Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - суббота, 18 августа 2018 г. Сейчасъ на порталѣ посѣтителей - 9.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ОСАННА

«ОСАННА» — ОДИНЪ ИЗЪ ПРОЕКТОВЪ «РУССКАГО ПОРТАЛА»

Сайтъ основанъ 4 Апрѣля 2011 г. (17 Апрѣля 2011 г. по н. ст.) въ день Входа Господня въ Іерусалимъ — Недѣлю Ваій.
RSS-каналъ сайтаhttp://www.russportal.ru/news/rss.php?h=8.         Разсылка новостейhttp://www.russportal.ru/subscribe
Экспортъ новостей въ «Живомъ журналѣ»http://russportal.livejournal.com

Изъ слова свт. Іоанна, архіеп. Шанхайскаго и Санъ-Францисскаго († 1966 г.)

Почему съ молитвами Животворящему Кресту соединяются молитвы о царяхъ?

Егда́ ца́рства правосла́вная на земли́ падо́ша и забве́нію пре́дана бы́ша, не преста́лъ еси́ побѣ́ды проси́ти царе́мъ благовѣ́рнымъ въ дре́внихъ пѣ́снехъ неизмѣ́нно, я́ко тѣ́хъ держа́ва то́чію благослове́нна е́сть отъ Бо́га оте́цъ на́шихъ (Изъ службы свт. Іоанну, архіеп. Шанхайскому, канонъ, пѣснь 8-я, троп. 3-й).

Свт. Иоанн, архиеп. Шанхайский и Сан-ФранцисскийПравославная Церковь, исполняя наставленіе апостола Павла молиться за царей, даже языческихъ, поскольку они являются защитниками порядка, а не гонителями Вѣры, всегда возносила моленіе Богу, чтобы сила крестная помогала уповающимъ на крестъ царямъ. Службы святому кресту по средамъ и пятницамъ, въ кои дни воспоминаются страданія Христовы, и въ другіе праздники Животворящаго креста полны такихъ моленій. Въ нихъ говорится: «Крестъ царей держава», «о тебѣ вѣрнѣйшіе царіе наши хвалятся, яко твоею силою исмаильтейскіе люди державно покаряюще», «побѣды благовѣрнымъ царемъ на сопротивныя даруя и Твое сохраняя Крестомъ Твоимъ жительство», «древо честное царемъ на варвары побѣду подающее»... Такими и тому подобными выраженіями наполнены службы кресту. — Замѣчательно, что многія изъ сихъ пѣснопѣній написаны святыми Отцами, которые сами жестоко страдали отъ царей иконоборцевъ; они не прекращали моленія за царей, твердо вѣря, что послѣ злыхъ царей будутъ и цари благочестивые. Не измѣняли тѣ молитвы православные греки и южные славяне и находясь подъ властью турокъ или чужихъ чужеземныхъ властей, хотя бы они были иновѣрными. далѣе>> (Свт. Іоаннъ, архіеп. Шанхайскій и Санъ-Францисскій († 1966 г.)

Анонсы обновленій

"ТРІОДЬ ПОСТНАЯ". СЛУЖБА ВЪ СРЕДУ 5-Й СЕДМИЦЫ ПОСТА (1864)

Господь Вседержитель «Бра́шно любо́вь творя́ще, воздержа́ніемъ стра́сти удержи́мъ, вѣ́рніи, и Бо́гу, на́съ ра́ди возне́сшемуся на Крестѣ́ и копіе́мъ пробо́дшемуся въ ре́бра, пожи́ти благоуго́дно веде́мся, да пи́щи наслади́мся вѣ́чныя и лу́чшія, сла́вяще Спа́са ду́шъ на́шихъ. — Дре́вомъ дре́вле сме́рть обрѣто́хомъ, ны́нѣ же па́ки жи́знь — Дре́вомъ Кре́стнымъ, страсте́й у́бо стремле́нія умертви́мъ, вѣ́рніи, и дости́гнути спаси́тельное Воскресе́ніе всѣ́хъ Благодѣ́теля мо́лимъ, дѣя́ньми боже́ственными сія́юще и добродѣ́тельми украша́еми, сла́вяще Спа́са ду́шъ на́шихъ. — Живоно́сный Тво́й Кре́стъ похваля́емъ, Го́споди, и на́съ ра́ди свяще́нная пло́ти Твоея́ Страда́нія: копіе́ же, заколе́нія, посмѣя́нія, оплева́нія, біе́нія, и зауше́нія съ багряни́цею, и вѣне́цъ терноплете́нный, и́миже отъ кля́твы вся́ изба́вивъ, спа́слъ еси́ ны́. Тѣ́мже мо́лимъ Тя́: посто́въ вре́мя ми́рно сконча́ти пода́ждь на́мъ. — Поползну́вся отъ пра́ваго пути́ Твоего́, отъ страсте́й окая́нный низпадо́хся въ ро́въ, леви́тъ же со свяще́нникомъ ви́дѣвше мя́, претеко́ша. Ты́ же, Христе́, поми́ловалъ еси́ мя́, и ору́жіемъ Креста́ грѣхо́вное рукописа́ніе растерза́въ, безстра́стіемъ уясни́лъ еси́ и Отцу́ сосѣда́теля сотвори́лъ еси́. Тѣ́мже зову́ Тебѣ́: Непостижи́ме Го́споди, сла́ва Тебѣ́! — Дре́ва вкуси́въ Ада́мъ не въ лѣ́поту, невоздержа́нія го́рцѣ плоды́ объя́тъ; возне́сжеся на Дре́во, сего́ изба́вилъ еси́, Ще́дре, осужде́нія лю́таго. Тѣ́мже Ти́ вопіе́мъ: да́ждь на́мъ воздержа́тися, Влады́ко, отъ плода́ тлетво́рнаго и твори́ти во́лю Твою́, я́ко да обря́щемъ ми́лость...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВО ВТОРНИКЪ 5-Й СЕДМИЦЫ ПОСТА (1864)

Господь Вседержитель «Да́вый на́мъ поще́нія вре́мя обрати́тися, и живы́мъ бы́ти, и ника́коже поги́бнути, Сло́ве Бо́жій, сподо́би всѣ́хъ благоугоди́ти Тебѣ́ до́брѣ и те́плымъ умиле́ніемъ послужи́ти Тебѣ́, Христе́, я́коже блудни́ца о́ная, цѣлому́дренная и честна́я, иногда́ мѵ́ромъ и излія́ньми те́плыхъ сле́зъ прегрѣше́ній пріи́мши оставле́ніе. — Якоже слѣпы́й отъ се́рдца зову́ Ти́: Сы́не Бо́жій, просвѣти́ мои́ о́чи серде́чныя! Якоже вѣ́рная ханане́я вопію́ Ти́: поми́луй мя́, Ще́дре, и́бо ду́шу бѣсну́ющуюся и́мамъ въ сласте́хъ! Юже премѣни́въ отъ тмы́ страсте́й, про́чее жи́ти чи́стѣ сотвори́, да сла́влю Твою́ мно́гую благосты́ню. — Богосвѣ́тлая благода́ть воздержа́нія возсія́вши на́мъ дне́сь со́лнца свѣтлѣ́е, ду́ши на́ша просвѣща́етъ, я́коже о́блаки стра́сти грѣхо́вныя отгоня́ющи. Сего́ ра́ди вси́ притеце́мъ, благоду́шно сію́ лобыза́юще, ра́дующеся соверша́емъ боже́ственное по́прище того́, его́же въ весе́ліихъ учрежда́ющеся, возопіи́мъ Христу́: освяти́, Бла́же, сіе́ соверша́ющія вѣ́рно. — Прегрѣши́вше отъ преступле́нія пе́рваго, отъ ра́йскія сла́дости и наслажде́нія веде́ни бы́хомъ въ безче́стнѣйшую жи́знь, добродѣ́телей бо подоба́ющаго и хва́льнаго житія́ совле́кшеся прегрѣше́ньми, я́ко въ разбо́йники впадо́хомъ, и́сполу же ме́ртвы есмы́, прегрѣши́вше отъ спаси́тельныхъ уче́ній Твои́хъ. Но мо́лимъ Тя́, отъ Марíи яви́вшагося и безстра́стно Страсте́мъ прибли́жившагося Влады́ку: обяжи́ на́ша я́же отъ грѣха́ прибы́вшія стру́пы и безмѣ́рное Твое́ милосе́рдіе излива́й на ны́, Твое́ исцѣли́тельное попече́ніе, я́ко Человѣколю́бецъ...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ ПОНЕДѢЛЬНИКЪ 5-Й СЕДМИЦЫ ПОСТА (1864)

Монограмма Христа «Вели́кія, вѣ́рніи, во вре́мя пока́жемъ воздержа́нія труды́, я́ко да сла́ву вели́кую получи́мъ, ми́лостію вели́каго Бо́га избавля́еми пла́мене гее́нскаго. — Вре́мя поще́нія ны́нѣ преполови́вше, нача́ло боже́ственнаго житія́ я́вѣ пока́жемъ, и въ коне́цъ добродѣ́тельнаго жи́тельства дости́гнути те́плѣ потщи́мся, я́ко да пріи́мемъ сла́дость нестарѣ́емую. — Преполови́вше се́й свяще́нный поще́нія пу́ть, къ бу́дущему ра́достію потеце́мъ, благотворе́нія еле́емъ ду́ши пома́завше, я́ко да сподо́бимся Христа́ Бо́га на́шего и Боже́ственнымъ Страсте́мъ поклони́тися, предвари́ти и стра́шное, и свято́е Воскресе́ніе. — Виногра́дъ насади́вый и дѣ́латели призва́вый, бли́зъ е́сть Спа́съ. Пріиди́те, поще́нія подви́жницы, мзду́ воспріи́мемъ, я́ко бога́тъ е́сть Да́вецъ и ми́лостивъ: ма́ло дѣ́лавше, пріи́мемъ душе́вную ми́лость. — Въ разбо́йническія по́мыслы впа́дъ Ада́мъ, прельсти́ся умо́мъ и уязви́вся душе́ю, лежа́ше на́гъ заступле́нія. Ни свяще́нникъ же, пре́жде зако́на, вня́тъ ему́, ниже́ леви́тъ, по зако́нѣ, воззрѣ́въ на́нь, то́кмо Ты́, прише́дый Бо́же, не отъ Самарíи, но отъ Богоро́дицы, Го́споди, сла́ва Тебѣ́! — Краснѣ́йшее вре́мя наста́, достохва́льный де́нь возсія́ воздержа́нія, бра́тіе, потщи́мся очи́ститися, я́ко да яви́мся чи́сти Сотво́ршему и красоту́ Его́ получи́мъ моли́твами Того́ Роди́вшія, еди́ныя Чи́стыя Богома́тере. — Го́споди, да́вый на́мъ предвари́ти дне́шній де́нь, седми́цу святу́ю предсія́ющую свѣ́тло, Ла́зарево отъ ме́ртвыхъ воста́ніе стра́шное, сподо́би рабы́ Твоя́ стра́хомъ Твои́мъ преити́ по́прище поще́нія все́ соверша́ющія...» (Кіевъ, 1864.) далѣе...


АКАѲИСТЪ СВЯТОМУ МУЧЕНИКУ ВАСИЛИСКУ КОМАНСКОМУ (2013)

Святой мученик Василиск Команский «Избра́ннаго отъ Царя́ Небе́снаго, до́браго Христо́ва страстоте́рпца и чудотво́рца Васили́ска, похва́льными пѣ́сньми почти́мъ, я́ко христіа́нъ засту́пника, цѣлому́дрія блюсти́теля, стра́ждущихъ утѣ́шителя. То́й же, предстоя́ престо́лу Святы́я Тро́ицы, моли́твами свои́ми отъ вся́кихъ болѣ́зней и напа́стей да сохрани́тъ на́съ, вѣ́рою и любо́вію зову́щихъ ему́ си́це: Ра́дуйся, Васили́ске, святы́й му́чениче и чудотво́рче преди́вный. — Арха́нгели и а́нгели съ любо́вію взира́ху на равноа́нгельское житіе́ твое́, му́чениче Васили́ске, ты́ бо пекíйся о Госпо́днихъ, ка́ко угоди́ти Го́сподеви, посто́мъ и моли́твою умерщвля́я пло́ть свою́ де́нь и но́щь, сохрани́лъ еси́ тѣ́ло свое́ въ цѣлому́дріи. Мы́ же таково́му житію́ твоему́ дивя́щеся, со умиле́ніемъ взыва́емъ тебѣ́ си́це: Ра́дуйся, чистоту́ се́рдца и тѣ́ла до конца́ сохрани́вый; ра́дуйся, ду́шу свою́ за Христа́ положи́вый. Ра́дуйся, дѣ́вственниковъ похвало́ и упокое́ніе; ра́дуйся, обличи́тель наруши́телей цѣлому́дрія. Ра́дуйся, въ бѣда́хъ и ско́рбныхъ обстоя́ніихъ ско́рый помо́щниче; ра́дуйся, въ болѣ́знехъ и страда́ніихъ утѣ́шителю. Ра́дуйся, му́чениковъ пречестны́хъ украше́ніе; ра́дуйся, вѣ́рныхъ въ ско́рбехъ укрѣпле́ніе. Ра́дуйся, свѣти́льниче благоче́стія; ра́дуйся, Це́ркве Христо́вой утвержде́ніе. Ра́дуйся, те́плый хода́таю за на́съ у Царя́ Небе́снаго; ра́дуйся, до́брый на́шъ къ Бо́гу моли́твенниче. Ра́дуйся, Васили́ске, святы́й му́чениче и чудотво́рче преди́вный. — Ви́дяще, я́ко христіа́не гони́ми су́ть, не убоя́стеся, святíи му́ченицы Евтро́піе, Клеони́ке и Васили́ске, преще́нія нечести́ваго гони́теля...» (Майкопъ, 2013.) далѣе...


"ТРІОДЬ ПОСТНАЯ". СЛУЖБА ВЪ 4-Ю НЕДѢЛЮ ВЕЛИКАГО ПОСТА (1864)

Лествица преподобного Иоанна «На земли́ а́нгела и на небесѣ́хъ человѣ́ка Бо́жія, мíра благоукраше́ніе, наслажде́ніе благи́хъ, добродѣ́телей по́стническихъ похвалу́, Іоа́нна почти́мъ, насажде́нъ бо въ дому́ Бо́жіи, процвѣте́ пра́ведно и, я́ко ке́дръ въ пусты́ни, умно́жи стада́ Христо́ва слове́сныхъ ове́цъ, въ преподо́біи и пра́вдѣ. — На высотѣ́ Госпо́дь воздержа́нія и́стинна тя́ положи́, я́коже звѣзду́ неле́стную, свѣтоводя́щую концы́, наста́вниче Іоа́нне, о́тче на́шъ. — До́мъ Бо́жій я́ко вои́стинну самаго́ себе́ содѣ́лалъ еси́, о́тче, боже́ственными твои́ми добродѣ́тельми я́вѣ украси́въ, я́ко зла́то свѣ́тлое, вѣ́ру, наде́жду и любо́вь и́стинную, Боже́ственныя зако́ны излага́я, воздержа́ніемъ обучи́вся, я́ко безпло́тный, ра́зумъ, му́жество, цѣлому́дріе стяжа́въ, смире́ніе, и́мже возне́слся еси́. Тѣ́мже и просвѣти́лся еси́ моли́твами непреста́нными, и небе́сная прія́лъ еси́ селе́нія, наста́вниче Іоа́нне, о́тче на́шъ. — Добродѣ́тельми къ небеси́ возсія́вый, водруже́нъ я́вѣ, возше́лъ еси́ къ Боговидѣ́нія неизмѣ́римой глубинѣ́, благоче́стно, вся́ у́бо побѣди́въ де́монскія ко́зни, покрыва́еши же человѣ́ки отъ вре́да си́хъ, Іоа́нне — лѣ́ствице добродѣ́телей, и ны́нѣ мо́лишися спасти́ся рабо́мъ твои́мъ. — Преподо́бне о́тче, гла́са Ева́нгелія Госпо́дня послу́шавъ, мíръ оста́вилъ еси́, бога́тство и сла́ву нивочто́же вмѣни́въ. Отону́дуже всѣ́мъ возопи́лъ еси́: возлюби́те Бо́га, и обря́щете благода́ть вѣ́чную; ничто́же предпочти́те па́че любве́ Его́, да егда́ пріи́детъ во сла́вѣ Свое́й, обря́щете упокое́ніе со всѣ́ми святы́ми. Ихже моли́твами, Христе́, сохрани́, и спаси́ ду́ши на́ша...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ СУББОТУ 4-Я СЕДМИЦЫ ПОСТА (1864)

Поминовение усопших «Страсте́мъ порабо́тивъ души́ моея́ досто́инство, ско́тъ бы́хъ и не могу́ воззрѣ́ти къ Тебѣ́, Вы́шнему, но до́лу преклони́вся, Христе́, я́ко мыта́рь молю́ся, зовы́й Тебѣ́: Бо́же, очи́сти и спаси́ мя́! — Преидо́сте предѣ́лы плотскíя, страда́льцы, мно́гимъ терпѣ́ніемъ, претерпѣ́вше му́ки и болѣ́зни, тѣ́мже вся́кую болѣ́знь и ско́рбь облегча́ете ва́съ воспѣва́ющихъ. — Умертви́вся и во гро́бѣ, Христе́, усну́въ, возста́вилъ еси́ ме́ртвыя, и въ вѣ́рѣ уме́ршимъ дае́ши бла́гости бога́тство, Христе́, поко́й я́ со всѣ́ми святы́ми. — Пло́ти и кро́ве, святíи, не пощадѣ́вше, ко вся́кому муче́нію ста́сте небоя́зненни, Христа́ не отмѣта́ющеся, тѣ́мже съ небе́съ низпосла́ Христо́съ ва́мъ вѣнцы́. — Му́ченикъ торжество́ усря́щимъ, просвѣти́вшеся дѣ́тельми, и возопіи́мъ богодухнове́нными пѣ́сньми: вы́ есте́ вои́стинну денни́цы на земли́, Христо́вы му́ченицы. — Отъ земли́ созда́вый мя́, и оживи́вый мя́, и въ зе́млю возврати́тися мнѣ́ па́ки рекíй, я́же прія́лъ еси́ рабы́ Твоя́ упоко́й и отъ тли́ сме́ртныя возведи́, Го́споди. — Обо́лкшеся, страда́льцы, въ нетлѣ́ніе боже́ственное обнаже́ніемъ тлѣ́нныя пло́ти, на́съ ра́ди пло́ть отъ нетлѣ́нныя Пріе́мшему Жены́, ны́нѣ предстоите́, свѣ́тліи. Сего́ ра́ди мя́ облецы́те во оде́жду свяще́нную, обнаже́ннаго зло́бою. — Воздержа́ніемъ пожи́вый, страда́льческій собо́ръ, воздержа́нія на́съ по́прище укрѣпи́те тещи́ невозбра́нно, я́ко проповѣ́давый Христа́ на по́прищи му́жественно и предстоя́й престо́лу, вѣнцено́сный, въ наслажде́ніи мы́сленно со а́нгелы...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ ПЯТОКЪ 4-Й СЕДМИЦЫ ПОСТА (1864)

Господь Вседержитель «Присноблаже́нный сподо́бившеся цѣлова́ти, вѣ́рніи, Кре́стъ Тво́й, Го́споди, и́мже на́съ спа́слъ еси́, воспѣва́емъ Твое́ благоутро́біе и мо́лимъ Тя́ прилѣ́жно, всѣ́мъ пода́ждь ра́дованіе, Спа́се, спасе́нія Твоего́, въ покая́ніи да́вый на́мъ ви́дѣти Твое́ Воста́ніе и честна́я Страда́нія. — Умерщвле́ніе претерпѣ́лъ еси́ на Крестѣ́ простира́емь, умертви́вый сме́рть и ме́ртвыя воскреси́вый живоно́снымъ сло́вомъ. Тѣ́мже молю́ Тя́, умерщвле́ную мою́ ду́шу грѣхо́мъ, оживи́, Го́споди, подая́ ми́ умиле́ніе и зо́лъ избавле́ніе во дне́хъ святы́хъ Твои́хъ поще́нія, Человѣколю́бче. — Тво́й Кре́стъ святы́й сподо́бившеся ра́достно ви́дѣти и облобыза́ти, мо́лимъ Тя́, Бо́же Спа́се на́шъ, да и са́мыя Твоя́ пречи́стыя дости́гнемъ Стра́сти, посто́мъ укрѣпля́еми, покланя́ющеся пое́мъ распя́тіе, копіе́, гу́бу и тро́сть, и́миже на́съ обезсме́ртивъ, въ дре́внюю па́ки сла́дости жи́знь возве́лъ еси́, я́ко Человѣколю́бецъ, тѣ́мже Тя́ благода́рно ны́нѣ сла́вимъ. — Отъ Го́спода, смири́вшаго Себе́ да́же до распя́тія и сме́рти тебе́ ра́ди, навы́кши, душе́ моя́, отъ возноше́нія смире́нія и отъ смире́нія возноше́нія, о добродѣ́телехъ не возвыша́йся, ниже́ себе́ пра́ведну мня́щи, бли́жняго осужда́й, я́коже велехва́льный фарисе́й, но въ разумѣ́ніи низложе́нномъ прегрѣше́ній твои́хъ па́мятствующи то́кмо, я́коже мыта́рь возопíй: Бо́же, очи́сти мя́, грѣ́шнаго, и спаси́ мя́. — Воздержа́нія вре́мя освяща́яй, Всечестны́й Кре́стъ ви́дится, ему́же кла́няющеся дне́сь, возопіи́мъ: Влады́ко Человѣколю́бче, того́ посо́біемъ пода́ждь прейти́ на́мъ про́чее вре́мя поще́нія во умиле́ніи...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ ЧЕТВЕРТОКЪ 4-Й СЕДМИЦЫ ПОСТА (1864)

Господь Вседержитель «По́стъ, благи́хъ хода́тай, свое́ преполове́ніе ны́нѣ введе́, преше́дшими де́ньми благоугоди́въ и про́чими по́льзованіе предложи́въ, и́бо благи́хъ напряже́ніе мно́жайшее благодѣя́ніе твори́тъ. Тѣ́мже всѣ́хъ благи́хъ Да́телю, Христу́, благоугожда́юще, вопіе́мъ: Пости́выйся на́съ ра́ди и распя́тіе Претерпѣ́вый, неосужде́ны на́съ сподо́би причасти́тися и Боже́ственныя Па́схи Твоея́, въ ми́рѣ пожи́вшія и досто́йно со Отце́мъ Тебе́ и Ду́хомъ сла́вящія. — Въ та́йнѣ добродѣ́тели дѣ́лающіи, духо́вная воздая́нія ча́ющіи, не посредѣ́ то́ржищъ и распу́тій явля́ютъ сія́, но вну́трь се́рдца но́сятъ па́че, и всѣ́хъ Ви́дяй, быва́емая въ та́йнѣ, мзду́ воздержа́нія подае́тъ на́мъ. По́стъ соверша́имъ не сѣ́тующе ли́цы, но въ клѣ́техъ ду́шъ на́шихъ моля́щеся, непреста́нно возопіи́мъ: Отче на́шъ, Иже еси́ на Небесѣ́хъ, не введи́ на́съ во искуше́ніе, мо́лимся, но изба́ви на́съ отъ лука́ваго. — Несы́тною любо́вію души́ Христа́ не отверго́стеся, святíи му́ченицы, и́же разли́чныя ра́ны страсте́й претерпѣ́вше, мучи́телей де́рзость низложи́сте, непрекло́нну и невреди́му вѣ́ру сохра́нше, на небеса́ преста́вистеся. Тѣ́мже и дерзнове́ніе получи́вше къ Нему́, проси́те дарова́ти ми́ръ мíрови и душа́мъ на́шимъ ве́лію ми́лость. — Поста́ водо́ю ду́ши вси́ омы́имъ, и приступи́вше къ Честно́му и Животворя́щему Кресту́ Госпо́дню, вѣ́рою поклони́мся, Боже́ственное просвѣще́ніе почерпа́юще и вѣ́чное спасе́ніе ны́нѣ пріобрѣта́юще, ми́ръ и ве́лію ми́лость. — Апо́столовъ похвало́, Кре́сте, его́же окружа́ютъ нача́ла, си́лы, арха́нгели, покланя́ющіяся тебѣ́ отъ вся́каго вре́да спаса́й...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ СРЕДУ 4-Й СЕДМИЦЫ ПОСТА (1864)

Господь Вседержитель «Посредѣ́ земли́ претерпѣ́лъ еси́ Кре́стъ и Стра́сть, Ще́дре, всѣ́мъ безстра́стіе и избавле́ніе подая́. Преполове́ніемъ дне́сь посто́въ, сего́ ра́ди вси́ въ поклоне́ніе того́ предлага́емъ и ра́достно облобыза́емъ, ви́дѣти Твоя́ Стра́сти и живоно́сное Воскресе́ніе, просвѣще́ни боже́ственными добродѣ́тельми, Сло́ве Бо́жій, да сподо́бимся вси́, еди́не Многоми́лостиве. — Ме́ртвъ бы́лъ еси́ на Крестѣ́ просте́ртъ, и копіе́мъ прободе́нъ, и же́лчію, Долготерпѣли́ве, напая́емь, Ме́ррскія во́ды, Влады́ко, руко́ю Моисе́овою въ сла́дость преложи́вый. Тѣ́мже молю́ся Тебѣ́ и прошу́: стра́сти горча́йшія отъ мы́сли моея́ отжени́, и покая́нія ме́домъ у́мъ мо́й услади́въ, покло́нника мя́ покажи́ честны́я Стра́сти Твоея́. — Его́же дре́вле Моисе́й прообра́жъ дла́ньма свои́ма, побѣжда́ше Амали́ка, вели́кій Кре́стъ дне́сь, предъ очи́ма на́шима зря́ще, лю́діе, предлежи́мый стра́шно, прикосне́мся чистото́ю, умо́мъ же и устна́ма: на не́мъ бо Христо́съ вознесе́ся, умертви́вый сме́рть. И таковы́я благода́ти вси́ сподо́бившеся, пѣ́сньми богодухнове́нными всѣ́хъ Спа́са пѣсносло́вяще, мо́лимся дости́гнути и са́мое спаси́тельное Воскресе́ніе. — Пріиди́те, поклони́мся жи́зни на́шея хода́таю, явле́нному Дре́ву дне́сь, Христа́ Бо́га на́шего Кресту́, и́мже сме́рть уязви́ся и воскресе́ніе на́мъ, па́дшимъ, обнови́ся я́вѣ, Изба́вившему зову́ще: на́съ ра́ди во́лею Пострада́вый, да спасе́ши вся́ческая, Бо́же на́шъ, сла́ва Тебѣ́! — Держа́ва необори́мая христіа́номъ на́мъ даде́ся Кре́стъ Тво́й, Спа́се на́шъ, и́мже иноплеме́нныхъ язы́ковъ побѣжда́ются мно́жества...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВО ВТОРНИКЪ 4-Й СЕДМИЦЫ ПОСТА (1864)

Господь Вседержитель «Въ сре́днихъ дне́хъ воздержа́нія преходя́ще дне́сь си́лою Кре́стною, на се́мъ возне́сшагося посредѣ́ земли́ Спа́са и Бо́га славосло́вимъ, вопію́ще: зри́тели на́съ покажи́ Страсте́мъ Твои́мъ, Влады́ко, и честна́го Воскресе́нія, да́руя на́мъ очище́ніе и ве́лію ми́лость. — Стра́сти смири́мъ тѣле́сныя бра́шенъ отложе́ніемъ и сласте́й отвраще́ніемъ, и дре́во Креста́ облобыза́имъ вѣ́рно, зри́тся бо я́вѣ покланя́емое и вся́ освяща́етъ Боже́ственною благода́тію, и Го́сподеви возопіи́мъ: благодари́мъ Тя́, Благоутро́бне, спаса́ющаго си́мъ ду́ши на́ша. — Ны́нѣ Кресту́ покланя́ющеся, вси́ воззове́мъ: ра́дуйся, Дре́во жи́зни; ра́дуйся, ски́птре святы́й Христо́въ; ра́дуйся, человѣ́ковъ сла́ва небе́сная; ра́дуйся, царе́й похвало́; ра́дуйся, держа́во вѣ́ры; ра́дуйся, ору́жіе непобѣди́мое; ра́дуйся, враго́въ отгна́ніе; ра́дуйся, сія́ніе свѣ́тлое, спаси́тельное мíру; ра́дуйся, му́чениковъ ве́лія сла́во; ра́дуйся, си́ло пра́ведныхъ; ра́дуйся, а́нгеловъ свѣ́тлосте; ра́дуйся, всече́стне. — Велерѣ́чивый фарисе́й омерзи́ся похвали́вся, и мыта́рь смиренному́дрый молча́ніемъ помоли́вся, оправда́ся. Тѣ́мже обою́ увѣ́дѣвши разли́чіе, душе́ моя́, смиренному́дріе пріими́ и облобыза́й, Христо́съ бо смире́ннымъ обѣща́ дая́ти благода́ть, я́ко Человѣколю́бецъ. — Воздержа́ніемъ просвѣти́вше ду́ши на́ша, Кресту́ поклони́мся спаси́тельному, на не́мже Христо́съ пригвозди́ся, и возопіи́мъ ему́: ра́дуйся, постя́щихся сла́досте и извѣ́стная по́моще; ра́дуйся, губи́телю страсте́й, бѣсо́мъ сопротивобо́рче; ра́дуйся, Дре́во блаже́нное...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ ПОНЕДѢЛЬНИКЪ 4-Й СЕДМИЦЫ ПОСТА (1864)

Поклонение Животворящему Кресту Господню «Го́споди, на Крестѣ́ во́лею просте́рлъ еси́ дла́ни Твоя́, сему́ умиле́ніемъ се́рдца поклони́тися и на́съ сподо́би, просвѣще́нныхъ до́брѣ посто́мъ и моли́твами, и воздержа́ніемъ и благотворе́ніемъ, я́ко Бла́гъ и Человѣколю́бецъ. — Го́споди, грѣхо́въ мои́хъ мно́жества по мно́жеству очи́сти щедро́тъ Твои́хъ, Всеще́дре, и Кре́стъ Тво́й сподо́би чи́стою душе́ю ви́дѣти и цѣлова́ти въ настоя́щей седми́цѣ воздержа́нія, я́ко Человѣколю́бецъ. — Ве́ліе чу́до! Дре́во ви́дится, на не́мже Христо́съ во́лею распя́тся пло́тію. Покланя́ется мíръ и, просвѣща́емь, взыва́етъ: о Креста́ си́ло! И зри́мый, де́моны па́литъ, и вообража́емь, си́хъ паля́, явля́ется. Ублажа́ю тя́, Пречи́стое Дре́во, почита́ю и покланя́юся со стра́хомъ, и Бо́га сла́влю, тобо́ю дарова́вшаго мнѣ́ жи́знь безконе́чную. — Воззрѣ́ти очи́ма на не́бо не смѣ́ю окая́нный а́зъ отъ лука́выхъ мои́хъ дѣя́ній, но, я́ко мыта́рь, стеня́, взыва́ю Ти́: Бо́же, очи́сти мя́ грѣ́шнаго и фарисе́йскаго лицемѣ́рія изба́ви мя́, я́ко еди́нъ Благоутро́бенъ. — Всечестно́му, вѣ́рніи, поклони́мся Дре́ву, на не́мже Творе́цъ всѣ́хъ вознесе́ся. Предлежи́тъ, освяща́я приступа́ющія душе́ю и тѣ́ломъ, скве́рну очища́я грѣха́ постя́щихся вѣ́рно и воспѣва́ющихъ всегда́ Христа́, еди́наго Благодѣ́теля. — Преполови́вше ны́нѣ воздержа́ніе, и на поклоне́ніе, Христе́, предвари́вше Живоно́снаго Твоего́ Креста́, припа́дающе, вопіе́мъ Ти́: ве́лій еси́, Человѣколю́бче, и ве́лія дѣла́ Твоя́, я́ко яви́лъ еси́ Кре́стъ Тво́й Честны́й, ему́же со стра́хомъ покланя́ющеся, взыва́емъ: сла́ва кра́йнему благоутро́бію Твоему́!...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ 3-Ю НЕДѢЛЮ ПОСТА, КРЕСТОПОКЛОННУЮ (1864)

Распятие Господне «Въ то́йже де́нь, въ недѣ́лю тре́тію посто́въ, поклоне́ніе пра́зднуемъ Честна́го и Животворя́щаго Креста́, вины́ ра́ди сицевы́: Поне́же бо четыредесятодне́внымъ посто́мъ, о́бразомъ нѣ́кимъ и мы́ распина́емся, умерщвля́еми отъ страсте́й, го́рести же чу́вство и́мамы, уныва́юще и низпа́дающе, предлага́ется Честны́й и Животворя́щій Кре́стъ, я́ко у́бо прохлажда́я и утвержда́я на́съ, и воспомина́я на́мъ стра́сти Го́спода на́шего Іису́са Христа́, и утѣша́я. Аще Бо́гъ на́шъ на́съ ра́ди распя́тся, коли́ко подоба́етъ на́мъ Его́ ра́ди дѣ́яти, облегча́я же болѣ́зни на́ша предложе́ніемъ Влады́чнихъ скорбе́й, и воспомина́ніемъ, и упова́ніемъ, Кресто́мъ сла́вы? Яко бо Спа́съ на́шъ на Кре́стъ возше́дъ, просла́вися безче́стнымъ жи́тельствомъ и огорче́ніемъ, си́це подоба́етъ и на́мъ дѣ́яти, да и спросла́вимся Ему́, а́ще и нѣ́что нѣ́когда стра́ждемъ печа́льное. И и́нако: я́коже до́лгій и жесто́кій пу́ть проходя́щіи, и трудо́мъ отягча́вшіи, а́ще гдѣ́ дре́во благосѣнноли́ственное обря́щутъ, ма́ло сѣ́дше, упокоя́ются, и я́ко у́бо ю́ни бы́вше про́чее пу́ть прохо́дятъ, та́ко и ны́нѣ, въ по́стное вре́мя, и приско́рбный пу́ть, и по́двигъ, насади́ся посредѣ́ отъ святы́хъ оте́цъ Живоно́сный Кре́стъ, осла́бу и прохлажде́ніе на́мъ подая́й благому́жественны же и ле́гки къ про́чему труду́ утруди́вшіяся устроя́я. Или́ я́коже е́сть при царе́вѣ прише́ствіи, предхо́дятъ о́наго зна́менія и ски́птры, та́же и са́мъ прихо́дитъ, ра́дуяся о побѣ́дѣ и веселя́ся, свесели́тся же вку́пѣ и послу́шное. Та́ко и Госпо́дь на́шъ Іису́съ Христо́съ, хотя́ ели́ко неукло́нно на сме́рть показа́ти побѣ́ду, и со сла́вою произы́ти воскре́снымъ дне́мъ...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ СУББОТУ 3-Й СЕДМИЦЫ ПОСТА (1864)

Поминовение усопших «Яко блу́дный отступи́хъ отъ благода́ти Твоея́, Го́споди, и бога́тство расточи́хъ бла́гости, къ Тебѣ́ прибѣго́хъ, Благоутро́бне, взыва́я Тебѣ́, Бо́же: согрѣши́хъ, поми́луй мя́. — Кро́вными напои́сте ка́плями благочести́выхъ сердца́, злочести́выхъ же полки́ я́вѣ въ ни́хъ потопи́сте, страстоте́рпцы достосла́вніи. — Просла́вивше удесы́ свои́ми всѣ́хъ Влады́ку, ны́нѣ прославля́етеся непреста́нно: сла́ва вѣ́рнымъ, страда́льцы, су́ще и вели́цыи засту́пницы. — Въ ро́вѣ положи́лся еси́ преиспо́днѣмъ, вѣ́рою у́бо уме́ршимъ поко́й, Сло́ве, пода́ждь, свяще́нныхъ страда́лецъ мольба́ми, и согрѣше́ній проще́ніе. — Ны́нѣ му́ченикъ торжество́, стеце́мся и, страда́нія и́хъ всечестна́я ублажа́юще, Христа́ си́хъ вѣнча́вшаго воспои́мъ. — Боже́ственною разжига́еми любо́вію Христо́вою на у́глехъ огня́ преходи́сте, я́ко на росѣ́, Того́ пою́ще, му́ченицы блаже́нніи. — Огня́, и меча́, и сме́рти не убоя́вшеся, исповѣ́даніе соблюдо́сте спасе́нія, отъ Христа́, блаже́нніи, укрѣпля́еми. — Въ ме́ртвыхъ свобо́дь, я́ко Сы́й Нача́льникъ живота́ и сме́рти, Ты́ упоко́й, я́же прія́лъ еси́, и во дворы́ Твоя́ всели́, Человѣколю́бче. — Кому́, лю́бящи стра́сти безслове́сныя, вои́стинну, душе́, уподо́билася еси́? Кого́ превосходя́ща имѣ́ла еси́ во грѣсѣ́хъ? Возопíй Христу́: спаси́ мя́, Благíй. — Святíи, во святы́хъ Почива́ющаго моли́те прилѣ́жно, въ сія́ святы́я дни́ освяти́ти всѣ́хъ благочести́выхъ мудрова́нія. — Вы́шній, въ ми́лости Бога́тый и Благíй, рабо́мъ Твои́мъ оставле́ніе пре́жде усо́пшимъ пода́ждь, лико́мъ пра́ведныхъ сія́ сопричита́я, я́ко Человѣколю́бецъ...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ ПЯТОКЪ 3-Й СЕДМИЦЫ ПОСТА (1864)

Монограмма Христа «Спа́се, и́стинная Сла́досте, го́рькія Ме́рры дре́вле во́ды услади́вый о́бразомъ тогда́ дре́ва, Боже́ственнаго Креста́, просте́рся на не́мъ, я́коже благоволи́лъ еси́, же́лчи же вкуси́лъ еси́, въ ре́бра прободе́нъ, изъ ни́хже мíру вода́ излія́ся оставле́нія на обновле́ніе земна́го смѣше́нія. Тѣ́мже славосло́вимъ Твою́ неизрече́нную си́лу и мо́лимся: пода́ждь на́мъ стра́хъ Тво́й, Го́споди, во вре́мя поще́нія, и проще́ніе согрѣше́ній, и ве́лію ми́лость. — Сло́ве, простры́йся на Крестѣ́, собира́я дале́че отстоя́щія отъ Тебе́, возне́съ помышле́ніе мое́ отъ гно́я страсте́й, добродѣ́тельми вся́ческими обогати́, подава́я се́рдцу моему́ чистѣ́йшій стра́хъ Тво́й и души́ мое́й соверше́нную любо́вь, плотскíя мя́ любве́ отсѣца́ющую, я́ко да воздержа́ніемъ Тебѣ́, моли́твою и моле́ніемъ въ настоя́щія дни́ угожду́ и узрю́ Тво́й свѣ́тлый де́нь Воскресе́нія, пріе́мля ве́лію ми́лость. — Тре́тію честны́хъ посто́въ седми́цу, Христе́ Сло́ве, преше́дшихъ, дре́во Живоно́снаго Креста́ Твоего́ ви́дѣти сподо́би на́съ, и че́стнѣ поклони́тися, и пѣ́ти по достоя́нію, и сла́вити держа́ву Твою́, воспѣ́ти Стра́сти Твоя́, предвари́ти сла́вное чи́стѣ и свято́е Воскресе́ніе, Па́сху та́йную, е́юже Ада́мъ па́ки вни́де въ ра́й. — На дре́вѣ Кре́стнѣмъ обѣ́шена Жи́знь всѣ́хъ, Христе́ Бо́же, оживи́ мою́ ду́шу, умерщвле́нную прегрѣше́ньми, и да не всеконе́чно поги́бнути оста́виши Твое́ овча́, Па́стырю До́брый. Отступи́хъ отъ Твои́хъ за́повѣдей, и безгрѣ́шія бога́тство, е́же дарова́лъ ми́ еси́, расточи́хъ грѣхолю́бнымъ произволе́ніемъ, растлѣ́хъ же и омерзи́хся въ блу́дныхъ начина́ніихъ...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ ЧЕТВЕРТОКЪ 3-Й СЕДМИЦЫ ПОСТА (1864)

Господь Вседержитель «Блу́дно расточи́хъ оте́ческое мое́ бога́тство, пу́стъ бы́хъ, во странѣ́ всели́хся лука́выхъ гра́жданъ, и безслове́снымъ уподо́бихся несмы́сленнымъ ското́мъ, и вся́кія обнажи́хся Боже́ственныя благода́ти. Тѣ́мже обра́щся, вопію́ Тебѣ́, Благоутро́бному и Ще́дрому Отцу́: согрѣши́хъ, пріими́ мя́ ка́ющася, Бо́же, и поми́луй мя́. — Со́лнца мы́сленнаго зари́ я́вльшеся, богови́дцы апо́столи, просвѣще́ніе испроси́те душа́мъ на́шимъ, и страсте́й изба́витися мра́чныя тмы́, и де́нь спаси́тельный ви́дѣти помоли́теся, посто́мъ и моле́нми сердца́ очи́стившимъ, я́же лука́вый уязви́, я́ко да ва́съ, вѣ́рою спаса́еми, чти́мъ при́сно, всему́дрымъ проповѣ́даніемъ мíръ спа́сшія. — Въ страну́ блу́дный отше́дъ зло́бы, злѣ́ ижди́хъ е́же ми́, Отче Благоутро́бне, бога́тство да́лъ еси́, и гла́домъ та́ю благи́хъ дѣ́лъ, и студо́мъ преступле́нія се́ одѣ́яхся, благода́ти Бо́жія обнажа́яся, и зову́ Ти́: согрѣши́хъ, вѣ́мъ бо Твою́ бла́гость, пріими́ мя́ я́ко еди́наго, Ще́дре, отъ нае́мниковъ Твои́хъ, Христе́, апо́столъ моле́нми возлю́бльшихъ Тя́. — Апо́столи Спа́совы, свѣти́ла вселе́нныя, и благодѣ́теліе и спаси́теліе, Бо́жія сла́вы я́ко небеса́ повѣ́дателіе, и преукраше́нніи звѣзда́ми чуде́съ и зна́менми исцѣле́ній, прилѣ́жно о на́съ моли́твы Го́сподеви принеси́те, въ воню́ чи́стую моли́твы прія́ти на́ша, и сподо́битися всѣ́мъ Живоно́снаго Креста́ и цѣлова́ти, и ви́дѣти стра́хомъ. Того́ поклоне́ніемъ низпосли́ на́мъ ми́лости Твоя́, Спа́се, я́ко Человѣколю́бецъ. — Свѣти́ла мíра непреле́стная, ученицы́ Спа́совы, просвѣти́те мою́ ду́шу, грѣхо́мъ ослѣ́пшую, и покажи́те...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ СРЕДУ 3-Й СЕДМИЦЫ ПОСТА (1864)

Господь Вседержитель «Го́споди, Кресто́мъ уби́вый льсти́ваго, отъ пре́лести его́ изба́ви мя́, согрѣша́ющаго и прельща́ема, и посто́мъ очи́стивъ мя́, да́ждь ми́ Твоя́ хотѣ́нія соверши́ти, я́ко да ви́жду, Влады́ко, ра́дуяся, честны́я Стра́сти Твоя́. — Уязви́хся сла́дости ору́жіемъ, Го́споди, и лю́тѣ ве́сь умертви́хся, исцѣли́ и оживи́ смире́нную мою́ ду́шу, копіе́мъ прободы́йся, Влады́ко, и уя́звена стрѣло́ю врага́, я́ко Ще́дръ, исцѣли́ и честны́хъ Твои́хъ Страсте́й прича́стника мя́ покажи́. — Поще́ніемъ, Го́споди, ду́ши просвѣти́вше, да сподо́бимся неосужде́нно Кре́стъ Тво́й ви́дѣти въ ра́дости, и поклони́тися стра́хомъ и любо́вію: просвѣща́етъ бо то́й Стра́сти Твоя́ во́льныя, я́же благоволи́ дости́гнути на́мъ, я́ко Человѣколю́бецъ. — Отца́ Тя́, Созда́теля, написа́ти дерза́ю, Го́споди, живо́тное сы́й земноро́дное, Твоего́ причаща́яся о́браза, а́ще и сыновства́ погрѣши́хъ, блу́дно пожи́въ и забве́ніемъ Твои́хъ даро́въ ижди́въ бога́тство. Да не у́бо отрече́ши мя́, Твоему́ благоволи́вый Сы́ну Единоро́дному Кре́стъ мене́ ра́ди пло́тію и сме́рть претерпѣ́ти, но ублажи́въ, присво́й къ Себѣ́, Человѣколю́бче. — Дре́вомъ увяди́лъ еси́ пла́мень, Влады́ко, преступле́нія, на Кре́стъ возвыша́емь, и умертви́лъ еси́ врага́, умертви́вся во́лею. Тѣ́мже Тя́ молю́: пло́ти моея́ хотѣ́нія умертви́ и оживи́ окая́нное се́рдце мое́, посто́мъ страстоубíйственнымъ очи́стивъ мя́ отъ вся́кія скве́рны, я́ко Благоутро́бенъ. — Свѣ́тлую преходя́ще по́стную трапе́зу, вопіи́мъ: вся́ соблюди́, Го́споди, въ ми́рѣ, вся́каго кова́рства вра́жія избавля́я, и сподо́би на́съ, я́ко Преблагíй...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВО ВТОРНИКЪ 3-Й СЕДМИЦЫ ПОСТА (1864)

Господь Вседержитель «По́стъ возлю́бимъ, души́ стра́сти лютѣ́йшія дѣ́йствомъ Ду́ха увяда́ющій, и Боже́ственная дѣя́нія дѣ́яти укрѣпля́ющій, и у́мъ на не́бо возсыла́ющій, и проще́ніе хода́тайствующій, о ни́хже согрѣши́хомъ, да́руемое отъ Бо́га Ще́драго. — Все́ житіе́ мое́ сту́дно ижди́въ, Го́споди, со блудни́цами окая́нный, я́коже блу́дный умиле́ніемъ зову́: Отче Небе́сный, согрѣши́хъ, очи́сти и спаси́ мя́, и не отри́ни мене́ самого́ отъ Тебе́ удали́вшася и Боже́ственными дѣ́лы ны́нѣ обнища́вшаго. — Пріиди́те вси́, въ кимва́лѣхъ псало́мскихъ, честно́е воздержа́ніе цѣлу́юще, возгласи́мъ, въ не́мъ бо мы́сленно змíя злонача́льнаго расто́ргнемъ. Тѣ́мже со дерзнове́ніемъ возопіи́мъ Христу́: пода́ждь, Спа́се, неосужде́нно всесвяты́й Тво́й Кре́стъ ви́дѣти и поклони́тися, во псалмѣ́хъ и пѣ́ніихъ пра́здновати свѣ́тло. — Отче Благíй, отъ всѣ́хъ, я́же да́лъ ми́ еси́, обнажи́ мя́ безу́міе мое́: удали́хся отъ Тебе́ и порабо́тахъ стра́нному граждани́ну, живо́тная ме́рзкая пасо́хъ и ни тѣ́хъ пи́щи насы́тихся. Тѣ́мже притеко́хъ къ Тебѣ́, вѣ́дый Твое́ благоутро́біе: покры́й мою́ наготу́ человѣколю́біемъ Твои́мъ и спаси́ мя́. — Посто́мъ и моле́ніемъ себе́ очи́стимъ и о убо́гихъ промышле́ніемъ Бо́гу угоди́мъ. Воздо́хнемъ, воспла́чемся те́плѣ, я́ко и́мамы вре́мя обраще́нія, да пла́ча вѣ́чнаго су́щаго въ пла́мени гее́нны изба́вимся, сла́ву возсыла́юще Христу́, покая́ніе опредѣли́вшему человѣ́комъ всѣ́мъ, обраща́ющимся мы́сли пра́востію. — Посто́мъ веселя́щеся, пѣ́сньми ра́дующеся и моли́твами держа́ву на вся́ стра́сти обнося́ще, попере́мъ ловле́нія веліа́рова...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ ПОНЕДѢЛЬНИКЪ 3-Й СЕДМИЦЫ ПОСТА (1864)

Господь Вседержитель «Безчи́сленная Ти́ прегрѣши́въ, безчи́сленныя му́ки ожида́ю: скре́жета зу́бнаго, и пла́ча неутѣ́шимаго, гее́нны о́гненныя, и тмы́, и та́ртара, Судіе́ Пра́веднѣйшій. Сле́зы ми́ у́бо да́руй, и́миже обря́щу оставле́ніе и злы́хъ мои́хъ разрѣше́ніе, постя́ся и зовы́й Ти́: Влады́ко Христе́, уще́дри мя́ за вели́кую и бога́тую ми́лость. — Мене́, заблу́ждшаго на гора́хъ лю́тыхъ преступле́ній, взыщи́, Сло́ве, и къ Тебѣ́ воззови́, обы́чаи лука́выя ума́ моего́ дале́че отгоня́я, уме́рша па́ки оживи́ и посто́мъ очи́сти, въ пла́чѣ непреста́нномъ вопію́ща и глаго́люща: Влады́ко Христе́, уще́дри мя́ за вели́кую и бога́тую ми́лость. — Поста́ наче́нше седми́цу тре́тію, Тро́ицу Честну́ю восхва́лимъ, вѣ́рніи, про́чее ра́достно преходя́ще, плотскíя же стра́сти увяди́вше отъ ду́шъ на́шихъ, цвѣ́ты боже́ственныя пожне́мъ, вѣнцы́ испле́тше нача́льницѣ дне́й, да вси́ Христа́, я́ко Побѣди́теля, вѣнцы́ нося́ще, воспои́мъ. — Брозды́ исплюва́хъ оте́ческія непостоя́ннымъ умо́мъ, со ско́тскими грѣха́ помышле́ньми пожи́хъ, все́ мое́ житіе́ ижди́въ блу́дно окая́нный а́зъ, пи́щи лише́нъ, утвержда́ющія се́рдце, вре́менно утучня́ющею сла́стію насы́тихся. Но, Отче Благíй, не затвори́ ми́ человѣколю́бныя утро́бы, но отве́рзъ, пріими́ мя́, я́ко блу́днаго сы́на, и спаси́ мя́. — Тро́ице Свята́я и Честна́я, по́стъ въ седми́цахъ тріе́хъ соверша́ющія, сохрани́ цѣ́лы и неосужде́ны, сподо́би благотещи́ и къ про́чимъ, и вся́ за́повѣди Твоя́ соверши́ти, я́ко да си́це дости́гнемъ неосужде́нно ви́дѣти пресла́вное Воскресе́ніе, пѣ́ніе хвалу́ принося́ще...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВО 2-Ю НЕДѢЛЮ ВЕЛИКАГО ПОСТА (1864)

Святитель Григорий Палама, архиепископ Фессалоникийский «Се́й Боже́ственнаго и Невече́рняго Свѣ́та сы́нъ, и́стинный вои́стину Бо́жій человѣ́къ и чу́дный Боже́ственныхъ слу́га и служи́тель, оте́чество у́бо имя́ше всѣ́хъ градо́въ ца́рствующее, роди́тели же пресвѣ́тлыя и сла́вныя. Не внѣ́шняго то́кмо и по чу́вству человѣ́ка, но мно́го па́че вну́тренняго и неви́димаго, добродѣ́телію и наказа́ніемъ украси́ти тща́шеся. Ма́лу же су́щу зѣло́ во́зрастомъ тому́, оте́цъ сконча́ся, ма́ти же его́, и бра́тію, и сестры́ въ наказа́ніи, и зако́нѣ, и свяще́нныхъ пи́сменѣхъ пита́ше же и наказа́ше, и внѣ́шнѣй му́дрости ко учи́телемъ посыла́ше, до́брѣ навыка́ти разумѣ́. То́й острото́ю естества́ тща́ніе со уче́ніемъ смѣси́въ, вма́лѣ же вся́кую слове́сную хи́трость получи́. Егда́ же бѣ́ два́десяти лѣ́тъ, вся́ земна́я и со́ній ху́ждшая вмѣни́въ, къ Вино́вному вся́кія му́дрости и пода́телю Бо́гу востещи́ иска́ше, и соверше́ншимъ житіе́мъ всего́ себе́ Тому́жде возложи́ти. Отону́дуже и открыва́етъ боголюбе́зное намѣ́реніе ма́тери, и мно́гую любо́вь къ Бо́гу своему́, и разжже́нное жела́ніе, и о́ную подо́бнѣ обрѣта́етъ си́ми боля́щую отъ до́лга вре́мене, и о ра́вныхъ тому́ ра́дующуюся. Абіе у́бо ма́ти дѣ́ти къ себѣ́ собра́вши, и «се́, а́зъ и дѣ́ти», съ весе́ліемъ ре́кши, «я́же ми́ даде́ Бо́гъ», мы́сль же и́хъ искуша́етъ, ю́же и́мутъ о до́брыхъ, и намѣ́реніе вели́каго Григо́рія и́мъ открыва́етъ. Онъ же поуща́тельная словеса́ къ ни́мъ употреби́въ, вма́лѣ вся́ поко́рны имя́ше, и къ подо́бнѣй ему́ любви́ и бѣжа́нію житія́ послѣ́дующія прилѣ́жно. Отону́дуже и су́щая убо́гимъ ева́нгельски разда́въ, любо́вь же ца́рскую, и че́сти, и плеска́ніе...» (Кіевъ, 1864.) далѣе...


СЛУЖБА СЪ АКАѲИСТОМЪ БОЖЕСТВЕННЫМЪ СТРАСТЕМЪ ХРИСТОВЫМЪ (1899)

Распятие Господне «Возбра́нный Воево́до и Го́споди небесе́ и земли́, Тебе́, Царя́ Безсме́ртнаго, зря́щи на Крестѣ́ ви́сяща, вся́ тва́рь измѣни́ся, не́бо ужасе́ся, основа́нія земли́ восколеба́шася. Мы́ же, недосто́йніи, благода́рственное поклоне́ніе Твоему́ на́съ ра́ди Страда́нію принося́ще, съ разбо́йникомъ вопіе́мъ Ти́: Іису́се, Сы́не Бо́жій, помяни́ на́съ, егда́ пріи́деши во Ца́рствіи Твое́мъ. — Ангеловъ ликостоя́нія восполня́я, не отъ а́нгелъ воспрія́лъ еси́, но мене́ ра́ди, Бо́гъ сы́й, Человѣ́къ бы́въ, человѣ́ка, уме́рша грѣхми́, Животворя́щимъ Тѣ́ломъ и Кро́вію Твое́ю оживи́лъ еси́. Тѣ́мже, толи́цѣй любви́ Твое́й благода́рни су́ще, вопіе́мъ Ти́: Іису́се Бо́же, Любы́ предвѣ́чная, та́ко о на́съ земноро́дныхъ возблаговоли́вый. Іису́се, Ми́лосте безмѣ́рная, къ человѣ́комъ па́дшимъ до́лу низше́дый. Іису́се, въ пло́ть на́шу оболкíйся и сме́ртію Свое́ю сме́рти держа́ву разруши́вый. Іису́се, Боже́ственными Твои́ми Та́йнами на́съ обожи́вый. Іису́се, Страда́ньми и Кресто́мъ Твои́мъ ве́сь мíръ искупи́вый. Іису́се, Сы́не Бо́жій, помяни́ на́съ, егда́ пріи́деши во Ца́рствіи Твое́мъ. — Ви́дѣвъ Тя́ а́нгелъ въ вертогра́дѣ Геѳсима́нстѣмъ до по́та крова́ва въ моли́твѣ подвиза́ющася, предста́въ, укрѣпля́ше Тя́, егда́, я́ко бре́мя тя́жкое, грѣси́ на́ши отяготѣ́ша на Тебѣ́. Ты́ бо, Ада́ма поги́бшаго на ра́мо воспріи́мъ, Отцу́ предста́вилъ еси́, прекло́нь колѣ́на моля́ся. О се́мъ у́бо съ вѣ́рою и любо́вію пою́ Тебѣ́: Аллилу́ія. Ра́зума неуразумѣ́нна во́льнаго Твоего́ страда́нія не уразумѣ́ша іуде́е, сего́ ра́ди егда́ въ нощи́ со свѣти́льники и́щущимъ Тя́ ре́клъ еси́: «Азъ е́смь», а́ще и падо́ша на земли́, но по се́мъ связа́вше Тя́, ведо́ша на суди́ще...» (Кіевъ, 1899.) далѣе...


"ТРІОДЬ ПОСТНАЯ". СЛУЖБА ВЪ СУББОТУ 2-Й СЕДМИЦЫ ПОСТА (1864)

Поминовение усопших «Ны́нѣ вре́мя благопрія́тное, ны́нѣ де́нь спасе́нія, во мно́жествѣ ми́лости Твоея́ посѣти́ мою́ ду́шу и бре́мя беззако́ній мои́хъ осла́би, Еди́не Человѣколю́бче. — Апо́столи, му́ченицы и проро́цы, святи́теліе, преподо́бніи и пра́ведніи, до́брѣ по́двигъ соверши́вшіи и вѣ́ру соблю́дшіи, дерзнове́ніе иму́щіи ко Спа́су, о на́съ Того́, я́ко Бла́га, моли́те спасти́ся, мо́лимся, душа́мъ на́шимъ. — Помяни́, Го́споди, я́ко Бла́гъ, рабы́ Твоя́, и ели́ка въ житіи́ согрѣши́ша, прости́, никто́же бо безгрѣ́шенъ, то́кмо Ты́, могíй и преста́вленнымъ да́ти поко́й. — Ма́ти Свята́я Неизрече́ннаго Свѣ́та, а́нгельскими Тя́ пѣ́сньми почита́юще, благоче́стно велича́емъ. — Поко́й, Спа́се нашъ, съ пра́ведными рабы́ Твоя́, и сія́ всели́ во дворы́ Твоя́, я́коже е́сть пи́сано, презира́я, я́ко Бла́гъ, прегрѣше́нія и́хъ во́льная и нево́льная, и вся́, я́же въ вѣ́дѣніи и не въ вѣ́дѣніи, Человѣколю́бче. — Всему́ хотя́й суди́ти мíру, предстоя́щимъ тма́мъ а́нгеловъ, неосужде́нно тогда́ предста́ти Тебѣ́ сподо́би усо́пшія вѣ́рно, Всеще́дрый. — Вѣ́рою къ Тебѣ́ преста́вльшіяся, вѣ́дый дѣла́ человѣ́ковъ, во́льная и нево́льная прегрѣше́нія проща́я, упоко́й, я́ко Бо́гъ. — Усо́пшія благоче́стно наде́ждею воскресе́нія, къ вѣ́чной жи́зни воста́ти, Го́споди, сподо́би, хвали́ти Тя́ чи́стѣ, и сла́вити псало́мски: по́йте, благослови́те и превозноси́те во вся́ вѣ́ки. — Преложи́лъ еси́ сме́рть на со́нъ, болѣ́зненно во гро́бѣ поспа́лъ еси́ и ме́ртвымъ живо́тъ дарова́лъ еси́; преста́вльшіяся у́бо, Спа́се, сподо́би стоя́нія избра́нныхъ, страстоте́рпецъ святы́хъ мольба́ми...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ ПЯТОКЪ 2-Й СЕДМИЦЫ ПОСТА (1864)

Монограмма Христа «Въ ре́бра прободе́нъ и на Дре́вѣ повѣ́шенъ, жи́знь мнѣ́ источи́лъ еси́, зло́бою змі́я дре́ва снѣде́ніемъ умерщвле́нному. Тѣ́мже сла́влю Тя́, Христе́, и молю́ благоутро́біе Твое́: Страсте́мъ и Воста́нію покло́нника мя́ покажи́, умиле́ніемъ соверша́юща по́стное по́прище. — Болѣ́знь обра́вша отъ сада́, первосозда́ннаго отъ рая́ изгна́лъ еси́; пригвозди́вся же, я́ко Человѣ́къ, Спа́се, на Дре́вѣ, сего́ вво́диши. Тѣ́мже Ти́ зову́, Изба́вителю: отъ болѣ́зней мои́хъ ны́нѣ мя́ исхити́, посто́мъ очи́стивъ мя́, и покая́ніемъ, и слеза́ми, Іису́се Преблагі́й, Спа́се ду́шъ на́шихъ. — Го́споди, Животворя́щій Тво́й Кре́стъ воспѣва́емъ, се́й бо жи́знь въ мі́рѣ процвѣте́, сме́рть умертви́въ; его́же Тебѣ́ и ны́нѣ въ моли́тву приво́димъ: во дне́хъ святы́хъ укрѣпи́ ны́ постя́щіяся, и да́руй на стра́сти крѣ́пость, и мі́ра побѣ́дное, за мно́жество ми́лости, Человѣколю́бче. — Не пости́вшеся по за́повѣди Созда́вшаго, отъ сада́ ра́зума первозда́нніи сме́рть отъ преслуша́нія приплоди́ша, дре́ва же жи́зни и ра́йскія сла́дости устрани́вшеся. Тѣ́мже пости́мся, вѣ́рніи, отъ пи́щей тлѣ́нныхъ и страсте́й всегуби́тельныхъ, да отъ Боже́ственнаго Креста́ жи́знь обы́мемъ и со благоу́мнымъ разбо́йникомъ къ нача́льному оте́честву возрати́мся, пріе́млюще отъ Христа́ Бо́га ве́лію ми́лость. — Поще́ніемъ возвыша́ющеся отъ земноревни́тельныхъ страсте́й, вознесе́мъ Го́спода, возне́сшагося на Кре́стъ и мі́ръ возвы́сившаго. Піи́мъ во чу́вствѣ умиле́нія питіе́, пріи́мемъ де́нь во умѣ́ и ча́съ, въ о́ньже Вѣ́чному Судіи́ предста́немъ...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ ЧЕТВЕРТОКЪ 2-Й СЕДМИЦЫ ПОСТА (1864)

Господь Вседержитель «Духо́вный, бра́тіе, взе́мше по́стъ, язы́комъ не глаго́лите льсти́вная, ниже́ полага́йте претыка́нія бра́ту въ собла́знъ, но покая́ніемъ просвѣти́вше души́ свѣщу́ слеза́ми, возопіи́мъ Христу́: оста́ви на́мъ грѣхопаде́нія на́ша, я́ко Человѣколю́бецъ. — Боже́ственныхъ апо́столъ, Го́споди, моле́нми, по́стное вре́мя до́брѣ на́мъ соверши́ти, умиле́ніемъ по́мысла сподо́би, я́ко бла́гъ, Благоутро́бне, да спаса́еми, Тя́ прославля́емъ вси́. — Вели́кое и стра́шное Твое́, Го́споди, прише́ствіе, въ не́мже сѣдя́, су́дъ пра́ведный сотвори́ши, да не у́бо осу́диши мя́ осужде́ннаго, но я́ко Бо́гъ, пощади́ мя́ апо́столъ Твои́хъ благопрія́тными моли́твами. — Христо́вы апо́столи, земны́мъ свѣти́ла, сокро́вища міробога́тная всему́драго ра́зума Бо́га на́шего, ва́съ пою́щія искуше́ній изба́вите святы́ми ва́шими моли́твами, и вре́мя на́мъ по́стное проводи́ти ю́ношески, подаю́ще въ ми́рѣ жи́знь на́шу, да благоуго́дно предвари́вше Стра́сть Христо́ву, со дерзнове́ніемъ прино́симъ пѣ́нія Бо́гу на́шему. — Христо́съ, Лоза́ кра́сная, гро́здія ва́съ принесе́, сла́дость спаси́тельную напая́ющія земли́, апо́столи богоно́сніи, тѣ́мже мя́ изба́вите сласте́й пія́нства, молю́ся, струи́ умиле́нія души́ мое́й да́рующе въ боже́ственнѣмъ поще́нія дни́, я́ко да спа́сся, живо́тъ получу́. — Го́споди, благоувѣ́тливъ бу́ди на́мъ въ сіе́ боже́ственное вре́мя, сле́зы точи́ти Тебѣ́ отъ се́рдца сподо́би всегда́ ко отмове́нію скве́рнъ душе́вныхъ и къ прозябе́нію святы́хъ за́повѣдей, я́ко да си́це постя́щеся, досто́йно благоугоди́мъ Тебѣ́, и всечестну́ю Твою́ Стра́сть всѣ́мъ ви́дѣти благоизво́ли моли́твами Твои́хъ...» (Кіевъ, 1864.) далѣе...


"ТРІОДЬ ПОСТНАЯ". СЛУЖБА ВЪ СРЕДУ 2-Й СЕДМИЦЫ ПОСТА (1864)

Господь Вседержитель «На Крестѣ́ распросте́рлъ еси́, Христе́, пречи́стѣи ру́цѣ Твои́, собира́я концы́. Тѣ́мже зову́ Ти́: расточе́нный у́мъ мо́й собери́, плѣне́нный, влеко́мый страстьми́, и страда́ній Твои́хъ о́бщника мя́ покажи́, воздержа́ніемъ всего́ очище́на. — Дѣ́ти, обостри́въ иногда́ по́стъ, показа́ си́льнѣйшія, я́коже пи́шется, огня́ паля́щаго. Смире́нная душе́ моя́, пости́ся, вжига́ющи въ себѣ́ Влады́чнее возлюбле́ніе, и́мже бу́дущія возмо́жеши избѣжа́ти гее́нны и стра́сти попали́ти всепа́губныя. — Вре́мя весе́лое поста́, тѣ́мже чистоты́ свѣтови́дныя и любве́ чи́стыя, моли́твы свѣтоза́рныя и вся́кія ины́я добродѣ́тели насы́тившеся бога́тно, свѣ́тло возопіи́мъ: Кре́сте Христо́въ всесвяты́й, возрасти́вый сла́дость жи́зни, всѣ́хъ чи́стымъ се́рдцемъ тебѣ́ поклони́тися сподо́би на́съ, очище́ніе на́мъ дая́ и ве́лію ми́лость. — Пло́тію распны́йся, Го́споди, и съ Собо́ю распны́й ве́тхаго на́шего человѣ́ка, копіе́мъ же прободе́нъ въ ре́бра и человѣкогуби́теля спрободы́й змíя, пригвозди́ къ стра́ху Твоему́ пло́ти моя́ и любо́вію Твое́ю уязви́ мою́ ду́шу, да Твою́ созерца́я Стра́сть, возде́ржно совершу́ поста́ опредѣле́ніе, не то́чію чре́во, но и другíя грѣха́ вхо́ды удержава́я, сокруше́ніе же се́рдца и ду́ха смире́ніе пожру́ Тебѣ́ о преждебы́вшихъ мои́хъ согрѣше́ніихъ, отъ ни́хже мя́ изба́ви, Человѣколю́бче. — Христе́, на Крестѣ́ просте́рся, умертви́лся еси́, умертви́вый врага́ и началозло́бнаго змíя, оживи́въ же угрызе́ніемъ о́наго уме́ршія. Тѣ́мже молю́ся: умерщвле́нную ду́шу мою́, Спа́се, оживи́, въ моли́твѣ и постѣ́ къ Тебѣ́ взира́ющую...» (Кіевъ, 1864.) далѣе...

Просьба о молитвенной поддержкѣ

Просимъ молитвъ нашихъ читателей о здравіи и спасеніи рабовъ Божіихъ, Александра, Людмилы, Евгенія, Александра, Анны, Раисы, чьими трудами созданъ и поддерживается нашъ сайтъ.

Нашъ баннеръ

Просимъ Васъ поддержать нашъ сайтъ:

Баннеръ Размѣры Кодъ баннера
88 x 31 <!--osanna.russportal.ru-->
<a href=http://osanna.russportal.ru><img src=http://osanna.russportal.ru/image/osanna88x31.gif width="88" height="31" border=0 title='Собрание Богослужебных текстов Православной Церкви'></a>
<!--osanna.russportal.ru-->


Наверхъ

0