щихъ къ тебѣ́ съ вѣ́рою и вопію́щія: сла́ва Да́вшему ти́ крѣ́пость, сла́ва Вѣнча́вшему тя́, сла́ва Даю́щему тобо́ю всѣ́мъ исцѣле́ніе. — Отъ мірска́го мяте́жа изше́дъ, преподо́бне о́тче на́шъ Ѳеодо́сіе, и въ ти́хое приста́нище дости́гъ, преподо́бному Дими́трію сожи́тель бы́лъ еси́, и отту́ду, Бо́жіимъ Ду́хомъ направля́емъ, во гра́дъ То́тьму пересели́лся еси́, и во ото́цѣхъ водны́хъ оби́тель себѣ́ воздви́глъ еси́, идѣ́же равноа́нгельное житіе́ пожи́въ, послѣ́довалъ еси́ Христу́, Его́же ра́ди влася́ну ри́зу и вери́ги на тѣ́лѣ свое́мъ носи́лъ еси́. Смире́ніемъ и нищелю́біемъ украси́вся, сла́ву су́етную презрѣ́лъ еси́ и оте́ческое имѣ́ніе до́брѣ расточи́лъ еси́, моле́ніемъ къ Бо́гу и сле́зными струя́ми бѣсо́въ посрами́лъ еси́, тѣ́мже по сме́рти Христо́съ чуде́съ да́ромъ обогати́ тя́. Имѣ́я у́бо дерзнове́ніе ко Го́споду, преподо́бне о́тче на́шъ Ѳеодо́сіе, моли́ Христа́ Бо́га, да спасе́тъ ду́ши на́ша. — Небе́сная возжелѣ́лъ еси́ ви́дѣти, до́лу влеку́щая презрѣ́лъ еси́, тве́рдымъ смы́сломъ чистоту́ соблю́дъ...» (СПб., 1909.) далѣе...


ПЕЧЕРСКАЯ МИНЕЯ. БОГОРОДИЧНЫ ВОСКРЕСНЫ ОСМИ ГЛАСОВЪ (1855)

Печерская икона Божией Матери «Гла́съ 1. На Го́споди воззва́хъ: Всемíрную сла́ву, отъ человѣ́къ прозя́бшую и Влады́ку ро́ждшую, небе́сную две́рь воспои́мъ, Марíю Дѣ́ву, безпло́тныхъ пѣ́снь и вѣ́рныхъ удобре́ніе: Сія́ бо яви́ся не́бо и хра́мъ Божества́, Сія́, прегражде́ніе вражды́ разруши́вши, ми́ръ введе́ и Ца́рствіе отве́рзе. Сію́ у́бо иму́ще вѣ́ры утвержде́ніе, Побо́рника и́мамы изъ Нея́ ро́ждшагося Го́спода. Дерза́йте у́бо, дерза́йте, лю́діе Бо́жіи, и́бо То́й побѣди́тъ враги́, я́ко Всеси́ленъ. На стихо́внѣ богоро́диченъ: Се́ испо́лнися Иса́іино прорече́ніе: Дѣ́ва бо родила́ еси́ и по рождествѣ́, я́ко пре́жде рождества́, пребыла́ еси́, Бо́гъ бо бѣ́ Рожде́йся, тѣ́мже и естества́ новопресѣче́. Но, о Богома́ти, моле́нія Твои́хъ рабо́въ, въ Твое́мъ хра́мѣ приноси́мая Тебѣ́, не пре́зри, но я́ко Благоутро́бнаго Твои́ма рука́ма нося́щи, на Твоя́ рабы́ умилосе́рдися, и моли́ спасти́ся душа́мъ на́шимъ. Гла́съ 2. Богоро́диченъ: Пре́йде сѣ́нь зако́нная, благода́ти прише́дши: я́коже бо купина́ не сгара́ше, опаля́ема, та́ко Дѣ́ва родила́ еси́ и Дѣ́ва пребыла́ еси́. Вмѣ́сто столпа́ о́гненнаго Пра́ведное возсія́ Со́лнце, вмѣ́сто Моисе́я — Христо́съ, спасе́ніе ду́шъ на́шихъ. На стихо́внѣ богоро́диченъ: О, чудесе́ но́ваго, всѣ́хъ дре́внихъ чуде́съ! Кто́ бо позна́ Ма́терь, безъ му́жа ро́ждшую и на руку́ нося́щую всю́ тва́рь Содержа́щаго? Бо́жіе е́сть изволе́ніе Ро́ждшееся. Его́же я́ко Младе́нца, Пречи́стая, Твои́ма рука́ма носи́вшая, и ма́тернее дерзнове́ніе къ Нему́ иму́щая, не преста́й моля́щи о чту́щихъ Тя́, уще́дрити и спасти́ ду́ши на́ша. Гла́съ 3. Богоро́диченъ: Ка́ко не диви́мся Богому́жному Рождеству́...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА ОБЩА ПРЕПОДОБНОМУ ЕДИНОМУ (1855)

Преподобный отец «Преподо́бенъ и че́стенъ свѣти́льникъ боже́ственный и свѣтоно́сный подъ спу́домъ жите́йскія толстоты́ никогда́же скрыва́ется, но на версѣ́ полага́етъ его́ высо́кихъ чуде́съ Человѣколю́бецъ. Того́ моли́твами, Христе́, да́руй лю́демъ Твои́мъ ве́лію ми́лость. — На ра́ло возложи́лъ еси́, всече́стне, дѣ́ланіе ру́къ твои́хъ, дѣ́лая всегда́ боже́ственная, и не возврати́лся еси́ зря́ вспя́ть, но бы́лъ еси́ упра́вленъ во Ца́рствіе Христа́, вопло́щшагося Бо́га, во спасе́ніе ду́шъ на́шихъ. — Въ лодіи́ тѣле́снѣй вози́мь, кро́ткими дыха́ніи кро́ткаго ду́ха легко́ преше́лъ еси́ жите́йскую пучи́ну, му́дре, и, на Би́серѣ многоцѣ́ннѣмъ твоя́ имѣ́нія прода́въ и обрѣ́тъ Его́, въ себѣ́ удержа́лъ еси́, блаже́нъ бы́въ Боже́ственными добро́тами Его́. — Помышле́нія нечи́ста и устна́ льсти́ва, дѣла́ же моя́ вся́ оскверне́на, и что́ сотворю́? Ка́ко усря́щу Судію́? Влады́чице Дѣ́во, моли́ Сы́на Твоего́, и Зижди́теля, и Го́спода, я́ко да въ покая́ніи пріи́метъ ду́хъ мо́й, я́ко еди́нъ Благоутро́бенъ. — Еже по о́бразу соблю́дъ невреди́мо, у́мъ влады́ку на стра́сти па́губныя по́стнически поста́вивъ, во е́же по подо́бію, я́ко мо́щно, возше́лъ еси́, му́жески бо естество́ пону́дивъ, потща́лся еси́ ху́ждшее покори́ти лу́чшему и пло́ть порабо́тити ду́ху. Тѣ́мже мона́шествующихъ яви́лся еси́ наста́вникъ, жи́тель пусты́нный, благотеку́щихъ обучи́тель, пра́вило добродѣ́тели извѣ́стнѣйшее. И ны́нѣ на небесѣ́хъ, зерца́ломъ разрѣ́шшимся, о́тче на́шъ [и́мярекъ], чи́стѣ зри́ши Святу́ю Тро́ицу, моля́ся несре́дственнѣ о и́же вѣ́рою и любо́вію чту́щихъ тя́...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА СОБОРУ ПРЕПОД. ДАЛЬНИХЪ ПЕЩЕРЪ (1855)

Собор преподобных отцов Киево-Печерских «Мы́сленное со́лнце и свѣ́тлую луну́, первонача́льныхъ Пече́рскихъ, со всѣ́мъ собо́ромъ преподо́бныхъ дне́сь почти́мъ, тíи бо, церко́вную тве́рдь озаря́я, просвѣща́ютъ во тмѣ́ страсте́й бѣ́дствующихъ, и подаю́тъ отъ Христа́ Бо́га моли́твами свои́ми по́мощь во всѣ́хъ ско́рбехъ, и душа́мъ на́шимъ про́сятъ избавле́нія. — Небе́снаго Царя́ воево́да, Ѳеодо́сій богому́дрый, по́лкъ во́иновъ духо́вныхъ, преподо́бныхъ оте́цъ, собра́, и́хже по́двиги ублажа́юще, пѣ́сненныя похвалы́ и́мъ принесе́мъ, и возопіи́мъ, глаго́люще: я́ко иму́щіи дерзнове́ніе ко Влады́цѣ всѣ́хъ и Бо́гу, проси́те душа́мъ на́шимъ ве́лія ми́лости и мíру всему́ умире́нія. — Видѣ́ніе у́мнымъ очеса́мъ зри́тся чуде́сно: пламеноно́сныя крилѣ́ иму́ще во́ини духо́вніи, отъ небе́съ прихо́дятъ отцы́ всеблаже́нніи, и въ по́мощь на́шу ускоря́ютъ, на міроде́ржца ополча́ющеся. Къ ни́мже припаде́мъ, зову́ще: ва́съ призыва́емъ, неусы́пніи засту́пницы на́ши, потщи́теся изба́вити на́съ отъ находя́щихъ враго́въ на́шихъ и да́ти на́мъ отъ скорбе́й избавле́ніе. — Разруши́ нападе́нія вра́жія, преподо́бне о́тче на́шъ Ѳеодо́сіе, ста́до твое́ огражда́ющи во́и небе́сными, при́сно бо совѣ́туютъ нахожде́ніи злы́ми разори́ти е́, но ты́, я́ко ско́ръ сы́й въ по́мощь, да́ждь заступле́ніе къ тебѣ́ притѣка́ющимъ и прося́щимъ твоего́ избавле́нія и не отщети́ въ печа́лехъ посѣще́нія. — Престо́лу Трисо́лнечнаго Божества́ предстоя́щіи и бога́тно осіява́еми непристу́пными свѣ́тлостьми, отцы́ на́ши всеблаже́нніи, и́же на земли́ любе́зно предстоя́щихъ и собо́ръ ва́шъ дне́сь гла́сы воспѣва́ющихъ...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА ПРЕП. КУКШѢ И ПИМИНУ ПОСТНИКУ (1855)

Преподобный Кукша Постник, Печерский «Му́ченическою кро́вію, свяще́нне Ку́кшо, въ про́повѣди Ева́нгелія со ученико́мъ ти́ блаже́ннымъ, че́стнѣ украси́выйся, и Пи́мине, въ по́стничествѣ свѣтоза́рнѣ просія́вый, въ еди́нъ де́нь и ча́съ внидо́сте въ свѣ́тъ незаходи́мый, идѣ́же моли́теся Го́сподеви, да пода́стъ на́мъ ве́лію ми́лость. — Благо́е единогла́сіе созыва́етъ вѣ́рныхъ собо́ры благоче́стно му́дреннѣ восхвали́ти па́мять богоно́сныхъ оте́цъ, Ку́кши свяще́ннаго, и Пи́мина, по́стникомъ ревни́теля, я́ко те́плыя засту́пники съ вѣ́рою къ ни́мъ притѣка́ющимъ, предста́тельствуютъ бо вско́рѣ, при́сно моля́щеся, о любо́вію пою́щихъ святу́ю па́мять и́хъ. — Гла́съ ра́дованія и торжество́, пріиди́те ны́нѣ, празднолю́бніи лю́діе, соста́вимъ, сладкопѣ́сненными добро́тами восклица́юще, ди́внымъ отце́мъ вели́чествіе принесе́мъ, лѣ́тнія похвалы́ воздаю́ще и почита́юще де́нь отше́ствія и́хъ къ Бо́гу, Ему́же съ весе́ліемъ ны́нѣ предстоя́тъ и мо́лятся о душа́хъ на́шихъ. — Же́ртвы честны́я пе́рвѣе принося́ Бо́гови, Ку́кшо, всеблаже́ннѣйшій о́тче, послѣди́ же́ртву одушевле́нну и себе́ прине́слъ еси́, я́ко непоро́чное а́гня, со ученико́мъ ти́ честны́мъ, въ про́повѣди Ева́нгельскаго уче́нія мече́мъ посѣка́емь, о не́мже пострада́лъ еси́, ра́дуяся, и предстои́ши Христу́, всегда́ моля́ся о душа́хъ на́шихъ. — Единоу́мнымъ жела́ніемъ къ Бо́гу возве́дшеся, кора́бль души́ ва́шея добродѣ́тельми устро́ивше, отцы́ преподо́бніи, ле́гцѣ мíра волну́ющееся мо́ре преидо́сте и о посо́біи Ду́ха Свята́го, ти́хаго приста́нища достиго́сте, на не́мже су́ще, стра́сти плотскíя ду́ху покори́сте...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА ПР. АЛИПІЮ, ИКОНОПИСЦУ ПЕЧЕРСКОМУ (1855)

Преподобный Алипий, иконописец Печерский «Образъ сла́вы Бо́жія во умѣ́ свое́мъ имѣ́я вы́ну, преблаже́нне о́тче Али́піе, ду́шу свою́ образова́лъ еси́ добродѣ́тельными испещре́ньми, жела́я сію́ кра́сну Тро́ичнѣй сла́вѣ яви́ти, отню́дуже ша́ры пріе́мь духо́вныя благода́ти, бы́лъ еси́ чудотво́рецъ преизря́денъ, и Его́же лице́ въ се́рдцѣ твое́мъ начерта́лъ еси́, съ Ни́мъ и ца́рствуеши ны́нѣ; Того́ о на́съ моли́, преподо́бне, дарова́ти на́мъ ми́ръ, и сла́вы Своея́ наслажде́ніе. — Зри́тель лица́ Бо́жія хотя́ бы́ти, поста́вилъ еси́ во умѣ́ свое́мъ, о́тче, вы́ну зрѣ́ти сладча́йшій о́бразъ Іису́совъ; тѣ́мъ положи́въ ка́мень послѣ́дняго смире́нія, поте́ръ ва́пы безпреста́нныхъ моли́твъ, раствори́въ ты́я сле́зными пото́ки, написа́лъ еси́ на се́рдцѣ пло́тяномъ видѣ́ніе неви́димыя сла́вы Пресвяты́я Тро́ицы, Ейже ны́нѣ предстоя́, моли́ о на́съ, свя́те, улучи́ти ми́лость, и лица́ Бо́жія сла́дкое видѣ́ніе. — Напису́я зра́ки святы́хъ, неопи́санныя сла́вы Бо́жія жела́ніемъ распали́вся, напи́совалъ еси́ ша́рами благи́хъ дѣя́ній на скрижа́лѣхъ се́рдца своего́, зра́къ непреста́нныя любве́ къ Пречи́стой Богома́тери, Ейже худо́жествомъ твои́мъ послужи́въ, чудотвори́выя благода́ти сподо́блься, прія́лъ еси́ мзду́ безконе́чнаго воздая́нія; и ны́нѣ, со а́нгелы водворя́яся, моли́ о на́съ, преподо́бне, умири́ти мíръ и спасти́ ду́ши на́ша. — Образъ человѣ́ческій иногда́ ле́стію вкуше́нія змíй вселука́вый обезсла́вивый, ны́нѣ тебѣ́, о́тче, благода́ть отъ Бо́га пріе́мшу, испо́лнися сту́да, не стерпѣ́ бо на ико́ны твоего́ худо́жества взира́ти, я́же чудотво́рными луча́ми тму́ разгоня́ютъ, и подаю́тъ всѣ́мъ...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА ПРЕНЕСЕНІЮ МОЩЕЙ ПРЕП. ѲЕОДОСІЯ (1855)

Преподобный Феодосий Печерский «Егда́ о спасе́ніи твое́мъ по́двигъ воспрія́лъ еси́, и свѣ́томъ осія́лся еси́ отъ небе́съ неви́димо, преподо́бне, тогда́ лука́вымъ духо́мъ прогони́тель яви́ся, Бо́гомъ по́сланное же тебѣ́ зла́то пріе́мь, ми́лостыни ще́дрый бы́лъ еси́ пода́тель тре́бующимъ, пра́здныя сосу́ды жи́тницы напо́лнилъ еси́, оби́димымъ изба́витель гото́вѣйшій и проповѣ́дникъ вѣ́ры Христа́ Бо́га на́шего, Его́же моли́ спасти́ и просвѣти́ти ду́ши на́ша. — Зарю́ вели́кую я́ко ви́дѣ, я́вѣ а́нгельскую свѣ́тлость уразумѣ́въ бы́ти, явле́ніе честны́хъ твои́хъ моще́й, въ стра́сѣ и ра́дости притече́ ско́ро досточу́дный Стефа́нъ, пребыва́я издале́ча зря́, и ви́дѣ твоя́ соста́вы цѣ́лы и нетлѣ́нны пребы́вшія, прославля́ющу тя́ Христу́ Бо́гу на́шему, Его́же моли́ спасти́ и просвѣти́ти ду́ши на́ша. — Егда́ пріидо́ша въ пеще́ру твою́, преподо́бне, хотя́щіи пренести́ тѣ́ло твое́, тогда́, гро́бъ откры́вше, ра́дующеся, ви́дѣша лежа́щія твоя́ мо́щи святолѣ́пно, соста́вы вся́ цѣ́лы и тлѣ́нію неприча́стны, и главны́я власы́ присо́хша къ главѣ́, лице́ же свѣ́тлостно, о́чи и устнѣ́ богосло́вныя соедине́ны, прославля́ющу тя́ Христу́ Бо́гу на́шему, Его́же моли́ спасти́ и просвѣти́ти ду́ши на́ша. — Приспѣ́ дне́сь пра́здникъ пренесе́нія честны́хъ твои́хъ моще́й, преподо́бне о́тче на́шъ Ѳеодо́сіе, созыва́ющи всѣ́хъ вѣ́рно торжествова́ти, въ па́мять твою́ глаго́люще: ра́дуйся, Боже́ственнаго Ду́ха жили́ще всеосвяще́нное и сто́лпе благоче́стія; ра́дуйся, и́же Бо́гомъ да́нный тебѣ́ тала́нтъ умно́живый, преподо́бнымъ похвало́; ра́дуйся, мíру свѣти́льниче всесвѣ́тлый и на́ше утѣше́ніе...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА ПРЕП. ПИМИНУ МНОГОБОЛѢЗНЕННОМУ (1855)

Преподобный Пимен Многоболезненный, Печерский «Богоно́снаго Анто́нія смиренному́дріемъ подража́я, терпѣ́ніемъ Іову подо́бяся, не исцѣле́нія отъ болѣ́зни, но па́че протяже́нія тоя́ жела́лъ еси́ себѣ́, терпѣливоду́шне Пи́мине, да не ка́ко здра́въ бы́въ, и отъ мѣ́ста сего́ роди́телми исто́рженъ, сожи́тія преподо́бныхъ и чи́на и́хъ лиши́шися, тѣ́мъ па́че наде́жды отъ сами́хъ а́нгелъ постриже́нъ бы́лъ еси́, съ ни́миже моли́ Христа́ Бо́га спасти́ся душа́мъ на́шимъ. — Иже Предвѣ́дый тя отъ утро́бы ма́тере въ блаже́нство, смотре́ніемъ Свои́мъ пода́лъ е́сть о́бразъ спасе́нія, Іовлю попусти́ на тя́ болѣ́знь, да то́ю искуси́шися, я́ко зла́то въ горни́лѣ, тѣ́ло твое́ уязви́въ многоболѣ́зненнѣ. И ны́нѣ въ неболѣ́зненномъ сы́й поко́и, помяни́ на́съ, душе́вными болѣ́знующихъ страстьми́, Пи́мине, о́тче всеблаже́нне. — Иже мíръ возненави́дѣвъ, преподо́бне, жи́знь, наслажде́ніемъ плотски́мъ до́лу влеку́щую, на многолѣ́тную болѣ́знь премѣни́ти себѣ́ у Го́спода проси́лъ еси́, въ не́йже благоду́шествуя, Бо́гови благода́рственная вы́ну возсыла́лъ еси́, псало́мнически рекíй: прильпе́ по Тебѣ́ душа́ моя́, я́ко да пріи́метъ мя́, Христе́, десни́ца Твоя́, наставля́ющая на пу́ть пра́въ и живо́тъ вѣ́чный. — Тебѣ́, преподо́бне о́тче Пи́мине, по мно́жеству болѣ́зненныхъ искуше́ній, я́же тѣ́ломъ вселюбе́зно подъя́лъ еси́, утѣше́нія ны́нѣ въ свѣ́тѣ непристу́пномъ увеселя́ютъ ду́шу, предстои́ши бо со а́нгельскими чи́ны престо́лу Влады́чню, идѣ́же и о на́съ помоли́ся улучи́ти свы́ше ми́ръ и отъ страсте́й свобожде́ніе. — Пріиди́те, и́ночествующихъ ли́цы, восхва́лимъ Пи́мина преподо́бнаго...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА ПРЕПОДОБНОМУЧ. ѲЕОДОРУ И ВАСИЛІЮ (1855)

Преподобный Моисей Угрин, Печерский «Сою́зомъ любве́ связа́вшеся, преподо́бніи, вся́къ сою́зъ ко́зней вра́жіихъ попра́сте, страда́ніе же и сме́рть непови́ннѣ отъ сребролюби́ваго кня́зя претерпѣ́сте до́блѣ, тѣ́мъ мо́лимъ ва́съ, вку́пѣ пожи́вшихъ и вѣнцы́ муче́нія пріе́мшихъ, моли́теся Го́сподеви о на́съ, я́ко да во мно́зѣй любвѣ́, вѣ́рѣ и наде́ждѣ до́брѣ пожи́вше, всегда́ ублажа́емъ ва́съ, Ѳео́доре и Васи́ліе добропобѣ́дніи. — Все́ собра́лъ еси́ тлѣ́нное сокро́вище, и Христо́ву послѣ́дуя рече́нію, о́тче на́шъ Ѳео́доре блаже́ннѣйшій, разда́лъ еси́ то́ тре́бующимъ, и си́хъ рука́ми вне́слъ еси́ на мѣ́сто некра́домо, отню́дуже свѣ́томъ благода́ти обогати́вся, просія́лъ еси́ въ мíрѣ, а́ки со́лнце; и ны́нѣ предстоя́ со дерзнове́ніемъ Влады́цѣ, свѣ́тлыхъ твои́хъ дарова́ній луча́ми просвѣти́ пою́щія па́мять твою́. — Жела́я у́мное воспрія́ти бога́тство, о чу́вственномъ неради́лъ еси́, е́же преда́въ въ ру́цѣ ни́щихъ, са́мъ изво́лилъ еси́ въ нищетѣ́ обнища́вшему на́съ ра́ди Христу́ послѣ́довати, и Того́ кре́стъ на ра́мо воспріе́мь, тѣ́сный пу́ть проше́лъ еси́, и по кончи́нѣ блаже́ннѣй простра́нная мѣста́ наслѣ́довалъ, идѣ́же со а́нгелы водворя́яся, моли́ о восхваля́ющихъ тя́, Ѳео́доре преблаже́нне. — Треблаже́нніи отцы́, до́бліи ору́жницы Христо́вы, вы́ глаго́ломъ непреста́нныя моли́твы, воспріе́мше щи́тъ несумнѣ́нныя вѣ́ры, упова́ніемъ же на Бо́га препоя́савшеся, побѣди́ли есте́ де́монскія полки́, и въ кро́ви муче́ній свои́хъ ри́зы испра́вше, внидо́сте въ Черто́гъ небе́сный, отню́дуже и на́съ не забу́дите, но уще́дрите ны́, прося́ще на́мъ у Христа́ Бо́га ми́ра и ве́лія ми́лости...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА ПРЕП. ІОАННУ МНОГОСТРАДАЛЬНОМУ (1855)

Преподобный Иоанн Многострадальный, Печерский «Отче Іоа́нне богому́дре, многоско́рбный пу́ть жи́зни сея́ теку́щи, попра́лъ еси́ терноно́сныя стра́сти плотскíя и мно́гими по́двиги дости́глъ еси́ кра́я у́мнаго жела́нія, идѣ́же ны́нѣ веселя́ся, моли́ о на́съ, преподо́бне, при стези́ лежа́щія собла́зны попра́ти и дости́гнути, идѣ́же всѣ́хъ веселя́щихся безконе́чное весе́ліе. — Отче Іоа́нне блаже́нне, ду́шу свою́ Бо́гови хотя́ украси́ти чи́стыхъ помышле́ній испещре́ньми, вре́менную сію́ жи́знь презрѣ́лъ еси́, въ те́мную пеще́ру всели́вся и въ не́й жи́въ погре́бся, жела́я отъ тѣ́ла резрѣши́тися и со Христо́мъ жи́ти. Съ Ни́мже ны́нѣ водворя́яся, не забу́ди и на́съ, почита́ющихъ святу́ю па́мять твою́. — Отче Іоа́нне преподо́бне, вѣ́чныхъ бла́гъ жела́ніемъ разжиза́емь, тя́жкія стра́сти пло́ти своея́ связа́лъ еси́ тя́жкихъ у́зъ обложе́ніемъ и не сотвори́лъ себѣ́ осла́бы, до́ндеже прія́лъ еси́ осла́бу отъ Свѣ́та Боже́ственнаго, въ Не́мже ны́нѣ ра́дуяся, моли́ о на́съ, порабо́тити стра́сти ду́ху на́шему и легко́ прейти́ къ животу́ безконе́чному. — Отче Іоа́нне, егда́ жела́ніе любве́ Бо́жія всели́ся во святу́ю твою́ ду́шу, тогда́ вра́гъ началозло́бный тща́шеся сіе́ отъя́ти, волну́ющуюся бу́рю плотски́хъ разжиза́ній наведе́ на тя́, ю́же ты́ ощути́въ, ста́лъ еси́ на ка́мени тве́рдаго страда́нія и неподви́женъ пребы́лъ, до́ндеже сія́ укроти́лъ еси́ Свѣ́та Боже́ственнаго явле́ніемъ; и ны́нѣ ра́дуяся въ небе́сныхъ дво́рѣхъ, низпосли́ благода́ть къ безстра́стію и на́мъ, свя́те, моли́твами твои́ми. — Положи́лъ еси́ житіе́ твое́ въ те́мнѣй пеще́рѣ, о́тче, неисхо́дно, до́ндеже...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА ПРЕП. МОИСЕЮ УГРИНУ (1855)

Преподобный Моисей Угрин, Печерский «Чистотѣ́ душе́вной прилѣжа́, чистоту́ тѣле́сную вы́ну соблю́лъ еси́, о́тче на́шъ Моисе́е, е́юже укра́шенъ, послѣ́дуеши ны́нѣ непоро́чному и пречи́стому Агнцу, за ве́сь мíръ закла́нному Сы́ну Бо́жію, Ему́же о на́съ моли́ся, преподо́бне, соблюсти́ ри́зу души́ на́шей въ жи́зни се́й нескве́рну и вни́ти въ Черто́гъ небе́сный. — Моисе́ю богови́дцу уподо́бился еси́, свя́те, у́мнѣ бо, я́коже въ купинѣ́, въ души́ свое́й Бо́га зря́, къ стра́ху Его́ у́мъ сво́й пригвозди́лъ еси́ и, то́й при́сно предъ очи́ма имѣ́я, жела́ніемъ, а́ки пла́менемъ, въ любо́вь Бо́жію распали́лся еси́, отъ нея́же никогда́же не отступи́лъ еси́. И ны́нѣ престо́лу Вели́чествія на высо́кихъ предстоя́, моли́ о на́съ, да жи́знь на́шу безстра́стнѣ пре́йдемъ и яви́мся лицу́ Бо́жію. — Ду́ха Пресвята́го благода́ть, все́льшися въ чи́стую ду́шу твою́, непреодолѣ́нна тя́ сотвори́ всѣ́ми прило́ги человѣкоубíйцы, на него́же и побѣ́ду пріе́мь, по́мощію Христо́вою кова́рства того́ посѣ́клъ еси́ и непреобори́мь во́инъ показа́лся еси́, и ны́нѣ престо́лу Влады́чню предстоя́, моли́ дарова́ти на́мъ ми́ръ и ве́лію ми́лость. — Пріиди́те, празднолю́бныхъ собо́ри, духо́вный ли́къ соста́вльше, па́мять богоно́снаго отца́ на́шего Моисе́я, крѣ́пкаго страда́льца, въ лѣ́тнѣмъ торжествѣ́ восхва́лимъ; то́й бо на неви́димаго врага́, нечи́стыми страстьми́ запя́ти чистотѣ́ его́ хотя́щаго, крѣ́пко подвиза́ся и чистоты́ ра́ди мно́го пострада́, упова́ніе же имы́й къ Бо́гу, вѣнцено́сецъ показа́ся, и ны́нѣ предстоя́ Святѣ́й Тро́ицѣ, мо́лится о душа́хъ на́шихъ. — Друга́го тя́ Іо́сифа, вели́кій чистоты́ и цѣлому́дрія рачи́телю...» (Кіевъ, 1855.) далѣе...


МИНЕЯ, МѢСЯЦЪ ІЮЛЬ (1894)

Святой равноапостольный Великий Князь Владимир «Святíи безсре́бреницы и чудотво́рцы Космо́ и Даміа́не, посѣти́те не́мощи на́ша: ту́не прія́сте, ту́не дади́те на́мъ. — Отъ ю́ности воспрія́лъ еси́ Христа́ въ души́ твое́й, преподо́бне, и па́че всего́ вожделѣ́лъ еси́ мірска́го мяте́жа уклони́тися: му́жески въ пусты́ню всели́лся еси́ и ча́да послуша́нія въ не́й, плоды́ смире́нія, возрасти́лъ еси́. Тѣ́мъ, бы́въ Тро́ицѣ вселе́ніе, чудесы́ твои́ми всѣ́хъ просвѣти́лъ еси́, приходя́щихъ къ тебѣ́ вѣ́рою, и исцѣле́нія всѣ́мъ подая́ оби́льно. Отче на́шъ Се́ргіе, моли́ Христа́ Бо́га, да спасе́тъ ду́ши на́ша. — Крила́ми богоразу́мія впери́вши тво́й у́мъ, возлетѣ́ла еси́ превы́ше ви́димыя тва́ри, взыска́вши Бо́га и Творца́ вся́ческихъ, и, Того́ обрѣ́тши, па́ки рожде́ніе креще́ніемъ прія́ла еси́, дре́ва живо́тнаго наслажда́ющися, нетлѣ́нна во вѣ́ки пребыва́еши, Ольго присносла́вная. — Подо́бствовавъ вели́кому апо́столу Па́влу, въ сѣди́нахъ, всесла́вне Влади́міре, вся́, я́ко младе́нческая, мудрова́нія, я́же о и́долѣхъ тща́нія, оста́вль, я́ко му́жъ соверше́нный, украси́лся еси́ боже́ственнаго креще́нія багряни́цею, и ны́нѣ, Спа́су Христу́ въ весе́ліи предстоя́, моли́ спасти́ся держа́вы Россíйскія нача́льникомъ и мно́жеству владо́мыхъ. — Во пло́ти а́нгелъ, проро́ковъ основа́ніе, вторы́й предте́ча прише́ствія Христо́ва, Илія́ сла́вный, свы́ше посла́вый Елиссе́еви благода́ть неду́ги отгоня́ти и прокаже́нныя очища́ти, тѣ́мже и почита́ющимъ его́ то́читъ исцѣле́нія. — Бо́же оте́цъ на́шихъ, творя́й при́сно съ на́ми по Твое́й кро́тости, не отста́ви ми́лость Твою́ отъ на́съ, но моли́твами и́хъ въ ми́рѣ упра́ви живо́тъ на́шъ...» (Кіевъ, 1894.) далѣе...


МИНЕЯ, МѢСЯЦЪ ІЮНЬ (1893)

Святой Пророк, Предтеча и Креститель Господень Иоанн «Пео́нъ, до́блій страда́лецъ, Валеріа́нъ, и Харито́нъ, и Хари́та съ ни́мъ, и боже́ственный Іусти́нъ, Еве́лпистъ и Іера́ксъ сла́вный, оде́жду отъ крове́й боже́ственныхъ обагри́вшіи, и, одѣ́явшеся вку́пѣ, Влады́цѣ всѣ́хъ на небесѣ́хъ со а́нгелы, Царю́ Христу́, предстоя́тъ. — Благосказа́ніемъ слове́съ твои́хъ, свяще́нне Кири́лле, Це́рковь вся́ украша́ется, и благоче́стно удобря́ется кра́сными добро́тами, и почита́етъ свяще́нно твою́ святу́ю и благонаро́читую па́мять, правосла́вныхъ похвало́, отце́въ верхо́вниче, и́же на собо́рѣ Всесвяты́я побо́рниче. — Яко кри́нъ, въ пусты́ни Дави́дски процвѣ́лъ еси́, о́тче Кири́лле, злостра́стія те́рніе искореня́я, и собра́лъ еси́ въ не́й учени́къ мно́жество, стра́хомъ Бо́жіимъ и уче́ніемъ твои́мъ наставля́емыхъ, и́хже и до конца́, я́ко чадолюби́вый оте́цъ, не оста́вилъ еси́, посѣща́я, да вси́ вопіе́мъ: сла́ва Да́вшему ти́ крѣ́пость, сла́ва Вѣнча́вшему тя́, сла́ва Дѣ́йствующему тобо́ю всѣ́мъ исцѣле́нія. — Проро́че и Предте́че прише́ствія Христо́ва, досто́йно восхвали́ти тя́ недоумѣ́емъ мы́, любо́вію чту́щіи тя́: непло́дство бо ро́ждшія и о́тчее безгла́сіе разрѣши́ся сла́внымъ и честны́мъ твои́мъ рождество́мъ, и воплоще́ніе Сы́на Бо́жія мíрови проповѣ́дуется. — Яко благочести́ваго ко́рене пречестна́я о́трасль бы́лъ еси́, до́брѣ во благоче́стіи пожи́въ, блаже́нне Пе́тре, та́ко и съ супру́жницею твое́ю, прему́дрою Февро́ніею, въ мíрѣ Бо́гу угоди́вше и преподо́бныхъ житію́ сподо́бистеся. Съ ни́миже моли́теся Го́сподеви сохрани́ти безъ вре́да оте́чество ва́ше, да ва́съ непреста́нно почита́емъ...» (Кіевъ, 1893.) далѣе...


МИНЕЯ, МѢСЯЦЪ МАЙ (1893)

Святые равноапостольные Константин и Елена «Го́споди, Ты́, пре́жде созда́тися, проразумѣ́лъ еси́ Іеремíю сла́внаго и, пре́жде рожде́нія изъ ложе́снъ, проро́ка освяти́лъ еси́, я́ко провѣ́дый вои́стинну ра́зума свобо́дное, его́же моли́твами, я́ко Ми́лостивъ, спаси́ ду́ши на́ша. — Иже безсме́ртныя жи́зни сподо́бленъ, егда́ Единосу́щнаго и Соприсносу́щнаго Отцу́ Безнача́льному Роди́телю Сы́на и Сло́ва, Животода́вца Христа́ проповѣ́далъ еси́, тогда́ о́гненнымъ твои́мъ язы́комъ попали́лъ еси́ ве́щь ересе́й, сла́вне, отгна́въ отъ Це́ркве Христо́вы Арія, и боже́ственными словесы́ просвѣти́лъ еси́ благочести́выхъ сердца́ му́дре, покланя́тися Тро́ицѣ во еди́номъ Существѣ́. — Углемъ Божества́ воплоще́нному очище́нъ, проро́честву увѣ́рися вели́кій и сла́вный Иса́ія, и, Боже́ственную сла́ву ви́дѣти сподо́блься, мно́гимъ добродѣ́тели бога́тствомъ и чистото́ю проповѣ́дникъ предполага́ется и провозвѣща́етъ бу́дущее спасе́ніе язы́комъ и Боже́ственное явле́ніе. — Ору́жіе крѣпча́йшее царю́ на́шему да́лъ еси́, Кре́стъ Тво́й честны́й, и́мже ца́рствова на земли́ пра́веднѣ, просія́въ благоче́стіемъ, и Ца́рствія небе́снаго сподо́бися милосе́рдіемъ Твои́мъ. Съ ни́мже Твое́ человѣколю́бное смотре́ніе сла́вимъ, Іису́се Всеси́льне, Спа́се ду́шъ на́шихъ. — Вои́стинну ты́ яви́лся еси́ и́стиненъ дру́гъ и напе́рсникъ вели́къ Учи́телю Христу́: на пе́рси бо возле́гъ, отъ ни́хже поче́рплъ еси́ прему́дрости догма́ты, и́миже обогаща́еши о́крестъ всю́ зе́млю, я́ко богоглаго́льникъ Бо́жій. Тѣ́мже и содержа́щи сія́ кра́сная Христо́ва Це́рковь, ны́нѣ ра́дующися, весели́тся...» (Кіевъ, 1893.) далѣе...


МИНЕЯ, МѢСЯЦЪ АПРѢЛЬ (1893)

Святой великомученик Георгий Победоносец «Тебѣ́ у́бо возбраня́ше честны́хъ взира́нія скве́рнъ пре́жде привлече́нное скверне́ніе; твое́ же чу́вство и твоя́, богому́драя, содѣ́янныхъ со́вѣсть къ лу́чшимъ тебѣ́ обраще́ніе содѣ́яша. На ико́ну бо воззрѣ́вши благослове́нныя Богоотрокови́цы, всѣ́хъ пока́явшися прегрѣше́ній твои́хъ, всехва́льная, пре́жнихъ, со дерзнове́ніемъ Честно́му Дре́ву поклони́лася еси́. — Мѵ́ро твоя́ мо́щи источа́ютъ всегда́, святи́телю богодухнове́нне: Христо́во же благоуха́ніе вои́стинну бы́лъ еси́, пре́лести злосмра́діе низложи́въ терпѣли́вно, я́ко страда́лецъ, му́чениче, сопротивле́ніемъ. Тѣ́мже тя́ мо́лимъ: помяни́ вся́, вѣ́рою тя́ помина́ющія, ко Го́споду дерзнове́ніе стяжа́въ. — Отче преподо́бне Зоси́мо, впери́въ у́мъ тво́й къ Бо́гу вѣ́рою, мірска́го смѣше́нія возгнуша́лся еси́ непостоя́ннаго и, кре́стъ тво́й взе́мъ, Всеви́дцу послѣ́довалъ еси́, тѣ́ло непокори́вое по́двиги воздержа́нія по́мыслу порабо́тивъ си́лою Боже́ственнаго Ду́ха. — Яко до́бля въ му́ченицѣхъ, страстоте́рпче Гео́ргіе, соше́дшеся дне́сь, восхва́лимъ тя́, я́ко тече́ніе соверши́въ, вѣ́ру соблю́лъ еси́ и прія́тъ отъ Бо́га побѣ́ды твоея́ вѣне́цъ. Его́же моли́ отъ тли́ и бѣ́дъ изба́витися вѣ́рою соверша́ющимъ всечестну́ю па́мять твою́. — Богогла́сныхъ слове́съ написа́теля, вѣ́рніи, и Еги́пта вели́каго наста́вника, досто́йно воспое́мъ, вопію́ще: Ма́рко му́дре, уче́ніи и моли́твами твои́ми къ невла́емому житію́ наставля́ти всѣ́хъ на́съ не преста́й, Христо́въ учениче́. — Апо́столъ Христо́въ бы́лъ еси́ избра́нный и Богосло́ву возлю́бленному бра́тъ единоро́дный, всехва́льне Іа́кове, пою́щимъ тя́...» (Кіевъ, 1893.) далѣе...


ПЕЧЕРСКАЯ МИНЕЯ. СЛУЖБА СВ. ПРАВ. ІУЛІАНІИ, КН. ОЛЬШАНСКОЙ (1855)

Святая праведная дева Иулиания, княжна Ольшанская «Дѣ́вства чистото́ю укра́шена, непоро́чно и пра́ведно тече́ніе земно́е соверши́ла еси́, Іуліанíе достохва́льная, и Жениху́ Безсме́ртному сочета́лася еси́ кончи́ною блаже́нною, Иже и по сме́рти нетлѣ́ніемъ и чудесы́ тя просла́ви, невѣ́сту Свою́ возлю́бленную, и дарова́ на́мъ въ тебѣ́ моли́твенницу неусы́пну о душа́хъ на́шихъ. — Колесни́цею добродѣ́телей востекла́ еси́ въ го́рняя селе́нія, прекра́сная дѣ́во Іуліанíе, на́мъ же честны́я мо́щи твоя́, нетлѣ́ніемъ процвѣ́тшія и чудесы́ точа́щія, я́ко наслѣ́діе бога́тое, оста́вила еси́. Тѣ́мже, обрѣ́теніе и́хъ свѣ́тло пра́зднующе, мо́лимъ тя́, невѣ́сто Христо́ва, моли́ся вы́ну ко Го́споду о душа́хъ на́шихъ. — Жениха́ Нетлѣ́ннаго красото́ю уязви́вши се́рдце твое́, Того́ вседу́шно возлюби́ла еси́, дѣ́во Іуліанíе, и, Тому́ непоро́чно дѣ́вство твое́ сохра́нши, сподо́билася еси́ вни́ти въ черто́гъ Его́ бра́чный, идѣ́же со святы́ми наслажда́яся блаже́нства неконча́емаго, помяни́ въ моли́твахъ твои́хъ ко Го́споду почита́ющихъ любо́вію святу́ю па́мять твою́ и моли́ся о душа́хъ на́шихъ. — Яко непоро́чная невѣ́ста Нетлѣ́ннаго Жениха́ Христа́, пра́ведная дѣ́во Іуліанíе, съ свѣ́тлою свѣще́ю до́брыхъ дѣ́лъ вошла́ еси́ въ черто́гъ Его́ небе́сный и та́мо со святы́ми блаже́нства вѣ́чнаго наслажда́ешися. Тѣ́мже моли́, Его́же возлюби́ла еси́ и Ему́же дѣ́вство твое́ обручи́ла еси́, спасти́ ду́ши на́ша. — Хра́мъ Бо́жій одушевле́нный, дѣ́вственною чистото́ю благоукра́шенный, вѣ́мы тя́, свята́я и пра́ведная дѣ́во, княжно́ Іуліанíе, тѣ́мже, съ любо́вію пра́зднующе святы́хъ моще́й твои́хъ обрѣ́теніе, мо́лимъ тя́...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА ПРЕП. АНТОНІЮ ПЕЧЕРСКОМУ (1855)

Преподобный Антоний Печерский «Святы́я горы́ вели́кихъ отце́въ стопа́мъ послѣ́довалъ еси́, о́тче Анто́ніе, и, я́ко безпло́тенъ, въ пло́ти подвиза́вся, о́бразъ добродѣ́телей мно́гимъ бы́лъ еси́. Отону́дуже и даро́въ чуде́съ отъ Христа́ сподо́бился еси́, исцѣля́ти человѣ́ковъ разли́чныя неду́ги, и ны́нѣ моли́ спасти́ся душа́мъ на́шимъ. — Нача́льникъ мона́шествующихъ бы́въ, о́тче Анто́ніе, себе́ первонача́токъ Бо́гу прине́слъ еси, воздержа́ніемъ умерщвля́емь; смире́нія же высо́кими нра́вы и безмѣ́рнымъ поще́ніемъ врага́ посрами́лъ еси́, преподо́бне, моли́ спасти́ся душа́мъ на́шимъ. — Свѣтоно́сная па́мять твоя́, о́тче преподо́бне Анто́ніе, испо́лнена ра́дости и весе́лія яви́ся, отону́дуже свяще́нная твоя́ ча́да, соше́дшеся, духо́вно пра́зднующе, прославля́емъ Го́спода, тебе́ и́скренно просла́вльшаго. — Дне́сь гора́ Аѳо́нская, я́коже но́ваго Авраа́ма пресе́льника, тебе́ пресла́вно, о́тче, пріе́мши, ра́дуется; твое́ же оте́чество, блаже́нне, па́ки сожи́теля тя́ иму́щи, зѣло́ весели́тся; и пеще́ра, въ не́йже подвиза́лся еси́, о тебѣ́ красу́ется; пресвѣ́тлый гра́дъ Кíевъ, па́мять твою́ пра́зднуя, торже́ственная Го́споду воспѣва́етъ, тя́ стѣ́ну неразори́му сему́ дарова́вшаго; мы́ же, ча́да твоя́, твои́мъ науче́ніемъ наставля́еми, ны́нѣ пресла́вное твое́ успе́ніе пра́зднующе, мо́лимся: моли́ спасти́ся душа́мъ на́шимъ. — Отъ земны́хъ къ небе́снымъ оби́телемъ пресла́вно, о́тче, преше́лъ еси́ и та́мо преподо́бныхъ че́сти сподо́бился еси́, съ ни́миже моли́ спасти́ся душа́мъ на́шимъ. — Тѣле́сная чу́вства воздержа́ніемъ, о́тче, умертви́лъ еси́, тѣ́мъ и въ те́мную пеще́ру, я́ко въ пресвѣ́тлый черто́гъ...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА ПРЕП. АГАПИТУ, ВРАЧУ БЕЗМЕЗДНОМУ (1855)

Преподобный Агапит Печерский, врач безмездный «Духо́вныя благода́ти дарова́ніе изоби́льно пріе́мь свы́ше, Ага́пите преподо́бне, а́ки рѣ́чными струя́ми, всѣ́хъ напая́еши и моли́твами твои́ми подае́ши исцѣле́ніе всѣ́мъ, съ вѣ́рою къ тебѣ́ притека́ющимъ. Сего́ ра́ди и мы́, дерзнове́ніе пріе́мше, кла́няемся ра́цѣ моще́й твои́хъ и про́симъ, да пода́си душа́мъ и тѣлесе́мъ на́шимъ исцѣле́ніе. — Стра́сти безслове́сныя ума́ чистото́ю и непреста́нными въ моли́твахъ стоя́ніи покори́въ ду́ху, всеблаже́нне, прія́лъ еси́ благода́ть исцѣле́нія и подае́ши неоску́дно всѣ́мъ прося́щимъ отъ тебе́ по́мощи. Тѣ́мже и мы́, твое́ почита́юще успе́ніе, мо́лимтися прилѣ́жно: я́ко вра́чь безме́здный пода́ждь душа́мъ и тѣлесе́мъ на́шимъ исцѣле́ніе. — Ра́ка моще́й твои́хъ, о́тче преподо́бне Ага́пите, свѣтоза́рное не́бо явля́ется, показу́я чудеса́, я́ко лучено́сныя звѣ́зды, и подае́тъ благода́тное исцѣле́ніе съ наде́ждою къ не́й притека́ющимъ. Сего́ ра́ди и мы́, упова́ніе иму́ще, мо́лимтися прилѣ́жно дарова́ти душа́мъ и тѣлесе́мъ на́шимъ въ страсте́хъ поможе́ніе. — Отъ духо́вныхъ дарова́ній струи́ исцѣле́ній изводя́, сла́вне, мно́гими страстьми́ содержи́мымъ, твоего́ тре́бующимъ заступле́нія, пода́ждь ско́рую по́мощь свы́ше, струя́ми чуде́съ твои́хъ прохлажда́я и прогоня́я отъ лука́ваго наноси́мыя болѣ́зни, я́ко да, почерпа́юще исцѣле́нія вси́ ту́не, сла́вимъ Отца́ Небе́снаго, и велича́емъ Безлѣ́тнаго Сы́на Его́, съ Присносу́щнымъ Ду́хомъ Его́, и тя́, о́тче Ага́пите, вси́ ублажа́емъ. — Богоно́снаго Анто́нія ревну́я смиренному́дрію, а́ки нѣ́кіимъ врачевство́мъ — зе́ліемъ снѣ́днымъ, исцѣля́лъ еси́ боля́щія...» (Кіевъ, 1855.) далѣе...


ПЕЧЕРСКАЯ МИНЕЯ. СЛУЖБА СВТ. СИМОНУ, ЕП. ВЛАДИМІРСКОМУ (1855)

Собор преподобных отцов Киево-Печерских «Ра́дуйся, церко́вное украше́ніе, святи́тельская добро́то, о́тче свяще́ннѣйшій, па́стырю до́брый, и́же Пастыренача́льника Іису́са отъ ю́ности своея́ возлюби́въ, все́ю душе́ю Тому́ при́сно порабо́талъ еси́, на́съ, страстьми́ порабоще́нныхъ, отъ души́ тебѣ́ припа́дающихъ, на пе́рвую свобо́ду приведи́ моли́твами твои́ми. — Ра́дуйся, люби́телю Христа́, Го́спода своего́, те́плѣйшій, Си́моне досточу́дне, и́же теплото́ю духо́вныя благода́ти зѣ́льнѣ въ любо́вь Бо́жію распали́вся, вся́ кра́сная мíра сего́ презрѣ́лъ еси́ и у́мъ сво́й въ послуша́ніе Христо́во плѣни́лъ еси́, тѣ́мже ны́нѣ, я́ко свобо́дь, въ свобо́дныхъ живы́й мѣ́стѣхъ, на́ша у́мы, вра́жіими прило́ги плѣне́нныя, свободи́, о́тче блаже́нне, и твои́мъ къ Бо́гу хода́тайствомъ отъ бѣ́дъ изба́ви, мо́лимтися, о́тче, па́мять твою́ почита́юще. — Молва́ми житія́ сего́ одержи́мыхъ и на пути́ страсте́й заблужда́ющихъ, Си́моне, святи́телю прему́дрѣйшій, твои́мъ му́дрымъ уче́ніемъ наставля́я и вразумля́я, приве́лъ еси́ на спасе́нія стезю́, бы́въ тѣ́мъ руководи́тель къ высотѣ́ небе́сной, идѣ́же и са́мъ ны́нѣ со а́нгелы водворя́яся, наста́ви твои́мъ неви́димымъ управле́ніемъ въ живо́тъ и спасе́ніе ду́ши на́ша. — Ско́рый язы́къ тво́й ко уче́нію лѣни́выхъ сердца́ и ны́нѣ возставля́етъ и призыва́етъ къ дѣ́ланію за́повѣдей Госпо́днихъ; па́стырская же свирѣ́ль твоя́ возглаша́етъ боговѣща́нная словеса́, и́миже, я́ко лѣ́ствицею, слы́шащіи возно́сятся и Бо́гу присвоя́ются, тѣ́мже Си́моне, о́тче преподо́бне, я́ко имы́й дерзнове́ніе ко Христу́ Бо́гу, не преста́й моля́ся, да просвѣти́мся свѣ́томъ ра́зума...» (Кіевъ, 1855.) далѣе...

Просьба о молитвенной поддержкѣ

Просимъ молитвъ нашихъ читателей о здравіи и спасеніи рабовъ Божіихъ, Александра, Людмилы, Евгенія, Александра, Анны, Раисы, чьими трудами созданъ и поддерживается нашъ сайтъ.

Нашъ баннеръ

Просимъ Васъ поддержать нашъ сайтъ:

Баннеръ Размѣры Кодъ баннера
88 x 31 <!--osanna.russportal.ru-->
<a href=http://osanna.russportal.ru><img src=http://osanna.russportal.ru/image/osanna88x31.gif width="88" height="31" border=0 title='Собрание Богослужебных текстов Православной Церкви'></a>
<!--osanna.russportal.ru-->


Наверхъ

0