Собраніе богослужебныхъ текстовъ Православной Церкви

Русскiй Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Осанна
-
Гостевая книга
-
Новости
-
Написать письмо
-
Поискъ
-
Литургика
-
Канонизація святыхъ
-
Ирмологій

Домашняя молитва

Каноны
-
Акаѳисты
-
Псалтирь Божіей Матери

Евхологій

Служебникъ
-
Требникъ

Слѣдованная Псалтирь

Псалтирь
-
Канонникъ
-
Часословъ
-
Мѣсяцесловъ

Тріодь

Постная
-
Цвѣтная

Минеи

Минея Общая
-
Минеи Богослужебныя
-
Архивъ

Церк.-учит. литература

«Златоустъ»

Греч. и древнерус. тексты

Греч. литург. тексты
-
Древнерус. литург. тексты

Календарь на Вашемъ сайтѣ

Ссылка для установки

Православный календарь

Новости сайта



Сегодня - воскресенiе, 23 iюля 2017 г. Сейчасъ на порталѣ посѣтителей - 19.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ОСАННА

«ОСАННА» — ОДИНЪ ИЗЪ ПРОЕКТОВЪ «РУССКАГО ПОРТАЛА»

Сайтъ основанъ 4 Апрѣля 2011 г. (17 Апрѣля 2011 г. по н. ст.) въ день Входа Господня въ Іерусалимъ — Недѣлю Ваій.
RSS-каналъ сайтаhttp://www.russportal.ru/news/rss.php?h=8.         Разсылка новостейhttp://www.russportal.ru/subscribe
Экспортъ новостей въ «Живомъ журналѣ»http://russportal.livejournal.com

Изъ слова свт. Іоанна, архіеп. Шанхайскаго и Санъ-Францисскаго († 1966 г.)

Почему съ молитвами Животворящему Кресту соединяются молитвы о царяхъ?

Егда́ ца́рства правосла́вная на земли́ падо́ша и забве́нію пре́дана бы́ша, не преста́лъ еси́ побѣ́ды проси́ти царе́мъ благовѣ́рнымъ въ дре́внихъ пѣ́снехъ неизмѣ́нно, я́ко тѣ́хъ держа́ва то́чію благослове́нна е́сть отъ Бо́га оте́цъ на́шихъ (Изъ службы свт. Іоанну, архіеп. Шанхайскому, канонъ, пѣснь 8-я, троп. 3-й).

Свт. Иоанн, архиеп. Шанхайский и Сан-ФранцисскийПравославная Церковь, исполняя наставленіе апостола Павла молиться за царей, даже языческихъ, поскольку они являются защитниками порядка, а не гонителями Вѣры, всегда возносила моленіе Богу, чтобы сила крестная помогала уповающимъ на крестъ царямъ. Службы святому кресту по средамъ и пятницамъ, въ кои дни воспоминаются страданія Христовы, и въ другіе праздники Животворящаго креста полны такихъ моленій. Въ нихъ говорится: «Крестъ царей держава», «о тебѣ вѣрнѣйшіе царіе наши хвалятся, яко твоею силою исмаильтейскіе люди державно покаряюще», «побѣды благовѣрнымъ царемъ на сопротивныя даруя и Твое сохраняя Крестомъ Твоимъ жительство», «древо честное царемъ на варвары побѣду подающее»... Такими и тому подобными выраженіями наполнены службы кресту. — Замѣчательно, что многія изъ сихъ пѣснопѣній написаны святыми Отцами, которые сами жестоко страдали отъ царей иконоборцевъ; они не прекращали моленія за царей, твердо вѣря, что послѣ злыхъ царей будутъ и цари благочестивые. Не измѣняли тѣ молитвы православные греки и южные славяне и находясь подъ властью турокъ или чужихъ чужеземныхъ властей, хотя бы они были иновѣрными. далѣе>> (Свт. Іоаннъ, архіеп. Шанхайскій и Санъ-Францисскій († 1966 г.)

Анонсы обновленій

АРХІЕП. АВЕРКІЙ (ТАУШЕВЪ). НА ПУТЯХЪ КОМПРОМИССА СО ЗЛОМЪ (1965)

Архиепископ Аверкий (Таушев) «Нижеслѣдующій разборъ изданной Московскимъ Патріархатомъ службы Всѣмъ Святымъ въ Землѣ Русской Просіявшимъ, сдѣланный по порученію Архіерейскаго Синода Владыкой Аверкіемъ, тогда еще архимандритомъ, былъ напечатанъ въ 1948 году въ Мюнхенской "Церковной Жизни" (іюнь-іюль), откуда мы этотъ очеркъ и перепечатываемъ. — "Сравнительно недавно дошла до насъ, наконецъ, первая богослужебная книга, напечатанная въ Совѣтскомъ союзѣ. И при томъ какая книга! — «Служба всѣмъ святымъ въ земли Россійстѣй просіявшимъ». Естественно чувство радости и живѣйшаго интереса, съ которымъ мы взяли въ руки эту книгу. Итакъ, все-таки церковь въ нынѣшней Россіи очевидно получила какую-то долю дѣйствительной свободы, если ей уже позволено печатать столь необходимыя для нея богослужебныя книги. Но по мѣрѣ того, какъ мы начали только лишь перелистывать и поверхностно просматривать эту книгу, насъ охватило чувство разочарованія и глубокаго огорченія. Эта дивная, прекрасная служба оказалась искаженной до неузнаваемости. При болѣе внимательномъ сличеніи ея съ той службой, которая была утверждена для всеобщаго употребленія Всероссійскимъ Церковнымъ Соборомъ въ Москвѣ въ 1918 году, мы сразу же обнаружили огромное количество весьма существенныхъ пропусковъ и измѣненій...» («Православная Жизнь». Jordanville, 1965.) далѣе...


КНИГА «ЗЛАТОУСТЪ». СЛОВО 80-Е, ВЪ НЕДѢЛЮ 2-Ю ПО ПЯТДЕСЯТНИЦѢ (1910)

Святитель Иоанн Златоуст «Азъ у́бо, дру́зи и бра́тіе, надѣ́яхся на вся́ку недѣ́лю бо́лѣе собра́ти люде́й въ це́рковь на послу́шаніе Боже́ственныхъ слове́съ, ны́нѣ же мнѣ́е прихо́дите. Но а́ще бы́хъ о себѣ́ глаго́лалъ, то́ до́брѣ твори́ли бы́сте не приходя́ще, ны́нѣ же Влады́чни за́повѣди возвѣща́ю ва́мъ. Яко же бо кто́ гра́моту царе́ву или кня́жу во́ градъ принесе́тъ подъ руко́ю его́ су́щимъ, не пыта́ютъ житія́ прине́сшаго, бога́тъ ли или́ убо́гъ, пра́ведникъ ли или́ грѣ́шникъ, но тѣ́хъ то́чію что́мыхъ послу́шаютъ и тща́тся вся́ко, да бы́ ничто́ же и́хъ забы́ти. Аще ли кото́раго словесе́ кто́ недослы́шалъ, то вопроша́етъ слы́шавшаго; а́ще ли безчи́ненъ человѣ́къ молву́ твори́тъ, то бію́ще отго́нятъ его́, я́ко па́кость творя́щаго. Да а́ще земна́го кня́зя гра́мотамъ толи́ко внима́ніе быва́етъ, то́ кольми́ па́че подоба́етъ внима́ти на́мъ, идѣ́же а́нгеломъ Влады́ка бесѣ́дуетъ. Тѣ́мъ молю́ вы́, здѣ́ прише́дшихъ, да поуча́ете неприходя́щія, и увѣща́ете приходи́ти въ це́рковь, и со́ страхомъ стоя́ти внима́юще. Вы́ у́бо вкуси́сте отъ ме́да уче́нія, они́ же ника́ко же; «вкуси́те бо», рече́, «и увѣ́дите, я́ко бла́гъ Госпо́дь». Вѣ́сте бо, «я́ко отъ недосто́йнаго изводя́й досто́йнаго, я́ко уста́» су́ть Христо́ва. Поне́же у́бо сія́ изреко́хъ ва́мъ, послу́шайте, да поучу́ вы́ о моли́твѣ: то́ю бо исправля́ются вся́ до́брая дѣ́ла...» (М., 1910.) далѣе...


ЧИНЪ ОСВЯЩЕНІЯ ЗНАКОВЪ ОРДЕНА СВ. ВЕЛИКОМ. И ПОБѢДОНОСЦА ГЕОРГІЯ (1769)

Знаки военного ордена Святого Великомученика и Победоносца Георгия «На ектеніи: О е́же благослови́ти зна́ки сія́ во́инскія благослове́ніемъ Свои́мъ небе́снымъ, стра́шны же и ужа́сны сія́ враго́мъ сотвори́ти, Го́споду помо́лимся. — О е́же вѣ́рнымъ Свои́мъ во́инамъ, зна́менія сія́ нося́щимъ и на сія́ взира́ющимъ, ду́хъ хра́брости, бо́дрствіе и си́лу на сотре́ніе крѣ́пости и попра́ніе дерзнове́нія супоста́тъ на́шихъ ми́лостивно пода́ти, Го́споду помо́лимся. — О е́же зна́меніямъ си́мъ бы́ти возбуди́тельнымъ къ хра́брости и великоду́шію, и испо́лнити весе́ліемъ и ра́достію сердца́, му́жественно за вѣ́ру и оте́чество подвиза́вшихся, Го́споду помо́лимся. — Моли́тва: Всеси́льный и Превѣ́чный Бо́же на́шъ, Отче Го́спода Бо́га и Спа́са на́шего Іису́са Христа́, Са́мъ сы́й всему́ мíру Творе́цъ, и всея́ тва́ри Благослове́ніе, и побѣжда́ющимъ Крѣ́пость, при́зри милосе́рдымъ Свои́мъ о́комъ на на́съ смире́нныхъ и недосто́йныхъ рабо́въ Твои́хъ и на моли́тву на́шу, и сія́ зна́менія, я́же въ награжде́ніе подвиго́въ и добродѣ́тели, и на дѣ́ло благопоспѣ́шества въ бра́ни и достиже́ніи ми́ра пріугото́ва избра́нная Тобо́ю Пома́занница Твоя́, благослови́ и освяти́, я́ко да храни́тельствомъ Твои́мъ соблюде́ни, враго́мъ пребу́демъ стра́шны всегда́ и ужа́сны, вѣ́рнымъ же Твои́мъ во́иномъ, на Тя́ надѣ́ющимся, извѣ́стное упова́ніе побѣ́ды и крѣ́пость...» (СПб., 1769.) далѣе...


КНИГА «ЗЛАТОУСТЪ». СЛОВО 79-Е, ВЪ НЕДѢЛЮ ВСѢХЪ СВЯТЫХЪ (1910)

Святитель Иоанн Златоуст «Отне́лѣ же Пятьдеся́тницу пра́здновахомъ и прише́ствіе Свята́го Ду́ха, не пре́йде седми́ днíй число́, ны́нѣ же приспѣ́ всѣ́хъ святы́хъ честна́я па́мять. Поне́же и Са́мъ Госпо́дь рече́: «Отче, хощу́, да идѣ́же Азъ, ту́ бу́дутъ и уго́ждьшіи Мнѣ́». Просла́ви бо Госпо́дь Бо́гъ на́ небеси и на земли́ святы́я Своя́: апо́столы же, проро́ки и му́ченики, святи́тели, и преподо́бныя, и священному́ченики, по́стники съ му́ченицами и съ преподо́бными жена́ми, и́хъ же па́мять чту́ще, потщи́мся въ за́повѣдехъ Бо́жіихъ бы́ти и пра́вду дѣ́яти, да и на́съ Госпо́дь Бо́гъ просла́витъ. Святíи бо таковíи же человѣ́цы бы́ли, я́ко же и мы́, но непра́вду и зло́бу возненави́дѣша, сла́ву же мíра сего́ и бога́тство нивочто́же вмѣни́ша, и живота́ своего́ не пощади́ша, тѣ́мъ же и на́ небесѣхъ со а́нгелы пребыва́ютъ безъ ста́рости и безсме́ртни. Поне́же а́ще му́ченицы и имя́ху тѣ́ло сме́ртно, но ду́ши и́хъ со а́нгелы во сла́вѣ: Христо́ва бо сме́рть вельми́ просла́ви я́. Не тольма́ не́бо свѣ́тло укра́шено звѣзда́ми, я́ко же му́ченическая тѣлеса́ я́звами краси́ма. Кто́ же не диви́тся сему́? Біе́міи одолѣва́ютъ бію́щихъ, связу́еміи — разрѣше́нныхъ, жго́міи — жгу́щихъ. Му́ченицы бо вя́жеми, и многоразли́чно томи́ми, и му́чими, побѣди́ша му́чащихъ, мно́ги пріи́мше стра́сти...» (М., 1910.) далѣе...


"ТРІОДЬ ЦВѢТНАЯ". СЛУЖБА ВЪ НЕДѢЛЮ 1-Ю ПО 50-ЦѢ, ВСѢХЪ СВЯТЫХЪ (1864)

Собор всех святых «Иже во все́мъ мíрѣ му́ченикъ Твои́хъ, я́ко багряни́цею и ви́ссомъ, кровьми́ Це́рковь Твоя́ украси́вшися, тѣ́ми вопіе́тъ Ти́, Христе́ Бо́же: лю́демъ Твои́мъ щедро́ты Твоя́ низпосли́, ми́ръ жи́тельству Твоему́ да́руй, и душа́мъ на́шимъ ве́лію ми́лость. — Духо́вніи вѣтíи, ученицы́ Спа́совы, Ду́ху орга́ни бы́вше вѣ́рою, разсѣ́яшася въ концы́ земли́, честно́е проповѣ́даніе правосла́внѣ сѣ́юще, отъ ни́хже прозябо́ша Боже́ственнымъ земледѣ́ліемъ, и благода́тію му́ченикъ во́инства, стра́сть честну́ю образу́юща, многообра́зными раздробле́ній ра́нами и огне́мъ, и со дерзнове́ніемъ мо́лятся о душа́хъ на́шихъ. — Огне́мъ воспаля́еми Госпо́дни любве́, огня́ презрѣ́ша, и я́ко Боже́ственное у́гліе возжига́еми честнíи му́ченицы во Христѣ́, попали́ша хвра́стное ле́сти шата́ніе, звѣре́й же загради́ша уста́ честны́мъ призыва́ніемъ, и во главы́ усѣка́еми, посѣко́ша врага́ вся́ ополче́нія, и крове́й пролива́юще пото́ки терпѣли́вно, Це́рковь напои́ша вѣ́рою просвѣща́ему. — Вѣ́ры согла́сіемъ мірско́е торжество́, отъ вѣ́ка Бо́гу благоугоди́вшихъ, патріа́рховъ честно́е и проро́ковъ сосло́віе, апо́столовъ удобре́ніе, му́чениковъ собра́ніе, по́стниковъ похвалу́, всѣ́хъ святы́хъ па́мять духо́внѣ пра́зднуимъ, мо́лятъ бо ся непреста́нно, дарова́тися ми́ру мíрови, и душа́мъ на́шимъ ве́ліей ми́лости...» (Кіевъ, 1864.) далѣе...


КНИГА «ЗЛАТОУСТЪ». СЛОВО 78-Е, ВЪ ПОНЕДѢЛЬНИКЪ СВЯТАГО ДУХА (1910)

Пресвятая Троица «Вели́цыи на́мъ, люби́міи, о́тъ Бога да́ны да́рове во дне́шній пра́здникъ. Ве́село да восхва́лимъ Христа́ Бо́га на́шего, се́ бо въ прише́ствіе Свята́го Ду́ха доидо́хомъ. Дне́сь си́лу прія́ша апо́столи и нача́ша глаго́лати инѣ́ми язы́ки, я́ко же Ду́хъ Святы́й подава́ше и́мъ. Почто́ Святы́й Ду́хъ, Отцу́ и Сы́ну Единосу́щенъ сы́й, во о́бразѣ о́гненнѣ яви́ся апо́столомъ, а на Единоча́дѣмъ Сы́нѣ въ голуби́нѣ о́бразѣ яви́ся? Почто́ же иногда́ голуби́нымъ о́бразомъ, а иногда́ о́гненнымъ явля́ется Святы́й Ду́хъ? Ни на́ Господа пріи́де во о́бразѣ о́гненнѣ, ни на ученики́ яви́ся въ голуби́нѣ? Четы́рьми у́бо се́ е́сть раздѣле́ніи: со Отце́мъ и Сы́номъ бѣ́ единовѣ́ченъ Ду́хъ, о́гненымъ о́бразомъ яви́ся апо́столомъ, я́ко безпло́тенъ, неизрече́ненъ и неви́димъ Бо́гъ. Но о́гненъ е́сть, Па́влу свидѣ́тельствующу: «Бо́гъ на́шъ е́сть Огнь пояда́яй»; того́ ра́ди о́гненнымъ о́бразомъ явле́ніе Свята́го Ду́ха на́ землю Госпо́дь посла́. Моѵсе́й глаго́летъ: «одесну́ю Его́ о́гнь и зако́нъ, а ошу́юю грѣ́шніи бу́дутъ». Вельми́ бо жада́етъ Христо́съ Бо́гъ на́шего спасе́нія, Свои́мъ милосе́рдіемъ изво́ли обнови́ти естество́ на́ше, обетша́вшее грѣхи́, тѣ́мъ же въ на́шу пло́ть облече́ся и во́лею за ны́ пострада́, хотя́ на́съ спасти́, и Воскре́се изъ ме́ртвыхъ, взы́де на́ небо и сѣ́де одесну́ю Отца́...» (М., 1910.) далѣе...


"ТРІОДЬ ЦВѢТНАЯ". СЛУЖБА ВЪ СУББОТУ ПО ПЯТИДЕСЯТНИЦѢ. ОТДАНІЕ ПРАЗДНИКА (1864)

Сошествие Святого Духа на апостолов «Пятдеся́тницу пра́зднуимъ, и Ду́ха прише́ствіе, и предложе́ніе обѣща́нія, и наде́жды исполне́ніе, и та́инство ели́ко, я́ко вели́ко же и че́стно. Тѣ́мже вопіе́мъ Ти́: Содѣ́телю всѣ́хъ Го́споди, сла́ва Тебѣ́! — Язы́ками иноро́дныхъ обнови́лъ еси́, Христе́, Твоя́ ученики́, да тѣ́ми Тя́ проповѣ́дятъ безсме́ртнаго Сло́ва и Бо́га, подаю́щаго душа́мъ на́шимъ ве́лію ми́лость. — Вся́ подае́тъ Ду́хъ Святы́й: то́читъ проро́чествія, свяще́нники соверша́етъ, некни́жныя му́дрости научи́, ры́бари богосло́вцы показа́, ве́сь собира́етъ собо́ръ церко́вный. Единосу́щне и Сопресто́льне Отцу́ и Сы́ну, Утѣ́шителю, сла́ва Тебѣ́! — Ви́дѣхомъ Свѣ́тъ Истинный, прія́хомъ Ду́ха Небе́снаго, обрѣто́хомъ вѣ́ру и́стинную, Нераздѣ́льней Тро́ицѣ покланя́емся: Та́ бо на́съ спасла́ е́сть. — Во проро́цѣхъ возвѣсти́лъ еси́ на́мъ пу́ть спасе́нія, и во апо́столѣхъ возсія́, Спа́се на́шъ, благода́ть Ду́ха Твоего́: Ты́ еси́ Бо́гъ пе́рвый, Ты́ и по си́хъ, и во вѣ́ки Ты́ еси́ Бо́гъ на́шъ. — Во дво́рѣхъ Твои́хъ воспою́ Тя́, Спа́са мíра, и прекло́нь колѣ́на, поклоню́ся Твое́й непобѣди́мѣй си́лѣ, ве́черъ, и у́тро, и полу́дне, и на вся́кое вре́мя благословлю́ Тя́, Го́споди. — Всесвяты́й Ду́ше, исходя́й изъ Отца́ и Сы́номъ прише́дый къ безкни́жнымъ ученико́мъ, Тебе́ Бо́га позна́вшихъ спаси́ и поми́луй всѣ́хъ...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ ПЯТОКЪ 1-Й СЕДМИЦЫ ПО ПЯТИДЕСЯТНИЦѢ (1864)

Сошествие Святого Духа на апостолов «Моисе́й на горѣ́ Су́щаго огне́мъ ви́дѣ, но и богови́дцемъ и му́дрымъ апо́столомъ Ду́хъ огнезра́чно схо́дитъ ны́нѣ, а́ки я́вственно просвѣща́я, я́коже Еди́нъ Бо́гъ, глаго́лавый тогда́ и ны́нѣ въ то́ждествѣ естества́. — Огнезра́чными язы́ки богогла́голивіи къ водѣ́ креще́нія Боже́ственнаго зову́ще, ри́торовъ буесло́віе безбо́жныхъ огне́мъ Ду́ха попали́ша. Но просвѣти́, Утѣ́шителю, и на́съ, вѣ́рно богосло́вящихъ Тя́. — И и́же въ веществѣ́, Бо́же мо́й, Тебѣ́ послужи́вшія, пріе́мшія дебе́лость вещества́ неизрече́нно, я́коже дре́вле невеще́ственныхъ огне́мъ новотвори́ши пла́менныя Ду́ха, я́ко многопѣва́емь еси́, я́ко Чу́денъ въ дѣ́лѣхъ Твои́хъ, Человѣколю́бче. — Дне́сь на́йде Пресвята́го Твоего́ Ду́ха дѣ́йствіе, Го́споди, на апо́столы Твоя́, и прему́дры показа́въ боговѣ́дѣніемъ, и испо́лни я́ блаже́ннаго уче́нія Твоего́. Тѣ́мже Твое́ спаси́тельное смотре́ніе сла́вимъ, Іису́се Всеси́льне, Спа́се ду́шъ на́шихъ. — Дне́сь Ду́хъ Тво́й Всеси́льный, Влады́ко, отъ Отца́ посыла́ется, Тебѣ́ Единосу́щный, во о́гненныхъ язы́цѣхъ, подая́ти же вели́чія Твоя́, глаго́лати апо́столы Твоя́ устро́и. Тѣ́мже спаси́тельное Твое́ смотре́ніе сла́вимъ, Іису́се Всеси́льне, Спа́се ду́шъ на́шихъ. — Тро́ицу Единосу́щную пѣсносло́вимъ, Отца́ и Сы́на со Святы́мъ Ду́хомъ: Сію́ бо проповѣ́даша вси́ проро́цы и апо́столи съ му́ченики...» (Кіевъ, 1864.) далѣе...


КНИГА «ЗЛАТОУСТЪ». СЛОВО 77-Е, ВЪ НЕДѢЛЮ ПЕНТИКОСТНУЮ (1910)

Сошествие Святого Духа на апостолов «Лю́бящимъ Бо́га, пра́зднованію го́дъ не быва́етъ. Се́ бо пра́зднующимъ на́мъ, и а́нгели свеселя́тся, арха́нгели ра́дуются и вся́ небе́сныя си́лы съ на́ми пра́зднуютъ. Пра́зднуемъ у́бо не я́ко невѣ́рніи, ни я́ко жидо́вскія дѣ́ти, но напо́лньшеся духо́вныя ра́дости, я́ко же Сіо́нская ча́да, а не я́ко фарао́нъ, яды́й, я́ко во́лъ. Пра́зднуемъ у́бо, вѣ́рніи, я́ко же апо́столъ Па́велъ рече́, не ква́сомъ ве́тхимъ, ни ква́сомъ зло́бнымъ и лука́вымъ, но пра́зднуемъ дне́сь духо́внѣ Свята́го Ду́ха прише́ствіе, Госпо́дь бо Ду́хъ е́сть, вселя́яся въ сердца́ лю́бящихъ Его́. Пра́здникъ бо на́мъ — пятьдеся́тный де́нь ны́нѣ по Воскресе́ніи Христо́вѣ, въ о́ньже Свята́го Ду́ха прише́ствіе бѣ́ на апо́столы. Яко же златы́я плени́цы ря́снове дру́гъ дру́га прехо́дятъ, та́ко же и Свята́я Це́рковь пра́здникъ отъ пра́здника чте́тъ. Неда́вно пра́здновахомъ о Стра́сти Госпо́дни, и о Воскресе́ніи, и о испыта́ніи ре́бръ Госпо́днихъ, и о возше́ствіи Его́ на небеса́; дне́сь же въ соверше́ніе Госпо́дни за́повѣди доидо́хомъ: «аще бо иду́ Азъ», рече́ Госпо́дь, «Ино́го ва́мъ Утѣ́шителя послю́ и не оста́влю ва́съ си́рыхъ». Ви́дите ли человѣколю́біе Госпо́дне? Предъ си́ми десятію́ де́ньми взы́де Госпо́дь на́ небо, Ца́рьскій прія́ти престо́лъ, одесну́ю Отца́ сѣ́де; дне́сь же прише́ствіе Свята́го Ду́ха дарова́ и ско́рбный о́блакъ ученико́мъ Свои́мъ разори́...» (М., 1910.) далѣе...


КНИГА «ЗЛАТОУСТЪ». СЛОВО 76-Е, ВЪ СУББОТУ ПЕНТИКОСТНУЮ (1910)

Поминовение усопших «Лѣ́по съ ра́зумомъ разсмотря́я все́ дѣ́яти, ни о уме́ршихъ мно́го пла́кати, ни вла́съ терза́ти, ни ли́цъ дра́ти, я́ко же невѣ́рніи творя́тъ, и́мъ же не бы́ти съ Бо́гомъ. Вѣ́рнымъ же о тѣ́хъ ско́рбь имѣ́ти, а́ще кто́ безъ покая́нія у́мретъ; о таковѣ́мъ бо ни прино́са въ це́рковь нѣ́сть досто́йно приноси́ти. Пла́кати же о скупы́хъ и о бога́тыхъ, и́же не скорбя́тъ о души́ въ животѣ́ свое́мъ. Аще же кто́ жи́въ сы́й ще́дръ и пода́тливъ бы́сть, то́ и по сме́рти дая́ніе за него́ вели́ко посо́біе души́ е́сть. О то́мъ Давы́дъ проро́къ глаго́летъ: «блаже́нъ человѣ́къ, и́же имѣ́ніемъ свои́мъ ду́шу свою́ изба́витъ отъ му́ки». И па́ки рече́: «бла́гъ му́жъ, ще́дря и дая́». А неми́лостивымъ неми́лостивъ су́дъ бу́детъ. Того́ ра́ди вся́къ да пече́тся въ животѣ́ о души́ свое́й: не роди́бося ни съ кѣ́мъ же имѣ́ніе, я́вѣ е́сть, я́ко ни отнести́ мо́жетъ что́ умира́яй, то́кмо со грѣхи́ оты́детъ свѣ́та сего́, а имѣ́ніе инѣ́мъ оста́нется. О, человѣ́че, сотвори́ себѣ́ при животѣ́ па́мять! Еди́на ти́ е́сть душа́ и еди́но житія́ вре́мя. Не глаго́ли: «дѣ́темъ оста́влю имѣ́ніе — тíи мнѣ́ па́мять сотворя́тъ»; не вѣ́си бо, ка́цы бу́дутъ дѣ́ти, или́ каково́ вре́мя пости́гнетъ? Имѣ́ніе бо рѣцѣ́ подо́бно е́сть. Вся́къ бо постя́ся и пекíйся о спасе́ніи свое́мъ въ житіи́ се́мъ, по́льзуетъ ду́шу свою́...» (М., 1910.) далѣе...


"ТРІОДЬ ЦВѢТНАЯ". СЛУЖБА ВЪ ЧЕТВЕРТОКЪ 1-Й СЕДМИЦЫ ПО ПЯТИДЕСЯТНИЦѢ (1864)

Сошествие Святого Духа на апостолов «Се́ де́нь ра́дости и весе́лія: свы́ше яви́ся свяще́ннымъ ученико́мъ Ду́хъ Святы́й дне́сь о́гненнымъ ви́домъ отъ Отца́ и всѣ́хъ просвѣти́; сказа́тели яви́ ры́бари мудрецы́, я́коже Лука́ написа́ богогла́сный, Ду́хомъ ну́жнымъ исполня́яй вся́ческая. Тѣ́мже, вѣ́рою ди́вящеся, восхваля́емъ Христа́ Бо́га на́шего мно́гую ми́лость и кра́йнее снизше́ствіе. — Пятдеся́тницу пра́зднуимъ святу́ю, и Ду́ха си́лу, и и́стинную ра́дость, Боже́ственныя наде́жди соверше́ніе, и та́инства, е́же отъ вѣ́ка яви́вшагося на́мъ. Тѣ́мже и вопіе́мъ Ти́: Содѣ́телю всѣ́хъ, не отыми́ Ду́ха Твоего́ отъ на́съ, Сло́ве, но съ небесе́, Спа́се, посли́ моли́твами святы́хъ и всесла́вныхъ, честны́хъ апо́столъ Твои́хъ, ми́ръ пода́ждь душа́мъ на́шимъ, мо́лимся. — Небеса́ одушевле́нная повѣ́даютъ дне́сь Спа́сова вели́чія, и ве́сь мíръ проидо́ша, я́сно проповѣ́дати Утѣ́шителеву Боже́ственную си́лу, и просвѣти́ша всю́ тва́рь уче́ньми, е́же воспѣва́ти нераздѣли́мую Тро́ицу Еди́ну, въ Три́ Ли́ца неслія́нну. Тѣ́мже вѣ́рою пра́зднуемъ Свята́го Ду́ха прише́ствіе, свы́ше яви́вшееся и просвѣща́ющее концы́. — Утѣ́шителя иму́ще ко Отцу́ — Христа́ Бо́га, Утѣ́шителю Ино́му, прише́дшему къ на́мъ на зе́млю дне́сь, Ду́ху Свято́му, вѣ́рою поклони́мся...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ СРЕДУ 1-Й СЕДМИЦЫ ПО ПЯТИДЕСЯТНИЦѢ (1864)

Сошествие Святого Духа на апостолов «Яко сра́сленно, я́ко сво́йственно слове́снымъ небесе́мъ огнеобра́зными язы́ки возвѣща́ти язы́комъ сла́ву Бо́га, огне́мъ небеса́ украси́вшаго и озари́вшаго мíръ чу́вственный съ Сы́номъ же и Ду́хомъ. — Въ Сіо́нѣ собра́ннымъ ученико́мъ Христо́вымъ, я́коже обѣща́ніе, Ду́хъ Святы́й на сія́ прише́дъ ви́домъ о́гненнымъ, огнедохнове́нны я́ показа́, вѣща́ніи та́йными уче́нія Тро́ическая витíйствующія. — Небокова́нныя мечи́, свяще́нныя ученики́, Свяще́нный Ду́хъ прише́дъ, соверши́: зе́млю освяти́ша Бо́гу Творцу́, несвяще́нныя посѣ́кше, я́ко исче́знути ору́жіемъ лука́ваго и спасти́ся душа́мъ на́шимъ. — Дне́сь на́йде Пресвята́го Твоего́ Ду́ха дѣ́йствіе, Го́споди, на апо́столы Твоя́, и прему́дры показа́въ боговѣ́дѣніемъ, и испо́лни я́ блаже́ннаго уче́нія Твоего́. Тѣ́мже Твое́ спаси́тельное смотре́ніе сла́вимъ, Іису́се Всеси́льне, Спа́се ду́шъ на́шихъ. — Дне́сь Ду́хъ Тво́й Всеси́льный, Влады́ко, отъ Отца́ посыла́ется, Тебѣ́ Единосу́щный, во о́гненныхъ язы́цѣхъ, подая́ти же вели́чія Твоя́, глаго́лати апо́столы Твоя́ устро́и. Тѣ́мже спаси́тельное Твое́ смотре́ніе сла́вимъ, Іису́се Всеси́льне, Спа́се ду́шъ на́шихъ. — Свы́ше къ на́мъ, Утѣ́шителю, прише́дый, я́коже пе́рвѣе ко апо́столомъ, освяти́ и спаси́, Тебе́ Бо́га проповѣ́дающихъ...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВО ВТОРНИКЪ 1-Й СЕДМИЦЫ ПО ПЯТИДЕСЯТНИЦѢ (1864)

Сошествие Святого Духа на апостолов «Ны́нѣ обновля́ются язы́цы вели́чіи Бо́жіими, иновѣща́нными словесы́, я́ко въ ви́дѣ о́гненномъ, во увѣре́ніе всѣ́хъ су́щихъ на земли́, повѣ́дати яснѣ́йши, ны́нѣ въ зна́меніе язы́комъ вои́стинну спасе́ніе прише́лъ еси́. — Юже низпосла́ти обѣща́лъ еси́ ученико́мъ Твои́мъ, Христе́, съ высоты́ си́лу, испо́лнивый; посыла́еши Свята́го Твоего́ Ду́ха, показа́вый на́мъ, я́ко Ты́ еси́ Истина, и на Тя́ упова́ющіи, Бла́же, вои́стинну не посрамля́ются. — Предъобѣща́ніе испо́лнивый, Твоего́ Утѣ́шителя, я́ко во о́гненныхъ язы́цѣхъ, посла́лъ еси́ мíру, всѣ́хъ грѣхи́ Боже́ственнымъ огне́мъ слія́ти и да́ти на́мъ е́же къ нему́ обще́ніе и́стинное, вѣ́рно богосло́вящимъ Его́. — Дѣ́ломъ ученико́мъ, я́коже обѣща́лъ еси́, Сло́ве, посла́лъ еси́ Боже́ственнаго и Свята́го Твоего́ Ду́ха, и сія́ просвѣти́лъ еси́. — Внеза́пу съ небесе́ апо́столы вся́ Боже́ственнаго Утѣ́шителя си́ла всему́дры и богосло́вны показа́. — Счиня́ю, своспѣва́ю, ссла́влю, спочита́ю Отцу́ и Сы́ну Ду́ха Всесвята́го, соединя́я Божество́мъ, раздѣля́я сво́йствы: си́це бо Се́й Христо́вы апо́столы ны́нѣ одѣ́явъ, во все́мъ мíрѣ проповѣ́дати упрему́дри. — Язы́ками иноро́дныхъ обнови́лъ еси́, Христе́, Твоя́ ученики́, да тѣ́ми Тя́ проповѣ́дятъ Безсме́ртнаго Сло́ва и Бо́га, подаю́щаго душа́мъ на́шимъ ве́лію ми́лость...» (Кіевъ, 1864.) далѣе...


"ТРІОДЬ ЦВѢТНАЯ". ВЕЧЕРНЯ ПЯТИДЕСЯТНИЦЫ. СЛУЖБА ВЪ ДЕНЬ СВЯТАГО ДУХА (1864)

Пресвятая Троица «Пречи́сте, Нескве́рне, Безнача́льне, Неви́диме, Непостижи́ме, Неизслѣ́диме, Непремѣ́нне, Непобѣди́ме, Неизче́тне, Незло́биве Го́споди, Еди́нъ имѣ́яй безсме́ртіе, во свѣ́тѣ Живы́й непристу́пномъ, Сотвори́вый не́бо, и зе́млю, и мо́ре, и вся́ созда́нная на ни́хъ, пре́жде е́же проси́ти, всѣ́мъ проше́нія подава́яй, Тебѣ́ мо́лимся и Тебе́ про́симъ, Влады́ко Человѣколю́бче, Отца́ Го́спода и Бо́га и Спа́са на́шего Іису́са Христа́, на́съ ра́ди человѣ́ковъ и на́шего ра́ди спасе́нія сше́дшаго съ небе́съ и воплоти́вшагося отъ Ду́ха Свята́го и Марíи Приснодѣ́вы и Пресла́вныя Богоро́дицы, Иже пе́рвѣе у́бо словесы́ уча́, послѣди́ же и дѣ́лы показу́я, егда́ спаси́тельную Стра́сть претерпѣ́, подаде́ на́мъ подписа́ніе смире́ннымъ, и грѣ́шнымъ, и недосто́йнымъ рабо́мъ Твои́мъ, мольбы́ приноси́ти Тебѣ́, въ вы́и и колѣ́нъ преклоне́ніихъ, о свои́хъ грѣсѣ́хъ и о людски́хъ невѣ́дѣніихъ. Са́мъ, Многоми́лостиве и Человѣколю́бче, услы́ши ны́, въ о́ньже а́ще де́нь призове́мъ Тя́, изря́днѣе же въ де́нь се́й пятдеся́тный, въ о́ньже по Вознесе́ніи Го́спода на́шего Іису́са Христа́ на небеса́ и сѣдѣ́ніи одесну́ю Тебе́, Бо́га и Отца́, низпосла́ Свята́го Ду́ха на святы́я Своя́ ученики́ и апо́столы, Иже и сѣ́де на еди́номъ коего́ждо и́хъ, и испо́лнишася вси неистощи́мыя благода́ти Его́, и глаго́лаша язы́ки ины́ми вели́чія Твоя́, и прореко́ша...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ НЕДѢЛЮ 8-Ю. ДЕНЬ СВЯТОЙ ТРОИЦЫ. ПЯТИДЕСЯТНИЦА (1864)

Сошествие Святого Духа на апостолов «Пятдеся́тницу пра́зднуимъ, и Ду́ха прише́ствіе, и предложе́ніе обѣща́нія, и наде́жди исполне́ніе, и та́инство ели́ко, я́ко вели́ко же и че́стно. Тѣ́мже вопіе́мъ Ти́: Содѣ́телю всѣ́хъ Го́споди, сла́ва Тебѣ́! — Язы́ками иноро́дныхъ обнови́лъ еси́, Христе́, Твоя́ ученики́, да тѣ́ми Тя́ проповѣ́дятъ безсме́ртнаго Сло́ва и Бо́га, подаю́щаго душа́мъ на́шимъ ве́лію ми́лость. — Ви́дѣхомъ Свѣ́тъ Истинный, прія́хомъ Ду́ха Небе́снаго, обрѣто́хомъ вѣ́ру и́стинную, Нераздѣ́льней Тро́ицѣ покланя́емся: Та́ бо на́съ спасла́ е́сть — Во проро́цѣхъ возвѣсти́лъ еси́ на́мъ пу́ть спасе́нія, и во апо́столѣхъ возсія́, Спа́се на́шъ, благода́ть Ду́ха Твоего́: Ты́ еси́ Бо́гъ пе́рвый, Ты́ и по си́хъ, и во вѣ́ки Ты́ еси́ Бо́гъ на́шъ. — Пріиди́те, лю́діе, Тріѵпоста́сному Божеству́ поклони́мся, Сы́ну во Отцѣ́ со Святы́мъ Ду́хомъ: Оте́цъ бо безлѣ́тно роди́ Сы́на Соприсносу́щна и Сопресто́льна, и Ду́хъ Святы́й бѣ́ во Отцѣ́ съ Сы́номъ прославля́емь — Еди́на Си́ла, Еди́но Существо́, Еди́но Божество́. Ему́же покланя́ющеся, вси́ глаго́лемъ: Святы́й Бо́же, вся́ содѣ́явый Сы́номъ содѣ́йствомъ Свята́го Ду́ха; Святы́й Крѣ́пкій, Имже Отца́ позна́хомъ и Ду́хъ Святы́й пріи́де въ мíръ; Святы́й Безсме́ртный, Утѣ́шительный Ду́ше, отъ Отца́ исходя́й и въ Сы́не почива́яй: Тро́ице Свята́я, сла́ва Тебѣ́!...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ СУББОТУ 7-Й СЕДМИЦЫ. ТРОИЦКАЯ ПОМИНАЛЬНАЯ СУББОТА (1864)

Поминовение усопших «Отъ вѣ́ка ме́ртвыхъ дне́сь всѣ́хъ по и́мени, съ вѣ́рою пожи́вшихъ благоче́стно, па́мять сотворя́юще, вѣ́рніи, Спа́са и Го́спода воспои́мъ, прося́ще прилѣ́жно си́мъ въ ча́съ суда́ отвѣ́тъ благíй да́ти, Тому́ Самому́ Бо́гу на́шему, все́й судя́щему земли́, десна́го Его́ предстоя́нія получи́ти въ ра́дости, въ ча́сти пра́ведныхъ и во святы́хъ жре́біи свѣ́тлѣмъ, и досто́йнымъ бы́ти небе́снаго Ца́рствія Его́. — Свое́ю кро́вію человѣ́ки, Спа́се, искупи́вый, и сме́ртію Твое́ю отъ сме́рти го́рькія изба́вивый на́съ, и жи́знь вѣ́чную подая́й на́мъ Воскресе́ніемъ Твои́мъ, вся́ упоко́й, Го́споди, усо́пшія благоче́стно, или́ въ пусты́няхъ, или́ во градѣ́хъ, или́ въ мо́ри, или́ на земли́, или́ на вся́комъ мѣ́стѣ: цари́ же, свяще́нники, архіере́и, мона́хи и бѣльцы́ въ во́зрастѣ вся́комъ всеро́дномъ, и сподо́би я́ небе́снаго Ца́рствія Твоего́. — Изъ ме́ртвыхъ Воста́ніемъ Твои́мъ, Христе́, не ктому́ сме́рть облада́етъ уме́ршими благоче́стно. Тѣ́мже мо́лимся прилѣ́жно: рабы́ Твоя́ упоко́й во дво́рѣхъ Твои́хъ и въ нѣ́дрѣхъ Авраа́ма, отъ Ада́ма да́же до дне́сь послужи́вшія Тебѣ́ чи́сто: отцы́ и бра́тію на́шу, дру́ги вку́пѣ и сро́дники, вся́каго человѣ́ка, въ житіи́ послужи́вша вѣ́рно и къ Тебѣ́ преста́вльшася многови́дно и многообра́зно, Бо́же, и сподо́би я́ небе́снаго Ца́рствія Твоего́...» (Кіевъ, 1864.) далѣе...


КНИГА «ЗЛАТОУСТЪ». СЛОВО 75-Е, ВЪ НЕДѢЛЮ 7-Ю ПО ПАСХѢ, СВВ. ОТЕЦЪ, ИЖЕ ВЪ НИКЕИ (1910)

Святитель Иоанн Златоуст «Дне́сь, вѣ́рніи, па́мять святы́хъ оте́цъ чте́тся. По вѣ́рованіи бо, е́же Сы́нъ Бо́жій Человѣ́къ бы́сть, во́лею пострада́, и у́мре, и погребе́нъ бы́сть, и воскре́се, и везнесе́ся на небеса́, и про́чее правовѣ́ріе утверди́ша святíи отцы́. Мно́зи же отъ ерети́къ исповѣ́даша, я́ко Христо́съ пострада́ и воскре́се. А е́же подо́бенъ Сы́нъ Отцу́, то́ ника́ко же, но мно́ги хулы́ на Божество́ вѣща́ша еретицы́. Святíи же отцы́ правовѣ́рное Це́ркви уче́ніе изъясни́ша и вѣ́ру утверди́ша, тѣ́мъ по Госпо́дьскихъ пра́здницѣхъ па́мять святы́хъ оте́цъ пра́зднуется. Бѣ́ во Александрíи Еги́петстѣй презви́теръ вели́кія це́ркве и́менемъ Арій, хи́тръ сы́й кни́гамъ вельми́, ему́ же Пе́тръ архіепи́скопъ поручи́лъ бѣ́ учи́ти лю́ди въ це́ркви. Не по мно́зѣ же вре́мени нача́ Арій зла́я вѣща́ти, глаго́ля: вся́ тва́рь Сы́нъ Бо́жій е́сть. Христа́ же Іису́са глаго́лаше ни единосу́щна Бо́гу Отцу́, ни ра́вна Свято́му Ду́ху. Се́ же увѣ́дѣвъ архіепи́скопъ, повелѣ́ Арія изгна́ти изъ це́ркве. Онъ же нача́ собо́ры дѣ́яти, уча́ свое́й е́реси мно́ги. Ви́дѣвъ же ца́рь Це́рковь возмуще́ну Аріемъ, повелѣ́ созва́ти всея́ вселе́нныя епи́скопы, и ско́ро снидо́шася въ Никíю, идѣ́же Арій приведе́нъ бы́сть со единомы́сленики свои́ми. И снидо́шася отвсю́ду епи́скопи, три́ста и о́смь на́десять, и сѣдо́ша съ царе́мъ...» (М., 1910.) далѣе...


КНИГА «ЗЛАТОУСТЪ». СЛОВО 74-Е, ВЪ ЧЕТВЕРТОКЪ 6-Й СЕДМИЦЫ, НА ВОЗНЕСЕНІЕ ГОСПОДНЕ (1910)

Святитель Иоанн Златоуст «Тріе́ пресла́вная Госпо́дня чудеса́ изъ пе́рвыхъ време́нъ бы́ша: пе́рвое — на зе́млю Сни́тіе; второ́е — изъ ме́ртвыхъ Воскресе́ніе; тре́тіе — на небеса́ Вознесе́ніе. Илія́ бо, а́ще и на небеса́ взя́тъ бы́сть, но мѣ́сто измѣни́ отъ мѣ́ста; Христо́съ же взы́де, отню́ду же и сни́де. Проро́къ бо Давы́дъ о Вознесе́ніи Госпо́дни рече́: «взы́де Бо́гъ въ воскликнове́ніи, Госпо́дь во гла́сѣ тру́бнѣ». И па́ки: «взы́де на херуви́мъ и летѣ́, возлетѣ́ на крилу́ вѣ́треню». О се́мъ и Авва́кумъ рече́: «вознесе́ся со́лнце, и луна́ ста́ въ чину́ свое́мъ». Христа́ со́лнца нарече́, а луно́ю Це́рковь именова́. Прему́дрый же, усмотри́въ тацѣ́хъ дѣ́лъ высоту́, рече́: «се́ Христо́съ пріи́де, скача́ по гора́мъ и прескача́ хо́лми». Скака́ніе имену́етъ съ небесе́ во чре́во Дѣ́выя сни́тіе, о́тъ чрева же во я́сли, отъ я́слей же на́ крестъ, со креста́ же во́ гробъ, о́тъ гроба же, я́ко Бо́гъ воста́въ, вознесе́ся на́ небо. Вся́ на́съ ра́ди Христо́съ сотвори́. Ено́хъ бо и Илія́ взя́та бы́ста на высоту́, Госпо́дне Вознесе́ніе прообразу́юще. Дне́сь Госпо́дь на небеса́ взы́де. Блаже́нный Іовъ птенце́мъ Го́спода нарече́, я́ко тѣ́ло пе́рстное отъ земли́ вознесе́; я́ко возноше́нія та́йны не разумѣ́ша іюде́и ви́дѣвше. Се́ Го́спода Бо́га и Спа́са на́шего Вознесе́ніе не небеса́ — всѣ́хъ чюднѣ́е пра́здникъ: дне́сь бо небе́сный кру́гъ, ликовству́я...» (М., 1910.) далѣе...


"ТРІОДЬ ЦВѢТНАЯ". СЛУЖБА ВЪ ПЯТОКЪ 7-Й СЕДМИЦЫ. ОТДАНІЕ ВОЗНЕСЕНІЯ (1864)

Вознесение Господне «Госпо́дь вознесе́ся на небеса́, да по́слетъ Утѣ́шителя мíру: небеса́ угото́ваша престо́лъ Его́, о́блацы — восхожде́ніе Его́. Ангели дивя́тся, Человѣ́ка зря́ще превы́ше себе́. Отецъ жде́тъ, Его́же въ нѣ́драхъ и́мать Соприсносу́щна; Ду́хъ же Святы́й вели́тъ всѣ́мъ а́нгеломъ Его́: возми́те врата́, кня́зи, ва́ша, вси́ язы́цы, восплещи́те рука́ми, я́ко взы́де Христо́съ, идѣ́же бѣ́ пе́рвѣе. — Го́споди, Твоему́ Вознесе́нію удиви́шася херуви́ми, зря́ще Тебе́, Бо́га, на о́блацѣхъ восходя́ща, на ни́хъ сѣдя́щаго; и сла́вимъ Тя́, я́ко бла́га ми́лость Твоя́: сла́ва Тебѣ́! — На гора́хъ святы́хъ зря́ще Твое́ Вознесе́ніе, Христе́, Сія́ніе сла́вы Отчи, воспѣва́емъ Тво́й свѣтообра́зный лица́ зра́къ, кла́няемся Страсте́мъ Твои́мъ, почита́емъ Воскресе́ніе, сла́вное Вознесе́ніе сла́вяще: поми́луй на́съ. — Го́споди, апо́столи я́ко ви́дѣша Тя́, на о́блацѣхъ возноси́ма, рыда́ніемъ сле́зъ, Жизнода́вче Христе́, ско́рби исполня́еми, рыда́юще, глаго́лаху: Влады́ко, не оста́ви на́съ си́рыхъ, и́хже за милосе́рдіе возлюби́лъ еси́ рабы́ Твоя́, я́ко Благоутро́бенъ, но посли́, я́коже обѣща́лъ еси́ на́мъ, Пресвята́го Твоего́ Ду́ха, просвѣща́юща ду́ши на́ша. — Взы́де Богъ въ воскликнове́ніи, Госпо́дь во гла́сѣ тру́бнѣ, е́же вознести́ па́дшій о́бразъ Ада́мовъ и посла́ти Ду́ха Утѣ́шителя, е́же освяти́ти ду́ши на́ша...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ ЧЕТВЕРТОКЪ 7-Й СЕДМИЦЫ ПО ПАСХѢ (1864)

Вознесение Господне «Еже о всѣ́хъ соверши́въ спасе́ніе, на го́ру прише́лъ еси́ Елео́нскую, Христе́, отону́дуже и взя́лся еси́ предъ ученики́ Твои́ми, на небеса́ со сла́вою носи́мь. Тѣ́мже, та́инству дивя́щеся, го́рнимъ взыва́ху до́льніи чи́нове: возми́те врата́, и вни́детъ, отону́дуже изы́де, всѣ́ми ца́рствуяй Бо́гъ, я́коже благоволи́, пресла́вно мíрови спасе́ніе содѣ́лавъ. — Учени́ческій ли́къ Тебе́, я́коже зря́ше взима́ема, глаго́лаше: Влады́ко, ка́ко ны́нѣ оставля́еши рабы́ Твоя́? и ка́мо и́деши, Иже рука́ма Содержа́й концы́? Мы́ же, оста́вивше вся́, Тебѣ́, Бо́гу, послѣ́довахомъ ра́дующеся, во вѣ́ки съ Тобо́ю наде́жду иму́ще бы́ти. Не оста́ви си́рыхъ на́съ, я́коже обѣща́лся еси́, Спа́се на́шъ Милосе́рде, Утѣ́шителя посли́ и Спа́са ду́шъ на́шихъ. — Соверше́ннѣйшее подая́ благослове́ніе друго́мъ Твои́мъ, Влады́ко, та́йно научи́лъ еси́ и́хъ: зри́те, дру́зи, иду́ ко Отцу́, ва́мъ же послю́ Ино́го Утѣ́шителя, вы́ же сѣ́тованіе все́ отри́ните. Не оста́влю бо ове́цъ, я́же собра́хъ; не забу́ду, и́хже возлюби́хъ. Боже́ственною съ высоты́ обо́лкшеся си́лою, иди́те, глаго́люще во вся́ язы́ки спасе́нія благовѣща́ніе. — Взы́де Богъ въ воскликнове́ніи, Госпо́дь во гла́сѣ тру́бнѣ, е́же вознести́ па́дшій о́бразъ Ада́мовъ и посла́ти Ду́ха Утѣ́шителя, е́же освяти́ти ду́ши на́ша...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ СРЕДУ 7-Й СЕДМИЦЫ ПО ПАСХѢ (1864)

Вознесение Господне «Зря́щимъ боже́ственнымъ Твои́мъ ученико́мъ, возне́слся еси́ къ небе́снымъ и сѣ́лъ еси́ одесну́ю Роди́теля, Того́ неразлуче́нный, Пресу́щественный Сы́не. И, я́коже ре́клъ еси́, посла́лъ еси́ Утѣ́шителя, небе́сныя земны́я сотворя́юща, му́дрыя, и богоглаго́ливыя, и свяще́нныя апо́столы Твоя́. — Воплоти́лся еси́ за неизрече́нную, Іису́се, бла́гость, и кре́стъ, и сме́рть, Безсме́ртне, во́лею претерпѣ́лъ еси́, и па́ки тридне́венъ воскре́съ изъ ме́ртвыхъ, по дне́хъ четы́редесятихъ возне́слся еси́, отону́дуже пе́рвѣе соше́лъ еси́, умири́въ земна́я и всѣ́хъ приве́дъ Роди́телю. — На о́блацѣхъ я́ко ви́дѣша Тя́ взима́ема, Го́споди, му́дріи апо́столи, рыда́юще и сѣ́тованія испо́лнени, вопія́ху со слеза́ми: не оста́ви си́рыхъ, и́хже за милосе́рдіе возлюби́лъ еси́, но посли́ на ны́, я́коже обѣща́лъ еси́, Всеще́дре, Пресвята́го Твоего́ Ду́ха, просвѣща́ющаго ду́ши на́ша. — Пріиди́те, вѣ́рныхъ собра́ніе, умы́ та́йно научи́вшеся ученико́въ Христо́выхъ, непреста́нную пѣ́снь рце́мъ, на Елео́нской горѣ́ я́ко апо́столи, съ Дави́домъ возопіи́мъ: взы́де Бо́гъ въ воскликнове́ніи, Госпо́дь во гла́сѣ тру́бнѣ! Да изба́витъ колѣ́на человѣ́ческая отъ собла́знъ го́рдаго и просвѣти́тъ ду́ши на́ша. — Чу́до новолѣ́пное: человѣ́ческое бо естество́ на небеса́ взы́де, соедини́вшееся Сло́ву Бо́гу Вседержи́телю...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВО ВТОРНИКЪ 7-Й СЕДМИЦЫ ПО ПАСХѢ (1864)

Вознесение Господне «Пострада́лъ еси́, я́ко Человѣ́къ, Безстра́стный Божество́мъ, и воскре́слъ еси́ тридне́венъ, Плѣни́вый сме́рть и Совоскреси́вый вся́ истлѣ́вшія, и Возне́слся еси́, Христе́, ко Отцу́, обѣща́въ посла́ти Утѣ́шителя свяще́ннымъ апо́столомъ Твои́мъ, Іису́се Всеси́льне, Спа́се ду́шъ на́шихъ. — Вы́ что́ стоите́, зря́ще на не́бо? — ви́диміи а́нгели, я́ко человѣ́цы, глаго́лаху Сло́ва таи́нникомъ. — Се́й, Его́же зрите́, о́блакомъ свѣ́тлымъ Вознося́щася, То́йже пріи́детъ, и́мже о́бразомъ ви́дѣсте Его́, суди́ти мíру, я́коже рече́. Ше́дше у́бо, вся́ рече́нная сотвори́те. — Егда́ прише́лъ еси́ на го́ру, Христе́, Елео́нскую, Отчее соверши́ти благоволе́ніе, ужасо́шася небе́сніи а́нгели и устраши́шася преиспо́дніи. Предста́ша же ученицы́ съ ра́достію тре́петни, я́ко глаго́лалъ еси́ и́мъ, я́ко престо́лъ же готовля́шеся проти́въ о́блакъ жду́щій; врата́ же не́бо отве́рзшее добро́ту явля́ше, и земля́ сокро́вища открыва́етъ, Ада́мову схожде́нію я́ко позна́тися и па́ки восхожде́нію. Но стопы́ у́бо возвыша́хуся, я́коже ру́цѣ, уста́ же вельми́ благословля́ху, я́коже слы́шашеся, о́блакъ подъе́мляше, и не́бо вну́трь Тебе́ прія́тъ. Дѣ́ло сіе́, Го́споди, содѣ́лалъ еси́ вели́кое и пресла́вное, во спасе́ніе ду́шъ на́шихъ. — Возне́слся еси́ къ Твоему́ Роди́телю, Ще́дре, отону́дуже не разлучи́лся еси́, и возне́слъ еси́ до́лу лежа́щее естество́, Влады́ко...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ ПОНЕДѢЛЬНИКЪ 7-Й СЕДМИЦЫ ПО ПАСХѢ (1864)

Православная Церковь - ковчег спасения «Изъ чре́ва роди́лся еси́ пре́жде денни́цы, отъ Отца́ безма́теренъ пре́жде вѣкъ; а́ще и Арій тва́рь Тя́, а не Бо́га сла́витъ, де́рзостію смѣша́я Тя́, Зижди́теля, тва́ремъ безу́мно, вещество́ огня́ вѣ́чнаго себе́ сокро́вищствуяй. Но Собо́ръ, и́же въ Нике́и, Сы́на Бо́жія Тя́ проповѣ́да, Го́споди, Отцу́ и Ду́ху Сопресто́льна. — Кто́ Твою́, Спа́се, ри́зу раздра́? — Арій, Ты́ ре́клъ еси́, и́же Тро́ицы пресѣче́ Единоче́стное Нача́ло въ раздѣле́нія; се́й отве́рже Тя́ бы́ти Еди́наго отъ Тро́ицы, се́й и Несто́рія учи́тъ Богоро́дицу не глаго́лати. Но Собо́ръ, и́же въ Нике́и, Сы́на Бо́жія Тя́ проповѣ́да, Го́споди, Отцу́ и Ду́ху Сопресто́льна. — Въ бре́гъ па́даетъ грѣха́ Арій, возненави́дѣвый свѣ́та ви́дѣти, и боже́ственною растерза́ется у́дицею вну́треннихъ, все́ изда́ти существо́ и ду́шу ну́ждно, другíй Іу́да бы́въ нра́вомъ и о́бразомъ. Но Собо́ръ, и́же въ Нике́и, Сы́на Бо́жія Тя́ проповѣ́да, Го́споди, Отцу́ и Ду́ху Сопресто́льна. —Все собра́вше душе́вное худо́жество и Боже́ственнымъ Ду́хомъ разсмотри́вше небе́сный и честны́й Сѵмво́лъ вѣ́ры, честнíи отцы́ богопи́саннѣ начерта́ша; въ не́мже я́вственнѣйше Ро́ждшему Собезнача́льнаго Сло́ва науча́ютъ и всеи́стинно Единосу́щнаго, апо́стольскимъ послѣ́дующе проявле́нно уче́ніемъ, благосла́вніи и пребога́тіи и́стинно и богому́дріи...» (Кіевъ, 1864.) далѣе...


"ТРІОДЬ ЦВѢТНАЯ". СЛУЖБА ВЪ НЕДѢЛЮ 7-Ю ПО ПАСХѢ (СВВ. ОТЕЦЪ, ИЖЕ ВЪ НИКЕИ) (1864)

Собор Святых Отцов «Синакса́рій въ недѣ́лю святы́хъ оте́цъ, и́же въ Нике́и. Въ то́йже де́нь, въ недѣ́лю седму́ю по Па́сцѣ, и́же въ Нике́и Пе́рвый Собо́ръ пра́зднуемъ три́ста и осмина́десяти богоно́сныхъ оте́цъ, вины́ ра́ди сицевы́я: Поне́же бо Госпо́дь на́шъ Іису́съ Христо́съ, въ пло́ть оболкíйся, ю́же по на́мъ смотре́ніе все́ неизрече́нно дѣ́йствова, и ко Оте́ческому па́ки взы́де престо́лу, хотя́ще показа́ти святíи, я́ко вои́стинну Сы́нъ Бо́жій бы́сть Человѣ́къ, и соверше́нный Человѣ́къ вознесе́ся Бо́гъ, и сѣ́де одесну́ю вели́чествія на высо́кихъ, Собо́ръ се́й святы́хъ оте́цъ та́ко Его́ проповѣ́да, и исповѣ́да Единосу́щна и Единоче́стна Отцу́. Си́мъ сло́вомъ по сла́вномъ Вознесе́ніи настоя́щій уста́виша пра́здникъ, а́ки собра́ніе толи́кихъ оте́цъ предъизводя́ще, Сего́ во пло́ти возне́сшася Бо́га и́стинна и во пло́ти Человѣ́ка соверше́нна проповѣ́дающе. Собо́ръ же се́й бы́сть при Константи́нѣ Вели́цѣмъ царѣ́, въ двадеся́томъ лѣ́тѣ ца́рства его́, гоне́нію преста́вшу. Се́й въ Ри́мѣ пре́жде облада́ше, пото́мъ же и всесла́вный Константи́нь гра́дъ себѣ́ тезоимени́тъ созда́въ. Въ лѣ́то отъ созда́нія мíра пя́ть ты́сящь о́смьсотъ три́десять осмо́е, я́же на Арія нача́ша глаго́лати. Иже Арій бя́ше у́бо отъ Ливíи, во Александрíю же прише́дъ, и діа́конъ отъ священному́ченика Петра́ Александрíйскаго поста́вленъ бы́въ...» (Кіевъ, 1864.) далѣе...

Просьба о молитвенной поддержкѣ

Просимъ молитвъ нашихъ читателей о здравіи и спасеніи рабовъ Божіихъ, Александра, Людмилы, Евгенія, Александра, Анны, Раисы, чьими трудами созданъ и поддерживается нашъ сайтъ.

Нашъ баннеръ

Просимъ Васъ поддержать нашъ сайтъ:

Баннеръ Размѣры Кодъ баннера
88 x 31 <!--osanna.russportal.ru-->
<a href=http://osanna.russportal.ru><img src=http://osanna.russportal.ru/image/osanna88x31.gif width="88" height="31" border=0 title='Собрание Богослужебных текстов Православной Церкви'></a>
<!--osanna.russportal.ru-->


Наверхъ

0